سوڭعى كۇندەرى، باس شۋجي شي جينپيڭنىڭ قۇربان اتايدىڭ قىزى توحتىحانعا جازعان جاۋاپ حاتى رايونىمىزداعى ءار ۇلت، ءار سالا كادرلارى مەن جۇرتشىلىققا زور شابىت بەردى. كوپشىلىك ءبىر اۋىزدان: باس شۋجيدىڭ ماڭىزدى تاپسىرماسىن ەستە بەرىك ساقتاپ، باس شۋجي شي جينپيڭنىڭ شىنايى قامقورلىعىن قوزعاۋشى كۇش ەتە وتىرىپ، ءار ۇلت حالقى تىعىز ىنتىماقتاسىپ، شينجياڭدى اناعۇرلىم كوركەم ەتىپ قۇرىپ شىعۋعا قۇلشىنامىز، - دەستى.
ءوز بورىشىمدى ادا ەتەمىن
اۆتونوميالى رايوندىق جەر سىلكىنىسىن باقىلاۋ مەكەمەسىنىڭ مارالباسى اۋدانى اۋات قالاشىعىنىڭ يۋەجين وستەڭ بويى قىستاعىندا تۇراتىن قىزمەت اترەتىنىڭ مۇشەسى ۋاڭ ۋي بىلاي دەدى: سوڭعى جىلدارى پارتيا مەن ۇكىمەتتىڭ قامقورلىعىندا قىستاقتا زور وزگەرىستەر بولدى، ءار ۇلت جۇرتشىلىعى پارتيا مەن ۇكىمەتتىڭ قامقورلىعى مەن سۇيىسپەنشىلىگىن ءسات سايىن سەزىندى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن كادر رەتىندە مەن قۇربان اتاي مەن ونىڭ ۇرپاقتارىنان ۇيرەنىپ، ءتۇرلى قىزمەتتەردى جاقسى ىستەپ، ۇلتتار ىنتىماعىنىڭ گۇل بايشەشەگىن قۇلپىرتۋعا قۇلشىنامىن.
اۆتونوميالى رايوندىق جوعارى حالىق سوتى مەكەمەسى ازاماتتىق ىستەر 2 - سوت كوللەگياسىنىڭ سۋدياسى ليۋ ۋيجياڭ: مەن باس شۋجي شي جينپيڭنىڭ جاۋاپ حاتىن قوزعاۋشى كۇش ەتىپ، قىزمەت بورىشىمدى ادا ەتىپ، تەرگەۋ قىزمەتىن جاقسى ىستەپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ەسە قوسامىن، - دەدى.
شاۋەشەك قالاسىندا تۇراتىن زەينەتكەر تۇرسىن جۇمابەك ۇلى بىلاي دەدى: ءبىز قارت كادرلاردىڭ رولىن ساۋلەلەندىرىپ، جانىمىزداعى ءاربىر ادامدى قۇربان اتاي سياقتى پارتيانى، وتاندى، جۇڭحۋا ۇلتىنىڭ ۇلى شاڭىراعىن ءسۇيىپ، قازىرگى باقىتتى ءومىردى قاستەرلەپ، قوس قولدارىمەن شينجياڭدى اناعۇرلىم كوركەم ەتىپ قۇرىپ شىعۋعا تاربيەلەۋىمىز، جەتەكتەۋىمىز كەرەك.
جەمسارى اۋدانى جەمسارى قالاشىعىنىڭ مانچىڭ كوشەسى الەۋمەتتىك اۋماعىنىڭ قىزمەتكەرى باقايگۇل نىعىمەت بىلاي دەدى: نەگىزگى ساتى قىزمەتكەرى رەتىندە، باس شۋجي شي جينپيڭ مەن پارتيا ورتالىق كوميتەتىنىڭ شينجياڭعا دەگەن قامقورلىعىن تەرەڭ سەزىندىم، الداعى قىزمەت بارىسىندا، باستاماشى بولىپ، وزگە ۇلت جۇرتشىلىعىمەن ىرىقتىلىقپەن دوستاسىپ، ۇلتتار ىنتىماعىنىڭ ۇلگىسى بولامىن.
پارتيانىڭ شاپاعاتىن ءبىلىپ، پارتياعا العىس ايتىپ، پارتيانىڭ جاقسىلىعىن اقتايمىز
حوتان ايماعىنىڭ ۇلتتار ىنتىماعى، العاباسارلىعىنىڭ وزاتى، حوتان قالاسى گۇجانباق اۋىلى تامباق قىستاعىنىڭ تۇرعىنى جامنياز ءماتروزى بىلاي دەدى: قۇربان اتايدى ونەگە تۇتىپ، ۇلتتار ىنتىماعىنىڭ ۇلگىسى بولىپ، باستاماشىلدىق رول اتقارىپ، ۇلتتار ىنتىماعىن، قوعام ورنىقتىلىعىن بۇلدىرەتىن بۇزاقىلارعا قارسى ءىس جۇزىندىك ارەكەتىم ارقىلى باتىل كۇرەس جۇرگىزەمىن.
وڭتۇستىك شينجياڭدا جۇپ قۇراۋ، تۋىس بولۋ قيمىلى بايلانىسىمەن جۇرگەن جۇڭگو دەموكراتيالىق العاباسارلىق پارتياسى شينجياڭ رايوندىق كوميتەتىنىڭ كادرى جاڭ شين بىلاي دەدى: ءبىز وڭتۇستىك شينجياڭدا حالىق تۇرمىسىنىڭ پارتيا ورتالىق كوميتەتىنىڭ قامقورلىعىندا جاقسارا باستاعانىن، ءار ۇلت جۇرتشىلىعىنىڭ تۇرمىس ورەسىنىڭ شىن مانىندە جوعارىلاعانىن تەرەڭ سەزىندىك، وسىنىڭ بارلىعى ءبىزدىڭ وتاندى، مەكەندى كوركەيتۋدەي دارقان پەيىلىمىز بەن كۇش - قۋاتىمىزدى ۇيىستىرۋىمىزعا مۇمكىندىك بەرەدى.
«قۇربان اتايدىڭ اۋلەتتەرى ءىس - ارەكەتتەرىمەن پارتياعا، وتانعا العىس ايتتى، پارتياعا دەگەن مۇنداي تەرەڭ سۇيىسپەنشىلىك قاستەرلەۋگە تاتيدى. ءبىز وسىنداي پارتيانى، وتاندى ءسۇيۋ رۋحى ارقىلى بۇدان بىلايعى قىزمەتتەرىمىزگە جەتەكشىلىك ەتىپ، پارتيانىڭ باسشىلىعىندا شينجياڭنىڭ جارقىن بولاشاعىن جاراتۋىمىز كەرەك»، - دەيدى تولى اۋدانى تولى قالاشىعى فۋشيڭ كوشەسى الەۋمەتتىك اۋماعى پارتيا ياچەيكاسىنىڭ شۋجيى چين حايشيا.
قامقورلىقتى كوركەم شينجياڭ قۇرۋدىڭ قوزعاۋشى كۇشىنە اينالدىرامىز
اۆتونوميالى رايوندىق ساياحات مەكەمەسى پارتيا باسشىلىق گرۋپپاسىنىڭ شۋجيى لي جيدۇڭ بىلاي دەدى: بۇكىل رايونىمىزدىڭ ساياحات سالاسى قۇربان اتايدى ۇلگى ەتىپ، پارتيانى، وتاندى ءسۇيۋدىڭ، وتاننىڭ تۇتاستىعى مەن ۇلتتار ىنتىماعىن قورعاۋدىڭ ۇلگىلەرىنەن بولىپ، اناعۇرلىم جوعارى كاسىپتىك دەڭگەي جانە ساپالى قىزمەت ارقىلى شينجياڭ ساياحاتىنىڭ وبرازىن سومداپ، شينجياڭنىڭ ساياحاتىن ويداعىداي ۇگىتتەيدى.
جەمسارى اۋدانى لاۋتاي اۋىلدىق پارتكومىنىڭ ورىنباسار شۋجيى ماۋ رۇي بىلاي دەدى: مەن، ءسوز جوق، باس شۋجيدىڭ شىنايى ءۇمىتىن قىزمەتتەگى قوزعاۋشى كۇشكە اينالدىرىپ، ءار ۇلت جۇرتشىلىعىن ءتىپتى دە ورنىقتى، جاراسىمدى، باي شينجياڭ قۇرۋعا جەتەكتەيمىن.
مەملەكەت ەلەكتر تورابى قاراقاش اۋداندىق ەلەكتر سەرىكتەستىگى كوممۋنيستىك جاستار وداعى ياچەيكاسىنىڭ شۋجيى لي حاۋ: قۇربان اتايدىڭ اۋىلىندا قىزمەت ىستەيتىن ەلەكتر سالاسىنىڭ قىزمەتكەرى رەتىندە، جاۋاپكەرشىلىگىمنىڭ زور ەكەنىن تەرەڭ سەزىندىم، كەدەي وڭىردەگى بۇقارانىڭ ەلەكتردەن پايدالانۋ جاعدايىن جاقسارتۋعا ۇلەس قوسامىن، - دەدى.
چەرشەن اۋدانى شوڭكول اۋىلدىق پارتكومنىڭ ورىنباسار شۋجيى، اۋىل باستىعى ياسىن ناسىر بىلاي دەدى: قۇربان اتايدىڭ تاڭداۋلى قاسيەتى مەن باعا جەتپەس رۋحىن ساۋلەلەندىرىپ، ءار ۇلت بۇقاراسىنا قىزمەت ەتىپ، ءوزارا كومەكتەسۋ، قارايلاسۋ قيمىلىن ويداعىداي ورىستەتىپ، جاراسىمدى، ىنتىماقتى، كوركەم مەكەندى قول ۇستاسا بىرگە قۇرامىز.
قۇمىل قالاسى يجوۋ رايوندىق بەيزاتتىق مادەنيەت مۇرالارىن قورعاۋ ورتالىعىنىڭ مەڭگەرۋشىسى تۇردى تۇرسىن: ءبىز ناقتى ارەكەت ارقىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، ءتۇرلى قىزمەتتەردى ىلگەرىلەتۋگە بەل بۋامىز، - دەدى.
اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ مەكىت اۋدانى بازار ءجامي اۋىلى شامقۇرلىق قىستاعىندا تۇراتىن قىزمەت اترەتىندەگى حانقىز ۇسەيىن بىلاي دەدى: باس شۋجي شي جينپيڭنىڭ جاۋاپ حاتى جۇرتشىلىققا زور شابىت بەرىپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىنىڭ يدەيالىق نەگىزى مەن بۇقارالىق نەگىزىن نىعايتتى.
