اۆتونوميالى رايوندىق قازىنا مەڭگەرمەسىنەن ۇعىسۋىمىزشا، بۇكىل شينجياڭنىڭ جەر - جەرىنىڭ كاسىپتەندىرۋ مەن شارۋاشىلىق قۇرۋ قىزمەتىن اناعۇرلىم ىلگەرىلەتۋىنە قولداۋ كورسەتۋ ءۇشىن، اۆتونوميالى رايون ءبىر ميلليارد 810 ميلليون يۋان كاسىپتەندىرۋ قارجىسىن توپتاپ، كاسىپتەندىرۋ ارقىلى حالىققا تيىمدىلىك جاساۋ ينجەنەرياسىن ىلگەرىلەتكەن.
جالپى ءبىر ميلليارد 810 ميلليون يۋان كەلەتىن بۇل قارجىنىڭ ىشىندە ورتالىق قازىنادان ءبىر ميلليارد 275 ميلليون يۋان، اۆتونوميالى رايون قازىناسىنان 535 ميلليون يۋان بولىنگەن. قازىر جەر - جەرگە بولگەن كاسىپتەندىرۋ كومەك قاراجاتى ءبىر ميلليارد 770 ميلليون يۋان، بۇل ورتالىق قازىنادان بولىنگەن ءبىر ميلليارد 275 ميلليون يۋان قارجىنى، اۆتونوميالى رايون قازىناسىنان بولىنگەن 495 ميلليون يۋان قارجىنى قامتيدى. قارجىنىڭ ءبولىنۋ سالىستىرماسى %98كە جەتكەن.
ۇعىسۋعا قاراعاندا، كاسىپتەندىرۋ قىزمەتىن باعالاۋ مەحانيزمىن كەمەلدەندىرۋ، ىلگەرىلەتۋ ءۇشىن اۆتونوميالى رايون «شينجياڭ ۇيعۇر اۆتونوميالى رايونىنىڭ قالا - قالاشىق، الەۋمەتتىك اۋماقتاردىڭ الەۋمەتتىك كاسىپتەندىرۋ بويىنشا قىزمەت وتەۋ قىزمەت ناتيجەسىن باعالاۋ ءادىسىن (سىناق رەتىندە اتقارىلادى)» شىعارۋ ارقىلى الەۋمەتتىك كاسىپتەندىرۋ بويىنشا قىزمەت وتەۋ قىزمەت ناتيجەسىن باعالاۋ مەحانيزمىن ورناتىپ، جەرگىلىكتى ورىننىڭ كاسىپتەندىرۋ قىزمەتىن جەبەۋ جاۋاپكەرشىلىگىن اناعۇرلىم ايقىنداعان جانە تياناقتاندىرعان.
