تيانشان تورى
تيانشان تورى   ›   ۇيرەنۋ   ›   شولۋ

باس نىسانانى مىقتاپ ارقاۋ ەتىپ، جۇڭگوشا سوتسياليستىك شينجياڭدى گۇلدەندىرەيىك

  − باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن ۇيرەنۋ، دايەكتى تياناقتاندىرۋ تۋرالى (1)

    باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا ماڭىزدى ءسوز سويلەپ، مىنانى باسا دارىپتەدى: قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەبەۋدى جەتەكشى، ەكونوميكانى دامىتۋ مەن حالىق تۇرمىسىن جاقسارتۋدى نەگىز، وتاننىڭ تۇتاستىعىن قورعاۋ، ۇلتتاردىڭ ىنتىماعىن جەبەۋ سياقتىلاردى ءتۇيىن ەتىپ، قوعامنىڭ جاراسىمدىلىعىن، ورنىقتىلىعىن باتىل قورعاپ، جاڭا دامۋ ۇستانىمىن شىن مانىندە تياناقتاندىرىپ، حالىق تۇرمىسىن بار كۇشپەن قامتاماسىزداندىرىپ جانە جاقسارتىپ، ۇلتتار ىنتىماعىن تىنباي بەكەمدەپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا ەرەكشەلىكتەگى سوتسياليستىك شينجياڭ قۇرۋعا قۇلشىنۋ كەرەك.

    پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، شينجياڭ قىزمەتىنە ستراتەگيالىق جالپى جاعداي تۇرعىسىنان قاراۋعا جانە جوبالاۋعا تاباندى بولدى. 2014 - جىلى باس شۋجي شي جينپيڭ شينجياڭدا قىزمەت تەكسەردى، سونداي - اق ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشىپ، شينجياڭ جاعدايىنا عىلمي تالداۋ جاساپ، شينجياڭ قىزمەتى جونىندەگى ءبىرسىپىرا كەلەلى نازاريالار مەن ءىس جۇزىندىك ماسەلەلەردى ىشكەرىلەي پايىمداپ، پارتيامىزدىڭ جاڭا جاعدايدا شينجياڭدى جونگە سالۋ جالپى جوباسىن تۇراقتاندىردى. باس شۋجي شي جينپيڭ: شينجياڭ قىزمەتىندەگى باس نىسانا − قوعام ورنىقتىلىعى مەن باياندى تىنىشتىق، وسى باس نىسانانى مىقتى يگەرىپ، جەتەكشىلىك رول اتقارۋ كەرەك، - دەپ اتاپ كورسەتتى. وسى رەت باس شۋجي ەرەكشە قاربالاستىعىنا قاراماي، شينجياڭ ۋاكىلدەر ۇيىرمەسىنىڭ تالقىسىنا قاتىناستى، سونداي - اق ماڭىزدى ءسوز سويلەدى. مىنە بۇل باس شۋجي شي جينپيڭنىڭ شينجياڭ قىزمەتىنە وسكەلەڭ ءمان بەرگەندىگىن، شينجياڭداعى ءار ۇلت حالقىنا دەگەن شىنايى قامقورلىعىن تولىق ايگىلەدى، باس شۋجي شي جينپيڭنىڭ شينجياڭداعى ءار ۇلت كادرلارى مەن بۇقارادان قوعام ورنىقتىلىعى مەن باياندى تىنىشتىق باس نىساناسىن دايەكتى تياناقتاندىرۋدى شىنايى ءۇمىت ەتەتىندىگىن تولىق ايگىلەدى، باس شۋجي شي جينپيڭنىڭ شينجياڭداعى ءار ۇلت حالقىنىڭ باقىتتى تۇرمىس كەشىرۋىن تىلەيتىن ىزگى تىلەگىن تولىق ايگىلەدى. بۇدان اۆتونوميالى رايون بويىنشا جوعارىدان تومەنگە دەيىن تەرەڭ شابىت الىپ، جىگەرلەرى تاسقىنداي ءتۇستى.

    قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جۇڭگوشا سوتسياليستىك شينجياڭ قۇرۋ جولىندا قۇلشىنۋ − باس شۋجيدىڭ شينجياڭداعى ءار ۇلت كادرلارى مەن بۇقارادان كۇتكەن كوكەي تەستى تىلەگى. شينجياڭ − ەلىمىزدىڭ باتىس سولتۇستىگىندەگى ماڭىزدى حاۋىپسىزدىك قالتقىسى. ستراتەگيالىق ورنى ەرەكشە، ءدوپ كەلگەن ماسەلەلەرى دە ەرەكشە. شينجياڭ قىزمەتىن جاقسى ىستەۋدىڭ ماڭىزى زور. قوعام ورنىقتىلىعى مەن باياندى تىنىشتىقتى قورعاۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ اۋقىمعا قاراي جاساعان جوباسى، پارتيا مەن مەملەكەت ىستەرىنىڭ دامۋ جالپى جاعدايىن كوزدە ۇستاپ، ەل ءىشى جانە حالىقارالىق جاعدايدى ءبىر تۇتاس جوبالاپ شىعارعان كەلەلى ستراتەگيالىق شەشىمى، پارتيا ورتالىق كوميتەتىنىڭ شينجياڭ قىزمەتىنىڭ ورنىن عىلمي تۇراقتاندىرۋى، پارتيا ورتالىق كوميتەتىنىڭ شينجياڭدى جونگە سالۋ جوباسىنىڭ ۇيتقىلىق ءمانى، پارتيا ورتالىق كوميتەتىنىڭ شينجياڭداعى ءار ۇلت حالقىنا جاساعان شىنايى قامقورلىعى، ءداۋىر بولگىشتىك، بەلگى سيپاتىندىق، كەزەڭدىك ءمان الادى. باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا ماڭىزدى ءسوز سويلەپ، باس نىسانانى مىقتاپ ارقاۋ ەتۋدى باسا دارىپتەۋى − شينجياڭنىڭ الداعى ورنىقتىلىق جانە دامۋ قىزمەتتەرى جونىنەن قويىلعان ايقىن تالاپ جانە ماڭىزدى نۇسقاۋ سانالادى.

    كەزەكتە، شينجياڭ قوعام ورنىقتىلىعى مەن باياندى تىنىشتىق نەگىزىن بەكەمدەۋدىڭ شەشۋشى كەزەڭىنە، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدىڭ، جاپپاي دوڭگەلەك داۋلەتتى قوعام قۇرۋ شەشۋشى شايقاسىندا شەشۋشى جەڭىسكە جەتۋدىڭ كەزەڭىنە قادام تاستادى. پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، ءسوز جوق، ۇزدىكسىز، اۋىتقىماي دايەكتى تياناقتاندىرىپ، باس نىسانانى شينجياڭ قىزمەتىنە ءبىر تۇتاس جەتەكشىلىك ەتەتىن باس پروگرامما ەتۋدەن جازباي، بارلىق قىزمەتتى وسى باس نىساناعا قىزمەت ەتتىرىپ، باس نىساناعا بويسۇندىرىپ، وسى باس نىسانا توڭىرەگىندە ورىستەتىپ، جوبالاپ، ىلگەرىلەتىپ، باس شۋجيدى الاڭسىز ەتۋ، ءار ۇلت حالقىن ءدان ريزا ەتۋ كەرەك.

    قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جۇڭگوشا سوتسياليستىك شينجياڭدى گۇلدەندىرۋگە قۇلشىنۋدا، يدەيا مەن ءىس - ارەكەتتى باس شۋجيدىڭ ماڭىزدى سوزدەرىنىڭ رۋحىمەن بىرلىككە كەلتىرۋ كەرەك. باس شۋجي شي جينپيڭنىڭ ماڭىزدى سوزدەرى ءداپ باسىپ ايتىلعان، يدەياسى تەرەڭ، مازمۇنى باي، قامقورلىققا تولى، پارتيانىڭ شينجياڭدى جونگە سالۋ جالپى جوباسى مازمۇنىنىڭ بايىتىلۋى مەن دامۋى شينجياڭ قىزمەتىن جاقسى ىستەۋدىڭ عىلمي نۇسقاۋشىسى جانە ءتۇبىرلى ولشەمى سانالادى. باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنۋ، دايەكتى تياناقتاندىرۋ − تۇتاس رايونىمىزدىڭ كەزەكتەگى جانە مۇنان بىلايعى ءبىر مەزگىلدەگى ماڭىزدى ساياسي مىندەتى، شينجياڭ قىزمەتىن جاقسى ىستەۋدىڭ رەال تالابى، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋىمىز جونىنەن كەلەلى ءارى بولاشاقتىق مانگە يە. ايماقتار، ورىندار، تاراۋلار دەرەۋ اتتانىسقا كەلىپ، ءسوزدىڭ رۋحىمەن وي - سانانى سانالى تۇردە قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، تۇتاس رايونىمىزدا جوعارىدان تومەنگە دەيىن يدەيا مەن جىگەردە وسكەلەڭ ءبىر تۇتاستىقتى، ءىس - ارەكەتتە وسكەلەڭ ءبىر اۋىزدىلىقتى ساقتاۋعا شىنايى كەپىلدىك ەتۋ كەرەك. باس شۋجي شي جينپيڭنىڭ ماڭىزدى سوزدەرىندە العا قويىلعان ماڭىزدى نازاريالىق كوزقاراستاردى، كەلەلى ستراتەگيالىق يدەيالاردى، ماڭىزدى قىزمەت ورنالاستىرۋلارىن مۇقيات ۇيرەنىپ، ءسوزدىڭ عىلمي مازمۇنى مەن رۋحاني ءمانىن ىشكەرىلەي ۇعىنىپ، جەتە يگەرىپ، كوكەيگە قوندىرۋ كەرەك. باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن ۇيرەنۋدى باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ۇيرەنۋمەن، دايەكتىلەندىرۋمەن ۇشتاستىرۋدان جازباي، باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى مەن شينجياڭدا قىزمەت تەكسەرگەن كەزدە سويلەگەن ماڭىزدى ءسوزىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، يدەيالىق دەڭگەيدى ونان ارى جوعارىلاتىپ، تانىمدى ونان ارى بىرلىككە كەلتىرىپ، شارالاردى اناعۇرلىم نىعايتۋ كەرەك.

    شىنايى قامقورلىق رۋحتى سەرپىلتتى، زور شابىت قۇدىرەتتى كۇش ۇيىستىردى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىرىندە، شينجياڭداعى ءار ۇلت كادرلارى مەن بۇقارانىڭ ىنتىماقتاسا قۇلشىنۋىندا، باس نىسانانىڭ، ءسوزسىز، جۇزەگە اساتىندىعىنا، شينجياڭنىڭ بولاشاعىنىڭ مۇنان دا نۇرلى بولاتىندىعىنا سەنىمىمىز كامىل.

جاۋاپتى رەداكتور : جانات تولقىن

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.