تيانشان تورى   ›   جاڭالىقتار   ›   ەل ءىشى حابارى

لي كىچياڭ ءماجىلىس باسقارىپ اشتى، ماجىلىستە جاراتىلىستىق اپاتقا بايلانىستى بەرىلەتىن تۇرمىستىق قوسىمشا قاراجات ولشەمىن جوعارىلاتۋ ۇيعارىلدى

 مەملەكەتتىك كەڭەستىڭ زۇڭليى لي كىچياڭ 3 - مامىردا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە ورتالىق قازىناسىنان جاراتىلىستىق اپاتقا بايلانىستى بەرىلەتىن تۇرمىستىق قوسىمشا قاراجات ولشەمىن جوعارىلاتىپ، اپات سالدارىنان قۇلاعان تۇرعىن ۇيلەردى جاڭالاپ سالۋدى تەزدەتۋ ۇيعارىلدى؛ قوعامدىق كۇشتەردىڭ شيپاحانا اشۋىن جانە سالاماتتىق ساياحاتتى دامىتۋىن قولداپ، بۇقارانىڭ كوپ ساتىلى، الۋان ءتۇرلى سالاماتتىق قاجەتىن قاناعاتتاندىرۋ بەلگىلەندى؛ ءىرى، ورتا تيپتەگى ساۋدا بانكەلەرىندە تيىمدىلىك جەتكىزۋ فينانس ىستەرى ءبولىمىن قۇرۋدى ىلگەرىلەتىپ، شاعىن، ۇساق كاسىپورىنداردىڭ جانە اۋىل شارۋاشىلىعى، اۋىل – قىستاق، شارۋالار ىستەرىنىڭ قىزمەت وتەۋ قۋاتىن جوعارىلاتۋعا دەن قويۋ جونىندە ورنالاستىرۋ جاسالدى.

    ماجىلىستە مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارى بويىنشا، اپاتتان قۇتقارۋ، كومەك بەرۋ ساياساتىن كەمەلدەندىرۋ ــ حالىقتى وزەك ەتكەن دامۋ يدەياسىن امالياتتا ايگىلەۋدىڭ ناقتى بەينەلەنۋى، حالىقتىڭ توقتىق ماسەلەسىن قامتاماسىزداندىرۋدىڭ ماڭىزدى مازمۇنى. ماجىلىستە مىنالار ۇيعارىلدى: اپاتتان قۇتقارۋ قىزمەتىنىڭ امالياتىمەن جانە تاياۋ جىلداردان بەرگى زات باعاسىنىڭ جوعارىلاۋى سياقتى فاكتورلارمەن ۇشتاستىرىپ، ورتالىق قازىناسى تايفىڭ داۋىلى مەن باسقا ءار تۇردەگى جاراتىلىستىق اپاتتارعا توتەپ بەرۋ جانە ودان قۇتقارۋ قوسىمشا قاراجاتىنا ءبىر تۇتاس ولشەم اتقاردى ءارى قوسىمشا قاراجات دەڭگەيىن زور دارەجەدە جوعارىلاتتى، سونىمەن بىرگە، ەرەكشە اۋىر جاراتىلىستىق اپاتتان قازا بولعانداردىڭ ءۇي ىشىندەگىلەردى جۇباتۋ قاراجاتىنىڭ، وتپەلى مەزگىلدەگى تۇرمىستىق قوسىمشانىڭ جانە قۇلاعان تۇرعىن ۇيەردى جاڭالاپ سالۋداعى ورتالىق كومەك قاراجاتىنىڭ ولشەمىن زور دارەجەدە جوعارىلاتتى. جوعارىدا ايتىلعان ورتالىقتىڭ قوسىمشا قاراجاتىنا قاراتا جەرگىلىكتى ورىندار ناقتى جاعدايعا نەگىزدەلىپ ءادىس بەلگىلەپ، ءبىر تۇتاس پايدالاندى. بىلتىرعى بۇكىل ەل كولەمىندەگى اپات سالدارىنان قۇلاپ قايتا سالۋعا ءتيىستى بولعان تۇرعىنداردىڭ 157 مىڭ ءۇيى مەن جوندەۋگە ءتيىستى بولعان 487 مىڭ ۇيىنە قاراتا ماجىلىستە مىنالار تالاپ ەتىلدى: اپات تۋىلعان وڭىردەگى ءار دارەجەلى ۇكىمەت پەن قاتىستى تاراۋلار ىستەلىپ بولعان قىرۋار قىزمەت نەگىزىندە تەبىندى ءۇرتىس ارتتىرىپ، قارجىنى ويداعىداي پايدالانىپ، ساپاعا كەپىلدىك ەتىپ، بىلتىر اپات سالدارىنان ۋاقىتتىق تۇراققا قونىستاندىرىلعان بۇقارانىڭ تۇرعىن ءۇي ماسەلەسىن شەشۋگە كەپىلدىك ەتۋلەرى كەرەك، مۇنىڭ ىشىندە تاسقىن سالدارىنان قۇلاعان تۇرعىن ۇيلەر قىركۇيەكتىڭ سوڭىنان بۇرىن سالىنىپ بولۋى كەرەك. وسىلايشا اپاتقا ۇشىراعان بۇقارانىڭ جاڭا تۇرمىستى باستاۋىنا مۇمكىندىك جاراتۋ قاجەت.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى