10 - ناۋرىزدا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا مىنانى اتاپ كورسەتتى: جاڭا دامۋ ۇستانىمىن تياناقتاندىرىپ، دامۋ ساپاسى مەن ونىمدىلىگىن جوعارىلاتۋدى وزەك ەتۋدەن جازباي، قامداۋ جاعىنداعى قۇرىلىمدىق رەفورمانى العا ىلگەرىلەتۋدى نەگىزگى جەلى ەتىپ، ەرەكشە، باسىمدىققا يە كاسىپ سالاسىن جەتىلدىرۋ، دامىتۋ، نەگىزدىك قۇرىلعى قۇرىلىسىن كۇشەيتۋ، ەكولوگيالىق ورتانى قورعاۋدى كۇشەيتۋ، ەنەرگيانى كوپ سارىپ ەتەتىن، ورتانى اۋىر لاستايتىن، لاس زاتتاردى كوپ ىعىستىرىپ شىعاراتىن نىسانداردىڭ شينجياڭعا ەنۋىنە قاتاڭ تيىم سالىپ، لاستانۋدان ساقتانۋ جانە جونگە سالۋ، قۇمايتتانۋدان ساقتانۋ، قۇمايتتانۋدى جونگە سالۋ سەرپىنىن ارتتىرىپ، اسپانى كوك، جەرى جاسىل، سۋى تۇنىق كوركەم شينجياڭدى قۇرۋعا قۇلشىنۋ كەرەك. باس شۋجيدىڭ ءسوزى «13 - بەسجىلدىق» جوباعا، اۋەلى، ءتىپتى دە ۇزاق مەزگىلدەگى شينجياڭنىڭ دامۋ وي جەلىسىنە، دامۋ بەتالىسى مەن دامۋداعى كۇش سالۋ نۇكتەسىنە باعىت نۇسقادى ءارى شينجياڭنىڭ اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋىنا عىلمي جول نۇسقادى. ورنالاستىرۋدىڭ تەتىگى تياناقتاندىرۋدا. مەملەكەتتىك ەكى ماجىلىسكە قاتىناسىپ جاتقان رايونىمىزداعى مەملەكەتتىك حالىق قۇرىلتايىنىڭ ۋاكىلدەرى مەن مەملەكەتتىك كەڭەستىڭ شينجياڭداعى مۇشەلەرى بىلاي دەدى: باس شۋجيدىڭ «جاڭا دامۋ ۇستانىمىن دايەكتىلەدىرۋ كەرەك» دەگەن ماڭىزدى نۇسقاۋىن مۇقيات دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىنىڭ جەتەكشىلىگىندە ورنىقتىلىق بارىسىندا العا ىلگەرىلەۋ سىندى نەگىزگى اۋەننەن جازباي، ەكونوميكانىڭ جاڭا قالىبىمەن جەتەكشىلىك ەتۋدى يگەرۋگە ۇيلەسىپ، دامۋ ساپاسى مەن ونىمدىلىگىنە ءتىپتى دە دەن قويىپ، شينجياڭنىڭ ءارى جاقسى، ءارى تەز دامۋىن ىلگەرىلەتۋىمىز كەرەك.
شينجياڭنىڭ دامۋىنداعى ءتۇبىرلى ولشەم
ۇستانىم − دامۋ بەتالىسىن، دامۋ وي جەلىسىن، دامۋ ونىمدىلىگىن بەلگىلەيدى. جاڭالىق اشا، سايكەستى، اشىق، بىرگە يگىلىكتەنە دامۋ جاڭا ۇستانىمى − جالپى جاعدايدى، نەگىزدى، ۇزاق بولاشاقتى يگەرۋدەگى ايقىن بەتالىس، شينجياڭنىڭ ەكونوميكانىڭ دامۋىنداعى جاڭا قالىپقا ىرىقتىلىقپەن سايكەسۋدەگى، دامۋداعى تىڭ قوزعاۋشى كۇشتى ارتتىرۋداعى ءتۇبىرلى ولشەم.
«باس شۋجيدىڭ ماڭىزدى ءسوزى ءبىزدىڭ قىزمەتىمىزگە باعىت نۇسقادى، ول ءارى ءبىزدىڭ بۇدان كەيىنگى ارەكەت قىبلانامامىز». مەملەكەتتىك حالىق قۇرىلتايىنىڭ ۋاكىلى، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ تۇراقتى مۇشەسى، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى جوراسى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى دۇڭ شينگۋاڭ بىلاي دەپ قارادى: باس شۋجي شي جينپيڭنىڭ جاڭا دامۋ ۇستانىمىن دايەكتىلەندىرۋدى ورتاعا قويۋى − شينجياڭنىڭ دامۋ تەتىگىن يگەرگەندىك. بيىل پارتيانىڭ 19 - قۇرىلتايى اشىلاتىن جىل، قامداۋ جاعىنداعى قۇرىلىمدىق رەفورما تەرەڭدەتىلەتىن جىل ءارى «13 - بەسجىلدىق» جوبا اتقارىلاتىن، ج ك پ اۆتونوميالى رايوندىق 9 - قۇرىلتايىنىڭ رۋحى دايەكتى تياناقتاندىرىلاتىن، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزەتىن، جاپپاي دوڭگەلەك داۋلەتتى قوعام قۇرۋدى ىلگەرىلەتەتىن ماڭىزدى جىل، تەك قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جاڭا دامۋ ۇستانىمىن دايەكتىلەندىرگەندە عانا دامۋدىڭ جاڭاءورىسىن اشۋعا بولادى.
مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق ءوندىرىس حاۋىپسىزدىگىن باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ مۇشەسى، مەكەمەنىڭ ورىنباسار باستىعى دۋ ۋىنحاي: ءبىز ناقتى قىزمەت بارىسىندا «بەس ءىرى دامۋ» ۇستانىمىن دايەكتى تياناقتاندىرىپ، شينجياڭنىڭ ءىس جۇزىندىگىنە بىرلەستىرىپ، «1 - كاسىپتىڭ دەڭگەيىن جوعارىلاتۋ، 2 - كاسىپتە ءتۇيىندى مىقتى يگەرۋ، 3 - كاسىپتە زور دامۋ» سىندى وي جەلىسى بويىنشا ەكونوميكا مەن قوعامنىڭ دامۋىن جەبەۋىمىز كەرەك، - دەدى.
«باس شۋجيدىڭ شينجياڭداعى ءار ۇلت بۇقاراسىنىڭ ءوندىرىسى مەن تۇرمىسىن كوكەيىندە ساقتاعاندىعى، شينجياڭ قىزمەتىن قايتكەندە جاقسى ىستەۋدى قايتا - قايتا تاپسىرعاندىعى مەنى شەكسىز ءسۇيىندىردى، ايرىقشا جەلپىندىم، اسەرلەندىم». مەملەكەتتىك ساياسي كەڭەستىڭ مۇشەسى، جۇڭگو گومينداڭ توڭكەرىستىك كوميتەتىنىڭ مەڭگەرۋشى جوراسى، شينجياڭ اۋىل شارۋاشىلىق ۋنيۆەرسيتەتىنىڭ ورىنباسار باستىعى جياڭ پيڭ - ان: باس شۋجي جالپى جاعداي جانە ستراتەگيالىق تۇرعىدا تۇرىپ، شينجياڭنىڭ دامۋىنا جول نۇسقادى، «جاڭا دامۋ ۇستانىمىن دايەكتىلەندىرۋدى» ايقىن اتاپ كورسەتتى. ءبىز، ءسوز جوق، باس شۋجيدىڭ ماڭىزدى ءسوزىنىڭ رۋحىن بۇدان كەيىنگى قىزمەتتەردى جاقسى ىستەۋدەگى ۇزاق ۋاقىت تاباندى بولاتىن ماڭىزدى جەتەكشى باعىت جانە ءتۇبىرلى ارەكەت قىبلاناماسى ەتىپ، ءىس تىندىرىپ، شارۋاشىلىق قۇرۋداعى جاڭا وي، تىڭ شارا جانە جاڭا ناتيجەگە اينالدىرۋىمىز كەرەك، - دەدى.
مەملەكەتتىك ساياسي كەڭەستىڭ مۇشەسى، جۇڭگو دەموكراتيانى ىلگەرىلەتۋ قوعامى شينجياڭ رايوندىق كوميتەتىنىڭ مەڭگەرۋشى جوراسى، شينجياڭ پەداگوگيكا ۋنيۆەرسيتەتىنىڭ ورىنباسار باستىعى نيۋ رۋجي بىلاي دەدى: «ءبىز جاڭا دامۋ ۇستانىمىن شىن مانىندە دايەكتىلەندىرىپ، شينجياڭدى جونگە سالۋ نازارياسى مەن شينجياڭدى جونگە سالۋ امالياتىن بىرلەستىرۋ جاعىندا كوبىرەك وي جۇگىرتىپ، كوبىرەك امالياتتان وتكىزگەندە عانا، ناتيجە جاراتىپ، شىنايى ىستەي الامىز».
جاڭا دامۋ ۇستانىمىمەن دامۋ قابىلەتىن جوعارىلاتامىز
دامۋ − بارلىق ماسەلەنى شەشۋدىڭ تەتىگى.
قايتكەندە دامۋعا بولادى؟ باس شۋجيدىڭ سوزىندە بۇعان بەرىلگەن جاۋاپ وتە ايقىن: «دامۋ − ساپاسى مەن ونىمدىلىگىن جوعارىلاتۋدى وزەك ەتۋدەن جازباي، قامداۋ جاعىنداعى قۇرىلىمدىق رەفورمانى العا ىلگەرىلەتۋدى نەگىزگى جەلى ەتۋ».
قايتكەندە وسى وزەك پەن نەگىزگى جەلىنى ارقاۋ ەتىپ قىزمەت ورىستەتۋگە بولادى؟ باس شۋجي ۇلكەن ىستەرگە نازار سالىپ، كىشكەنە ىستەرگە قاداعالاپ، جول نۇسقادى:
− ەرەكشە، باسىمدىققا يە كاسىپ سالاسىن جەتىلدىرۋ، دامىتۋ؛
− نەگىزدىك قۇرىلعى قۇرىلىسىن كۇشەيتۋ؛
− ەكولوگيالىق ورتانى قورعاۋدى كۇشەيتۋ؛
− ەنەرگيانى كوپ سارىپ ەتەتىن، ورتانى اۋىر لاستايتىن، لاس زاتتاردى كوپ ىعىستىرىپ شىعاراتىن نىسانداردىڭ شينجياڭعا ەنۋىنە قاتاڭ تيىم سالۋ؛
− لاستانۋدان ساقتانۋ جانە جونگە سالۋ، قۇمايتتانۋدان ساقتانۋ، قۇمايتتانۋدى جونگە سالۋ سەرپىنىن ارتتىرۋ.
سوڭعى جىلداردا بايىنعولين موڭعۇل اۆتونوميالى وبلىسى ەرەكشە كاسىپ سالاسىن دامىتۋدى جەبەپ، مۇناي - حيميا، جەمىس ورمان شارۋاشىلىعى سياقتى «10 ءىرى كاسىپتى» جەتىلدىرىپ، كاسىپتەر شوعىرى مەن ماركا اسەرىن قالىپتاستىرىپ، تىڭ ارتۋ تۇيىندەرىن جارىققا شىعاردى. «كورلا المۇرتىن تىلگە تيەك ەتكەنىمدە، باس شۋجي ءوزىنىڭ كورلا المۇرت باعىنا بارىپ، تەكسەرۋ جۇرگىزگەن ساتتەرىن ەسكە الدى. ءبىز ەرەكشە كاسىپ سالاسىن دامىتۋدىڭ پايداسىن شىنايى سەزىندىك، بۇدان كەيىن ولشەمدەنگەن ءوندىرىستى جەبەۋگە كۇش سالىپ، سارا ماركالاردى اناعۇرلىم جوعارى ورەگە كوتەرەمىز»، - دەدى مەملەكەتتىك حالىق قۇرىلتايىنىڭ ۋاكىلى، بايىنعولين موڭعۇل اۆتونوميالى وبلىستىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيى، تۇراقتى كوميتەتتىڭ مەڭگەرۋشىسى شى جيانيۇڭ.
نەگىزدىك قۇرىلعىلار − وڭىرلەردىڭ دامۋىنداعى تىرەك، تەك تىرەك مىقتى بولعاندا عانا شينجياڭنىڭ دامۋىنداعى نەگىز اناعۇرلىم بەكەم بولادى، شينجياڭنىڭ دامۋى سوندا عانا ومىرشەڭدىك كۇشكە يە بولادى. دۇڭ شينگۋاڭ بىلاي دەدى: بيىل شينجياڭ قوعامدىق تۇراقتى مۇلىككە ءبىر تريلليون 500 ميلليارد يۋاننان استام قارجى قوسىپ، تاس جول، تەمىر جول، اۋە جاي، سۋ يگىلىگى، ەنەرگيا، حابارلاسۋ سياقتى نىسان قۇرىلىستارىن جەدەلدەتەدى، وسىنداي مول قارجى قوسىلاتىن قۇرىلىستاردىڭ جۇرگىزىلۋى شينجياڭ ەكونوميكاسىنىڭ دامۋىندا شەشۋشى جەتەكشى رولىن اتقاراتىندىعى ءسوزسىز.
مەملەكەتتىك حالىق قۇرىلتايىنىڭ ۋاكىلى، شينجياڭ جاڭا ەنەرگيا (توبى) شەكتى جاۋاپكەرلىك سەرىكتەستىگى پارتكومىنىڭ شۋجيى، باسالقاسى ۋ گاڭ باس شۋجيدىڭ «ەكولوگيالىق ورتانى قورعاۋدى كۇشەيتۋ كەرەك» دەگەن تالابىن ەرەكشە القادى. «باس شۋجي اسپانى كوك، جەرى جاسىل، سۋى تۇنىق كوركەم شينجياڭدى قۇرۋعا قۇلشىنۋ كەرەك دەپ، شىندىعىندا، ءبىزدىڭ جۇرەك ءسوزىمىزدى ايتتى. ءبىز باس شۋجيدىڭ تالابىن باتىل دايەكتىلەندىرىپ، جاسىل دامۋ جولىمەن ءجۇرۋىمىز كەرەك»، - دەدى ول.
نيۋ رۋجي: جاڭا دامۋ ۇستانىمىن دايەكتىلەندىرىپ، ەكولوگيالىق ورتانى قورعاۋدى كۇشەيتۋدە، كاسىپتەردى تاڭداعاندا، ءسوز جوق، اباي بولۋ، تىڭ ورايدى ءدال كوزدەۋ، ەكولوگيانى قورعاۋ تيبىندەگى ورتاسى جاراسىمدى كاسىپ سالاسىن زور كۇشپەن دامىتىپ، جاسىل، تومەن كومىرتەكتى، ورتانى قورعايتىن جاڭا كاسىپتەردى، جاڭا قالىپتى جەدەل جەتىلدىرۋ كەرەك، - دەدى.
بىلەك سىبانا ىسكە كىرىسىپ، تىڭ جورىققا قادام تاستايىق
باس شۋجيدىڭ ماڭىزدى ءسوزىنىڭ رۋحىن دايەكتىلەندىرۋدىڭ تەتىگى تياناقتاندىرۋدا. پارتيا 18 - قۇرىلتايىنىڭ، پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جانە باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزىنىڭ جانە شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن، ءسوز جوق، جاپپاي دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋى بويىنشا، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋدىڭ تىڭ جورىعىن باستاۋىمىز كەرەك.
«مەن تۇرعان قارامايلى قالاسى تيپتىك بايلىق سيپاتتى قالا، ول تيبىن وزگەرتىپ دامۋدىڭ قىسىمىنا ءدوپ كەلىپ وتىر». مەملەكەتتىك حالىق قۇرىلتايىنىڭ ۋاكىلى، شينجياڭ مۇناي الابى اۋىر مۇناي اشۋ سەرىكتەستىگىنىڭ گەولوگيالىق زەرتتەۋ ورنىنىڭ اعا ينجەنەرى حاليدا ءابدىقادىر بىلاي دەدى: «باس شۋجي شي جينپيڭنىڭ ماڭىزدى ءسوزى زور شابىت بەردى، جاڭا دامۋ ۇستانىمىن رەفورما مەن دامۋدىڭ بارلىق جاعىمەن ساباقتاستىرىپ، دامۋ ساپاسى مەن ونىمدىلىگىن جوعارىلاتۋعا باستان - اياق نازار اۋدارعاندا عانا تيبىن وزگەرتىپ، دامۋ جولى بارعان سايىن داڭعىلدانا تۇسەدى».
شى جيانيۇڭ بىلاي دەدى: «ءبىز، ءسوز جوق، باس شۋجيدىڭ كوڭىل ءبولۋى مەن قامقورلىعىن كورىكتى بايىنعولين قۇرۋداعى قۇدىرەتتى قوزعاۋشى كۇشكە اينالدىرىپ، جاڭا دامۋ ۇستانىمىن بەرىك ورناتىپ جانە دايەكتى تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا قاجىماي - تالماي كۇرەس جاسايمىز».
باس شۋجي مىنالاردى ورتاعا قويدى: دامۋدى حالىق تۇرمىسىن جاقسارتۋدا، جەرگىلىكتى ورىندى تيىمدىلىككە كەنەلتۋدە، بەرەكە - بىرلىكتى كۇشەيتۋدە شىن مانىندە تياناقتاندىرۋ كەرەك. دامۋدىڭ ماقساتى − تۇپتەپ كەلگەندە بۇقارانى جاقسى تۇرمىسقا كەنەلتۋ. مەملەكەتتىك حالىق قۇرىلتايىنىڭ ۋاكىلى، لوپنۇر اۋدانى گۇلباق اۋىلىنىڭ ورىنباسار باستىعى، اقچيكە قىستاعىنىڭ پارتيا ياچەيكاسىنىڭ شۋجيى ياسىن تۇرسىن بىلاي دەدى: «قايتىپ بارعاننان سوڭ، مەن باس شۋجيدىڭ ماڭىزدى ءسوزىنىڭ رۋحىن اۋىلداستارىما دەرەۋ جەتكىزىپ، حالىق تۇرمىسىن شىن مانىندە جاقسارتىپ، ەگىنشى - مالشىلاردىڭ يگىلىككە كەنەلۋ سەزىمىن جوعارىلاتۋعا قۇلشىنامىن».
مەملەكەتتىك حالىق قۇرىلتايىنىڭ ۋاكىلى، قاشقار قالاسى شامالباق قالاشىعىنىڭ ورىنباسار باستىعى رايحانگۇل يمىر بىلاي دەدى: «ءبىز باس شۋجيدىڭ تاپسىرماسىن ەستە بەرىك ساقتاپ، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى جاپپاي تياناقتاندىرىپ، اۋىل - قىستاقتارداعى جەر سىلكىنىسىنە ءتوزىمدى بەيقۇت ءۇي جانە كوشپەندى مالشىلاردى وتىرىقتاندىرۋ ينجەنەرياسىن، قالا - قالاشىقتارداعى قامتاماسىزداندىرۋ سيپاتتى بەيقۇت ءۇي ينجەنەرياسىن جاقسى اتقارىپ، ەگىن، مال شارۋاشىلىق وڭىرلەر مەن شەكارا وڭىرلەردەگى نەگىزگى الەۋمەتتىك قىزمەت كورسەتۋدى كەمەلدەندىرىپ، ءار ۇلت بۇقاراسىنىڭ اناعۇرلىم تاماشا تۇرمىس وتكىزۋى ءۇشىن قۇلشىنامىز».
