باس شۋجيدىڭ ماڭىزدى نۇسقاۋىن ساياسي كەڭەس قىزمەتىندە جاڭالىق اشا دامۋدى جەبەۋدىڭ رۋحاني قوزعاۋشى كۇشىنە اينالدىرۋ كەرەك
15 - ناۋرىز تۇستەن بۇرىن اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ مەملەكەتتىك ەكى ءماجىلىس كەزىندەگى جەلىلەس ماڭىزدى سوزدەرىنىڭ رۋحىن، اسىرەسە، شينجياڭ ۋاكىلدەر ۇيىرمەسىنىڭ تالقىسىنا قاتىناسقانداعى ماڭىزدى ءسوزىنىڭ رۋحى مەن ساياسي كەڭەس مەملەكەتتىك 12 - كەزەكتى كوميتەتى 5 - ءماجىلىسىنىڭ رۋحىن جەتكىزدى جانە ۇيرەندى. اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى جانە ءسوز سويلەدى.
نۇرلان ءابىلماجىن ۇلى مىنانى اتاپ كورسەتتى: باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقانداعى ماڭىزدى ءسوزى ونىڭ شينجياڭ قىزمەتىنە وسكەلەڭ ءمان بەرگەندىگىن جانە تۇتاس شينجياڭداعى ءار ۇلت حالقىنا دەگەن شىنايى قامقورلىعىن، سونداي - اق شينجياڭداعى ءار ۇلت كادرلارى مەن جۇرتشىلىعىنان قوعام ورنىقتىلىعى مەن باياندى تىنىشتىق باس نىساناسىن دايەكتى تياناقتاندىرۋدى ءۇمىت ەتكەندىگىن تولىق ايگىلەدى. ساياسي كەڭەس ورگانىنداعى بارلىق پارتيا مۇشەلەرى مەن كادرلار باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭىزدى ساياسي مىندەتتىڭ ءبىرى ەتىپ، باس شۋجيدىڭ ماڭىزدى ءسوزىنىڭ كەلەلى ءمانىن ىشكەرىلەي تانىپ، شىن مانىندە ۇيرەنىپ، شىنايى ءتۇسىنىپ، شىنايى سەنىپ، شىنايى پايدالانىپ، زەيىندى باس نىساناعا شوعىرلاندىرۋى، باس نىسانانى كوزدەۋى، باس نىسانانى تياناقتاندىرۋى كەرەك. ۇيرەنۋ ارقىلى ساياسي كەڭەس كادرلارىنىڭ يدەياسى مەن ءىس - ارەكەتىن باس شۋجيدىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، باس شۋجيدىڭ ىقىلاستى قامقورلىعى مەن ماڭىزدى نۇسقاۋىن ساياسي كەڭەس قىزمەتىندە جاڭالىق اشا دامۋدى جەبەۋدىڭ رۋحاني قوزعاۋشى كۇشىنە اينالدىرىپ، ساياسي كەڭەس قىزمەت ءتاسىلى ارقىلى اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىنىڭ تەرەڭ تامىر تارتۋىنا دەم بەرۋ كەرەك.
نۇرلان ءابىلماجىن ۇلى مىنالاردى تالاپ ەتتى: اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن مىزعىماي باتىل دايەكتى تياناقتاندىرۋ، اسىرەسە، ج ك پ اۆتونوميالى رايوندىق 9 - قۇرىلتايىنىڭ شەشىمدەرى مەن ورنالاستىرۋلارىن قىزمەت بارىسىندا دايەكتىلەندىرىپ، قىزمەت ورنىندا تياناقتاندىرىپ، ءىس - ارەكەتتە ايگىلەپ، ساياسي كەڭەس قىزمەتىنىڭ بارلىق جاعىندا دايەكتى تياناقتاندىرۋ كەرەك. اۆتونوميالى رايوندىق پارتكومنىڭ «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسى اياسىندا «ۇيرەنۋ، بۇرىلىس جاساۋ، جەبەۋ» ارناۋلى قيمىلىن ورىستەتۋ جونىندەگى ورنالاستىرۋى مەن تالابى بويىنشا، قىزمەت ستيلىنە بۇرىلىس جاساۋ جاعىندا جاڭالىق اشىپ، قىزمەتتىڭ تياناقتاندىرىلۋىن جەبەۋدە ناقتى ونىمدىلىككە قول جەتكىزۋ، لاڭكەستىككە قارسى تۇرىپ، ورنىقتىلىقتى قورعاۋ، رەفورما، دامۋ، حالىق تۇرمىسىن جاقسارتۋ، ۇلتتار ىنتىماعى، ءدىن قىزمەتى، ەكولوگيانى قورعاۋ سياقتى كەلەلى مىندەتتەردى ءتۇيىندى تۇردە ارقاۋ ەتىپ، ونى ساياسي كەڭەس قىزمەتى بارىسىندا ءبىر - بىردەن تياناقتاندىرىپ، ۇكىمەت ءىسىن كەڭەسۋ، دەموكراتيالىق باقىلاۋ قىزمەتىن مۇقيات ورىستەتىپ، ءدال قاجەتتى كەزدە اقىل - كەڭەس بەرىپ، ۇكىمەت ىسىندە ناقتى تۇيىندەردى كەڭەسىپ، شەشۋشى بۋىنداردى باقىلاۋ كەرەك.
نۇرلان ءابىلماجىن ۇلى مىنالاردى باسا دارىپتەدى: پارتيا باسشىلىق گرۋپپاسىنىڭ مۇشەلەرى، ارناۋلى كوميتەتتەر مەن ورگانداعى، باسقارمالارداعى، بولىمدەردەگى كادرلار بيىلعى مەملەكەتتىك ەكى ءماجىلىستىڭ كەلەلى ماڭىزىن جەتە تانىپ، مەملەكەتتىك ەكى ءماجىلىستىڭ رۋحىن ىشكەرىلەي ۇيرەنىپ، ءماجىلىستىڭ رۋحاني ءمانىن جان - جاقتى ءتۇسىنىپ جانە ءداپ باسىپ يگەرىپ، يدەيا مەن ءىس - ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن، ەكى ءماجىلىستىڭ رۋحىمەن بىرلىككە كەلتىرىپ، مەملەكەتتىك ەكى ءماجىلىستىڭ رۋحى ارقىلى ساياسي كەڭەس قىزمەتىندە جاڭالىق اشا دامۋعا جەتەكشىلىك ەتۋ جانە جەبەۋ؛ ساياسي كەڭەس قىزمەت امالياتىمەن تىعىز ۇشتاستىرىپ، ساياسي كەڭەس مەملەكەتتىك 12 - كەزەكتى كوميتەتى 5 - ءماجىلىسىنىڭ رۋحىن مۇقيات دايەكتى تياناقتاندىرۋ، ساياسي كەڭەس كەڭسەسى، ارناۋلى كوميتەتتەرى مۇقيات ۇيرەنىپ، زەرتتەپ، قىزمەت تەكسەرۋ، دەموكراتيالىق باقىلاۋ قيمىلدارىن قايتكەندە ويداعىداي ورىستەتۋ جونىندە ىشكەرىلەي وي جۇگىرتىپ، جوبالاپ، مەملەكەتتىك ساياسي كەڭەستىڭ تاماشا تاجىريبەلەرىن، جاقسى ءادىس - امالدارىن اۆتونوميالى رايونىمىزدىڭ ساياسي كەڭەس قىزمەتىنىڭ دامۋىن جەبەۋدەگى تىڭ قوزعاۋشى كۇشكە اينالدىرۋ كەرەك.
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ مۇشەلەرى، ورىنباسار ءتوراعالارى ريزۋان ابەي، لي شياڭلين، ءجۇرات يمىن، ليۋ جىيۇڭ، چىڭ جىنشان، گۇلشات ءابدىقادىر، پارتيا باسشىلىق گرۋپپاسىنىڭ مۇشەسى، باس حاتشى حان جۇن ماجىلىسكە قاتىناستى.
