تيانشان تورى   ›   جاڭالىقتار   ›   ساياحات

التاي ءتورت ەلگە شەكارا اتتاپ ساياحاتتاۋدى ىسكە اسىرماقشى

  جۋىقتا، ءتىلشىنىڭ التاي ايماقتىق ساياحات مەكەمەسىنەن ۇعىسۋىنشا، التاي ايماعى رەسەي، قازاقستان، موڭعۇليا قاتارلى ەلدەرمەن كورشىلەس بولۋداي جاعراپيالىق ارتىقشىلىقتان ۇتىمدى پايدالانىپ، «ءتورت ەلگە» شەكارا اتتاپ ساياحاتتاۋدى ىسكە اسىرماقشى ەكەن.

  التايدىڭ تابيعاتى كوركەم، شىعىسىندا موڭعۇليامەن، سولتۇستىگىندە رەسەيمەن، باتىسىندا قازاقستانمەن شەكارالاسادى، التايدا مەملەكەتتىك 1 – دارەجەلى قۇرىلىق وتكەلىنەن تورتەۋى بار، ەكولوگيالىق ورتاسى جاقسى، ۇلتتىق سالت – ساناعا باي، قاتىناسى قولايلى، شەكارا اتتاعان جوعارى ساپالى ساياحاتتى وركەندەتۋگە تيىمدى شارت – جاعداي ازىرلەنگەن.

  بۇل جوسپار ىسكە اسىرىلاتىن بولسا، جۇڭگو – قازاقستان 6 كۇندىك ساياحاتى، جۇڭگو – موڭعۇليا 5 كۇندىك ساياحاتى، التاي تاۋىن اينالا 12 كۇن ساياحاتتاۋ قاتارلى ساياحات تۇرلەرى جولعا قويىلىپ، ساياحاتشىلارعا شەتەلدىڭ كوركەم كورىنىسىن ءلاززاتتانۋعا مۇمكىندىك تۋدىرۋمەن قاتار، التاي ايماعىنداعى وزەن-كول، اراسان، مۇراجاي، دەمالىس ورنى، ۇلتتىق سالت – سانا قاتارلى ءتۇرلى ساياحات بايلىقتارىن تاماشالاۋىنا، ساياحاتشىلاردىڭ جەرگىلىكتى ورىننىڭ مال شارۋاشىلىق، اۋىل شارۋاشىلىق قوسىمشا ونىمدەرىن ساتىپ الۋىنا وراي جاراتادى ەكەن.

  «ءتورت ەلگە» شەكارا اتتاپ ساياحاتتاۋدا ءوزى كولىك جۇرگىزىپ ساياحاتتاۋ مەن ەرەكشە ساياحات سىندى ەكى ءتۇرلى ساياحات قامتىلادى. قازىر ءوزى كولىك جۇرگىزىپ ساياحاتتاۋ تەك جۇڭگو – قازاقستان، جۇڭگو – موڭعۇليا سىندى جالاڭ جەلىدە جۇزەگە اسىرىلىپ وتىر.، جۇڭگو مەن رەسەيدىڭ قاتىستى تاراۋلارى سەلبەستىككە قول جەتكىزسە، «ءتورت ەلگە» شەكارا اتتاپ كولىك جۇرگىزىپ اينالما ساياحات جاساۋعا بولسا؛ شەكارا اتتاعان ەرەكشە ساياحاتقا شارت – جاعداي ازىرلەنگەن، رەسەيگە جۇڭگو اۆتوكولىگىمەن كىرۋ مۇمكىن بولماعان جاعدايدا، قازاقستان جاقتىڭ اۆتوكولىگىمەن رەسەيگە بارۋعا بولادى ەكەن.

  كەزەكتە، التاي ايماعى جۇڭگو التاي تاۋى ءوڭىرى حالىقارالىق ساياحات سەلبەستىك سىناق ءوڭىرىن قۇرۋعا ءوتىنش بەرىپ، شەكارادان كىرىپ – شىعۋ، كوپ كۇندىك ۆيزالىق جەڭىلدىك، سىرت جەردە ۆيزا الۋ، باجىسىز زات الۋ، قاتىناس قۇرىلىسى قاتارلى جاقتاردا ءتيىمدى ساياساتتارعا قول جەتكىزۋگە قۇلشىنۋدا.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى