جاڭ لەي
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جالپى جاعداي وسكەلەڭ تۇرعىسىنان، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، شينجياڭدى زاڭ ارقىلى جونگە سالۋدان، شينجياڭدى ىنتىماقتاسا ورنىقتىرۋدان، شينجياڭدى باياندى كوركەيتۋدەن جازباي، شينجياڭنىڭ رەفورما جاساۋ، دامۋ، ۇلتتار ىنتىماعى، قوعامىنىڭ العا باسۋى، حالىق تۇرمىسىن جاقسارتۋ سالالارىن ىلگەرىلەتۋدە تاريحي سيپاتتى جەتىستىكتەرگە قول جەتكىزدى.
جاڭا جىل كىرىسىمەن، باس شۋجي شي جينپيڭ قۇربان تۇلىم اتايدىڭ ۇلكەن قىزى توحتىحان قۇربانعا جاۋاپ حات جازىپ، ونى وتباسىن جانە اۋىلداستارىن باستاپ، جالعاستى پارتيانى، وتاندى، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋعا جىگەرلەندىردى. شىنايى لەبىزدەر، ىستىق ىقىلاستى اماندىق سۇراسۋ، كوكەي تەستى ۇمىتتەر، باس شۋجيدىڭ جاۋاپ حاتى جاقىنعى كۇندەردەن بەرى تۇتاس شينجياڭدا قىزۋ اڭىس قوزعادى. قىستىڭ شۋاقتى كۇنىندەي، ادامدار جۇرەگىنە جىلۋلىق باعىشتاپ، 23 ميلليون تيانشان ۇلاندارىنا ورتالىقتىڭ شىنايى قامقورلىعىن تاعى ءبىر رەت سەزىندىردى.
پارتيا ورتالىق كوميتەتى شينجياڭ قىزمەتىنە باسا ءمان بەردى
«سول ءبىر كەز ءومىرىمنىڭ ەڭ ءبىر باقىتتى ءساتى. 2014 - جىلى 28 - ءساۋىر تۇستەن بۇرىن ساعات 11 مولشەرىندە، باس شۋجي مەنىڭ وتباسىما كەلدى! ول مەنىڭ قولىمنان ۇستاپ، جاڭا ءۇيدى، ارتقى اۋلانى، قوي قورانى جانە ەگىس سايماندارىن كوردى، سوڭىندا ول كىسى اكەم ەكەۋىمىزدىڭ ورتامىزعا وتىرىپ، اۋىلداستارمەن اڭگىمە شەرتتى» ءار رەت وسى كەشىرمەلەرىن ايتقاندا، قاشقار كونەشار اۋدانى توققۇزاق قالاشىعى اياققى مانگەن قىستاعىنىڭ تۇرعىنى ابدۇقيىم روزى ءوزىنىڭ تەبىرەنىستى كوڭىل كۇيىن جاسىرا المايدى.
2014 - جىلى 27 - ءساۋىر تۇستەن بۇرىن، باس شۋجي شي جينپيڭ شينجياڭعا كەلىپ تەكسەرۋ - زەرتتەۋ جۇرگىزدى. بۇل پارتيا 18 - قۇرىلتايىنان كەيىن باس شۋجي شي جينپيڭنىڭ شينجياڭدا تۇڭعىش رەت تەكسەرۋ - زەرتتەۋ جۇرگىزۋى. 4 كۇندىك تەكسەرۋ كۇن ءتارتىبى تىعىز، توتەنشە قاربالاس بولدى. مىنە وسى كەزدە ابدۇقيىم روزىنىڭ باس شۋجيمەن بەتپە - بەت كەزىككەن ۇمىتىلماس كەشىرمەلەرى بولدى، ول ءوز قولىمەن باس شۋجيگە ۇيعۇر ۇلتىنىڭ كەستەلى دوبباسىن كيگىزىپ، شەكسىز العىسىن ءبىلدىردى.
پارتيا ورتالىق كوميتەتى شينجياڭ قىزمەتىنە ەجەلدەن ايرىقشا ءمان بەردى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىن پارتيا مەن مەملەكەت قىزمەتى جالپى جاعدايىندا ماڭىزدى ورىنعا قويىپ، ءبىر ميلليون 660 مىڭ شارشى كيلومەتر شينجياڭ دالاسىنا قىرۋار زەيىن - زەردەلەرىن ارنادى. پارتيا 18 - قۇرىلتايىندا جاپپاي دوڭگەلەك داۋلەتتى قوعام قۇرۋ ۇندەۋى كوتەرىلدى، باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ايبىندى نىساناسىن ورتاعا قويدى. جاپپاي دوڭگەلەك داۋلەتتى قوعام قۇرۋدا، جۇڭگو ارمانىن ىسكە اسىرۋدا شينجياڭدى زاڭ ارقىلى ءتىپتى دە جاقسى جونگە سالۋ، ونان ارى ورنىقتىرۋ، ونان ارى كوركەيتۋ قاجەت.
«قوعام ورنىقتىلىعى مەن باياندى تىنىشتىقتى قىزمەتتىڭ كوزدەۋ ءتۇيىنى مەن كۇش سالۋ ءتۇيىنى ەتىپ، ءار جاقتاعى قىزمەتتەردى ءبىر تۇتاس جوبالاپ ىلگەرىلەتىپ، تاريحي ورايدى مىقتى يگەرۋ جانە ودان ويداعىداي پايدالانۋ، شينجياڭنىڭ قارىشتاپ دامۋىن جۇزەگە اسىرۋ ءۇشىن، تاماشا شارت - جاعداي جاراتىپ، ءار ۇلت كادرلارى مەن جۇرتشىلىقتىڭ ىنتىماقتاسا كۇرەس جۇرگىزۋىنە سۇيەنىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا كۇرەس جۇرگىزۋ كەرەك» باس شۋجي شي جينپيڭ شينجياڭعا كەلىپ قىزمەت تەكسەرگەندە وسىلاي دەپ باسا دارىپتەدى.
قوعام ورنىقتىلىعى مەن باياندى تىنىشتىق جاڭا ءداۋىردىڭ جاڭا جاعدايىندا شينجياڭنىڭ اۋقىمى مەن بۇكىل ەلىمىزدىڭ جالپى جاعدايىنا ساي جاسالعان كەلەلى ستراتەگيالىق تۇجىرىم؛ بۇل كەزەكتەگى جانە الداعى ءبىر مەزگىلدەگى شينجياڭ قىزمەتىن ستراتەگيالىق جالپى جاعداي تۇرعىسىنان ورنالاستىرۋ بولىپ تابىلادى.
كوپ ۇزاماي، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلدى. باس شۋجي شي جينپيڭ سوزىندە شينجياڭنىڭ كەزەكتەگى جانە الداعى ءبىر مەزگىلدەگى قىزمەتىنە جاپپاي ورنالاستىرۋ جاسادى: «پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى باعىت - ساياساتتارىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتۋ كەرەك»، «شينجياڭدى زاڭ ارقىلى جونگە سالۋدان، شينجياڭدى ىنتىماقتاسا ورنىقتىرۋدان، شينجياڭدى باياندى كوركەيتۋدەن جازباي، ىنتىماقتى، جاراسىمدى، كوركەيىپ - گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭ قۇرۋعا قۇلشىنۋ كەرەك»، «ۇزاق بولاشاققا ساياتىن جوسپار جاساپ، نەگىزدى بەكەمدەيتىن شارالار اتقارىپ، باياندى تىنىشتىق ورناتىپ، تۇراقتى بيلىك قۇرۋ كەرەك»... ءبىرسىپىرا بولجامپاز ستراتەگيالىق شەشىمدەر، ءبىر قاتار داۋىرمەن بىرگە العا باسقان ساياسي شارالار جاڭا داۋىردە شينجياڭنىڭ ءدوپ كەلىپ وتىرعان جاعدايلارى مەن مىندەتتەرىنە عىلمي تالداۋ جاساپ، شينجياڭ قىزمەتىنىڭ جەتەكشى يدەياسىن، نەگىزگى تالابىن تۇراقتاندىرىپ، كەزەكتەگى جانە الداعى ءبىر مەزگىلدەگى شينجياڭ قىزمەتىنە جارقىن جول سىلتەدى.
2015 - جىلى باس شۋجي شي جينپيڭ اۆتونوميالى رايونىمىز قۇرىلعاندىعىنىڭ 60 جىلدىعىنا ارناپ، «كورىكتى شينجياڭ قۇرىپ، وتان ارمانىن بىرگە جۇزەگە اسىرايىق» دەگەن ارناۋ ءسوز جازىلعان گراموتا ۇسىندى، ورتالىق ۋاكىلدەر ۇيىرمەسى ورتالىقتىڭ جانە باس شۋجيدىڭ قويۋ سۇيىسپەنشىلىگىن الا كەلىپ، شينجياڭداعى ءار ۇلت حالقىن قىزۋ قۇتتىقتادى جانە حال سۇرادى.
شىنايى قامقورلىق، زور شابىت. بىرنەشە جىلدان بەرى اۆتونوميالى رايوندىق پارتكوم 23 ميلليون ءار ۇلت حالقىن ىنتىماقتاستىرا باستاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىن كورىكتى شينجياڭ قۇرۋ، وتان ارمانىن بىرگە جۇزەگە اسىرۋدىڭ قۋاتتى كۇشىنە اينالدىرىپ، شينجياڭداعى ءار سالا ىستەرىنىڭ العا باسۋىن ۇزدىكسىز ىلگەرىلەتتى.
باس شۋجي شينجياڭداعى ءار ۇلت حالقىن كوكەيىنەن شىعارمادى
«توحتىحان: سالەمەتسىز بە! نەمەرەڭىز رۋقيامنىڭ حاتىنان... قاتتى قۋاندىم... وتباسىلارىڭىزداعىلاردىڭ قۇربان اتاي سياقتى اۋىلداستارمەن بىرگە قۇلشىنىپ، پارتيانى، وتاندى، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋىن... دەنساۋلىعىڭىزدىڭ مىقتى، عۇمىر جاسىڭىزدىڭ ۇزاق، وتباسىڭىزدىڭ باقىتتى بولۋىن تىلەيمىن، وتباسىڭىزداعىلارعا جانە اۋىلداستارعا مەنىڭ سالەمىمدى جەتكىزىڭىز! شي جينپيڭ».
«ەسەكپەن بەيجيڭگە بارىپ، ءتوراعا ماۋ زىدۇڭعا امانداسقان» قۇربان اتايدىڭ قىزى توحتىحان 2017 - جىلى 13 - قاڭتاردا جۇڭنانحايدان كەلگەن ءبىر پارشا حاتتى تاپسىرىپ الدى، ءبىر وتباسى ادامدارى اسەرلەنگەندەرىنەن ءتۇنى بويى كوز ىلمەدى.
«باس شۋجيدىڭ قىزمەتى سونشاما قاربالاس بولسا دا، ءبىزدىڭ وتباسىمىزدى، ءار ۇلت اۋىلداستاردى، شينجياڭداعى ءار ۇلت حالقىن كوكەيىنەن شىعارماپتى، پارتيا ورتالىق كوميتەتىنە راقىمەت! باس شۋجيگە راقىمەت!». جاسى توقسانعا تاياعان توحتىحان قارت كوزىنە ىستىق جاس الىپ، وسى سوزدەردى قايتالاي بەردى.
پارتيا 18 - قۇرىلتايىنان بەرى باس شۋجي شي جينپيڭ كۇندەلىكتى قاباتتاسقان قاربالاس جۇمىستارىنا قاراماستان، شينجياڭداعى كادرلارعا، بۇقاراعا، از دەگەندە، 2 رەت جاۋاپ حات جازىپ، ءتۇرلى ورتالاردا شينجياڭنان بارعان ءار ۇلت بۇقاراسىمەن كوپ رەت كەزدەسىپ، شينجياڭنىڭ رەفورما، دامۋ، ورنىقتىلىق سياقتى قىزمەتتەرىنە ماڭىزدى نۇسقاۋلار بەرىپ، بەكىتۋلەر جاساعانىن ساناپ تاۋىسا المايمىز.
2014 - جىلى 9 - قىركۇيەكتە شي جينپيڭ داشي قىستاعى پارتكومىنىڭ شۋجيى ساۋۇر ماڭلىككە جانە بۇكىل قىستاق تۇرعىندارىنا قايتارعان جاۋاپ حاتىندا «پارتيانىڭ ابزال ساياساتىن ءاربىر وتباسىنا دەيىن تياناقتاندىرىپ، ءوندىرىستى ونان ارى كوركەيتىپ، ۇلتتار ىنتىماعىن ونان ارى كۇشەيتىپ، اۋىلداستاردىڭ تۇرمىسىن كۇن سايىن جاقسارتۋىن ءۇمىت ەتەمىن» دەگەن جىگەرلەندىرۋى داشي قىستاعىنىڭ دامۋىنا تىڭ قوزعاۋشى كۇش ۇستەدى.
2015 - جىلى 30 - قىركۇيەكتە جۇڭحۋا حالىق رەسپۋبليكاسىنىڭ قۇرىلعانىنا 66 جىل تولۋ بايلانىسىمەن، شي جينپيڭ شينجياڭ، ىشكى موڭعۇل، گۋاڭشي، شيزاڭ، نيڭشيا قاتارلى 5 اۆتونوميالى رايوننىڭ نەگىزگى ساتىداعى ۇلتتار ىنتىماعىنىڭ 13 تاڭداۋلى ۋاكىلىن بەيجيڭگە كەلىپ مەملەكەت مەرەكەسىن تويلاۋ قيمىلىنا قاتىناسۋعا ارنايى ۇسىنىس ەتتى ءارى حالىق سارايىندا ولاردى ىستىق ىقىلاسپەن قابىلدادى. ولاردىڭ ىشىندە شينجياڭنان حانايشام ءانۋار، ميھىرگۇل ءانۋار، مامەتتۇرۇپ مىرساق، جۇماتاي اۋباكىر ۇلى، يۋ لياڭيىڭ قاتارلى 5 ۋاكىل بار.
2016 - جىلى 12 - جەلتوقساندا مەملەكەتتىڭ 1 - كەزەكتى وركەنيەتتى وتباسىن سيلاۋ - ماداقتاۋ جينالىسى بەيجيڭدە وتكىزىلدى، باس شۋجي شي جينپيڭ تۇڭعىش كەزەكتى وركەنيەتتى وتباسى ۋاكىلدەرىمەن ىستىق ىقىلاسپەن كەزدەستى، بۇنىڭ ىشىندە شينجياڭنان 10 وتباسىنىڭ ۋاكىلى بار.
2015 - جىلى 3 - شىلدەدە گۇما اۋدانىندا 6.3 بال جەر سىلكىندى. سىلكىنىستەن كەيىن، شي جينپيڭ گۇما اۋدانىنداعى جەر سىلكىنىسى اپاتىنا قارسى تۇرىپ، اپاتتان قۇتقارۋ قىزمەتىنە ىلگەرىندى - كەيىندى 2 رەت ماڭىزدى نۇسقاۋ بەردى.
حالىقپەن ەتەنە بولسا، مەملەكەت ورنىقتى بولادى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىق تۇرمىسى قىزمەتىنە وسكەلەڭ ءمان بەردى، اسىرەسە، شينجياڭداعى ءار ۇلت بۇقاراسىنا مۇلتىكسىز مەيىر باعىشتاپ، بۇقارانىڭ قامىن جەدى. استانامىز بەيجيڭ شينجياڭعا شالعاي بولسا دا، پارتيا ورتالىق كوميتەتىنىڭ، باس شۋجي شي جينپيڭنىڭ جۇرەگى شينجياڭداعى ءار ۇلت بۇقاراسىمەن بىرگە تامىرلاسىپ، بىرگە سوقتى.
تيانشان ۇلاندارى العىسىن ايتىپ تاۋىسا المايدى
2016 - جىلى مەملەكەت مەرەكەسى قارساڭىندا، كۇشار اۋدانى ۇزىن قالاشىعى 2 - ءۇشقارا قىستاعىندا، كولەمى 4 مۋ، 200گە تارتا مۇشەسى بار كۇشار اۋدانى اپەكەلى - ءسىڭلىلى كاسىپتىك كەستەشىلىك كووپەراتيۆى جۇمىس باستادى. جارىق تا تازا جۇمىس ورنى، ءبىر تۇتاس جۇمىس كيىمىن كيگەن كووپەراتيۆ مۇشەلەرى ۇلاسپالى جەلىدە سەسترالار كيىمىن تىگىپ جاتىر. تولىق اۆتوماتتى كەستە ماشيناسى جۇمىسشىلاردىڭ باسقارۋىندا تاعى ءبىر توپ كيىمگە كاسىپورىندارىنىڭ اسەم بەلگىسىن كەستەلەپ جاتىر.
وسى كووپەراتيۆدىڭ جاۋاپتىسى اپەكەلى - ءسىڭلىلى حانايشام ءانۋار مەن ميھىرگۇل ءانۋار. ولاردىڭ ءبىر جىلدان بەرگى باستان كەشكەندەرى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت ۇلاندارىنا دەگەن قامقورىنىڭ ناعىز بەينەسى.
اپەكەلى - ءسىڭلىلى حانايشام ءانۋار مەن ميھىرگۇل ءانۋاردىڭ بۇرىنعى تۇرمىستارى ونشا ءماز ەمەس بولاتىن، پارتيا ورتالىق كوميتەتىنىڭ حالىق تۇرمىسىنا تيىمدىلىك جاساۋداي ابزال ساياساتىنىڭ ارقاسىندا، ولار مەن اۋىلداستارىنىڭ تۇرمىسى كۇن سايىن جاقسارا باستادى. 2015 - جىلى اپەكەلى - ءسىڭلىلى ەكەۋى وزدەرىنىڭ العىستارىن ءبىلدىرۋ ءۇشىن 2 اي ۋاقىت جۇمساپ «جۇڭگو ارمانىنا قاتار قانات قاعايىق» دەگەن كانۋالى سۋرەت تىگىپ، 1000 شاقىرىمنان ارتىق جول باسىپ ۇرىمجىگە جەتىپ، شينجياڭ ۇيعۇر اۆتونوميالى رايوندىق پارتكومعا تاپسىرىپ بەرىپ، اۆتونوميالى رايوندىق پارتكوم ارقىلى باس شۋجي شي جينپيڭگە تابىس ەتۋدى ءۇمىت ەتىپتى. كوپ وتپەي بۇل كانۋالى سۋرەت بەيجيڭدە اشىلعان «وتان قۇشاعىندا − شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىنا ارنالعان تابىستار كورمەسىنە» قويىلىپ، بىرنەشە كۇننەن كەيىن، اپەكەلى - ءسىڭلىلى ەكەۋى مەملەكەتىمىزدىڭ 5 اۆتونوميالى رايونىنان كەلگەن نەگىزگى ساتىداعى ۇلتتار ىنتىماعىنىڭ ۇزدىك ۋاكىلدەرىمەن بىرگە باس شۋجي شي جينپيڭنىڭ ىستىق ىقىلاستى قابىلداۋىندا بولادى.
«ەگەر پارتيا ورتالىق كوميتەتىنىڭ، باس شۋجي شي جينپيڭنىڭ قامقورلعى بولماسا، ءبىزدىڭ كەستەشىلىك كووپەراتيۆىمىز بولماس ەدى. پارتيانىڭ شۇلەن شۇعىلاسى ءبىزدىڭ جۇرەك تۇكپىرىمىزگە دەيىن جىلۋىن جەتكىزدى، العىسىمىزدى ايتىپ تاۋىسا المايمىز». اپەكەلى - ءسىڭلىلى ەكەۋىنىڭ وسى ءسوزى بۇكىل شينجياڭداعى 32 ميلليون ءار ۇلت ۇلاندارىنىڭ جۇرەك جاردى تىلەگى ەدى.
تاياۋ جىلداردان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر قاتار ءتيىمدى ساياساتتاردى جولعا قويدى، شينجياڭعا قاراي بەيىمدەلىپ، حالىق تۇرمىسىنا قاراي بەيىمدەلىپ، شينجياڭداعى ءار ۇلت بۇقاراسىنىڭ، اسىرەسە، نەگىزگى ساتىداعى ەگىنشى - مالشىلاردىڭ ءوندىرىس، تۇرمىس ورەسى بارىنشا جاقساردى. سۇيىسپەنشىلىكتى باعالاپ العىس ايتا بىلەتىن شينجياڭداعى ءار ۇلت حالقى وڭاي قول جەتە بەرمەيتىن باقىتتى تۇرمىس، جاقسى جاعدايدى ساقتاۋ ءۇشىن قوعامنىڭ ورنىقتىلىعى، ۇلتتار ىنتىماعى، ءدىن جاراسىمدىلىعى سياقتىلاردان ايرىلا المايتىن، بۇل ءۇشىن كوپ بولىپ بىرلىكتە قۇلشىنۋ كەرەك ەكەندىگىن تەرەڭ ءتۇسىنىپ جەتتى.
بىلتىردان بەرى اۆتونوميالى رايوندىق پارتكوم پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، «13 - بەسجىلدىق» جوبا مەزگىلىندەگى قىزمەتتەرگە ورنالاستىرۋلار جاسادى. قوعام ورنىقتىلىعى مەن باياندى تىنىشتىق نىساناسىنا باستان - اياق تاباندى بولۋدى شينجياڭنىڭ بارلىق قىزمەتىنە ءبىر تۇتاس باسشىلىق ەتەتىن باس باعدارلاما، وزەكتى مىندەت، نازار اۋدارۋ ءتۇيىنى، كۇش سالۋ ءتۇيىنى ەتۋگە تاباندى بولدى. وسىنىڭ ىشىندە ىشكەرىلەي ورىستەتىلگەن «ۇلتتار ىنتىماعىنىڭ بەرەكەلى شاڭىراعى» اتتى قيمىل اۆتونوميالى رايونىمىزداعى بارشا كادر مەن بۇقارانىڭ شىنايى قولداۋى مەن قارسى الۋىنا يە بولدى.
«ءبىزدىڭ شينجياڭ جاقسى جەر، ۇلتتار ءبىر وتباسىنىڭ ادامدارىنداي ىنتىماقتى». باس شۋجي شي جينپيڭنىڭ توحتىحانعا جازعان جاۋاپ حاتىنداعى وسى ءسوزى باس شۋجيدىڭ شينجياڭنىڭ ۇلتتار ىنتىماعى، العاباسارلىعى قىزمەتىنە باسا ءمان بەرىپ كوڭىل بولگەن ىقىلاسىن ايگىلەدى.
«پارتيا ورتالىق كوميتەتىنە، باس شۋجي شي جينپيڭگە ايتار العىسىمىز اۋىز جۇزىندە عانا قالماۋعا ءتيىس، قايتا ءىس جۇزىندىك ارەكەتىمىزبەن بەينەلەۋىمىز كەرەك». توحتىحاننىڭ نەمەرە قىزى رۋقيام مەملەكەتىمىزدىڭ لياۋنيڭ اتتى تۇڭعىش اۋياماتكاسىندا جاۋىنگەر بولعان. ول، پارتيا ورتالىق كوميتەتىنىڭ، باس شۋجي شي جينپيڭنىڭ قامقورلىعىن پارتيانى ءسۇيۋدىڭ، وتاندى ءسۇيۋدىڭ، وتاننىڭ تۇتاستىعىن، ۇلتتار ىنتىماعىن قورعاۋدىڭ قوزعاۋشى كۇشىنە اينالدىرۋ، بارلىق ادام وڭ ەنەرگيامەن ۇلەس قوسىپ، پارتيانىڭ باسشىلىعىندا ءبىر جاعادان باس، ءبىر جەڭنەن قول شىعارا سەلبەسىپ، شينجياڭنىڭ ءتىپتى كوركەم بولاشاعىن بىرگە جاراتۋى كەرەك.
