بالانىڭ اقىلى اناسىنا بايلانىستى. عالىمدار بالاعا سانانىڭ اناسى ارقىلى بەرىلەتىنىن ايتادى. ولاردىڭ ايتۋىنشا، ينتەللەكتىنىڭ دامۋىن انىقتايتىن گەندەر ح حروماسوماسىمەن بايلانىستى.
بۇل حروماسرما ايەلدەردە ەكەۋ، ال ەرلەردە بىرەۋ. ءتىپتى كەيبىر گەندەر اناسىنان بەرىلگەن جاعدايدا عانا جۇمىس ىستەيتىن كورىنەدى.
ال، اكەسىنەن بەرىلگەن جاعدايدا ولار «جۇمىسىن توقتاتادى» . اكەدەن بەرىلەتىن گەندەر كوڭىل كۇي مەن ينستينكتى بىدىرەدى. سونداي- اق، اشتىق، اگرەسسيا سىندى قاسيەتتەردى باقىلايدى. ال، انالىق جاسۋشالار ادامنىڭ مي جۇيەسىندەگى ەستە ساقتاۋ قابىلەتى، سويلەۋ، قابىلداۋ سىندى قاسيەتتەردى رەتتەيدى.
الايدا، سانالىلىق بارلىق جاعدايدا گەندەرمەن بايلانىسا بەرمەيدى. ميننەسوت ۋنيۆەرسيتەتىنىڭ عالىمدارى اناسىمەن تىعىز بايلانىستا بولعان بالانىڭ ەكى جاسىندا- اق سيمۆوليكالىق قيىن ويىنداردى شەشۋگە قابىلەتتى بولعانىن ايتادى. تاعى ءبىر زەرتتەۋ ناتيجەسى بويىنشا، ۇقىپتى انالاردىڭ بالالارىنىڭ مي بولىگى ۇلكەن ەكەنى، ەستە ساقتاۋ قابىلەتى جاقسى ەكەنى انىقتالعان.
