− شي جينپيڭ جولداستىڭ ج ك پ 18 - كەزەكتى ورتالىق كوميتەتى اتىنان قۇرىلتايعا جاساعان بايانداماسىنان ۇزىندىلەر
شينحۋا اگەنتتىگىنىڭ 18 - قازاندا بەيجيڭنەن بەرگەن حابارى. شي جينپيڭ جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشىن بايانداعاندا بىلاي دەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − تاياۋ زاماننان بەرگى جۇڭحۋا ۇلتىنىڭ ەڭ ۇلى ارمانى. جۇڭگو كوممۋنيستىك پارتياسى قۇرىلا سالا كوممۋنيزمدى جۇزەگە اسىرۋدى پارتيانىڭ ەڭ وسكەلەڭ مۇراتى جانە ەڭ تۇپكى نىساناسى ەتىپ، ادىلەت جولىندا ەشتەڭەدەن تايىنباي، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى تاريحي بورىشتى ارقالاپ، حالىقتى ىنتىماقتاستىرىپ جانە باستاپ، قاجىماي - تالماي كۇرەس جۇرگىزىپ، ايبىندى دا شۇعىلالى تاريحي داستان جازدى.
شي جينپيڭ مىنالاردى اتاپ كورسەتتى: پارتيامىز حالىقتى ىنتىماقتاستىرىپ جانە باستاپ، اۋىل - قىستاق ارقىلى قالانى قورشاۋعا الۋ، بيلىكتى قارۋلى كۇشپەن تارتىپ الۋ سىندى دۇرىس توڭكەرىستىك جولدى تاۋىپ، 28 جىل قاندى شايقاس جاساپ، جاڭا دەموكراتيالىق توڭكەرىستى ورىنداپ، 1949 - جىلى جۇڭحۋا حالىق رەسپۋبليكاسىن قۇرىپ، جۇڭگونىڭ نەشە مىڭ جىلدىق فەودالدىق دارا بيلەۋشىلىك ساياسيدان حالىق دەموكراتياسىنا ءوتۋى سىندى ۇلى شارىقتاۋدى جۇزەگە اسىردى.
پارتيامىز حالىقتى ىنتىماقتاستىرىپ جانە باستاپ، سوتسياليستىك توڭكەرىستى اياقتاتىپ، سوتسياليستىك نەگىزگى ءتۇزىمدى ورناتىپ، سوتسياليستىك قۇرىلىستى ىلگەرىلەتىپ، جۇڭحۋا ۇلتىنىڭ تاريحتان بەرگى ەڭ كەڭ كولەمدى، تەرەڭ قوعامدىق وزگەرىسىن ورىنداپ، زامانىمىزداعى جۇڭگونىڭ بارلىق جاقتان دامۋى مەن العا باسۋىنا ءتۇبىرلى ساياسي العى شارت جانە تۇزىمدىك نەگىز ازىرلەپ، جۇڭحۋا ۇلتىنىڭ تاياۋ زامانداعى تولاسسىز قۇلدىراۋدان تاعدىرىن تۇبەگەيلى وزگەرتۋگە، ءۇرتىس گۇلدەنىپ - كوركەيىپ، باي - قۇدىرەتتى بولۋعا بەت العان ۇلى شارىقتاۋىن جۇزەگە اسىردى.
پارتيامىز حالىقتى ىنتىماقتاستىرىپ جانە باستاپ، رەفورما جاساپ، ەسىك اشۋ سىندى تىڭ دا ۇلى توڭكەرىستى جۇرگىزىپ، مەملەكەت پەن ۇلتتىڭ دامۋىنا تۇساۋ بولاتىن ءارقانداي يدەيالىق جانە تۇزىلىستىك كەدەرگىلەردى الاستاپ، جۇڭگوشا سوتسياليزم جولىن اشىپ، جۇڭگونى داۋىرگە ىلەسىپ، ارشىندى قاداممەن العا باسۋ مۇمكىندىگىنە يە ەتتى.
شي جينپيڭ بىلاي دەدى: بۇگىن ءبىز ءارقانداي تاريحي كەزەڭمەن سالىستىرعاندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا اناعۇرلىم جاقىنداي تۇستىك، وسى نىسانانى جۇزەگە اسىرۋعا سەنىمىمىز كامىل، قابىلەت - قۋاتىمىز دا جەتەدى.
شي جينپيڭ مىنالاردى باسا دارىپتەدى: «100 شاقىرىمدىق جولدىڭ 90 شاقىرىمىن باسساڭ دا ءالى جولدامىن دەپ ءبىل» دەگەن. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە وڭاي - وسپاق عانا، قۇر ايعاي - سۇرەنمەن بىتە سالاتىن شارۋا ەمەس. بۇكىل پارتيا اناعۇرلىم ماشاقاتتى، اناعۇرلىم قاجىرلى قۇلشىنىس جاساۋعا ساقاداي ساي تۇرۋى قاجەت.
شي جينپيڭ مىنالاردى اتاپ كورسەتتى: ۇلى ارماندى جۇزەگە اسىرۋ ءۇشىن، ۇلى كۇرەستەر جۇرگىزۋ كەرەك. بۇكىل پارتيا پارتيانىڭ باسشىلىعى مەن ەلىمىزدىڭ سوتسياليستىك تۇزىمىنە اناعۇرلىم سانالى تاباندى بولىپ، پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىن السىرەتەتىن، بۇرمالايتىن، تەرىسكە شىعاراتىن ءسوز - ارەكەت اتاۋلىعا باتىل قارسى تۇرۋى؛ حالىقتىڭ مۇددەسىن اناعۇرلىم سانالى قورعاپ، حالىقتىڭ مۇددەسىنە زيان جەتكىزەتىن، بۇقارادان قول ۇزەتىن ارەكەت اتاۋلىعا باتىل قارسى تۇرۋى؛ رەفورما جاساپ، جاڭالىق اشۋ سىندى ءداۋىر اعىمىنا اناعۇرلىم سانالى ات سالىسىپ، ەسكىلىكتى دەرت اتاۋلىنى باتىل الاستاۋى؛ ەلىمىزدىڭ يەلىك ۇقىعىن، حاۋىپسىزدىگىن، دامۋ مۇددەسىن اناعۇرلىم سانالى قورعاپ، وتاندى بولشەكتەيتىن، ۇلتتار ىنتىماعىن جانە قوعامنىڭ جاراسىمدىلىعى مەن ورنىقتىلىعىن بۇلدىرەتىن ارەكەت اتاۋلىعا باتىل قارسى تۇرۋى؛ ءتۇرلى حاۋىپ - قاتەردەن اناعۇرلىم سانالى ساقتانىپ، ساياسي، ەكونوميكا، مادەنيەت، قوعام سياقتى سالالاردا جانە تابيعات دۇنيەسىندە جارىققا شىققان قيىنشىلىق، سىن - سىناق اتاۋلىنى باتىل جەڭۋى كەرەك. بۇكىل پارتيا وسى ۇلى كۇرەستىڭ ۇزاق ۋاقىتتىلىعىن، كۇردەلىلىگىن، جاپالىلىعىن جەتە تانىپ، كۇرەسكەرلىك رۋحتى ساۋلەلەندىرىپ، كۇرەس جۇرگىزۋ قابىلەتىن جوعارىلاتىپ، ۇلى كۇرەستىڭ تىڭ جەڭىسىنە ۇزدىكسىز قول جەتكىزۋى كەرەك.
ۇلى ارماندى جۇزەگە اسىرۋ ءۇشىن، ۇلى ينجەنەريانى جۇرگىزۋ قاجەت. بۇل ۇلى ينجەنەريا − پارتيامىز ىشكەرىلەي جۇرگىزىپ وتىرعان پارتيا قۇرىلىسى سىندى جاڭا دا ۇلى ينجەنەريا. بۇكىل پارتيا پارتيالىلىق پرينسيپكە اناعۇرلىم سانالىلىقپەن تاباندى بولىپ، ماسەلەگە بەتپە - بەت كەلۋدەن قورىقپاي، تامىرى تەرەڭدەگى زاھار - زارداپتاردى باتىل الاستاپ، پارتيانىڭ العاباسارلىعى مەن كىرشىكسىزدىگىنە داق تۇسىرەتىن فاكتور اتاۋلىنى جويىپ، پارتيانىڭ اقاۋسىزدىعىنا زالال جەتكىزەتىن ۆيرۋس اتاۋلىنى الاستاپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز جوعارىلاتىپ، پارتيامىزدىڭ تاسقىنداعان ومىرشەڭدىگى مەن قۇدىرەتتى جاۋىنگەرلىك قۋاتىن ماڭگى ساقتاۋىنا شىن مانىندە كەپىلدىك ەتۋى كەرەك.
ۇلى ارماندى جۇزەگە اسىرۋ ءۇشىن، ۇلى ىستەردى ىلگەرىلەتۋ قاجەت. بۇكىل پارتيا جول، نازاريا، ءتۇزىم، مادەنيەت جونىندەگى سەنىمدى اناعۇرلىم سانالى نىعايتىپ، تۇيىققا تىرەيتىن كونە سۇردەكپەن دە جۇرمەۋى، باعداردان اداستىراتىن تەرىس جولعا دا تۇسپەۋى، ساياسي ۇستامدىلىقتى ساقتاپ، ىسكەرلىكپەن ەلدى كوركەيتىپ، جۇڭگوشا سوتسياليزمگە باستان - اياق تاباندى بولۋى جانە ونى دامىتۋى كەرەك.
شي جينپيڭ مىنالاردى باسا دارىپتەدى: ۇلى كۇرەس، ۇلى ينجەنەريا، ۇلى ءىس، ۇلى ارمان ءبىر - بىرىمەن تىعىز بايلانىسىپ، ءبىر - بىرىمەن ساباقتاسىپ، ءبىر - بىرىنە اسەر ەتەدى، بۇلاردىڭ ىشىندە شەشۋشى رول اتقاراتىنى پارتيا قۇرىلىسى سىندى جاڭا دا ۇلى ينجەنەريا. ۇلى ينجەنەريانى ىلگەرىلەتۋدە ونى ۇلى كۇرەستىڭ، ۇلى ءىستىڭ، ۇلى ارماننىڭ امالياتىمەن ۇشتاستىرا وتىرىپ جۇرگىزۋ، پارتيانىڭ دۇنيە ءجۇزىنىڭ جاعدايىندا تەرەڭ وزگەرىستەر تۋىلىپ جاتقان تاريحي ۇردىستە باستان - اياق زامانانىڭ الدىڭعى لەگىندە بولۋىنا، ىشكى - سىرتقى الۋان ءتۇرلى حاۋىپ - قاتەرلەر مەن سىندارعا توتەپ بەرۋدىڭ تاريحي ۇردىسىندە باستان - اياق بۇكىل ەل حالقىنىڭ تىرەگى بولۋىنا، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تاريحي ۇردىسىندە باستان - اياق قۇدىرەتتى باسشىلىق ۇيتقى بولۋىنا شىن مانىندە كەپىلدىك ەتۋ كەرەك.
