ءتاڭىرتاۋ تورابى
ءتاڭىرتاۋ تورابى   ›   ارناۋلى تاقىرىپ   ›   ىقىلاستى قامقورلىق، زور شابىت   ›   شولۋ

جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولايىق

  «وتباسىڭىزداعىلاردىڭ قۇربان اتاي سياقتى اۋىلداستارمەن بىرگە قۇلشىنىپ، پارتيانى، وتاندى، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋىن ءۇمىت ەتەمىن». باس شۋجي شي جينپيڭنىڭ قۇربان تۇلىمنىڭ ۇلكەن قىزى توحتىحان قۇربانعا جازعان جاۋاپ حاتىنداعى ىقىلاستى تاپسىرمالار پارتيا ورتالىق كوميتەتىنىڭ قۇربان اتايدىڭ جۇڭحۋا ۇلتىنىڭ ۇلى شاڭىراعىن قىزۋ سۇيگەن دارقان پەيىلىن تولىق تۇراقتاندىرعانىن، شينجياڭداعى ءار ۇلت حالقىنىڭ وسىنداي رۋحتى جالعاستىرۋى مەن ساۋلەلەندىرۋىن شىنايى ءۇمىت ەتەتىندىگىن ايگىلەدى.

    جارتى عاسىردان بەرى، ۇيعۇر كاريا قۇربان تۇلىمنىڭ «ەسەككە ءمىنىپ بەيجيڭگە بارعانى» تۋرالى حيكايا اۋىزدان - اۋىزعا تاراپ كەلەدى. قۇربان اتاي مەن ءتوراعا ماۋ زىدۇڭنىڭ قول الىسىپ تۇرعانى بەينەلەنگەن ءمۇسىن بۇگىندە حوتان قالاسىنداعى حالىق الاڭىنىڭ قاق ورتاسىندا اسپانعا بوي سوزىپ تۇر. بۇل ءبىر ءداۋىردىڭ كەلبەتى عانا ەمەس، قۇربان اتاي سەكىلدى ۇزدىك ۋاكىلدەرى بار شينجياڭداعى ءار ۇلت حالقىنىڭ جۇڭحۋا ۇلتىنىڭ ۇلى شاڭىراعىن مويىنداعانى مەن قىزۋ سۇيگەنىنىڭ پارمەندى كۋاسى دا.

    شينجياڭداعى ءار ۇلت حالقىنىڭ تاعدىرى ەجەلدەن جۇڭحۋا ۇلتىنىڭ ۇلى شاڭىراعىمەن تىنىستاس بولىپ كەلەدى. وتكەن عاسىردىڭ 50 -، 60 - جىلدارى توپ - توپ قايراتتى جاستار «ءبىزدىڭ شينجياڭ جاقسى جەر» ءانىن اسقاقتاتا شىرقاپ، ورتا جازىقتان، چاڭجياڭنىڭ تۇستىگىنەن تيانشاننىڭ ەتەگىنە جينالىپ، تاسقىنداعان جىگەرى مەن جاستىق ورالىن شينجياڭعا ارنادى. رەفورما جاساپ، ەسىك اشقاننان بەرى، وتاننىڭ ۇلى شاڭىراعى شينجياڭعا ءتىپتى كوپ مەيىر توكتى. پارتيا ورتالىق كوميتەتىنىڭ ورنالاستىرۋىمەن، شينجياڭعا باعىتتامالى كومەكتەسۋ قىزمەتى شينجياڭنىڭ بايتاق دالاسىندا قۇلاشىن كەڭگە جايدى. باعىتتامالى كومەكتەسۋشى 19 ولكە - قالا ەتەنە باۋىرلاستىق سەزىممەن، شينجياڭعا دارىندى، قارجى، تەحنيكا سياقتى جاقتاردان قالتقىسىز كومەك بەرىپ، شينجياڭداعى ءار ۇلت حالقىنىڭ ءوندىرىستى دامىتىپ، تۇرمىستارىن تۇزەۋىنە جاردەم بەردى. ىشكى ولكەلەردەگى ورتا مەكتەپتەردە شينجياڭ كلاستارىنىڭ اشىلۋى، شينجياڭدىق كاسىپسىز ستۋدەنتتەردى ىشكى ولكەلەردە ءبىلىم الۋعا ۇيىمداستىرۋ، تۋىسقان ولكە، قالالاردىڭ شينجياڭنىڭ نەگىزگى قۇرىلعى قۇرىلىسىنا قولداۋ كورسەتىپ، اقىل - پاراسات، دارىندى سياقتى ءار جاقتان جاردەم جاساۋى سياقتىلاردىڭ بارلىعى جۇڭحۋا ۇلتى ۇلى شاڭىراعىنىڭ ەت باۋىر، تىنىستاس، تاعدىرلاس، تىلەكتەس، بىرگە وركەندەپ، قاتار العا باسقان باۋىرلاستىعىنىڭ كۋاسى. ەگەر جۇڭحۋا ۇلتى ۇلى شاڭىراعىنىڭ قالتقىسىز كومەگى مەن قولداۋى بولماعاندا، شينجياڭداعى ءار ۇلت حالقىنىڭ بۇگىنگى باقىتتى ءومىرى دە بولماس ەدى دەسەك، اسىرىپ ايتقان بولمايمىز.

    «شاڭىراعىمىز ورتاق، وتانىمىز − ۇلى جۇڭگو»، «ءسىز بەن ءبىز تەلەگەي - تەڭىز سۇيىسپەنشىلىككە تولى ءبىر ءۇيدىڭ بالاسىمىز». جۇڭحۋا ۇلتى ۇلى شاڭىراعىنىڭ تەرەڭ دوستىعى قاشاندا شينجياڭداعى ءار ۇلت جۇرتشىلىعىنىڭ جۇرەگىنە جىلۋ بەرىپ كەلەدى، سونىڭ ارقاسىندا ءار ۇلت جۇرتشىلىعىنىڭ جۇڭحۋا ۇلتىنىڭ ۇلى شاڭىراعىنا دەگەن ماحابباتى دا تەرەڭدەپ، نىعايا ءتۇستى. شينجياڭداعى ءار ۇلت جۇرتشىلىعى مەن بۇكىل ەلدەگى ءار ۇلت حالقى جۇڭحۋا ۇلتىنىڭ ۇلى شاڭىراعىندا ەتەنە سيلاسىپ، ءبىر - بىرىنە دەمەۋشى بولا ءبىلدى. ۋىنچۋاندا جەر سىلكىنگەندە، شينجياڭداعى ءار ۇلت جۇرتشىلىعى بەلسەندى تۇردە زاتتاي، اقشالاي جىلۋ اتاۋمەن بىرگە، اپاتقا ۇشىراعان حالىقتىڭ قيىنشىلىقتان وتۋىنە كومەكتەسۋ ءۇشىن، كوپ مولشەردە نان باستىرىپ، اپاتتى وڭىرگە شۇعىل تۇردە جونەلتەدى؛ شاشلىق ساتۋمەن كۇنەلتەتىن «قاراشا قاھارمان» الىم 8 جىلدىڭ ىشىندە 100 مىڭ يۋاننان اسا حالىق اقشاسىن شىعارىپ، گۇيجوۋ ولكەسىنىڭ بيجيە قالاسىنداعى 200 دەن ارتىق كەدەي وقۋشىعا قول ۇشىن بەرەدى؛ «شينجياڭدىق جاقسى جىگىتتەر» دەپ اتالعان 4 اعايىندى حىناننىڭ لوشان دەگەن جەرىندەگى قاتىناس شىرعالاڭىندا جارالىلارعا جاردەم بەرىپ، ساقشىعا حابار سالىپ، جەدەل جاردەم جەتىپ ۇلگەرگەننەن كەيىن اتى - جوندەرىن ايتپاستان كەتىپ قالادى؛ اۆتونوميالى رايون قۇرىلعاندىعىنا 60 جىل تولعاندا، كۇچار اۋدانىنداعى 2 ۇيعۇر بويجەتكەن باس شۋجيگە «وتان ارمانىنا قاتار قانات قاعايىق» دەپ اتالعان كەستە ۇسىنادى. قۇربان اتايدىڭ كەزىنەن قازىرگە دەيىنگى قانشاما ون جىلدا، شينجياڭداعى ءار ۇلت حالقىنىڭ جۇڭحۋا ۇلتىنىڭ ۇلى شاڭىراعىنا دەگەن تانىمى مەن سۇيىسپەنشىلىگى ۇزبەي قوردالانىپ، ءداۋىردىڭ دامۋىنا ساي جاڭا قىرىنان جارقىراپ كورىنىپ كەلەدى.

    قۇربان اتاي سياقتى جۇڭحۋا ۇلتىنىڭ ۇلى شاڭىراعىن قىزۋ ءسۇيۋدىڭ ۇلگىسى بولۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا جىلدا شينجياڭداعى ءار ۇلت حالقىنا ارتقان شىنايى ءۇمىتى. جۇڭحۋا ۇلتى ءبىر تۋعان، جۇڭگو ارمانىنا قاتار قانات قاعادى، بۇل بارلىق جۇڭحۋا ۇلانىنىڭ ورتاق تىلەگى ءارى بۇكىل ەلدەگى ءار ۇلت حالقىنىڭ ورتاق نىساناسى. جاڭا تاريحي كەزەڭدە، ءبىز قۇربان اتايدىڭ جۇڭحۋا ۇلتىنىڭ ۇلى شاڭىراعىن قىزۋ ءسۇيۋ ىقىلاسىنان ۇيرەنگەندە، ارالاسۋ، ىشتەسۋ، توعىسۋدى ۇزدىكسىز كۇشەيتىپ، ءار ۇلت حالقىنىڭ جۇڭحۋا ۇلتىنىڭ ۇلى شاڭىراعىندا ەتەنە سيلاسىپ، ءبىر - بىرىنە دەمەۋشى بولىپ، شينجياڭدى ونان ارى كورىكتەندىرە تۇسۋىنە مۇمكىندىك جاساۋىمىز؛ سوتسياليستىك وزەكتى قۇن كوزقاراسىن ىشكەرىلەي امالياتتا ايگىلەپ، بولماشى ارەكەتتەرىمىزبەن جۇڭحۋا ۇلتى ۇلى شاڭىراعىنىڭ سەزىمدىك نەگىزىن نىعايتىپ، ارقاۋىن ۇزبەي شيراتا ءتۇسۋىمىز؛ جەكە ارماندارىمىزدى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىمەن ۇشتاستىرىپ، ۇلى نىسانا جولىندا قۇلشىنا كۇرەس جۇرگىزۋىمىز كەرەك.

    جۇڭحۋا ۇلتى ۇلى شاڭىراعىنىڭ ىستىق قۇشاعىندا، شينجياڭداعى ءار ۇلت حالقى مول جىلىلىق سەزىنىپ، كەۋدەسىن ماقتانىش كەرنەپ وتىر. بۇكىل ەلدەگى حالىقپەن بىرگە دوڭگەلەك داۋلەتتى قوعامعا اياق باسۋعا شينجياڭداعى ءار ۇلت حالقىنىڭ سەنىمى مىعىم. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىمەن، قول ۇستاسىپ، نيەتتەس، تىلەكتەس بولىپ، ىنتىماقتاسا كۇرەس جۇرگىزىپ، قوعام ورنىقتىلىعى مەن باياندى تىنىشتىقتى ىسكە اسىرۋدىڭ ساپارىندا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ داڭعىل جولىندا ارشىنداپ العا باسا بەرەيىك!

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ساۋدا - زات تاسىمال ورتالىعى ىركىلىسسىز جۇمىس جۇرگىزدى
  • جەدەل جولداما قويشىنىڭ قولىنا ءتيدى — شەكارا وڭىردەگى مالشىلار ەلەكتروندىق ساۋدا كاسىبىنىڭ تيىمدىلىكتەرىنەن يگىلىكتەندى
  • 27-كەزەكتى جۇڭگو جىبەك جولى تۇرپان ءجۇزىم مەرەكەسى باستالدى
  • تيانشان ۇلكەن اڭعارىنا ساياحات
بىزبەن بايلانىس جارناما قىزمەتى لەبىز قالدىرۋ ءبىز تۋرالى