تيانشان تورابى   ›   ارناۋلى تاقىرىپ   ›   ىقىلاستى قامقورلىق، زور شابىت   ›   شولۋ

ىقىلاستى قامقورلىق، زور شابىت

 11 - قاڭتاردا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جولداس قۇربان تۇلىم اتايدىڭ ۇلكەن قىزى توحتىحان قۇربانعا جاۋاپ حات جازىپ، وتباسىنداعىلارعا دەگەن ىزگى تىلەگىن ءبىلدىرىپ، ولاردى قۇربان تۇلىم اتاي سياقتى اۋىلداستارىمەن بىرگە پارتيانى، وتاندى، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولىپ، ءار ۇلت بۇقاراسىنىڭ اناردىڭ دانىندەي تىعىز ىنتىماعىن جەبەپ، پارتيانىڭ باسشىلىعىندا شينجياڭنىڭ كوركەم بولاشاعىن بىرگە جاراتۋعا شابىتتاندىردى.

    كوكتەم مەرەكەسى كەلۋ قارساڭىندا، باس شۋجي شي جينپيڭ قاباعات جۇمىستىڭ قاربالاستىعىندا توحتىحانعا جاۋاپ حات جازدى، بۇل باس شۋجيدىڭ قۇربان اتايدىڭ پارتيانى، وتاندى سۇيگەن، ۇلتتار ىنتىماعىن قادىرلەگەن ىزگى ىستەرىن وسكەلەڭ تۇراقتاندىرعاندىعىن تولىق ايگىلەيدى؛ باس شۋجيدىڭ شينجياڭ قىزمەتىنە باسا ءمان بەرەتىندىگىن، شينجياڭداعى ءار ۇلت حالقىنا دەگەن شىنايى قامقورلىعىن تولىق ايگىلەيدى؛ باس شۋجيدىڭ شينجياڭدا قوعام ورنىقتىلىعى مەن باياندى تىنىشتىقتى جۇزەگە اسىرۋ شىنايى ءۇمىتىن تولىق ايگىلەيدى؛ باس شۋجيدىڭ شينجياڭداعى ءار ۇلت حالقىن باقىتتى تۇرمىسقا كەنەلتۋ ىزگى تىلەگىن تولىق ايگىلەيدى. باس شۋجيدىڭ ماڭىزدى جاۋاپ حاتى تۇتاس رايونىمىزداعى ءار ۇلت كادر - بۇقاراسىنا زور شابىت بەرىپ قانا قالماستان، شينجياڭ قىزمەتىن ويداعىداي ىستەۋگە دەم بەردى، جىگەرلەندىردى. باس شۋجيدىڭ شىنايى قامقورلىعى قاقاعان قاڭتاردا جىلى شۋاقتاي قۇربان اتايدىڭ ۇرپاقتارىن شەكسىز قۋانىشقا، باقىت سەزىمىنە بولەدى ءارى تۇتاس رايونىمىزداعى ءار ۇلت بۇقاراسىنىڭ قوعام ورنىقتىلىعى مەن باياندى تىنىشتىق باس نىساناسى تۋىن بيىك ۇستاپ، ءبىر نيەت، ءبىر تىلەكتە بولىپ، جۇدىرىقتاي جۇمىلىپ، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەسۋگە زور شابىت بەردى.

    پارتيا ورتالىق كوميتەتى شينجياڭداعى ءار ۇلت حالقىنا ەجەلدەن بەرى كوڭىل ءبولىپ، قامقورلىق جاساپ كەلەدى. ءتوراعا ماۋ زىدۇڭ مەن قۇربان اتايدىڭ ىستىق ىقىلاسپەن قول الىسقان سۋرەتى نەشە ۇرپاق شينجياڭدىقتاردىڭ ەستەن كەتپەس ەستەلىگىنە اينالدى. جاڭا جۇڭگوداعى نەشە ۇرپاق باسشى ىلگەرىندى - كەيىندى شينجياڭدى كوزدەن كەشىرىپ، شينجياڭ قىزمەتى جونىندە ماڭىزدى شەشىم - ورنالاستىرۋ جاساپ، ءبىرسىپىرا ءتيىمدى جانە سۇيەمەلدەۋ ساياساتتارىن شىعارىپ، شينجياڭنىڭ قوعام ورنىقتىلىعىنا، ەكونوميكالىق دامۋىنا، حالىقتىڭ باقىتقا كەنەلۋىنە اقىل - پاراساتتار مەن جۇرەك قاندارىن ءسىڭىردى.

    پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭنىڭ ورنىقتىلىق، دامۋ قىزمەتتەرىنە ايرىقشا نازار اۋدارىپ، ءمان بەردى. باس شۋجي شي جينپيڭ شينجياڭعا، شينجياڭداعى ءار ۇلت حالقىنا دەگەن سۇيىسپەنشىلىكپەن شينجياڭعا كەلىپ، قىزمەتتى تەكسەرىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشتى، سونداي - اق ماڭىزدى ءسوز سويلەپ، پارتيامىزدىڭ جاڭا جاعدايداعى شينجياڭدى جونگە سالۋ جالپى جوباسىن تۇراقتاندىرىپ، قوعام ورنىقتىلىعى مەن باياندى تىنىشتىق باس نىساناسىن ايقىنداپ، شينجياڭ قىزمەتىن اناعۇرلىم جاقسى ىستەۋدىڭ ايقىن بەتالىسى مەن ءتۇبىرلى ولشەمىن كورسەتىپ بەردى.

    باس شۋجي شي جينپيڭ بەيجيڭدە تۇرسا دا، شينجياڭداعى ءار ۇلت بۇقاراسىمەن جۇرەكتەس بولدى. قۇربان اتايدىڭ اتا مەكەنى كەريا اۋدانىندا جەر سىلكىنىسى تۋىلعاندا ول ماڭىزدى نۇسقاۋ بەرىپ، اپاتتان قۇتقارۋ قىزمەتىنە تىكەلەي جەتەكشىلىك ەتىپ، ورتالىقتىڭ قامقورلىعىن اپاتقا ۇشىراعان ءاربىر بۇقارانىڭ جۇرەگىنە جەتكىزدى؛ ول لوپ اۋدانىنىڭ شيڭپيڭ اۋىلى داشي قىستاعى پارتيا ياچەيكاسىنىڭ شۋجيى ساۋىر مالىك پەن بارلىق قىستاق تۇرعىندارىنا جاۋاپ حات جازىپ، قىستاق پارتيا ياچەيكاسىنىڭ اۋىلداستاردى ماگنيتتەي تارتىپ، ۇيىستىرۋىن ءۇمىت ەتىپ، تۇتاس شينجياڭداعى ءار ۇلت كادرلارى مەن بۇقاراسىن ءبىر نيەتپەن ىنتىماقتاسىپ، سوتسياليستىك جاڭاشا اۋىل - قىستاقتى بىرگە قۇرۋعا شابىتتاندىردى؛ ول كۇشارداعى «كەستەشى اپەكەلى - سىڭلىلەر» قاتارلى نەگىزگى ساتىداعى ۇلتتار ىنتىماعىنىڭ تاڭداۋلى ۋاكىلدەرىن ىستىق ىقىلاسپەن قابىلداپ، ءار ۇلت باۋىرلاستارىنىڭ توننىڭ ىشكى باۋىنداي بولىپ، ءبىر - بىرىنە كومەكتەسىپ، ۇلتتار ىنتىماعىن، مەملەكەتتىڭ تۇتاستىعىن بىرگە قورعاپ، شينجياڭنىڭ بايتاق دالاسىندا كورىكتى شينجياڭ قۇرىپ، وتان ارمانىن بىرگە ورىنداۋدىڭ قۇدىرەتتى ەنەرگياسىن قالىپتاستىرۋعا شابىتتاندىردى.

    پارتيا ورتالىق كوميتەتى مەن باس شۋجي شي جينپيڭنىڭ ىقىلاستى قامقورلىعىندا، اۆتونوميالى رايوندىق پارتكومنىڭ ىنتىماقتاستىرا باستاۋىندا، شينجياڭداعى ءار ۇلت كادرلارى مەن بۇقاراسى ءبىر نيەتپەن سەلبەسىپ، قۇلشىنا العا باستى. بۇگىنگى شينجياڭ ەكونوميكاسى، قوعامى جىلدام دامىعان، جالپىلىق قۋاتى كورنەكتى نىعايعان، ءار ۇلت بۇقاراسى ناقتى تيىمدىلىككە ەڭ كوپ كەنەلگەن ەڭ تاماشا تاريحي مەزگىلگە اياق باستى. ءار ۇلت بۇقاراسى پارتيانىڭ شۋاعىنا شومىپ، پارتيانىڭ قامقورلىعىنا العىس ايتىپ، شىن جۇرەگىمەن پارتيانى ءسۇيدى، پارتيانى قولدادى، پارتياعا ىلەستى؛ ءار ۇلت بۇقاراسى ۇلى وتاندى ءسۇيىپ، وتاننىڭ تۇتاستىعىن قورعاپ، جۇڭحۋا ۇلتىنىڭ ۇلى شاڭىراعىندا تىنىستاس، تاعدىرلاس، جۇرەكتەس بولدى.

    باس شۋجي شي جينپيڭنىڭ ماڭىزدى جاۋاپ حاتى مەن ىقىلاستى قامقورلىعى الداعى جەردە شينجياڭداعى ءار ۇلت كادرلارى مەن بۇقاراسىنىڭ شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ قۇدىرەتتى بىرىككەن كۇشىن اناعۇرلىم قالىپتاستىرىپ، شينجياڭنىڭ اناعۇرلىم جارقىن بولاشاعىن بىرگە جاراتۋىنا زور شابىت بولادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى