ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جولداس قۇربان تۇلىم اتايدىڭ ۇلكەن قىزى توحتىحان قۇربانعا جازعان ماڭىزدى جاۋاپ حاتىندا قۇربان اتايدىڭ ۇرپاقتارىن اۋىلداستارىمەن بىرگە پارتيانى، وتاندى ءسۇيۋدىڭ ۇلگىسى بولۋعا شابىتتاندىردى، بۇل باس شۋجيدىڭ قۇربان اتايدىڭ پارتيانى، وتاندى ءسۇيۋ ىقىلاسىن ايىرىقشا تۇراقتاندىرعانىن تولىق ايگىلەدى، وندا باس شۋجيدىڭ شينجياڭداعى ءار ۇلت حالقىنىڭ پارتيانى، وتاندى ءسۇيۋ ىقىلاسىنىڭ جالعاسا بەرۋىنە دەگەن شىنايى ءۇمىتى جاتىر.
پارتيانىڭ مەيىر - شاپاعاتى تەڭىزدەن دە تەرەڭ. «قۇربان اتايدىڭ ەسەكپەن بەيجيڭگە بارۋى» جونىندەگى حيكايانى جالپاق جۇرت تەگىس بىلەدى، وندا ەزىلگەن، قانالعان ۇيعۇر ديقاننىڭ جۇڭگو كوممۋنيستىك پارتياسىنىڭ باسشىلىعىندا ەڭسە كوتەرىپ، ازاتتىق الىپ، سوتسياليستىك جاڭا جۇڭگودا باقىتتى تۇرمىسقا كەنەلىپ، شەكسىز قۋانىشقا شومعان كوڭىل كۇيى، قۇربان تۇلىمنىڭ، اۋەلى، شينجياڭداعى ءار ۇلت جۇرتشىلىعىنىڭ جۇڭگو كوممۋنيستىك پارتياسىنا، ۇلى جاڭا جۇڭگوعا، سۇيىكتى كوسەمگە دەگەن شەكسىز سۇيىسپەنشىلىگى ناقتى باياندالعان. سونىمەن بىرگە جۇڭگو كوممۋنيستىك پارتياسىنىڭ ءار ۇلت حالقىنا دەگەن تەرەڭ سۇيىسپەنشىلىگىن ىشكەرىلەي بەينەلەپ، بۇكىل ىنتا - پەيىلمەن حالىق ءۇشىن قىزمەت ەتۋ ءتۇبىرلى ماقساتىن ايگىلەگەن. پارتيانىڭ شۇلەن شۇعىلاسىنا بولەنگەن شينجياڭداعى ءار ۇلت حالقى، بىرىنشىدەن، كەدەي، ەكىنشىدەن، اق بولۋدان كەدەيلىكتەن قۇتىلىپ اۋقاتتانۋعا ويىستى، بۇگىن دە جاپپاي دوڭگەلەك داۋلەتتى قوعام قۇرۋعا ارشىندى قادام تاستاۋدا.
پارتيانىڭ مەيىر - شاپاعاتى شەكسىز. پارتيا مەن مەملەكەت باسشىلارى تاريحتان بەرى شينجياڭداعى ءار ۇلت حالقىنىڭ قامىن جەپ، شينجياڭنىڭ ورنىقتىلىعىن، دامۋىن قولداپ كەلەدى. وتە - موتە، پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە قىرۋار كۇش - قۋاتىن جۇمساپ، شينجياڭ قىزمەتىنە تەكسەرۋ جۇرگىزىپ، ورنالاستىرۋ جاسادى، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن اشىپ، جاڭا جاعدايدا پارتيانىڭ شينجياڭدى جونگە سالۋ جالپى جوباسىن تۇراقتاندىرىپ، ءبىر قىدىرۋ توتەنشە ساياساتتى اتقارىپ، بۇكىل ەلدىڭ كۇشىن جۇمىلدىرىپ، شينجياڭعا باعىتتامالى كومەكتەسۋدى العا ىلگەرىلەتتى. اۆتونوميالى رايون قۇرىلعاندىعىنىڭ 60 جىلدىعىنا وراي، باس شۋجي شي جينپيڭ گراموتاعا «كوركەم شينجياڭ قۇرىپ، وتان ارمانىن بىرگە جۇزەگە اسىرايىق» دەگەن ارناۋ ءسوز جازىپ بەردى، پارتيانىڭ قامقورلىعى، وتاننىڭ مەيىر - شاپاعاتى دەگەن وسى. بۇگىن دە شينجياڭنىڭ ءتۇرلى ىستەرى ايتارلىقتاي دامىپ، بۇكىل شينجياڭداعى ءار ۇلت حالقىنىڭ تۇرمىسى جاپپاي جاقساردى. پارتيانىڭ باستان - اياق قامقورلىعى مەن قولداۋى بولماسا، بۇكىل ەل حالقىنىڭ شينجياڭعا اسا زور كومەگى، قالتقىسىز ۇلەسى بولماسا، شينجياڭداعى ءار ۇلت حالقىنىڭ بۇگىنگىدەي باي، باقىتتى تۇرمىسى دا بولماس ەدى.
سۇيىسپەنشىلىك بار جەردە ماحاببات بار، جاقسىلىقتىڭ قارىمجىسى بولادى. پارتيانى، وتاندى ءسۇيۋ ىقىلاسى شينجياڭداعى ءار ۇلت حالقىنىڭ قانىنا سىڭگەن. كوپ جىلدان بەرى شينجياڭدا قۇربان اتاي سياقتى پارتيانى، وتاندى سۇيەتىن كوپتەگەن كورنەكتى ۋاكىلدەر جارىققا شىقتى. لوپنۇر اۋدانى شيڭپيڭ اۋىلى داشي قىستاعى پارتيا ياچەيكاسىنىڭ شۋجيى ساۋۇر ماڭلىك بۇقارانى باستاپ، قاجىرلىلىقپەن كۇرەس جۇرگىزىپ، ورمان بەلدەۋى، سالالى اتىزى جوق، جاراتىلىستىق اپاتتان كوز اشپايتىن كەدەي قىستاقتى سوتسياليستىك جاڭاشا قىستاقتان ۇلگى كورسەتۋ قىستاعى ەتىپ قۇردى. مارالباسى اۋدانى شۇڭقىرشاق اۋىلى تيىرمەنباسى قىستاعى پارتيا ياچەيكاسىنىڭ شۋجيى داۋىت اشىم جەر سىلكىنىسى اپاتىندا 5 بىردەي جان اشىر جاقىنىنان ايرىلعان بولسا دا، اۋىر قايعىعا ءتوزىپ، اۋىلداستارىن باستاپ جەر سىلكىنىسى اپاتىنا قارسى اتتانۋ، اپاتتان قۇتقارۋ، اتا مەكەندى قايتا قۇرۋ جۇمىستارىن جۇرگىزىپ، تۇتاس قىستاقتىڭ «قورمالى» مەن «تىرەگىنە» اينالادى. ولاردىڭ بارلىعى ءىس جۇزىندىك ارەكەتتەرى ارقىلى پارتيانى، وتاندى ءسۇيۋ ىقىلاسىن ءبىلدىردى.
پارتيانى، وتاندى ءسۇيۋدىڭ ۇلگىلەرى بولۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن شىنايى ءۇمىتى. جاڭا ۇزاق جورىقتا قۇربان اتايدىڭ پارتيانى، وتاندى ءسۇيۋ ىقىلاسىن جالعاستىرۋدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شينجياڭ استانا بەيجيڭنەن شالعايدا جاتقانىمەن، ءار ۇلت بۇقاراسىنىڭ تىلەگى شي جينپيڭ جولداستى ۇيتقى ەتكەن پارتيا ورتالىق كوميتەتىمەن تىعىز توعىساتىنىن، تىلەكتەس ەكەنىن ايگىلەۋىمىز؛ «5 ورتاق تانىم» ساناسىن كۇشەيتىپ، بۇكىل ەلدەگى ءار ۇلت حالقىمەن تىنىستاس، تاعدىرلاس، جۇرەكتەس بولۋىمىز؛ وتاننىڭ تۇتاستىعىن باتىل قورعاپ، ۇلتتىق بولشەكتەۋشىلىككە قارسى تۇرىپ، ۇلتتار تۋىسقاندىق سۇيىسپەنشىلىك ورناتىپ، ءبىر - بىرىمىزگە قول ۇشىن بەرىپ، اناردىڭ دانىندەي بىرىگىپ ۇيىسۋىمىز كەرەك.
پارتيانى، وتاندى ءسۇيۋ − شينجياڭداعى ءار ۇلت حالقىنىڭ جۇرەك ءۇنى جانە ارەكەتى. ۇلى وتانىمىز ەشقاشان بۇگىنگىدەي كۇللى الەمنىڭ جاپپاي قۇرمەتىنە يە بولۋداي داڭققا بولەنىپ كورگەن ەمەس، وتانىمىزدىڭ ىرىستى جەرى شينجياڭ ەشقاشان بۇگىنگىدەي «جىبەك جولى ەكونوميكالىق بەلدەۋى وزەكتى رايونى» سىندى ماڭىزدى دامۋ ستراتەگيالىق ورىندا بولىپ كورگەن ەمەس. پارتيانىڭ باسشىلىعىنا تاباندى بولۋ، پارتيانى، وتاندى ءسۇيۋدىڭ ۇلگىلەرى بولۋ، پارتيانىڭ سوزىنە قۇلاق اسۋ، پارتياعا ىلەسۋ، ءار ۇلت حالقى تاتۋ - ءتاتتى ءوتۋ، تىزە قوسا سەلبەسۋ، جاراسىمدى دامۋ، كورىكتى مەكەندى بىرگە قۇرۋ − شينجياڭداعى ءار ۇلت حالقىنىڭ جۇرەك ءۇنى ءارى پارتيا مەن مەملەكەتتىڭ ءۇمىتىن اقتاۋ ارەكەتى.
پارتيا مەن مەملەكەتتى قىزۋ ءسۇيۋدى جانە العىس ايتۋ سەزىمىن شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ قۇدىرەتتى قوزعاۋشى كۇشىنە اينالدىرىپ، بەرەكەلى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا قۇلشىنا كۇرەس جۇرگىزەيىك.
