تيانشان تورى   ›   زاڭ تارازى   ›   زاڭنان كەڭەس

قارىنداسىڭىزدىڭ دالەل - سىپاتتاردى كورۋ، كوپيالاپ الۋ ۇقىعى بار

  سۇراۋ: كۇيەۋ بالام بىلتىر 22 - جەلتوقسان كۇنى موتوتسيكلمەن كەتىپ بارا جاتىپ، قارسى باعىتتا موتوتسيكلمەن كەلە جاتقان بىرەۋگە سوعىلىپ قالعان. قاتىناس ساقشى اترەتىندەگىلەر شىرعالاڭداعى باستى جاۋاپكەرشىلىكتى كۇيەۋ بالام، قوسىمشا جاۋاپكەرشىلىكتى قارسى جاق ارقالايدى دەپ انىقتاما شىعاردى. ءبىز بۇعان نارازى بولىپ، حالىق سوتى مەكەمەسىنە ارىز بەرگەن ەدىك، حالىق سوتى مەكەمەسى قاتىناس شىرعالاڭى انىقتاماسىن نەگىز ەتىپ، كۇيەۋ بالام %70 تىك جاۋاپكەرشىلىكتى، قارسى جاق %30 تىك جاۋاپكەرشىلىكتى ارقالايتىندىعى جونىندە ۇكىم شىعاردى. بىلەيىن دەگەنىم، حالىق سوتى مەكەمەسىنىڭ قاتىناس ساقشى اترەتى شىعارعان انىقتاماعا نەگىزدەلىپ، ۇكىم شىعارۋى ورىندى ما؟ قارىنداسىم قاتىناس ساقشى اترەتىنەن قارسى جاقتىڭ باسقالاردىڭ موتوتسيكلىن جۇرگىزىپ قاتىناس شىرعالاڭىنا جولىققاندىعى جونىندەگى سىپاتتى حالىق سوتى مەكەمەسىنە كورسەتىپ، ونان وزىنە قايتارىپ بەرۋدى تالاپ ەتكەندە، ولار قارىنداسىمنىڭ تالابىنا قوسىلماعان. ولاردىڭ دالەل - سىپاتتى بەرمەي قويۋى ورىندى ما؟ كەڭەس بەرسەڭىزدەر.

  جاۋاپ: «تاس جول حاۋىپسىزدىگى زاڭىندا» قوعام حاۋىپسىزدىگى ورگانىنىڭ قاتىناس باسقارۋ تاراۋى قاتىناس شىرعالاڭى ناق مايدانىن بارلاۋ، انىقتاۋ، تەكسەرۋ احۋالىنا جانە قاتىستى تەكسەرۋ، ساراپتاۋ قورىتىندىسىنا نەگىزدەلىپ، قاتىناس شىرعالاڭى انىقتاماسىن ۋاعىندا شىعارىپ، قاتىناس شىرعالاڭىن ءبىر جاقتى ەتۋدىڭ دالەل - سىپاتى ەتۋى كەرەك، - دەپ بەلگىلەنگەن. قاتىناس شىرعالاڭىنداعى انىقتاما دالەل - سىپات ورنىندا پايدالانىلادى، ونى قاتىناس شىرعالاڭىنداعى زاقىمدالۋ دەلولارىن ءبىر جاقتى ەتۋدەگى نەگىز ەتەدى. ەگەر قارىنداسىڭىز قاتىناس باسقارۋ ورىندارىنىڭ قاتىناس شىرعالاڭى انىقتاماسىندا قاتەلىك بار دەپ قاراسا، حالىق سوتى مەكەمەسىنە وسى جونىندە سىپات كورسەتىپ، قايتا تەكسەرىپ شىعۋىن ءوتىنىش ەتۋىنە بولادى. «تاس جول قاتىناس شىرعالاڭىن ءبىر جاقتى ەتۋ بەلگىلەمەسىنىڭ» 73 - تارماعىندا: مەملەكەت قۇپيالىعىنا، جەكەلىك ساۋدا قۇپيالىعىنا، جەكەلىك قۇپيالىققا قاتىستى بولعاندارىنان سىرت، داۋگەرلەر مەن ولاردىڭ جوقشىلارى قاتىناس شىرعالاڭى انىقتاماسىن تاپسىرىپ العان سوڭ، قوعام حاۋىپسىزدىگى قاتىناس باسقارۋ ورىندارىنىڭ قاتىناس شىرعالاڭىن ءبىر جاقتى ەتۋدەگى سىپاتىن كورۋگە، كوپيالاپ الۋىنا بولادى، - دەپ كورسەتىلگەن. دەمەك، قارىنداسىڭىزدىڭ دالەل - سىپاتتاردى كورۋ، كوپيالاپ الۋ ۇقىعى بار.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى