تيانشان تورى   ›   زاڭ تارازى   ›   زاڭنان كەڭەس

جاراقات الۋشىنى، ءسوزسىز، 2 ادام قاراۋ قاجەت دەپ قارالسا، سىپات شىعارىپ بەرىلۋى كەرەك

  سۇراۋ: ءىنىم تاياۋدا قاتىناس شىرعالاڭىنا ۇشىراپ اۋىر جارالانعاندىقتان، اكە - شەشەم مەكەمەسىنەن رۇقسات سۇراپ، شيپاحانادا ىنىمە قارادى. ازاماتتىق ىستەر ارىز - شاعىمى بارىسىندا اكەم مەن شەشەم ءىنىمنىڭ شيپاحاناداعى قورەكتىك، تاماقتانۋ قاراجاتىن ايىرىم - ايىرىم تالاپ ەتسە، قارسى جاقتىڭ ادۆوكاتى «جارالانۋشىنىڭ شيپاحاناداعى قورەكتىك قاراجاتى تاماقتانۋ قاراجاتىن دا قامتيدى، ناۋقاسقا قارايلاسۋشىلاردىڭ ەڭبەكاقىسىنا كەلسەك، ناۋقاستى ءبىر نەمەسە 2 ادام قاراۋ كەرەكتىگى جونىندە شيپاحانانىڭ سىپاتى بولۋى كەرەك» دەدى. كەزىندە اكە - شەشەم ءىنىمنىڭ جاۋاپتى شيپاگەرىنە وسى جونىندە سىپات شىعارىپ بەرۋدى تالاپ ەتكەندە، ول «ناۋقاستىڭ جاراقاتى سالماقتى بولعاندىقتان 2 ادام قاراسا بولادى، بۇل جونىندەگى سىپاتتى شيپاحانا باستىعىنان الساڭىزدار بولادى» دەگەن بولاتىن، ءبىراق شيپاحانانىڭ باستىعى بۇل جونىندە سىپات شىعارىپ بەرە المايتىنىن ايتتى. ەمدەلۋ مەزگىلىندەگى قورەكتىك قاراجاتى تاماقتانۋ قاراجاتىن قامتي ما؟ 2 ادامنىڭ ەڭبەكاقىسىن تالاپ ەتۋىمىز ورىندى ما؟ وسى جونىندە كەڭەس بەرسەڭىزدەر.

  جاۋاپ: ەڭ جوعارى حالىق سوتى مەكەمەسىنىڭ «زاقىمدالۋ تولەمى دەلولارىنا سوت اشۋدا زاڭدى قولدانۋعا قاتىستى كەيبىر ماسەلەلەر جونىندەگى تۇسىندىرمەسىندە»: «زيانعا ۇشىراۋشى باس اماندىق زيانىنا ۇشىراعاندا، ەمدەلۋ ءۇشىن كەتكەن قاراجاتتى جانە جۇمىستان قالىپ كەمىگەن كىرىستى، اسىرەسە، ەمدەلۋ قاراجاتى، قارايلاسۋ اقىسى، قاتىناس اقىسى، جاتاق اقىسى، شيپاحانادا جاتقان ادامنىڭ تاماق اقىسى، قاجەتتى قورەكتىك اقىسى سياقتىلاردى تولەم جاۋاپكەرلىگى بار ادام تولەۋى كەرەك ...؛ جۇمىستان قالۋ اقىسى زيانعا ۇشىراۋشىنىڭ جۇمىستان قالعان ۋاقىتىنا جانە كىرىس جاعدايىنا قاراي بەرىلەدى. جۇمىستان قالعان ۋاقىت زيانعا ۇشىراۋشى ەمدەلگەن ەمدەۋ ورنىنىڭ سىپاتىنا قاراي بەكىتىلەدى...؛ قارايلاسۋ اقىسى قارايلاسۋشىنىڭ كىرىس احۋالىنا جانە قارايلاسۋشىنىڭ سانىنا، ۋاقىتىنا قاراي بەكىتىلەدى، قارايلاسۋعا پرينسيپ جاقتا ءبىر ادام ورنالاستىرىلادى، ءبىراق ەمدەۋ ورنىنىڭ نەمەسە زاقىمدالۋ جاعدايىن باعالاۋ ورنىنىڭ انىق پىكىرى بولسا، قارايلاسۋشىنىڭ سانى سوعان نەگىزدەلىپ بەكىتىلسە بولادى...؛ قورەكتىك قاراجاتى زيانعا ۇشىراۋشىنىڭ مۇگەدەكتىك احۋالىنا قاراي، ەمدەۋ ورگانىنىڭ پىكىرىنەن پايدالانىپ بەكىتىلسە بولادى» دەپ بەلگىلەنگەن. جوعارىداعى بەلگىلەمەلەردىڭ رۋحىنا نەگىزدەلگەندە، زيانعا ۇشىراۋشىنىڭ شيپاحاناداعى قورەكتىك قاراجاتى تاماقتانۋ قاراجاتىن ءوز ىشىنە قامتيدى. ەمدەلۋ ورنى ءىنىڭىزدى 2 ادام قاراۋ قاجەت دەپ قاراسا، سىپات شىعارىپ بەرۋى كەرەك. ەگەر سىپات شىعارىپ بەرۋ مۇمكىن بولماسا، باعالاۋ ورگانىنىڭ ناۋقاستىڭ زاقىمدالۋىن باعالاۋ ناتيجەسىنە نەگىزدەلىپ قارايلاسۋ اقىسىن تالاپ ەتسە بولادى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى