ماقسات قيزات ۇلى
جاقىنعى كۇندەردەن بەرى، باس شۋجي شي جينپيڭنىڭ قۇربان اتايدىڭ قىزى توحتىحانعا جازعان ماڭىزدى جاۋاپ حاتى تارباعاتاي توڭىرەگىندەگى جۇرتشىلىقتىڭ جۇرەگىن جىلىتىپ، ەل كوڭىلىن تەڭىزدەي تولقىتتى. ىنتىماق پەن بەرەكەنى، جاقسىلىق پەن سۇيىسپەنشىلىكتى، ونەر مەن ونەگەنى قادىر تۇتاتىن ەل ءبىر اۋىزدان قۇربان اتاي مەن ونىڭ ۇرپاعىنىڭ ىزگى ىسىنەن ونەگە الىپ، ءدال سولار سياقتى پارتيا مەن وتاندى قىزۋ ءسۇيىپ، جۇڭحۋا ۇلتىنىڭ ۇلى شاڭىراعىن بيىك كوتەرۋدىڭ ۇلگىسى بولىپ، پارتيانىڭ باسشىلىعىندا شينجياڭنىڭ نۇرلى بولاشاعىن بىرگە جاراتۋعا قۇلشىناتىندىقتارىن ءبىلدىردى.
شاۋەشەك قالاسى جاڭا جامبىل كوشە ءىس باسقارماسى قارا ءدوڭ الەۋمەتتىك اۋماعىندا تۇراتىن مەملەكەتتىك ۇلتتار ىنتىماعىنىڭ وزاتى سالىقجان باس شۋجي شي جينپيڭنىڭ قۇربان اتايدىڭ ۇرپاقتارىنا جازعان جاۋاپ حاتىن وقىپ قاتتى اسەرلەنگەنىن ايتا كەلە بىلاي دەدى: باس شۋجي شي جينپيڭ قۇربان اتايدىڭ ۇرپاقتارىنا جاۋاپ حات جازىپ، پارتيانى، وتاندى، جۇڭحۋ ۇلتىنىڭ ۇلى شاڭىراعىن قىزۋ ءسۇيۋ ۇلگىسى بولۋعا شابىتتاندىردى ءارى ءار ۇلت جۇرتشىلىعىن اناردىڭ دانىندەي تىعىز ىنتىماقتاسىپ، پارتيانىڭ باسشىلىعىندا شينجياڭنىڭ كوركەم بولاشاعىن بىرگە جاراتۋعا جەبەدى. ۇلتتار ىنتىماعىن نىعايتۋ بارلىعىمىزدىڭ بۇلتارماس بورىشىمىز. باس شۋجي شي جينپيڭنىڭ قۇربان اتايدىڭ ۇرپاقتارىنا جازعان حاتى پارتيا ورتالىق كوميتەتىنىڭ شينجياڭداعى ءار ۇلت پەرزەنتتەرىنە قاراتقان قامقورلىعىن تولىق ايگىلەيدى. ءبىز قۇربان اتايدىڭ پارتيانى، وتاندى قىزۋ سۇيگەن تاڭداۋلى داستۇرىنە مۇراگەرلىك ەتىپ جانە ونى ساۋلەلەندىرىپ، ۇلتتار ىنتىماعىن كوز قاراشىعىمىزداي قورعاۋىمىز كەرەك. «وتان وتباسىنان باستالادى» دەگەن ەمەس پە، مەن ءوز باسىم بەرەكەنى باستى ورىنعا قويامىن، ىنتىماق ءۇشىن بار كۇش - قايراتىمدى سارقىپ كەلەمىن. ءار جىلى مەملەكەت مەرەكەسى كەزىندە اينالامداعى كورشى - قولاڭدارىمدى شاقىرىپ، اۋلا ىشىندە تۋ شىعارىپ، وتان تويىن بىرلىكتە تويلايمىز. ءان ايتىپ، ءبي بيلەيمىز، پارتيا مەن ۇكىمەتتىڭ حالىق بۇقاراسىنا ىستەپ جاتقان ىزگى ىستەرىن جىرلايمىز.
تارباعاتاي ايماقتىق ساياسي كەڭەس قىزمەت كوميتەتىنەن قىستاققا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ورىنباسار باستىعى جاڭ چۇنميڭ: ءبىز تۇرعان شاعانتوعاي اۋدانى التىن ەمىل اۋىلى التىن ەمىل قىستاعى كوپ ۇلت شوعىرلى قونىستانعان قىستاق. بۇل جەردە ءار ۇلت حالقى جاراسىمدىلىقتىڭ ۇياسىندا شات - شادىمان ءومىر ءسۇرىپ جاتىر. جاقىندا باس شۋجي شي جينپيڭ قۇربان اتايدىڭ قىزى توحتىحانعا جاۋاپ حات جازىپ، قۇربان اتاي ۇرپاقتارىن وتاندى ءسۇيۋدىڭ ونەگەسى بولىپ، ەلدى بەرەكەگە شاقىرۋعا جىگەرلەندىردى. ءبىز وسى قاستەرلى حاتتان زور شابىت الىپ، باس شۋجيدىڭ اماناتىن ەستە بەرىك ساقتاپ، ءبىر تىلەك، ءبىر نيەتتە بولا وتىرىپ، پارتيانىڭ ۇندەۋىنە قۇلاق اسىپ، پارتيانىڭ باسشىلىعىندا شينجياڭنىڭ كوركەم بولاشاعىن ورتاق جاراتۋعا قۇلشىنامىز، - دەدى.
ءدوربىلجىن اۋدانىندا تۇراتىن ساقا پارتيا مۇشەسى، قارت كادر ءابزالقان باس شۋجي شي جينپيڭنىڭ قۇربان اتايدىڭ قىزى توحتىحانعا جاۋاپ حات جازعانىن ەستىگەندە قاتتى قۋانعانىن ايتتى. ول: باس شۋجي شي جينپيڭنىڭ جاۋاپ حاتى پارتيا ورتالىق كوميتەتىنىڭ ءار ۇلت جۇرتشىلىعىنا قاراتقان شىنايى قامقورلىعىن سەزىندىردى. مەن بۇل حاتتى وقىعاندا قاتتى اسەرلەندىم. مەن ماڭايىمداعى پارتيالى كادرلاردىڭ الداعى قىزمەت بارىسىندا بەلسەنە ۇلگى كورسەتىپ، ءار ۇلت جۇرتشىلىعىن تىعىز ىنتىماقتاسىپ، ۇلتتار ىنتىماعىنىڭ ۇلى تۋىن بيىك كوتەرىپ، باستاماشىلىق رولدى ساۋلەلەندىرىپ، شينجياڭدى ورتاق كوركەيتۋگە كۇش سالۋىن ءۇمىت ەتەمىن، - دەدى.
