قۇربان رۋحىن ۇيرەنۋ، قۇربان رۋحىن اسقاقتاتۋ، قۇربان رۋحىن ۇرپاقتان - ۇرپاققا جالعاۋ − ءبىزدىڭ كەزەكتە باس شۋجي شي جينپيڭنىڭ ماڭىزدى جاۋاپ حاتىنىڭ رۋحىن ۇيرەنۋ، ۇگىتتەۋ، دايەكتىلەندىرۋدەگى كەلەلى مىندەتىمىز، وتە - موتە، باس شۋجي شي جينپيڭنىڭ شينجياڭداعى ءار ۇلت حالقىنان كۇتكەن ءۇمىتى مەن ماڭىزدى تاپسىرىسىن ورىنداۋىمىزدىڭ ءىس جۇزىندىك ارەكەتى سانالادى.
جارتى عاسىردان استام ۋاقىتتان بەرى قۇربان رۋحى تاريحي بەلگىگە اينالىپ، داۋىرلىك رۋح دەڭگەيىنە كوتەرىلدى. قۇربان رۋحىنىڭ مايەگى − «پارتيانى، وتاندى، جۇڭحۋا ۇلتى ۇلى شاڭىراعىن قىزۋ ءسۇيۋ». ولاي بولسا، ءبىز قۇربان رۋحىن قايتكەندە ۇرپاقتان - ۇرپاققا جالعاي الامىز؟
باس نىسانا تانىمىن بەرىك ورناتۋ − قۇربان رۋحىن ۇرپاقتان - ۇرپاققا جالعاۋدىڭ ءتۇبىرلى كەپىلى. باس شۋجي شي جينپيڭ: ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە: قوعام ورنىقتىلىعى مەن باياندى تىنىشتىق شينجياڭ قىزمەتىنىڭ باس نىساناسى، - دەپ باسا دارىپتەگەن. ج ك پ اۆتونوميالى رايوندىق 9 - قۇرىلتايدا، اۆتونوميالى رايوندىق پارتكومنىڭ شۋجيى چىن چۋانگو «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي دايەكتى تياناقتاندىرىپ، شينجياڭنىڭ قوعام ورنىقتىلعى مەن باياندى تىنىشتىعىن جۇزەگە اسىرۋ جولىندا ىنتىماقتاسا كۇرەس جاسايىق» دەگەن بايانداماسىندا: الداعى 5 جىلدا شينجياڭداعى بارلىق قىزمەت وسى باس نىساناعا بويسۇنىپ، وسى باس نىسانا ءۇشىن قىزمەت وتەپ، وسى باس نىسانانى ارقاۋ ەتە ورىستەتىلىپ، جوسپارلانىپ، ىلگەرىلەتىلۋى كەرەك، - دەپ ايقىن اتاپ كورسەتتى. 13 - قاڭتاردا اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ ماڭىزدى جاۋاپ حاتىن جەتكىزىپ، ۇيرەنىپ، باس شۋجي شي جينپيڭنىڭ ىقىلاستى قامقورلىعىن قوزعاۋشى كۇش ەتىپ، شينجياڭنىڭ ورنىقتىلىعىنىڭ، دامۋىنىڭ جاڭا جاعدايىن ۇزبەي اشۋدى تالاپ ەتتى. سوندىقتان باس شۋجي شي جينپيڭنىڭ ماڭىزدى جاۋاپ حاتىنىڭ تەرەڭ ءمانىن، كەلەلى ماڭىزىن جەتە تانىپ، پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن، ج ك پ اۆتونوميالى رايوندىق 9 - قۇرىلتايدىڭ رۋحىن مۇقيات ۇيرەنىپ، تۇسىنگەندە عانا، قۇربان رۋحىن ۇرپاقتان - ۇرپاققا جالعاۋدىڭ نىساناسى مەن باعىتىن ايقىنداپ، ونى جۇرەككە توقىپ، ءىس جۇزىندىك ارەكەتتە ايگىلەپ، باس نىسانا تۋىن باستان - اياق بيىك ۇستاپ، اۋەلگى ماقساتتى ۇمىتپاي، ۇدەرە العا تارتا الامىز.
جاقسىدان ونەگە الۋعا ۇمتىلۋداي ءمورالدىق تالپىنىس − قۇربان رۋحىن ۇرپاقتان - ۇرپاققا جالعاۋدىڭ ىشكى قوزعاۋشى كۇشى. پارتيا 18 - قۇرىلتايىنان بەرى باس شۋجي شي جينپيڭ سوزدەرىندە «تاعىلىمداعى» ايگىلى ءسوز − «جاقسىدان ونەگە الۋعا ۇمتىلۋ» دەگەندى كوپ رەت قولداندى. نەشە ونداعان جىلداردان بەرى، تيانشاننىڭ تۇستىگى مەن تەرىستىگىنەن ۇلتتار ىنتىماعىنىڭ جىرلاۋعا تاتيتىن كوپتەگەن تيپتەرى جارىققا شىقتى، جۇرت ولاردى اۋىزدان - اۋىزعا جەتكىزىپ، ەستىگەن ادامنىڭ ەسىنە قالدىردى. شينجياڭداعى ءار ۇلت حالقى ۇلتتار ىنتىماعىنىڭ ۇلگىلەرىن قادىرلەپ قۇرمەتتەيدى، بۇل ۇلگىلى تيپتەر شينجياڭداعى ءار ۇلت حالقىن اسەرلەندىردى، ولاردى كورىكتى شينجياڭ قۇرۋعا تىنباي قۇلشىنىس جاساۋعا شابىتتاندىردى. قۇربان رۋحى جۇڭحۋا ۇلتى تاعدىرلاس ورتاق تۇلعا تانىمىن، ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى مۇراتتاستىقتى ايگىلەدى، ول ءداۋىردىڭ ونەگەسى، ءبىز جۇڭحۋا ۇلتىنىڭ ءداستۇرلى تاماشا ءمورالىن اسقاقتاتىپ، جاقسىدان ونەگە الۋعا ۇمتىلىپ، قۇربان رۋحىن بارىنشا ساۋلەلەندىرۋىمىز كەرەك.
«مەنەن باسقا ەشكىم جوق» دەگەن رۋحپەن جاۋاپكەرلىكتى ۇستىنە الۋ − قۇربان رۋحىن ۇرپاقتان - ۇرپاققا جالعاۋدىڭ ارەكەت تۇسىندىرمەسى. بىرنەشە كۇننەن بەرى ءار ۇلت حالقى باس شۋجي شي جينپيڭنىڭ جاۋاپ حاتىن قىزۋ تالقىلادى، كوپشىلىك باس شۋجي شي جينپيڭنىڭ جاۋاپ حاتى تەك قۇربان اتايدىڭ وتباسىنداعىلارىنا عانا جازىلعان ەمەس، قايتا شينجياڭداعى ءار ۇلت حالقىنا جازىلعان حات ەكەنىن تانىپ جەتتى. شىنىندا دا، ۇرپاقتان - ۇرپاققا جالعاۋ قۇربان اتايدىڭ ۇرپاقتارىنىڭ عانا، ءبىر قىستاق، ءبىر اۋداننىڭ عانا ءىسى ەمەس، قايتا شينجياڭداعى ءار ۇلت حالقى، ءسىز، ءبىز بولىپ ۇرپاقتان - ۇرپاققا جالعاۋىمىز كەرەك، ءبىز ونى ءاربىر قوعامدىق ۇيىمعا، ءاربىر وتباسى مۇشەسىنە، ءار ادامنىڭ جۇرەك تۇكپىرىنە ۇيالاتۋىمىز كەرەك. «ۇلتتار ىنتىماعىنىڭ بەرەكەلى شاڭىراعى» قيمىلى، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ورىستەتۋ قۇربان رۋحىنا مۇراگەرلىك ەتكەندىك؛ كادرلاردىڭ نەگىزگى ساتىنىڭ الدىڭعى شەبىنە تۇراقتاپ، ورنىقتىلىق جانە دامۋدىڭ ءتۇرلى مىندەتتەرىن تياناقتاندىرۋى، اۆتونوميالى رايوندىق پارتكوم العا قويعان 9 ءىرى حالىققا تيىمدىلىك جاساۋ ينجەنەرياسىن مىقتى يگەرۋى دە قۇربان رۋحىنا مۇراگەرلىك ەتكەندىك؛ ءار ۇلت حالقىنىڭ شىن جۇرەكتەن جۇپ قۇراپ، تۋىس بولىپ، ۇلتتاردىڭ تاتۋ - ءتاتتى ءوتۋىن، ءبىر جاعادان باس، ءبىر جەڭنەن قول شىعارىپ، جاراسىمدى دامۋىن ىلگەرىلەتۋى انە سونداي قۇربان رۋحىنا مۇراگەرلىك ەتكەندىك. مۇنداي مۇراگەرلىك ەتۋ ۇنەمىلىككە، سانالىلىققا اينالىپ،ءبىزدىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ۇلى جورىق بارىسىمەن باستان - اياق ساباقتاسۋى كەرەك.
قۇربان رۋحى − شينجياڭداعى ءار ۇلت حالقىنا ورتاق رۋحاني بايلىق، شينجياڭداعى كوپ نەگىزدى مادەنيەت بايلىعىنداعى اسىل قازىنا. وزىمىزدەن باستاپ ىسكە كىرىسىپ، قۇربان رۋحىن ۇرپاقتان - ۇرپاققا جالعاپ، ماڭگىلىككە اينالدىرساق، «كورىكتى شينجياڭ قۇرىپ، وتان ارمانىن بىرگە جۇزەگە اسىرۋدى» قۇدىرەتتى رۋحاني قوزعاۋشى كۇشپەن قامداي الامىز.
