13 - قاڭتاردا توحتىعان قۇربان وتباسىنداعىلار ءتوراعا شي جينپيڭنىڭ جاۋاپ حاتىن اسا تەبىرەنىستى كوڭىل كۇيمەن وقىدى
اۆتونوميالى رايوندىق پارتكومنىڭ شۋجيى چىن چۋانگونىڭ تاپسىرۋىمەن، اۆتونوميالى رايوندىق پارتكومنىڭ ورىنباسار شۋجيى، باس حاتشى لي پىڭشين 13 - قاڭتار كۇنى كەريا اۋدانى سەمبى بازار قالاشىعىنىڭ تۇقىم الاڭى قىستاعىنا بارىپ، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ قىستاق تۇرعىنى توحتىحان قۇربان وتباسىنا جازعان جاۋاپ حاتتى تابىستادى.
توحتىعان قۇربان جالپاق جۇرت تەگىس بىلەتىن قۇربان تۇلىم اتايدىڭ قىزى، بيىل 88 جاسقا كەلدى. تاياۋدا ونىڭ تالابى بويىنشا، نەمەرە قىزى رۋقيام ماتسايدي باس شۋجي شي جينپيڭگە ءبىر پارشا حات جازىپ، وتباسىنداعىلاردىڭ باقىتتى تۇرمىسىن، سونداي - اق كەزەكتە حوتاننىڭ، اۋەلدەن، تۇتاس شينجياڭنىڭ قوعام ورنىقتىلىعى، ەكونوميكالىق دامۋى، حالىق تۇرمىسىن جاقسارتۋ، ۇلتتار ىنتىماعى سياقتى جاعدايلاردى باياندادى. باس شۋجي شي جينپيڭ قاربالاس قىزمەت بارىسىندا توحتىحانعا جاۋاپ حات جازدى ءارى ولاردىڭ وتباسىنداعىلار مەن اۋىلداستارعا سالەم جولدادى.
اۆتونوميالى رايوندىق پارتكوم باس شۋجي شي جينپيڭنىڭ ماڭىزدى جاۋاپ حاتىنا وسكەلەڭ ءمان بەردى، چىن چۋانگو باس شۋجي شي جينپيڭنىڭ ماڭىزدى جاۋاپ حاتىنىڭ رۋحىن ۇيرەنۋ، دايەكتىلەندىرۋ جونىندە بەكىتۋ جاسادى.
13 - قاڭتار تۇستە لي پىڭشين توحتىحاننىڭ ۇيىنە بارىپ، قارتقا باس شۋجيدىڭ جاۋاپ حاتىن تاپسىرىپ بەردى. قاريانىڭ نەمەرەسى رۋقيام ۇيعۇر، حانزۋ تىلىندە جاۋاپ حاتتىڭ مازمۇنىن داۋىستاپ وقىدى، ونىڭ تۋىس - تۋعاندارى، دوستارى، كورشىلەرى، اۋىلداستارى حاتتىڭ مازمۇنىن تىڭداعاننان كەيىن، قاتتى تەبىرەندى، قىزۋ شاپالاق ءۇنى ۇزاققا دەيىن تولاستامادى.
توحتىحان قارت اسەرلەنگەنىنەن كوزىنە ىستىق جاس الدى. ول جاۋاپ حاتتى قولىنا الىپ: «باس شۋجيدىڭ قىزمەتى سونشاما قاربالاس بولسا دا، ءبىزدىڭ وتباسىمىزدى جانە ءار ۇلت اۋىلداستاردى ءالى ۇمىتپاپتى. پارتيا ورتالىق كوميتەتىنە راقىمەت! باس شۋجيگە راقىمەت! ءبىز، ءسوزسىز، اكەمىز قۇرباننىڭ پارتيانى، وتاندى ءسۇيۋ رۋحىن ۇزدىكسىز ساۋلەلەندىرىپ، باس شۋجيدىڭ تاپسىرماسىن ەستە بەرىك ساقتاپ، پارتيانى، وتاندى، جۇڭحۋا ۇلتىنىڭ ۇلى شاڭىراعىن ءسۇيۋدىڭ ۇلگىسى بولامىز»! - دەدى.
لي پىڭشين مىنانى اتاپ كورسەتتى: ءبىز، ءسوزسىز، باس شۋجي شي جينپيڭنىڭ ماڭىزدى جاۋاپ حاتىنىڭ رۋحىن ۇيرەنۋدى، دايەكتىلەندىرۋدى قۇدىرەتتى قوزعاۋشى كۇش ەتۋىمىز، شينجياڭ استانا بەيجيڭنەن شالعاي بولعانىمەن ءار ۇلت بۇقاراسىنىڭ ارمان - تىلەگى قاي - قاشان دا شي جينپيڭ جولداستى ۇيتقى ەتكەن پارتيا ورتالىق كوميتەتىمەن تىعىز توعىساتىندىعىن، تىلەكتەس ەكەندىگىن ايگىلەۋىمىز كەرەك. باس شۋجيدىڭ تاپسىرماسىن ەستە بەرىك ساقتاپ، قۇربان اتايدىڭ پارتيانى، وتاندى ءسۇيۋ تاڭداۋلى داستۇرىنە مۇراگەرلىك ەتىپ، ونى ساۋلەلەندىرىپ، ۇلتتار ىنتىماعىن كوزىمىزدىڭ قاراشىعىنداي قورعاپ، ءار ۇلت بۇقاراسىنىڭ اناردىڭ دانىندەي تىعىز بىرىگۋىن جەبەپ، جاپپاي دوڭگەلەك داۋلەتتى قوعام قۇرۋ، شينجياڭنىڭ قوعامدىق ورنىقتىلىعى مەن باياندى تىنىشتىعىن جەبەۋ جولىندا بىرگە قۇلشىنۋىمىز كەرەك.
جاۋاپ حاتتى تاپسىرىپ بەرگەننەن كەيىن، لي پىڭشين اۆتونوميالى رايوندىق پارتكوم، چىن چۋانگو شۋجي اتىنان توحتىحان قاريانىڭ وتباسىنداعىلارعا كوكتەم مەرەكەسى بايلانىسىمەن ىزگى تىلەك ءبىلدىردى ءارى حال سۇراۋ بۇيىمدارىن ۇسىندى. قايتار كەزدە لي پىڭشين تاعى توحتىحان وتباسىنداعىلارمەن جانە ءار ۇلت قىستاق تۇرعىندارىمەن بىرگە ءتوراعا ماۋ زىدۇڭنىڭ قۇربان اتايدى قابىلداعاندا تۇسكەن ۇلكەن سۋرەتىنىڭ الدىندا ەستەلىك سۋرەتكە ءتۇستى.
باس شۋجي شي جينپيڭنىڭ جاۋاپ حاتى توحتىحان وتباسىنداعى 100 نەشە ادامدى قاتتى اسەرلەندىردى ءارى جاعدايدان حابار تاۋىپ، دەرەۋ جەتكەن ءار ۇلت قىستاق تۇرعىندارىن قاباعات قۋانتتى. كوپشىلىك: باس شۋجيدەن جاۋاپ حات كەلۋدەي قاباعات قۋانىشتى شينجياڭدى كوركەيتۋدىڭ، وتان ارمانىن بىرگە ورىنداۋدىڭ قۋاتتى قوزعاۋشى كۇشىنە اينالدىرىپ، قۇربان اتايدىڭ پارتياعا العىس ايتۋ، وتاندى ءسۇيۋ، ۇلتتار ىنتىماعىن قاستەرلەۋ سىندى وسكەلەڭ رۋحىن ساۋلەلەندىرىپ، پارتيانىڭ باسشىلىعىندا كورىكتى مەكەندى تىزە قوسا قۇرامىز، - دەدى.
