بەلگىلى ءبىر حالىقارالىق زەرتتەۋ گرۋپپاسى جۋىردا ۇزاق عۇمىر كەشۋدىڭ مىناداي قاراپايىم ادىستەرىن جاريالاعان. بۇل ادىستەرىن تاباندىلىقپەن جالعاستىرسا، دەنساۋلىق اقاۋسىزدىعى مەن ۇزاق عۇمىر كەشۋگە كەپىلدىك ەتۋگە بولادى ەكەن.
شاتتانا وتىرىپ ءان سالۋ: ا ق ش - تىڭ قارتتار عىلمي قوعامى زەرتتەۋ ورتالىعى تامامداعان زەرتتەۋ ناتيجەسىندە كورسەتىلۋىنشە، وپەرا انشىلەرىنىڭ جۇرەك قىزمەتىنىڭ قۋاتى قاراپايىم ادامداردىكىمەن سالىستىرعاندا الدەقايدا جاقسى بولادى ەكەن. مۇنان ءبىز ءان سالۋدىڭ عۇمىردى ۇزارتاتىندىعىن اڭعارا الامىز.
جۇگىرۋ: ا ق ش - تا شىعاتىن «نيۋ - يورك ۋاقىت گازەتىندە» جۋىردا جاريالانعان حاباردا بىلاي دەلىنگەن: زەرتتەرمەندەردىڭ كولەمدى ۇلگى الىپ تەكسەرۋ ناتيجەسىنە قاراعاندا، ءار كۇنى جۇگىرۋگە داعدىلانعان ادامداردىڭ عۇمىرى جۇگىرمەيتىندەرگە قاراعاندا 3 جىل ۇزاق بولادى. بۇدان سىرت، كۇنىنە 5 مينۋت جۇگىرۋگە ادەتتەنسە، دەنساۋلىق اقاۋسىزدىعىن قورعاۋ ماقساتىنا جەتۋگە بولادى ەكەن.
ءبىر ورىندا قوزعالماي ۇزاق وتىرماۋ: ءبىر ورىننان قوزعالماي ۇزاق وتىرۋ قارتتار جونىنەن العاندا جاقسى ادەت ەمەس. ۇلى بريتانياداعى «مەديتسينا جۋرنالىندا» جاريالانعان زەرتتەۋ مالىمەتىندە كورسەتىلۋىنشە، ادام كۇنىنە 3 ساعاتتان اسىرىپ ۇزاق وتىرسا، ءومىرى مەجەمەن 2 جىل قىسقارادى ەكەن.
سارى جەمجەمىل: جۋىردا تامامدالعان زەرتتەۋ ناتيجەسىنە قاراعاندا، سارى جەمجەمىلدىڭ قۇرامىندا ءتۇرلى اۋرۋعا قارسىلىق كورسەتە الاتىن وتە قۇدىرەتتى ءبىر ءتۇرلى توتىقتاندىرعىش قۇرام بار ەكەن.
جاسىل ءتۇستى كوكونىس تۇتىنۋ: قورەكتىك ماماندارىنىڭ جۋىرداعى زەرتتەۋ ناتيجەسىندە بىلاي دەلىنگەن: جاسىل جاپىراقتى كوكونىستە كاروتين جانە سارى پەگمەنت وتە كوپ بولادى. سوندىقتان جاسىل كوكونىستى كوپ تۇتىنسا سۇيەك بوستىعىنان ساقتانۋعا بولادى.
قۇشاقتاسۋ: ا ق ش - تا شىعاتىن «حيوستون پوچتا گازەتىندە» جاريالانعان زەرتتەۋ مالىمەتىندە بىلاي دەلىنگەن: قۇشاقتاسۋ قان قىسىمدى تومەندەتىپ، جۇرەكتىڭ قىسىمىن جەڭىلدەتەدى.
كاپوستا تۇتىنۋ: ا ق ش - تىق زەرتتەرمەندەر جۋىردا مىنانى دالەلدەگەن: گۇل كاپوستانى تۇتىنسا راك اۋرۋىنان ساقتانىپ قالماستان، وكپەدەگى زالالدى قۇرامداردى تازالايدى ەكەن.
ۇيقىنى قاندىرۋ: ا ق ش - تىق زەرتتەرمەندەردىڭ جۋىردا جاريالاعان زەرتتەۋ مالىمەتىندە كورسەتىلۋىنشە، ادامنىڭ ۇيقىسى جاقسى بولماسا راك اۋرۋىنا شالدىعۋ حاۋپى جوعارىلايدى ەكەن.
كوڭىل كوتەرۋ: ۇلى بريتانيانىڭ زەرتتەرمەندەرى 70 مىڭ ادامنىڭ دەنساۋلىق اقاۋسىزدىعى ماتەريالىنا تالداۋ جاساعاننان كەيىن، تومەندەگىدەي كوزقاراستى ورتاعا قويعان: جەڭىل دارەجەدە مەڭىرەۋلىك اۋرۋىنا شالدىققانداردىڭ ەرتە كوز جۇمۋ سالىستىرماسى قالىپتى ادامداردان %29 جوعارى بولادى ەكەن.
قانت قۇرامىن ازايتۋ: جۋىردا باسپادان شىققان «ا ق ش مەديتسينا قوعامى ىشكى اۋرۋلار عىلمي جۋرنالىندا» جاريالانعان ءبىر زەرتتەۋ مالىمەتىندە بىلاي دەلىنگەن: قانتتى ءسىمىرۋ دارەجەسىنىڭ جوعارىلاۋىنا ساي، ادامداردىڭ جۇرەك قان تامىر اۋرۋى سالدارىنان قازا بولۋ حاۋپى دە جوعارىلايدى ەكەن.
تىنىش كۇيدى ساقتاۋ: حارۆارد ۋنيۆەرسيتەتىنىڭ زەرتتەرمەندەرى جۋىردا بىلاي دەدى: قاتتى اشۋلانعاننان كەيىنگى 2 ساعات ىشىندە جۇرەك اۋرۋىنىڭ قوزۋ مۇمكىندىگى 5 ەسە جوعارى بولادى ەكەن.
شاي ءىشۋ: ا ق ش - تىق زەرتتەرمەندەر جۋىردا تامامداعان زەرتتەۋ ناتيجەسىندە بىلاي دەپ قورىتىندىلانعان: شاي ءىشۋ ارتەريانىڭ قاتايۋى مەن ميعا قان قۇيىلۋ اۋرۋىنا شالدىعۋ حاۋپىن تومەندەتىپ، قارتايۋدى باياۋلاتادى.
الما جەۋ: زەرتتەۋدە دالەلدەنۋىنشە، كۇنىنە ءبىر تال الما جەپ تۇرسا، ءتۇرلى اۋرۋلاردان ساقتانۋعا بولادى ەكەن.
تەلەۆيزوردى از كورۋ: اۆستراليالىق زەرتتەرمەندەر جۋىردا مىنانى بايقاعان. كۇندە تەلەۆيزور كورۋ ۋاقىتى ءبىر ساعات ۇزارسا، ادامنىڭ جۇرەك قان تامىر اۋرۋىنا شالدىعۋ مۇمكىندىگى %18 جوعارىلايدى ەكەن.
بيلەۋ: ۇلى بريتانيا زەرتتەرمەندەرى مۇقيات تەكسەرىپ تالداۋ جاساعاننان كەيىن مىناداي قورىتىندى شىعارعان: بيلەۋ قان اينالىسىن جاقسارتىپ، قارتتاردىڭ كەۋدە بولىمىنە باراتىن قاندى كوبەيتىپ، قارتتاردا بولاتىن مەڭىرەۋلىك اۋرۋىنان ساقتايدى ەكەن.
سارىمساق جەۋ: ەلىمىز زەرتتەرمەندەرى ارناۋلى زەرتتەۋ جۇرگىزۋ ارقىلى مىناداي قورىتىندى شىعاردى: سارىمساقتىڭ قۇرامىنداعى اكتيۆ قۇرامدار ارتەريا قاتايۋ جانە ارتەريا قان تامىردىڭ توسىلۋىنان ساقتاپ، حولەستەريندى تومەندەتىپ، قاننىڭ ۇيۋىنان ساقتاپ، قانداعى قانتتى رەتتەپ، راك اۋرۋىنان ساقتايدى ەكەن.
قابىقتى جەمىستەردى تۇتىنۋ: اۆستراليالىق زەرتتەرمەندەردىڭ زەرتتەۋ ناتيجەسىندە كورسەتىلۋىنشە، كۇنىنە قابىقتى جەمىس - جيدەك تۇتىنسا جۇرەك اۋرۋىنا شالدىعۋ حاۋىپىن %29، راك اۋرۋىنا شالدىعۋ حاۋىپىن %11 تومەندەتۋگە بولادى ەكەن.
ءتىس ءتۇبىن قورعاۋ: شۆەتسيالىق زەرتتەرمەندەر زەرتتەۋ بارىسىندا مىناداي قورىتىندى شىعاردى: ءتىس ءتۇبىنىڭ قابىنۋى ارتەريانىڭ قاتايۋىنا سەبەپ بولىپ، جۇرەك قان تامىر اۋرۋىن تۋدىرادى ەكەن.
قارقىلداپ كۇلۋ: جاپونيالىق زەرتتەرمەندەر جۋىردا قارقىلداپ كۇلۋدىڭ قان قىسىمدى تومەندەتەتىندىگىن بايقاعان.
