ۋدى ۋ قايتارادى. ال قىزعانىشتى شە؟ جىگىتىڭىز ءسىزدىڭ جۇيكەڭىزدى سارقىپ ءىشىپ، جايدان جاي ءسىزدى قىزعاندىرا بەرسە، وعان دا سونداي جاۋاپ قايتارۋدى دۇرىس سانايسىز با؟
كوپشىلىك قىزعانىشسىز ماحاببات بولمايدى دەگەن پىكىردى ۇستانادى. كەي جىگىتتەر سۇيىكتىلەرىنىڭ شامىنا ءتيىپ ادەيى قىزعاندىرسا، كەيبىرى سىناپ كورگىسى كەلەدى. وسى ساتتە قىزدار قاۋىمىنىڭ كوپشىلىگى اشۋعا بۋلىعىپ، رەنجىپ قالسا، ەندى ءبىرى ءمىز قاقپايدى. قىزعاندىرۋ ماسەلەسىنە قالاي جاۋاپ بەرگەن دۇرىس؟
ارينە، بولعان جاعدايعا جاۋاپ بەرۋ ادامنىڭ مىنەزى مەن تەمپەرامەنتىنە بايلانىستى. جايلى مىنەزدىلەر ءۇنسىز قالسا، ەسەسىن جىبەرگىسى كەلمەيتىندەر مۇمكىندىگىنشە جاۋاپ بەرۋگە تىرىسادى.
پسيحولوگتاردىڭ ايتۋىنشا، سەزىمنىڭ سۋىنىپ بارا جاتقان كەزىندە استىرتىن تەكسەرۋ ءۇشىن كەي ادامدار سىڭارىن ادەيى قىزعاندىرۋى مۇمكىن. ولار سۇيىكتىلەرى تۇگىلى، وزدەرىنە دە سەنىمسىز جاندار. ولار وزىنە نازار اۋدارتۋ ءۇشىن كەڭىستىگىنە ەنگىزەدى ەكەن. كەيبىرەۋلەرى ءتىپتى اشىقتان-اشىق قىزعاندىرۋى مۇمكىن.
بۇل جاعدايدا بارىنە سابىرمەن قاراعان ءجون. عاشىقتاردىڭ اراسىنداعى سەزىمنىڭ مۇنداي جاعدايعا جەتۋى - ەكى جاقتان دا كەتكەن قاتەلىك. بەتپە- بەت وتىرىپ، اڭگىمەنىڭ اشىعىن ايتىپ، قىزعاندىرعان سەبەبىن جانە ونىڭ ءتۇبى نەگە اكەلەتىندىگىن ايتا الۋ كەرەك.
كەيبىرى «مەنى قىزعاندىرسا، مەن دە قىزعاندىرا الامىن عوي» دەگەن قيىن ويدىڭ جەتەگىندە ءجۇرىپ، قاتە باسىپ قالادى. مۇنىڭ ارتى ءسىز ويلاعانداي ناتيجە بەرمەسە قيىن. نەگىزىندە، بۇل ويعا كوپ سالماق سالماعان ءجون.
ال ەكىنشى ءبىر توپ مۇلدەم وزگەشە. ولار ءبىر-ءبىرىن شەكسىز سۇيەدى. ءبىراق سىڭارى سۇيىكتىسىن قالجىڭمەن قىزعاندىرعىسى كەلەدى. ارتىندا ارتىق ويى جوق قىزعانىشتى سۇيىكتىسى دە ءبىلىپ تۇرادى. جىميىپ قانا قويىپ، «تەنتەگىم-اۋ» دەيتىن اسىل مىنەزدىلەر دە تابىلادى.
