ماماندار بالالاردىڭ دەنەسىندە 8 ءتۇرلى وزگەرىس تۋىلعان كەزدە، راك اۋرۋىنا وزگەرۋىنەن قىراعى بولۋدى ەسكەرتەدى.
1. ليمفا تۇيىندەرىنىڭ ءىسىنۋى. ليمفا تۇيىندەرىنىڭ ءىسىنۋى ۇزاق ۋاقىت قايتپاسا، مويىنداعى كوپتەگەن ليمفا تۇيىندەرىنىڭ توعىسۋ بەتالىسى كورىلسە نەمەسە ليمفا تۇيىندەرى قىسقا ۋاقىتتا ۇلكەيسە وسپەگە اينالۋدان قىراعى بولۋ كەرەك.
2. اۋىرمايتىن ىسىك. بالانىڭ تاماعى، قولتىعى، شابى، قۇرساعى، بەلى سياقتىلاردا ىسىك بايقالسا، اسىرەسە، اۋىرمايتىن ىسىك بولسا، ءسوزسىز، سەبەبىن انىقتاتۋ كەرەك.
3. ىلەزدىك اۋرۋ بەينەلەرى بايقالسا. مىسالى، تالما، كوزى قاراۋىتۋ نەمەسە توسىن جىعىلۋ، جۇرەگى اينۋ، قۇسۋ سياقتى ىلەزدىك اۋرۋ بەينەلەرى بايقالسا، نەرۆكە قاتىستى تەكسەرۋ جۇرگىزىپ، جابىسقاق زات وسپەسى سياقتى مي وسپەسى بولعان - بولماعانىن تەكسەرتۋ كەرەك.
4. ۇدايى قىزۋ. ادەتتەگى تۇماۋدان، وكپە قابىنۋدان قىزۋ بىرنەشە كۇندە قايتادى. الايدا سەبەپسىز قىزۋ ءبىر اپتاعا جالعاسىپ وڭالماسا، اسىرەسە، ۆيرۋسقا قارسى ەمدەۋدىڭ جانە انتيبيوتيك ەمدەۋدىڭ ءونىمى بولماسا، تەزدەن شيپاحاناعا كورىنۋ كەرەك.
5. اۋرۋ. ۇزاق ۋاقىت ۇدايى نەمەسە ءۇزىلىستى اۋرۋ، مىسالى، باس اۋىرۋ، قۇرساعى اۋىرۋ، بۋىندارى اۋىرۋ سياقتىلار.
6. ءىشى كەبۋ، قۇسۋ. قۇرساق بولىمدەگى جانە ىشەكتەگى وسپە ىشەك جولدارىنىڭ توسالۋىن كەلتىرىپ شىعارىپ، ءىشى كەبۋ، قۇسۋ سياقتى اس قورىتۋ جولدارى سىرقاتىنىڭ بەينەلەرىن تۋدىرادى.
7. كوز الماسى سىرتقا تەۋىپ، كوزى اۋرۋ. كوزدەگى كەيبىر وسپەلەر كوزدىڭ جايسىزدانۋىن تۋدىرۋى مۇمكىن.
8. قان ازدىق، قان شىعۋ. سەبەپسىز ءوڭى قۋارسا نەمەسە ءتىس تۇبىنەن قان شىقسا، تەرىسىنەن قان داقتارى نەمەسە قان ۇيىعانى بايقالسا، قانىن تەكسەرتىپ اق قان اۋرۋىنا شالدىققان - شالدىقپاعانىن انىقتاۋ كەرەك.
