30 - قازان تۇستەن بۇرىن چىن چۋانگو جولداس ءوزى قاراستى ج ك پ اۆتونوميالى رايوندىق 9 - قۇرىلتايى سانجى حۇيزۋ اۆتونوميالى وبلىسىنىڭ ۋاكىلدەر ۇيىرمەسىنىڭ تالقىسىنا قاتىناستى
30 - قازان تۇستەن بۇرىن چىن چۋانگو جولداس ءوزى قاراستى ج ك پ اۆتونوميالى رايوندىق 9 - قۇرىلتايى سانجى حۇيزۋ اۆتونوميالى وبلىسىنىڭ ۋاكىلدەر ۇيىرمەسىنىڭ تالقىسىنا قاتىناستى. ول بىلاي دەپ اتاپ كورسەتتى: پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى وراي، قوزعاۋشى كۇش ەتىپ، ج ك پ اۆتونوميالى رايوندىق 9 - قۇرىلتايىن شىن مانىندە ويداعىداي اشىپ، پارتيا قۇرىلتايىنىڭ بايانداماسىن ويداعىداي قاراپ، بۇكىل رايونىمىزداعى ءار ۇلت كادر - جۇرتشىلىعىن بارىنشا جۇمىلدىرىپ، جىگەرلەندىرىپ، جەتەلەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتى تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ تىڭ جاعدايىن تىنباي جاراتۋ كەرەك.
سانجى حۇيزۋ اۆتونوميالى وبلىسىنىڭ ۋاكىلدەر ۇيىرمەسىندەگى ۋاكىلدەر جابال لەبىز ءبىلدىردى. كوپشىلىك ءبىر اۋىزدان «چىن چۋانگو جولداستىڭ ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتى اتىنان جاساعان بايانداماسىنىڭ باستى تاقىرىبى ايقىن، مازمۇنى باي، ستيلى قاراپايىم، شارالارى پارمەندى بولىپتى، پارتيا ورتالىق كوميتەتىنىڭ شەشىمىنە، ورنالاستىرۋىنا جانە شينجياڭ قىزمەتىنىڭ ءىس جۇزىندىگىنە بۇكىلدەي ۇيلەسەدى ەكەن، بۇكىل رايونىمىزداعى قالىڭ پارتيالى كادرلاردىڭ، ءار ۇلت جۇرتشىلىعىنىڭ تىلەگى مەن جۇرەك ءۇنىن بەينەلەپتى، يدەيانى ازات ەتكەن، شىندىققا جۇگىنىپ، ناقتى ىستەر ىستەگەن، ءورىس اشا جاڭالىق جاراتىپ، كۇشتەردى ۇيىستىرعان جاقسى بايانداما، بۇكىل رايونىمىزداعى ءار ۇلت حالقىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋ ءۇشىن تىزە قوسا كۇرەسۋگە جۇمىلدىرعان بايانداما ەكەن» دەپ قارادى. كوپشىلىك بۇل باياندامانى ءبىر اۋىزدان قولدايتىندىقتارىن ءبىلدىرىستى.
چىن چۋانگو ۋاكىلدەردىڭ لەبىزىن مۇقيات تىڭداعاننان كەيىن: ج ك پ اۆتونوميالى رايوندىق 9 - قۇرىلتايى بۇكىل رايونىمىزدا پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان ماڭىزدى كەزدە، باس نىسانانى مىقتاپ ارقاۋ ەتىپ، جاپپاي دوڭگەلەك داۋلەتتى قوعام قۇرعان شەشۋشى كەزەڭدە اشىلعان اسا ماڭىزدى قۇرىلتاي بولدى. پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ج ك پ اۆتونوميالى رايوندىق 9 - قۇرىلتايىن تۋدى بيىك ۇستاپ، كۇشتى ۇيىستىرعان قۇرىلتاي، بۇرىنعىعا مۇراگەر، كەيىنگىگە بۇيداگەر بولىپ، ىنتىماقتاسا العا ۇمتىلعان قۇرىلتاي ەتىپ اشۋعا قۇلشىنىپ، بۇكىل رايونىمىزداعى ءار ۇلت كادر - جۇرتشىلىعىنىڭ باس نىسانانىڭ جەتەكشىلىگىندە، ءبىر نيەتپەن ىنتىماقتاسىپ، قاجىرلىلىقپەن كۇرەس جاساپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭ قۇرۋدىڭ قۇدىرەتتى بىرىككەن كۇشىن شوعىرلاندىرۋ كەرەك.
چىن چۋانگو بىلاي دەپ اتاپ كورسەتتى: وتكەن 5 جىلدا سانجى حۇيزۋ اۆتونوميالى وبلىسى ءتۇرلى قىزمەتتە تىڭ تابىستارعا قول جەتكىزىپ، بۇكىل رايونىمىزدىڭ ورنىقتىلىعى، دامۋى ءۇشىن تىڭ ۇلەستەر قوستى. سانجى حۇيزۋ اۆتونوميالى وبلىسىنىڭ باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەن كەزدە سويلەگەن ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن جەتەكشى ەتۋگە تاباندى بولىپ، ءوز باسىمدىلىعىن تولىق ساۋلەلەندىرىپ، سوتسياليستىك شينجياڭ قۇرۋ ساپارىنىڭ الدىڭعى لەگىندە جۇرۋگە كۇش سالۋىن ءۇمىت ەتەمىن.
ءبىرىنشى، جاراسىمدىلىق، ورنىقتىلىق جاعىندا الدىڭعى لەكتە ءجۇرۋ كەرەك. قازىرگى ءبىرشاما جاقسى نەگىزدە، ورنىقتىلىقتى قورعاۋدى ۇدايى بۇلتارماس مىندەت جانە ءبىرىنشى جاۋاپكەرشىلىك ەتىپ، اۆتونوميالى رايوندىق پارتكوم بەلگىلەگەن ورنىقتىلىقتى قورعاۋدىڭ ءتۇرلى شارالارىن تياناقتاندىرىپ، قوعامدىق جاقتاعى ساقتانۋ - مەڭگەرۋ جۇيەسىن كەمەلدەندىرىپ، لاڭكەستىككە قارسى تۇرۋ، ورنىقتىلىقتى قورعاۋ قىزمەت مەحانيزمىن اقاۋسىزداندىرىپ، بولشەكتەۋشىلىككە قارسى تۇرۋدىڭ ىرىقتىلىعىن مىقتاپ يگەرۋ كەرەك.
ەكىنشى، ىنتىماق، جاراسىمدىلىق جاعىندا الدىڭعى لەكتە ءجۇرۋ كەرەك. ۇلتتاردىڭ ۇلى ىنتىماعى تۋىن بيىك ۇستاپ، پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى جونىندەگى ۇگىت - تاربيەنى جانە ۇلتتار ىنتىماعى، العاباسارلىعى بويىنشا وزات ورىن قۇرۋ قيمىلىن جاپپاي ورىستەتىپ، «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ورىستەتىپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋ؛ زاڭدىلارىن قورعاۋ، زاڭسىزدارىن تەجەۋ، ۇشقارىلىقتى اۋىزدىقتاۋ، ءسىڭىپ كىرۋگە قارسى تۇرۋ نەگىزگى پرينسيبىنە تاباندى بولىپ، ءدىننىڭ سوتسياليستىك قوعامعا سايكەسۋىن جەبەۋ كەرەك.
ءۇشىنشى، ەكونوميكالىق دامۋ جاعىندا الدىڭعى لەكتە ءجۇرۋ كەرەك. ەكونوميكالىق دامۋدىڭ جاڭا قالىبىنا ۇيلەسىپ، ساپا مەن تيىمدىلىكتى ءوسىرۋدى وزەك ەتىپ، كاسىپ قۇرىلىمىن رەتتەپ، دامۋ تاسىلىنە بۇرىلىس جاساپ، جاڭالىق اشۋ ارقىلى دەم بەرۋگە تاباندى بولىپ، جاڭا ەكونوميكالىق ارتۋ تۇيىندەرىن ۇزدىكسىز جەتىلدىرىپ، ەڭسەلەندىرىپ، كولەمىن ۇلعايتىپ، بۇكىل رايونىمىزدىڭ ەكونوميكاسىنىڭ ءتىپتى جاقسى، ءتىپتى تەز دامۋىنا ءتىپتى زور ۇلەس قوسۋ كەرەك.
ءتورتىنشى، رەفورما، ەسىك اشۋ جاعىندا الدىڭعى لەكتە ءجۇرۋ كەرەك. يدەيانى ازات ەتىپ، كەڭ ءورىستى جاڭالىق اشىپ، قامداۋ جاعىنداعى قۇرىلىمدىق رەفورمانى كۇش سالا ىلگەرىلەتىپ، ءتۇيىندى سالالارداعى رەفورمانى تىڭعىلىقتى جەبەپ، رەفورمادان ومىرشەڭ كۇش قابىلداپ، رەفورما ارقىلى قوزعاۋشى كۇش قوسۋ؛ جىبەك جولى ەكونوميكالىق بەلدەۋىنىڭ وزەكتى رايون قۇرىلىسىنا بەلسەنە ات سالىسىپ، ىشكە، سىرتقا ەسىكتى ونان ارى ايقارا اشىپ، دامۋدىڭ جاڭا باسىمدىلىعىن جەتىلدىرۋ كەرەك.
بەسىنشى، حالىق تۇرمىسىن جاقسارتۋ جاعىندا الدىڭعى لەكتە ءجۇرۋ كەرەك. ءار ۇلت بۇقاراسىنىڭ مۇڭ - مۇقتاجىن كوڭىل تورىنە قويىپ، حالىق تۇرمىسىن الدىمەن ەسكەرۋدەن، حالىق تۇرمىسىنا قاتىستى ىستەردى الدىمەن ىستەۋدەن جازباي، حالىققا ءتيىمدى ينجەنەريالاردى ۇزبەي ىلگەرىلەتىپ، ءار ۇلت بۇقاراسىنىڭ كىرىسىن قۇلشىنا ارتتىرىپ، ءوندىرىس، تۇرمىس شارت - جاعدايىن شىن مانىندە جاقسارتىپ، كاسىپتەندىرۋدى، وقۋعا ءتۇسۋدى، شيپاگەرگە كورىنۋدى، قوعامدىق قامتاماسىز ەتۋدى ءتۇيىن ەتىپ، حالىق بۇقاراسى مەيلىنشە كوڭىل ءبولىپ وتىرعان، ولارعا ەڭ تىكە قاتىسى بار، ەڭ شىنايى مۇددەلىك ماسەلەلەردى شىن مانىندە ويداعىداي شەشۋ كەرەك.
التىنشى، ەكولوگيانى قورعاۋ جاعىندا الدىڭعى لەكتە ءجۇرۋ كەرەك. ەكولوگيانى قورعاۋ كوزقاراسىن كۇشەيتىپ، ەكولوگيانى قورعاۋدىڭ تومەنگى شەگىن ساقتاپ، قورشاعان ورتانى قورعاۋ شاراسىن كۇشەيتىپ، ءار دارەجەلى قورشاعان ورتانى قورعاۋ جاۋاپكەرشىلىگىن تياناقتاندىرىپ، ەكونوميكالىق دامۋ باياۋىراق بولعان كۇندە دە، ەكولوگيالىق ورتانى استە قۇرباندىققا شالماي، شينجياڭنىڭ ءبىر ءتال ءشوپ، ءبىر ءتۇپ اعاشىن، تاۋ - سۋىن شىن مانىندە قورعاپ، شينجياڭنىڭ تاۋى جاسىل، سۋى تۇنىق بولا بەرۋىنە مۇمكىندىك جاساۋ كەرەك.
