تيانشان تورابى   ›   ارناۋلى تاقىرىپ   ›   ىقىلاستى قامقورلىق، زور شابىت   ›   شولۋ

باس شۋجيدىڭ جاۋاپ حاتى ءار ۇلت بۇقاراسىنا زور شابىت بەردى

  باس شۋجي شي جينپيڭنىڭ قۇربات اتايدىڭ ۇرپاقتارىنا جازعان جاۋاپ حاتى 14 - قاڭتاردا گازەتىمىزدە جاريالانعاننان كەيىن، رايونىمىزداعى ءار ۇلت كادرلارى مەن بۇقاراسىنىڭ كۇشتى اڭىسىن قوزعادى. كوپشىلىك ءبىر اۋىزدان بىلاي دەپ قارادى: باس شۋجيدىڭ جاۋاپ حاتى قۇربات اتايدىڭ ۇرپاقتارىنا قامقورلىعى عانا ەمەس، ونان دا ماڭىزدىسى، شينجياڭداعى ءار ۇلت حالقىنا دەگەن شىنايى قامقورلىق جانە زور شابىت رەتىندە، تۇتاس رايونىمىزداعى ءار ۇلت كادرلارى مەن بۇقاراسىن قوعام ورنىقتىلىعى مەن باياندى تىنىشتىق باس نىساناسى تۋىن بيىك ۇستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جاساۋعا شابىتتاندىردى.

    شىنايى قامقورلىق، زور شابىت

    ءۇرىمجى قالالىق ۇلت، ءدىن ىستەرى كوميتەتىنىڭ كادرى جۋ فۋلين بىلاي دەدى: مەن قۇربان اتايدىڭ ەسەككە ءمىنىپ بەيجيڭگە بارعان اڭگىمەسىن ەستىپ ەرجەتتىم. ىلگەرىدە ماۋ زىدۇڭ ءتوراعا قۇربان اتايدى قابىلداسا، بۇگىنگى تاڭدا باس شۋجي شي جينپيڭ قۇربان اتايدىڭ ۇرپاقتارىنا جاۋاپ حات جازدى، قۇربان اتاي اۋلەتىنىڭ ۇرپاقتان - ۇرپاققا جالعاسقان پارتيانى، وتاندى ءسۇيۋ ىقىلاسى تۇتاس شينجياڭداعى ءار ۇلتتىڭ ۇيرەنۋ ۇلگىسى.

    اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ گۇما اۋدانىندا تۇراتىن «ۇعىسۋ، تيىمدىلىك جاساۋ، توعىسۋ» قىزمەت اترەتىنىڭ مۇشەسى گاۋ شىڭ بىلاي دەدى: باس شۋجي شي جينپيڭنىڭ قاباعات قاربالاستىقتان ۋاقىت شىعارىپ، قۇربان اتايدىڭ قىزى توحتىحانعا جاۋاپ حات جازۋى باس شۋجيدىڭ قۇربان اتايدىڭ پارتيانى، وتاندى ءسۇيۋ، ۇلتتار ىنتىماعىن قاستەرلەۋ ىزگى ىستەرىن بارىنشا تۇراقتاندىرعاندىعىن، باس شۋجيدىڭ شينجياڭداعى ءار ۇلت حالقىنا دەگەن شىنايى قامقورلىعىن تولىق ايگىلەيدى.

    اۆتونوميالى رايوندىق حايۋاناتتاردى سانيتارلىق قاداعالاۋ ورنىنىڭ اۋىل شارۋاشىلىعىن جالپىلاستىرۋ زەرتتەرمەنى ۋاڭ ۋىن بىلاي دەدى: باس شۋجي شي جينپيڭنىڭ قۇربان اتايدىڭ ۇرپاقتارىنا جازعان جاۋاپ حاتى شىنايى قامقورلىققا تولى ءارى وندا باس شۋجيدىڭ شينجياڭنىڭ قوعام ورنىقتىلىعى مەن باياندى تىنىشتىقتى جۇزەگە اسىرۋ جونىندەگى شىنايى تىلەگى بەينەلەنگەن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، شينجياڭداعى ءار ۇلت حالقىنىڭ ىنتىماقتاسا قۇلشىنىپ، جۇڭحۋا ۇلتىنىڭ ۇلى گۇلدەنۋ ارمانىن جۇزەگە اسىرۋ جولىندا، ءسوزسىز، شينجياڭ قۋاتىن ارنايتىندىعىنا سەنەمىن.

    قورعاس قالاسى مۇقىر فەرماسىنىڭ مالشىسى تۇردالى بىلاي دەدى: جاۋاپ حاتتا شينجياڭداعى ءار ۇلت بۇقاراسىنا دەگەن تەرەڭ سۇيىسپەنشىلىك بولۋمەن بىرگە، ونان دا ماڭىزدىسى، باس شۋجيدىڭ شينجياڭداعى ءار ۇلت حالقىنىڭ جارقىن، باقىتتى تۇرمىس كەشىرۋگە دەگەن ىزگى تىلەگى دە قامتىلعان. ءبىز، ءسوزسىز، قازىرگى باقىتتى تۇرمىستى قاستەرلەپ، پارتيانىڭ باسشىلىعىندا شينجياڭنىڭ اناعۇرلىم كوركەم بولاشاعىن بىرگە قۇرۋىمىز كەرەك.

    تولى اۋداندىق پارتكوم ۇگىت ءبولىمى سىرتقى ۇگىت كەڭسەسىنىڭ مەڭگەرۋشىسى شۇي يۇڭجۇن بىلاي دەدى: باس شۋجي شي جينپيڭنىڭ قۇربان اتايدىڭ ۇرپاقتارىنا جازعان جاۋاپ حاتىندا ءاربىر ادامنىڭ قۇربان اتاي سياقتى پارتيانى، وتاندى، جۇڭحۋا ۇلتى ۇلى شاڭىراعىن ءسۇيىپ، اۋەلگى ماقساتتى ۇمىتپاي، ۇدەرە العا تارتىپ، شينجياڭنىڭ اناعۇرلىم جارقىن بولاشاعى، ۇلى وتاننىڭ گۇلدەنىپ - كوركەيۋى، قۇدىرەتتەنۋى ءۇشىن تالماي قۇلشىنۋى ءۇمىت ەتىلگەن.

 پارتيانىڭ ۇنىنە قۇلاق اسىپ، پارتياعا العىس ايتىپ، پارتياعا ىلەسەمىز

    ۇلتتار ىنتىماعى، العاباسارلىعىنداعى اۆتونوميالى رايوندىق وزات ماڭلاشقان ءماتسادىق توحتىحاننىڭ كورشىسى ءارى سول جەردەگى تانىمالى كەستەشى. سوڭعى جىلدارى، پارتيانىڭ حالىققا تيىمدىلىك جاساۋ ساياساتىنىڭ ارقاسىندا، ول ءوز ەڭبەگىمەن اۋقاتتانىپ قانا قويماي، جەرگىلىكتى ورىنداعى ايەلدەر قاۋىمىن كەستەشىلىكپەن اينالىسىپ، وتباسى كىرىسىن ارتتىرۋعا باستادى. ول بىلاي دەدى: «باس شۋجي شي جينپيڭنىڭ جاۋاپ حاتى توحتىحان قۇربان وتباسىنان حال سۇراۋ ءارى تۇتاس شينجياڭداعى ءار ۇلت قاۋىمىنا سالەم ايتۋ تۇرعىسىنان جازىلعان. مەن باس شۋجيدىڭ سالەمىن بارلىق قىستاق تۇرعىندارىنا جەتكىزەمىن، باس شۋجيدىڭ ءۇمىتىن اقتاپ، قۇربان اتايدىڭ تاڭداۋلى ءداستۇرىن ۇزدىكسىز ساۋلەلەندىرىپ، ۇلتتار ىنتىماعىن كوزىمنىڭ قاراشىعىنداي قورعايمىن».

    مارالباسى اۋدانى ساربۇيا قالاشىعىنداعى ساقا پارتيا مۇشەسى ابىلەز نۇراك تەبىرەنىپ بىلاي دەدى: «مەن باس شۋجيدىڭ ءسوزىن ەسىمدە بەرىك ساقتايمىن، پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسىپ، كەيىنگى ۇرپاقتارعا ۇلگى بولامىن».

    اقتاۋ اۋدانى ۇجمە اۋىلى ۇجمە قىستاعىنىڭ ديقانى مۇسا وسمان قۋانىپ بىلاي دەدى: «باس شۋجي شي جينپيڭنىڭ قۇربان اتايدىڭ ۇرپاقتارىنا جاۋاپ حات حازعان حابارى قىستاعىمىزدا تارالىپ، كوپشىلىكتىڭ قىزۋ اڭگىمەسىنە اينالدى، كوپشىلىك قاتتى تەبىرەندى. مەن قىستاقتاعى ديقاندار ويىن - ساۋىق اترەتىنىڭ ءبىر مۇشەسىمىن، مەن وسى ءىستى ءان - بيگە كىرىستىرىپ نەمەسە وسى ءىس تۋرالى كومەديا جازسام دەگەن ويعا كەلدىم، سول ارقىلى كوپشىلىككە شابىت بەرىپ، اناعۇرلىم كوپ حالىقتىڭ پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن قامقورلىعىن شىنايى سەزىنۋىنە مۇمكىندىك تۋدىرسام دەيمىن».

    شاعانتوعاي اۋدانى التىنەمىل اۋىلى التىنەمىل قىستاعىنداعى «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ورىنباسار باستىعى جاڭ چۇنميڭ بىلاي دەدى: باس شۋجي شي جينپيڭنىڭ قۇربان اتايدىڭ ۇرپاقتارىنا جاۋاپ حات جازعان حابارى اۋىزدان - اۋىزعا تارالدى، حالىق بۇدان تەرەڭ اسەرلەندى ءارى زور شابىت الدى، ولار باس شۋجيدىڭ تاپسىرماسىن ەستە بەرىك ساقتاپ، ءار ۇلت حالقى جۇدىرىقتاي جۇمىلىپ، ءوزارا كومەكتەسىپ، پارتيانىڭ باسشىلىعىندا شينجياڭنىڭ بۇدان دا كوركەم بولاشاعىن بىرگە قۇرۋى كەرەكتىگىن ءبىلدىرىستى.

  پارتيا ورتالىق كوميتەتىنىڭ قامقورلىعىن قوزعاۋشى كۇش ەتەمىز

    اۆتونوميالى رايوندىق حالىق ىستەرى مەڭگەرمەسىنىڭ باستىعى توحتى ياقۇپ بىلاي دەدى: باس شۋجي شي جينپيڭنىڭ جاۋاپ حاتى قۇربان اتايدىڭ ۇرپاقتارىنا دەگەن قامقورلىقتى عانا ەمەس، بۇكىل شينجياڭداعى ءار ۇلت حالقىنا دەگەن كوڭىل ءبولۋى مەن شابىتتاندىرۋىن ايگىلەدى. اۆتونوميالى رايونىمىزدىڭ حالىق ىستەر جۇيەسى قوعام ورنىقتىلىعى مەن باياندى تىنىشتىق باس نىساناسى توڭىرەگىندە، «حالىق ىستەرى حالىق ءۇشىن، حالىق ىستەرى حالىقتى سۇيەدى» دەگەن تانىمدى بەرىك ورناتىپ، ۇزبەي تالپىنىپ، پارتيا مەن ۇكىمەتتىڭ ءار ۇلت حالقىنا دەگەن قامقورلىعىن ءاربىر وتباسىنا جەتكىزىپ، ءار ۇلت حالقىنىڭ ءتىپتى دە باقىتتى ءومىر كەشۋىنە مۇمكىندىك جاسايدى. اۆتونوميالى رايوندىق پارتكوم ۇگىت ءبولىمىنىڭ قىزمەتكەرى ۋاڭ جىۋي بىلاي دەدى: قۇربان اتايدىڭ اۋلەتى پارتياعا العىس ايتۋدى، وتاندى ءسۇيۋدى ۇرپاقتان - ۇرپاققا جالعاستىراتىن بولادى. نەگىزگى ساتىداعى كادرلار دا وسىنداي رۋحقا مۇقتاج، ولار قاجىرلىلىقپەن تالپىنىپ، قۇلشىنا العا ۇمتىلىپ، پارتيا ورتالىق كوميتەتىنىڭ قامقورلىعىن قوزعاۋشى كۇشكە اينالدىرىپ، قىزمەتتى شىنايى جاۋاپكەرشىلىك سەزىممەن بەرىلە ىستەۋلەرى كەرەك.

    شاعانتوعاي اۋداندىق قازىنا مەكەمەسى كەڭسەسىنىڭ مەڭگەرۋشىسى مۋدان بىلاي دەدى: «باس شۋجيدىڭ جاۋاپ حاتى تەرەڭ سۇيىسپەنشىلىكپەن جازىلعان، ونى شابىت عانا ەمەس، تەرەڭ تاعىلىم، زور مەدەت دەپ ساناۋىمىزعا بولادى. از ۇلت كادرى رەتىندە، مەن باس شۋجيدىڭ ءسوزىن ەستە بەرىك ساقتاپ، ۇلتتار ىنتىماعىنىڭ كوشباسشىسى بولىپ، كوپشىلىكپەن بىرگە شينجياڭدى ءتىپتى دە ورنىقتى، جاراسىمدى، باي ولكە ەتىپ قۇرىپ شىعۋعا قۇلشىنامىن».

    ءۇرىمجى قالاسى تيانشان رايونى باقىت كوشەسى اۋماعىن باسقارۋ كوميتەتىنە قاراستى حۋدۇڭ الەۋمەتتىك اۋماعى پارتيا ياچەيكاسىنىڭ شۋجيى ۋان شان بىلاي دەدى: «مەن نەگىزگى ساتى كادرىمىن، باس شۋجي شي جينپيڭنىڭ جاۋاپ حاتى مەنىڭ قىزمەتتى ءتىپتى دە جاقسى ىستەۋ سەنىمىمدى بەكەمدەي ءتۇستى. مەن ءوز قىزمەت ورنىمدا تابان تىرەپ، ۇلتتار ىنتىماعى مەن ورنىقتىلىقتى قورعاۋ قىزمەتىن ويداعىداي، تىڭعىلىقتى ىستەپ، الەۋمەتتىك اۋماقتىڭ مادەنيەت قۇرىلىسىن بەلسەنە جەبەپ، قاراستى اۋماقتاعى ءار ۇلت بۇقاراسىنىڭ مادەنيەت قيمىلدارىنا بەلسەندىلىكپەن ات سالىسىپ، اناردىڭ دانىندەي تىعىز ۇيىسۋىنا مۇمكىندىك جاسايمىن».

    چۇي لياندۇڭ كەزىندە شاندۇڭ ولكەسىنەن شينجياڭعا باعىتتامالى كومەكتەسۋ ءۇشىن التىنشى توپتا كەلگەن كادرلاردىڭ قاتارىندا قاشقارعا بارعان بولاتىن. بۇگىندە ول قاشقاردا قالىپ، قاشقار ايماقتىق ساۋدا (ساۋداگەر شاقىرۋ) مەكەمەسىنىڭ باستىعى مىندەتىن وتەيدى. ول مەكەمەدەگى پارتيالى كادرلاردى باستاپ، باس شۋجي شي جينپيڭنىڭ جاۋاپ حاتىن ۇيرەنگەن كەزدە بىلاي دەدى: «باس شۋجيدىڭ جاۋاپ حاتى بارلىعىمىز ءۇشىن زور شابىت. مەن ءار ۇلت حالقى تەك اناردىڭ دانىندەي تىعىز ۇيىساتىن بولسا، شينجياڭنىڭ بولاشاعى ءتىپتى دە كوركەم بولاتىنىنا، ۇلى جۇڭگو ارمانى دا، ءسوز جوق، ىسكە اساتىنىنا سەنەمىن».

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى