6 - قاراشادا اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو حوتان ايماعىندا تەكسەرۋ - زەرتتەۋ جۇرگىزگەندە، حوتان قالاسى گۇلباع كوشە باسقارماسى شيزى الەۋمەتتىك اۋماعىنا بارىپ، ءار ۇلت تۇرعىندارىمەن شۇيىركەلەسە اڭگىمەلەسىپ، تۇرعىنداردىڭ تۇرمىس جاعدايى مەن بالالاردىڭ وقۋ احۋالىن قامقور كوڭىلمەن سۇراپ ءبىلدى ءارى ولارمەن ەستەلىك سۋرەتكە ءتۇستى
اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو 5 -،6 - قاراشا كۇندەرى حوتان ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: بۇكىل رايونىمىزداعى ءار دارەجەلى ورىندار، تاراۋلار يدەيا مەن ارەكەتتى پارتيا18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىمەن، وتە - موتە، باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيانى جاپپاي قاتاڭ جونگە سالۋدى اناعۇرلىم تياناقتاندىرىپ، «4 تانىمدى»، وتە - موتە، ۇيتقى تانىمىن، ساپ تۇزەۋ تانىمىن اناعۇرلىم كۇشەيتىپ، پارتيا ورتالىق كوميتەتىنىڭ شەشىم - ورنالاستىرۋلارىن جانە شينجياڭدى جونگە سالۋ جالپى جوباسىن ءتىپتى تىڭعىلىقتى تۇردە تياناقتاندىرىپ، ج ك پ اۆتونوميالى رايوندىق 9 - قۇرىلتايىنىڭ رۋحىن تاماشا ستيلمەن دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا قۇلشىنا كۇرەس جۇرگىزۋى كەرەك.
كەريا اۋدانى سەمبى بازار قالاشىعى تۇقىم الاڭى قىستاعىنىڭ قىستاق كوميتەتىندە چىن چۋانگو حالىققا قولايلى قىزمەت كورسەتۋ ورتالىعىنا، پارتيا مۇشەلەرىنىڭ قيمىل ۇيىنە بارىپ، نەگىزگى ساتى ۇيىمدىق قۇرىلىسىنىڭ جاعدايىن ەگجەي - تەگجەيلى ۇعىستى، اۋىل - قىستاق كادرلارىنا جانە «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت گرۋپپاسىنىڭ مۇشەلەرىنە امانداستى. چىن چۋانگو بىلاي دەدى: نەگىزگى ساتىنى يگەرۋدى، نەگىز قالاۋدى شينجياڭدى جونگە سالۋدىڭ، شينجياڭدى ورنىقتىرۋدىڭ، شينجياڭدى گۇلدەندىرۋدىڭ ۇزاق بولاشاقتىق جوسپارى جانە نەگىزدى بەكەمدەۋ شاراسى ەتۋدەن جازباي، اۋىل - قىستاقتارداعى قىزمەتتىك كۇشتەردى نىعايتىپ، قىستاق دارەجەلى ۇيىمنىڭ باستاۋشىلارىن ويداعىداي سايلاپ، جاقسى سىعايلاپ، نەگىزگى ساتى ۇيىمدىق قۇرىلىسىنىڭ سەرپىنىن ارتتىرىپ، ولشەمدى قاتايتۋ، ءتارتىپتى قاتايتۋ العى شارتى استىندا، پارتياعا ءار جىلى بەلگىلى مولشەردە جاڭادان مۇشە قابىلداپ، پارتيانىڭ نەگىزگى ساتى ۇيىمىنىڭ پارمەندى جاۋىنگەر قامالدىق رولىن شىن مانىندە ساۋلەلەندىرىپ، كوممۋنيستەردىڭ ۇزدىك، ۇلگىلىك رولىن ويداعىداي ساۋلەلەندىرۋ كەرەك.
كەريا اۋدانىنىڭ ۇزىنبۇز قىستاعىنداعى ءمادان مەشىتىندە چىن چۋانگو ءدىني قيمىلداردىڭ ورىستەتىلۋى مەن مەشىتتەردىڭ الەۋمەتتىك قىزمەت كورسەتۋ جاعدايىن تاپتىشتەي ۇعىستى. ءماتقاسىم تەمىر يمام قازىر مەشىتكە ەلەكتر، سۋ، جول، راديو جەتكىزىلگەنىن، دىنگە سەنەتىن بۇقارانىڭ نامازدان كەيىن مادەنيەت وتاۋىنا باس سۇعىپ، كىتاپ وقيتىنىن، جۇرتتىڭ اسا كوڭىلدى ەكەنىن ايتتى. چىن چۋانگو بىلاي دەدى: پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ءدىننىڭ سوتسياليستىك قوعامعا سايكەسۋىنە بەلسەندى تۇردە جەتەكشىلىك ەتۋ قاجەت. دىنگە سەنەتىن بۇقارانىڭ ادەت - عۇرپىنا قۇرمەت ەتىپ، دىنگە سەنەتىن بۇقارانىڭ قالىپتى ءدىني قاجەتىن قامتاماسىز ەتۋ كەرەك.وتانشىل ءدىني قايراتكەرلەردى تاربيەلەۋدى كۇشەيتىپ، ولارعا كوڭىل ءبولىپ جانە قامقورلىق جاساپ، ولاردىڭ رولىن شىنايى ساۋلەلەندىرۋ كەرەك. ءدىني قيمىل ورىندارىن زاڭ بويىنشا قورعاپ، مەشىتتەر مەن ءدىني قيمىلداردىڭ شارت - جاعدايىن جاقسارتىپ، قالىڭ ءدىني قايراتكەرلەر مەن دىنگە سەنەتىن بۇقاراعا پارتيا مەن ۇكىمەتتىڭ قامقورلىعىن، مەيىر - شاپاعاتىن سەزىندىرۋ كەرەك. زاڭسىز ءدىني قيمىلداردى زاڭ بويىنشا جونگە سالىپ، ءدىندى جەلەۋ ەتىپ بولشەكتەۋ، كەۋلەپ كىرۋ، بۇلدىرۋمەن جانە زورلىقتى كۇش لاڭكەستىك ارەكەتتەرىمەن شۇعىلدانعان قىلمىستىلار مەن زاڭسىز ۇيىمدارعا باتىل سوققى بەرۋ كەرەك.
چىن چۋانگو قۇربان تۇلىم مۇراجايىن كوزدەن كەشىردى. چىن چۋانگو تۇسىندىرمەنى مۇقيات تىڭداپ، سۋرەتتەر مەن ناقتى زاتتارعا قادام كىدىرتىپ، زەر سالا قاراپ شىقتى. چىن چۋانگو بىلاي دەدى: قۇربان اتايدىڭ ءتوراعا ماۋ زىدۇڭمەن ءديدارلاسۋ ءۇشىن بەيجيڭگە اتتانعانى تۋرالى حيكايا جارتى عاسىردان بەرى اۋىزدان - اۋىزعا تاراپ، شينجياڭداعى ءار ۇلت حالقىنىڭ پارتياعا، ۇلى وتانعا العىس ايتىپ، ۇلتتار ىنتىماعىن قادىرلەگەنى جونىندەگى اسەرلى اڭگىمەگە اينالدى، باس شۋجي شي جينپيڭ قۇربان اتايدىڭ داڭقتى ىستەرىنە جوعارى باعا بەرگەن بولاتىن. ءبىز قۇربان اتايدىڭ ىزگى ىستەرىن ويداعىداي جاڭعىرتىپ جانە ۇگىتتەپ، رۋحىن ويداعىداي جالعاستىرىپ جانە دامىتىپ، شينجياڭدا پارتيانى، وتاندى، سوتسياليزمدى ءسۇيىپ، ۇلتتار ىنتىماعىن قاستەرلەيتىن داڭقتى ءداستۇردى شينجياڭدا ۇرپاقتان - ۇرپاققا جالعاۋىمىز كەرەك.
حوتان قالاسى گۇلباع كوشە باسقارماسى شيزى الەۋمەتتىك اۋماعىنىڭ تۇرعىندارى ۇيعۇر، حانزۋ، حۇيزۋ ۇلتتارىنان قۇرالعان. چىن چۋانگو وسىندا الەۋمەتتىك اۋماقتىڭ قىزمەت كورسەتۋ جانە ۇلتتار ىنتىماعى جاعدايىن تاپتىشتەي ۇعىستى. سوڭعى جىلدارى الەۋمەتتىك اۋماق ۇلتتار ىنتىماعىنداعى وزات ورىن قۇرۋ بايلانىسىمەن مول، تارتىمدى قيمىلدار ۇيىمداستىرعان ءارى ايلىق باعالاۋ، ماۋسىمدىق ىرىكتەۋ، جىلدىق سيلاۋ ارقىلى ۇلگى - ونەگە تىكتەپ، تۋرا سالتتى دارىپتەپ، الەۋمەتتىك اۋماقتاعى ءار ۇلت تۇرعىندارىنىڭ جاراستىقپەن ءومىر كەشىپ، ءوزارا قۇرمەت ەتىسىپ، ءبىر - بىرىنە قامقورلىق جاساۋىن ىلگەرىلەتكەن. چىن چۋانگو ولاردىڭ بۇل ءادىسىن تولىق قۇپتادى.
اپتا اقىرى بولعاندىقتان، ءار ۇلت تۇرعىندارى الەۋمەتتىك اۋماقتىڭ قيمىل ورتالىعىندا ءان شىرقاپ، بيگە باسىپ، بالالار قۋانا ويناپ ءجۇر ەكەن. چىن چۋانگو شۋجيدى كورگەن ولار قاۋمالاي كەلىپ، ىقىلاستى بەينەدە سالەمدەستى، چىن چۋانگو تۇرعىنداردىڭ تۇرمىس جاعدايى مەن بالالاردىڭ ۇيرەنۋ احۋالىن قامقور كوڭىلمەن سۇراپ ءبىلدى. ماتىرەيىمحان قۇرباننىڭ ءبىر حانزۋ قىز بالانى باۋىرىنا سالىپ العانىن ەستىگەن چىن چۋانگو ەرەكشە تەبىرەنىپ، ونى مەيىرىم مەن ىزگىلىكتىڭ ۇلگىسى، ۇلتتار ىنتىماعىنىڭ ونەگەسى دەپ القادى. چىن چۋانگو بىلاي دەدى: ەلىمىزدەگى56 ۇلت − جۇڭحۋا ۇلتى ۇلى شاڭىراعىنىڭ ماڭىزدى مۇشەلەرى، توسەكتە باسى، توسكەيدە مالى قوسىلىپ، ءبىر - بىرىمەن اجىراماستاي بىرىگىپ كەتكەن. شينجياڭداعى ءار ۇلت حالقى ۇلتتار ىنتىماعىن ءارقاشان جان تامىر دەپ ءبىلىپ، اناردىڭ دانىندەي تىعىز قاۋىمداسۋى كەرەك. «ۇلتتار ىنتىماعىنىڭ بەرەكەلى شاڭىراعى» قيمىلىن اۆتونوميالى رايون بويىنشا ءورىس الدىرىپ، ءار ۇلت كادر - جۇرتشىلىعىنىڭ ءوزارا ءتۇسىنىسۋىن، قۇرمەتتەسۋىن، باۋىرمالداسۋىن، قادىرلەسۋىن، ۇيرەنىسۋىن، كومەكتەسۋىن جەبەپ، سوتسياليستىك شينجياڭ قۇرۋعا تەلەگەي - تەڭىز كۇش توپتاۋ كەرەك.
شينجياڭ جيڭحى توقىماشىلىق شەكتى سەرىكتەستىگى نەگىزىنەن جىلى شاتىر ونىمدەرىن وندىرەدى، وزىق ءوندىرىس جابدىقتارى مەن كوپتەگەن پاتەنتكە يە، قازىر جەرگىلىكتى حالىقتان 700دەن اسا ادامدى كاسىپتەندىرىپ وتىر. چىن چۋانگو ءوندىرىس سەحتارىن ارالاپ، كاسىپورىننىڭ جاۋاپتىسىمەن جانە جۇمىسشى - قىزمەتكەرلەرىمەن شۇيىركەلەسە اڭگىمەلەسىپ، ءونىم ءتۇرى، بازار ساتىلىمى، كاسىپورىن پايداسى، كاسىپتەنۋگە مۇرىندىق بولۋ جانە جۇمىسشى - قىزمەتكەرلەردىڭ تابىسى سياقتى جاعدايلاردى تاپتىشتەي ۇعىسىپ، كاسىپورىندى قاتارىن كەڭەيتىپ، قۋاتىن ارتتىرۋعا، جۇمىسشى - قىزمەتكەرلەردى ەڭبەكشىل قوس قولىمەن تابىستى مولايتىپ، وتباسىن كەدەيلىكتەن قۇتىلدىرۋعا جىگەرلەندىردى. چىن چۋانگو بىلاي دەدى: كاسىپتەنۋ − حالىق تۇرمىسىنىڭ نەگىزى، كاسىپ سالالارىن تىرەك ەتىپ، كاسىپتەنۋ مەن شارۋاشىلىق قۇرۋدى ءتۇرلى ارنامەن ىلگەرىلەتۋ كەرەك. وسىزاماندانعان كاسىپ جۇيەسىن بەلسەنە قالىپتاستىرۋمەن بىرگە، وسى زامانعى اۋىل شارۋاشىلىعىن، توقىماشىلىق جانە كيىم - كەشەك ونەركاسىبىن، ۇلتتىق قولونەركاسىپتى، ساياحات شارۋاشىلىعىن جەدەل دامىتىپ، ءار ۇلت جۇرتشىلىعىن كاسىپتەنىپ تابىس كوزىن مولايتۋعا باستاۋ كەرەك.
تەكسەرۋ - زەرتتەۋ كەزىندە، چىن چۋانگو شينجياڭ ءوندىرىس - قۇرىلىس بيڭتۋانى 14 - ديۆيزياسىنىڭ قۇرىمقاس قالاسىنا ات باسىن بۇرىپ، بيڭتۋاننىڭ قىزمەتشىلەرىنە امانداستى. چىن چۋانگو بىلاي دەدى: بيڭتۋان قۇرىلعان 60 نەشە جىلدان بەرى، شينجياڭنىڭ ورنىقتىلىعى مەن دامۋىندا ەرەكشە رول اتقارىپ، ماڭىزدى ۇلەس قوستى. ءبىز بيڭتۋان قىزمەتىنە بۇرىنعىداي باسا ءمان بەرىپ، بيڭتۋان مەن جەرگىلىكتى ورىننىڭ توعىسپالى دامۋىن بەلسەندى تۇردە ىلگەرىلەتىپ، بيڭتۋاننىڭ وڭتۇستىككە قاراي دامۋىنا قولداۋ كورسەتىپ، بيڭتۋاندى شىن مانىندە شەكارانى تىنىشتاندىرىپ، شەكارا ءوڭىردى بەكەمدەۋدىڭ ورنىقتىرعىشىنا، ءار ۇلت جۇرتشىلىعىن جۇمىلدىراتىن دومنا پەشكە، وزىق وندىرگىش كۇشتەر مەن وزىق مادەنيەتتەن ۇلگى كورسەتۋشى رايونعا اينالۋىنا مۇمكىندىك تۋدىرامىز.
تەكسەرۋ - زەرتتەۋ كەزىندە، چىن چۋانگو حوتان ايماعىنىڭ قىزمەتتەرىن تۇراقتاندىردى. ول مىنانى اتاپ كورسەتتى: قوعام ورنىقتىلىعى مەن باياندى تىنىشتىق باس نىساناسىنىڭ ءبىر تۇتاس باسشىلىعىمەن ورنىقتىلىق پەن دامۋ دەگەن ەكى شەشۋشى ءتۇيىندى شىنايى تۇردە مىقتى يگەرىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا پارمەندى كەپىلدىك ازىرلەۋ كەرەك. لاڭكەستىككە قارسى تۇرىپ، ورنىقتىلىقتى قورعاۋدى قاي - قاشان دا بارلىعىن باسىپ تۇسەتىن ساياسي مىندەت، تايشان تاۋىنان دا اۋىر ساياسي جاۋاپكەرشىلىك رەتىندە ەرتە باستان، ۇساق ىستەن باستاپ جەدەل، مىقتى يگەرىپ، كەشەندى شارا قولدانىپ، ىرىقتىلىق شايقاسىن ويداعىداي جۇرگىزىپ، لاڭكەستىككە قارسى تۇرۋ، ورنىقتىلىقتى قورعاۋ شارالارىن تياناقتاندىرىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىن قۇلشىنا ساقتاۋ كەرەك. دامۋدى قاي - قاشان دا پارتيانىڭ بيلىك جۇرگىزىپ، ەلدى كوركەيتۋدەگى ماڭداي الدى مىندەتى ەتۋدەن جازباي، «5 ءىرى دامۋ يدەياسىن» ورناتىپ، ەكونوميكالىق دامۋدىڭ جاڭا جاعدايىنا ۇيلەسىپ، ەكونوميكانىڭ ءتىپتى جاقسى، ءتىپتى تەز دامۋىن ىلگەرىلەتىپ، دامۋدى حالىق تۇرمىسىن جاقسارتۋدا، جەرگىلىكتى ورىنعا يگىلىك جەتكىزۋدە، ۇلتتار ىنتىماعىن نىعايتۋدا تياناقتاندىرۋ كەرەك.
چىن چۋانگو مىنالاردى باسا دارىپتەدى: «ارەكەت −− باعدارلامادان دا ماڭىزدى». قوعام ورنىقتىلىعى مەن باياندى تىنىشتىقتىڭ بەرىك نەگىزىن بەكەمدەپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتىپ، جاپپاي دوڭگەلەك داۋلەتتى قوعام قۇرۋدىڭ جاۋاپكەرشىلىگى اۋىر، تالابى جوعارى، اۆتونوميالى رايونداعى جەر - جەر، تاراۋلار مەن قالىڭ پارتيالى كادرلار شىندىققا جۇگىنىپ، ناقتى ءىس ىستەۋ ستيلىن بار كۇشپەن ساۋلەلەندىرىپ، قىزمەت جاۋاپكەرشىلىگىن تولىق وتەپ، جاۋاپكەرشىلىكتى باتىل ارقالاپ، شىن سويلەپ، ناقتى دەم بەرىپ، ناقپا - ناق شارالار قولدانىپ، ناقتىلى ىستەر ىستەپ، از سويلەپ، كوپ ىستەپ، جۇمىستى ناتيجەلى، كوڭىلدەگىدەي جۇرگىزىپ، دامۋ مەن ورنىقتىلىقتى بەلسەندى، تابىستى تۇردە ىلگەرىلەتىپ، تياناقتاندىرۋدى شەگە قاعۋ رۋحىمەن مىقتى يگەرىپ، ج ك پ اۆتونوميالى رايوندىق 9 - قۇرىلتايىنىڭ رۋحىن تىڭعىلىقتى تياناقتاندىرۋعا كۇش سالىپ، اۆتونوميالى رايونداعى ءار ۇلت حالقىنا تولىمدى جاۋاپ قايتارۋ كەرەك.
