شەتسىز دە شەكسىز ءشول دالادان اسقارالى تيانشانعا دەيىن، مۇزدىق، قار سۋىنان مۇناي، گاز، كومىر ەلەكترىنە دەيىن، ەكپىندەي ىلگەرىلگەن جۇڭگولىقتار شينجياڭنىڭ بايتاق دالاسىندا اسقاق حيكايالاردى ءبىر - بىرلەپ جازۋدا. بۇل ارادا جەردى 10 مىڭ مەتر تەرەڭدىكتە بۇرعىلاعان حيكايا بار، ”اجال تەڭىزىن“ اينالعان كەرەمەت ينجەنەريا بار، عالامات تەحنيكالارمەن سالىنعان ”شينجياڭ ءۇش قىساڭى“ تيپتىك مىسالدارى دا بار. ”ءىرى ەل ينجەنەرياسى“ شينجياڭدا ءسىزدى باستاپ وسىزامان عىلىم - تەحنيكاسىنىڭ شينجياڭدا جاراتقان دۇنيە جۇزىلىك كەرەمەتتەرىمەن تانىستىرادى!
تيانشان جەڭىس تۋنەلىندە ”تيانشان ءنومىرلى“، ”جەڭىس ءنومىرلى “بۇرعىلاۋشى ماشينالار مىڭ مەترلىك تەرەڭدىكتە ميلليمەترلىك دالدىكپەن ىلگەرىلەپ ۇشتاسۋدا؛ شىعىس تيانشاننىڭ ەتەگىندە گازدى باتىستان شىعىسقا جەتكىزۋدىڭ 4 جەلىسى قۇبىر توسەپ، قۇرىلىس جۇرگىزۋدى قاۋىرت جۇرگىزۋدە؛ ون مىڭ مەترلىك بيىكتىكتە بەيدوۋ جاساندى سەرىك جول نۇسقاۋ جۇيەسى ءۇرىمجى حالىقارالىق اۋەجايى T4 تەرمينال عيماراتى ءۇشىن ۋاقىت پەن كەڭىستىك كورديناتاسىن دالدىكپەن قامدادى...
ءبىر - بىرلەگەن ۇلى ەل ينجەنەرياسى جۇڭگونىڭ قۇرۋ جاعىنداعى قۋاتتىلىعىن، جۇڭگو جاسامپازدىعىنىڭ شەبەرلىگىن، جۇڭگو جاساۋىنىڭ بىرەگەيلىگىن ايگىلەدى. «ۇلى ەل ينجەنەرياسى شينجياڭدا» قاتىناس، ەنەرگيا، سۋ يگىلىگى، كاسىپ سالاسى سياقتى كەلەلى ينجەنەريا نىساندارىنا نازاردى شوعىرلاندىرىپ، شينجياڭنىڭ جوعارى ساپالى دامۋىنىڭ سەنىمىن ايگىلەپ، شينجياڭداعى ءار ۇلت جۇرتشىلىعىنىڭ ماقتانىش سەزىمىن نىعايتىپ، جۇرت كوڭىلىن جەلپىندىرىپ، سەنىمدى بەكەمدەپ، تۇتاس شينجياڭنىڭ ءارقايسى ىستەرىنىڭ جوعارى ساپالى دامۋىن جەدەل ىلگەرىلەتتى.
