− شينجياڭداعى ءار ۇلت كادر− جۇرتشىلىعى باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقان حابارىن جابىلا كوردى
3-ايدىڭ 10-كۇنى تۇستەن كەيىن ساعات 7 دە، رايونىمىزداعى ءار ۇلت كادر -جۇرتشىلىعى «مەملەكەتتىك جانە حالىقارالىق حابارلاردى» توتەنشە تەبىرەنگەن سەزىممەن كورىپ، باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقانداعى ماڭىزدى ءسوزىن بىرگە تىڭداپ، باس شۋجي شي جينپيڭنىڭ شينجياڭداعى ءار ۇلت حالقىنا دەگەن شىنايى قامقورلىعىن سەزىندى. باس شۋجيدىڭ ىقىلاستى قامقورلىعى مەن كوكەي تەستى ءۇمىتىن قۇدىرەتتى قوزعاۋشى كۇشكە اينالدىرىپ، باس نىسانانى جۇزەگە اسىرۋ جولىندا تالىقپاي قۇلشىناتىندىقتارىن ءبىلدىردى.
مەڭگەرمەلەر، مەكەمەلەر، ورگاندار:
ورتالىقتىڭ شينجياڭدى جونگە سالۋ جالپى جوباسىن شينجياڭدا تەرەڭ تامىر تارتتىرۋ كەرەك
اۆتونوميالى رايونداعى مەڭگەرمەلەر، مەكەمەلەر، ورگاندار كادرلار مەن جۇمىسشى - قىزمەتشىلەردى «مەملەكەتتىك جانە حالىقارالىق حابارلاردى» كورۋگە ۇيىمداستىرعاننان كەيىن، كوپشىلىك تەرەڭ شابىت الىپ، باس شۋجيدىڭ شينجياڭدى جونگە سالۋ جونىندەگى ۇستانىمىن ناقتى قىزمەت بارىسىندا دايەكتى تياناقتاندىرىپ، باس نىسانانى جۇزەگە اسىرۋ جولىندا تالىقپاي قۇلشىناتىندىقتارىن ءبىلدىردى.
اۆتونوميالى رايوندىق پارتكوم ساياسي - زاڭ كوميتەتى ورگانىنداعى بارلىق كادرلار تۇستەن بۇرىن شينحۋا اگەنتتىگىنىڭ باس شۋجيدىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقاندىعى جونىندەگى حابارىن كورگەننەن كەيىن، «مەملەكەتتىك جانە حالىقارالىق حابارلاردى» كورۋگە اسىقتى، باس شۋجيدىڭ قوعام ورنىقتىلىعىن باتىل قورعاۋ جونىندەگى ماڭىزدى نۇسقاۋىن ەستىگەن جەردەن كوپشىلىك دەرەۋ ەستەلىككە الدى، سونداي - اق تيەسەلى قىزمەتتەرىن تىڭعىلىقتى جاقسى ىستەپ، لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شارالارىن باتىل اتقارىپ، شينجياڭنىڭ قوعام ورنىقتىلىعى مەن باياندى تىنىشتىعىنا ايانباي كۇش سالاتىندىقتارىن ءبىلدىردى.
اۆتونوميالى رايوندىق حالىق ۇكىمەتى كەڭسەسىندەگى 120 نەشە كادر، جۇمىسشى - قىزمەتكەر «مەملەكەتتىك جانە حالىقارالىق حابارلاردى» توپتىق بىرگە كوردى. ەكراننان باس شۋجيدىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقان كورىنىسى شىققان كەزدە، كوپشىلىك باس شۋجيدىڭ ۋاكىلدەرمەن ىستىق ىقىلاسپەن كەزدەسكەن بەينە جازباسىن جاپا - تارماعاي قول تەلەفوندارىنا ءتۇسىرىپ الدى. اۆتونوميالى رايوندىق حالىق ۇكىمەتى باقىلاۋ - تەكسەرۋ كەڭسەسىنىڭ ورىنباسار مەڭگەرۋشىسى تاۋ جيە بىلاي دەدى: باس شۋجيدىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسۋى شينجياڭداعى ءار ۇلت حالقى جونىنەن ۇلكەن قۋانىشتى ءىس. اۆتونوميالى رايوندىق حالىق ۇكىمەتى كەڭسەسى جيىن، ءماجىلىس قىزمەتى باسقارماسىنىڭ باستىعى گاۋ يۇڭيان بىلاي دەدى: «ءبىز باس شۋجيدىڭ شينجياڭ حالقىنا دەگەن قامقورلىعىن قوزعاۋشى كۇشكە اينالدىرىپ، اناعۇرلىم جالىندى ىنتا، اسقاق جىگەر، ناقتى ءىس ىستەۋ ستيلى ارقىلى ورتالىقتىڭ شينجياڭدى جونگە سالۋ جالپى جوباسىن شينجياڭدا تەرەڭ تامىر تارتتىرۋعا تيەسەلى ۇلەس قوسۋىمىز كەرەك».
اۆتونوميالى رايوندىق ساۋدا ىستەرى مەڭگەرمەسىندەگى بارلىق پارتيا مۇشەلەرى مەن كادرلار ءماجىلىس زالىنا جيىلىپ، «مەملەكەتتىك جانە حالىقارالىق حابارلاردا» الدىمەن قويىلعان باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقاندىعى تۋرالى حاباردى كورىپ، دۋ قول شاپالاق سوقتى.
باس شۋجي شي جينپيڭنىڭ ماڭىزدى ءسوزى اۆتونوميالى رايوندىق گەولوگيا كەن مەكەمەسى ورگانىنداعى جالپى پارتيالى كادرلاردىڭ، جۇمىسشى - قىزمەتكەرلەردىڭ شينجياڭنىڭ ءتۇرلى قىزمەتىن ويداعىداي ىستەۋ بەلسەندىلىگىن جۇمىلدىردى. اتالعان مەكەمە ورگانى پارتكومىنىڭ ورىنباسار شۋجيى لي فىڭ: باس شۋجيدىڭ سوزىندە شينجياڭداعى ءار ۇلت حالقىنا بولعان تەرەڭ دوستىعى مەن ىقىلاستى تىلەگى ايگىلەنگەن، ءبىز پارتيا ورتالىق كوميتەتى مەن باس شۋجيدىڭ ءۇمىتىن استە جەردە قالدىرماي، رەفورما، دامۋ، ورنىقتىلىق قىزمەتىن كۇش سالا ويداعىداي ىستەيمىز، - دەدى.
نەگىزگى ساتىنىڭ جەر - جەرى:
ءبىر نيەتپەن ىنتىماقتاسىپ، بىلەك سىبانا ىستەيمىز
تيانشان باۋرايىندا نەگىزگى ساتىنىڭ جەر - جەرى، ءار ۇلت بۇقاراسى «مەملەكەتتىك جانە حالىقارالىق حابارلاردى» جاپا - تارماعاي كوردى، باس شۋجي شي جينپيڭنىڭ ماڭىزدى ءسوزى ەرەكشە سىندارلى، شىنايى بولدى، شينجياڭنىڭ الداعى قىزمەتى جونىنەن ماڭىزدى جەتەكشى ءمان الادى، كوپشىلىككە باعدار كورسەتىپ، ولاردىڭ سەنىمىن كۇشەيتتى.
تاشقورعان تاجىك اۆتونوميالى اۋدانىندا 40 مىڭنان استام كادر مەن جۇمىسشى - قىزمەتكەر، ەگىنشى - مالشى مەكەمەدەگى كوپ مەديالى ءماجىلىس ءۇيى، قىستاق تۇرعىندار كوميتەتى سياقتى ورىنداردا «مەملەكەتتىك جانە حالىقارالىق حابارلاردى» كوردى. «باس شۋجي شي جينپيڭ ۇلتتار ىنتىماعى قۇرىلىسىن كۇشەيتىپ، كورىكتى شينجياڭ قۇرۋدى تالاپ ەتتى، ءبىز ەرەكشە جەلپىندىك، باس شۋجيدىڭ تالاپتارىن كۇندەلىكتى وقىتۋدا دايەكتىلەندىرىپ، پارتيانى، مەملەكەتتى سۇيەتىن جالىندى دارىندىلاردى باۋليمىز»، - دەدى اتالعان اۋداننىڭ سەنترلى «قوس ءتىلدى» بالا باقشاسىنىڭ وقىتۋشىسى جۋ يانجى.
شينجياڭ ءوندىرىس - قۇرىلىس بيڭتۋانى فاڭساۋحۋ ەگىنشىلىك الاڭى ورگانداعى كادرلاردى «مەملەكەتتىك جانە حالىقارالىق حابارلاردى» كورۋگە ۇيىمداستىردى، سونداي - اق «مەملەكەتتىك جانە حالىقارالىق حابارلاردى» فاڭساۋحۋ باس فەرماسى مادەنيەت الاڭىنىڭ ۇلكەن ەكرانىندا كورسەتىپ، ەگىنشىلىك الاڭىنداعى جۇمىسشى - قىزمەتكەرلەردىڭ، بۇقارانىڭ كورۋىنە قولايلىلىق تۋدىردى. ەگىنشىلىك الاڭى ورگانى قوعامدىق - ۇكىمەت ىستەرىن باسقارۋ ءبولىمىنىڭ ورىنباسار باستىعى جاۋ چىڭشۇن: شينجياڭداعى ءار ۇلت كادرلارى مەن بۇقاراسى، ءسوز جوق، پارتيا ورتالىق كوميتەتىنىڭ پارمەندى باسشىلىعىندا، قوعام ورنىقتىلىعى مەن باياندى تىنىشتىق باس نىساناسىنا قاراي العا تارتۋى كەرەك، - دەدى.
شيحۋ قالاسىنداعى ءار ۇلت، ءار سالا كادرلارى مەن بۇقاراسى قالالىق ۇكىمەت عيماراتىنىڭ 1 - قاباتىنداعى بايانداما زالىندا «مەملەكەتتىك جانە حالىقارالىق حابارلاردى» بىرگە كوردى. كوپشىلىك: پارتيا ورتالىق كوميتەتىنىڭ شينجياڭ مەن شينجياڭداعى ءار ۇلت حالقىنا بولعان قامقورلىعى جۇرەگىمىزگە جىلۋ سيلادى، كوپشىلىكتىڭ ورتاق قۇلشىنۋىندا شينجياڭنىڭ بولاشاعىنىڭ، ءسوزسىز، اناعۇرلىم كوركەم بولاتىندىعىنا سەنەمىز، - دەستى.
قارامايلى قالاسى ورقى رايونى ليۋيۋان ءمالىسىنىڭ كادرى نامسۋرۇڭ: باس شۋجي شي جينپيڭنىڭ ماڭىزدى ءسوزى العا باسۋعا ىنتالاندىرىپ، ەرىك - جىگەرىمىزدى سومداپ، بىزگە قوزعاۋشى كۇش بەردى، - دەدى. الەۋمەتتىك اۋماق قىزمەتكەرى جاڭ جينليان: باس شۋجي شي جينپيڭنىڭ ماڭىزدى ءسوزىن تىڭداپ، سەنىمىم ارتا ءتۇستى، ءبىز شينجياڭ سىندى قۇتتى مەكەندە تىرشىلىك ەتىپ وتىرمىز، ءبىر نيەتپەن ىنتىماقتاسىپ، بىلەك سىبانا ىستەپ، حاۋىپسىز، كوركەم شينجياڭ قۇرۋ ءۇشىن ءبىر كىسىلىك ۇلەس قوسۋىمىز كەرەك، - دەدى.
«ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇراتىن قىزمەت اترەتى:
حالىق بۇقاراسىنا پارتيا ورتالىق كوميتەتىنىڭ قامقورلىعىن جەتكىزەمىز
سول كۇنى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇراتىن قىزمەت اترەتىنىڭ مۇشەلەرى اۋىلداستارمەن بىرگە «مەملەكەتتىك جانە حالىقارالىق حابارلاردى» كورىپ، قۋانىشقا ورتاقتاسىپ، كوركەم بولاشاق جونىندە اڭگىمە شەرتىستى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا كۇشار اۋدانى الاقارعا قالاشىعى قىتات قىستاعىنا بارعان قىزمەت اترەتى قىستاقتىڭ قيمىل وتكىزۋ ورتالىعىندا اۋىلداستارمەن بىرگە «مەملەكەتتىك جانە حالىقارالىق حابارلاردى» كوردى. قىستاق پارتيا ياچەيكاسىنىڭ شۋجيى تۇرسىن نياز بىلاي دەدى: «قازىر قارتتاردىڭ تۇرمىسى قامتاماسىز ەتىلدى، جاستار ىستەگەن ەڭبەگىنە قاراي اقشا تابا الاتىن بولدى، قىستاقتاعى بالالار وقۋعا تۇسۋدەن قينالمايتىن بولدى، تۇرمىس شارت - جاعدايىمىز كۇننەن - كۇنگە جاقسارىپ كەلەدى». قىزمەت اترەتىنىڭ ورىنباسار باستىعى كۇڭ ۋىنحۇي بىلاي دەدى: «پارتيا ورتالىق كوميتەتىنىڭ شينجياڭ قىزمەتىنە ايرىقشا نازار اۋدارىپ، ءار ۇلت حالقىنا قامقورلىق ىستەگەنىنە العىس ايتامىز، ءبىزدىڭ قىستاقتا تۇرۋداعى ماقساتىمىز پارتيا ورتالىق كوميتەتىنىڭ ءار ۇلت حالقىنا دەگەن كوڭىل ءبولۋىن، قامقورلىعىن بۇقاراعا جەتكىزىپ، ونى حالىقتىڭ كوكەيىنە قوندىرىپ، ءار ۇلت حالقىن ىنتىماقتاستىرىپ، كورىكتى شينجياڭ قۇرىپ، وتان ارمانىن بىرگە ىسكە اسىرۋ».
ءۇرىمجى تەلەۆيزياسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا ەكونوميكالىق اشۋ رايونى (توۋتۇنحى رايونى) دوستىق كوشەسى اۋماعىن باسقارۋ كوميتەتىنە قاراستى يۇڭمۋ الەۋمەتتىك اۋماعىنا بارعان قىزمەت اترەتى «مەملەكەتتىك جانە حالىقارالىق حابارلاردى» ءدال ۋاعىندا كورگەننەن كەيىن، اڭگىمە ءماجىلىس وتكىزدى. كوپشىلىك نەگىزگى ساتىعا ىشكەرىلەي ارالاسىپ، ستيلدە بۇرىلىس جاساپ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا (الەۋمەتتىك اۋماق) تۇرۋ قىزمەتىن تىڭعىلىقتى ىستەپ، تاباندىلىقپەن ىشكەرىلەي ورىستەتىپ، پارتيا ورتالىق كوميتەتىنىڭ قامقورلىعىن بۇقاراعا جەتكىزەتىندىكتەرىن ءبىلدىردى.
ءۇرىمجى قالاسى ايەلدەر بىرلەستىگىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا سايباق رايونى دوستىق سولتۇستىك باسقارۋ كوميتەتىنە قاراستى شىجيايۋانزى الەۋمەتتىك اۋماعىنا بارعان قىزمەت اترەتى الەۋمەتتىك اۋماقتىڭ قىزمەتكەرلەرىمەن بىرگە «مەملەكەتتىك جانە حالىقارالىق حابارلاردى» كوردى. قىزمەت اترەتىنىڭ باستىعى لي يۇڭحۇڭ بىلاي دەدى: «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭنىڭ ورنىقتىلىعى مەن دامۋىنا كوڭىل ءبولىپ، شينجياڭداعى ءار ۇلت حالقىنىڭ الاڭسىز تىرشىلىك ەتۋىن، بەرەكە - بىرلىگى مەن باقىتىن ماڭداي الدى ورىندا تۇراتىن ءىرى ءىس رەتىندە قاراۋى شينجياڭداعى ءار ۇلت حالقىنا زور مەدەت باعىشتادى. ءبىز <ۇعىسۋ، تيىمدىلىك جاساۋ، توعىستىرۋ> قيمىلى قىزمەتىن بارىنشا ويداعىداي ىستەۋگە كۇش سالىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە ۇلەس قوسامىز». قىزىلسۋ قىرعىز اۆتونوميالى وبلىستىق ساۋدا ىستەرى مەكەمەسىنىڭ ءۇستىن اتۇش قالاشىعى بايساق قىستاعىندا تۇراتىن: ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى سۇيىندىك: «مەملەكەتتىك جانە حالىقارالىق حابارلاردى» كورگەننەن كەيىن، تەبىرەنە: باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسۋى پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن ىقىلاستى قامقورلىعىن ايگىلەدى. باس نىسانانى ارقاۋ ەتىپ، نازاردى باس نىساناعا شوعىرلاندىرىپ، قوعام ورنىقتىلىعى مەن باياندى تىنىشتىقتى قورعاۋعا كۇش قوسامىن، - دەدى.
