تيانشان تورابى   ›   ۇيرەنۋ   ›   بايانداما

حالىقتىڭ تۇرمىسىن قامتاماسىز ەتۋ جانە جاقسارتۋ ورەسىن جوعارىلاتىپ، قوعامدىق باسقارۋدى كۇشەيتۋ جانە وندا جاڭالىق اشۋ

  − شي جينپيڭ جولداستىڭ ج ك پ 18 - كەزەكتى ورتالىق كوميتەتى اتىنان قۇرىلتايعا جاساعان بايانداماسىنان ۇزىندىلەر

  شينحۋا اگەنتتىگىنىڭ 18− قازاندا بەيجيڭنەن بەرگەن حابارى. شي جينپيڭ جولداس 19 − قۇرىلتايدىڭ بايانداماسىندا مىنالاردى العا قويدى: حالىقتىڭ تۇرمىسىن قامتاماسىز ەتۋ جانە جاقسارتۋ ورەسىن جوعارىلاتىپ، قوعامدىق باسقارۋدى كۇشەيتۋ جانە وندا جاڭالىق اشۋ كەرەك.

  شي جينپيڭ مىنالاردى اتاپ كورسەتتى: ادام ماسەلەسىنىڭ نەلىكتەن ءبىر ساياسي پارتيانىڭ، ءبىر اكىمياتتىڭ سيپاتىن سىنايتىن سىنتاس ەكەنىن ەستە بەرىك ساقتاۋ كەرەك. حالىقتىڭ مۇددەسىن باستان − اياق بارىنەن جوعارى ورىنعا قويىپ، بارشا حالىقتىڭ رەفورمانىڭ، دامۋدىڭ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەنىپ، بىرگە اۋقاتتانۋدى جۇزەگە اسىرۋ جولىندا ۇزدىكسىز العا باسۋىنا مۇمكىندىك جاساۋ قاجەت.

  ول بىلاي دەدى: حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن مىقتى يگەرىپ، شاما كەلەتىن ىستەرگە كۇش سالا كىرىسىپ، ءىستى بىرىنەن سوڭ ءبىرىن، جىلدان − جىلعا جالعاستىرىپ ىستەۋ كەرەك. بارلىق ادام جاۋاپكەرلىگىن ادا ەتۋگە، بارلىق ادام يگىلىكتەنۋگە تاباندى بولىپ، تومەنگى شەكتى بەرىك ساقتاپ، ءتۇيىندى كورنەكتىلەندىرىپ، ءتۇزىمدى كەمەلدەندىرىپ، مەجەلى نىساناعا باستاپ، الەۋمەتتىك قىزمەت كورسەتۋ جۇيەسىن كەمەلدەندىرىپ، بۇقارانىڭ نەگىزگى تۇرمىسىن قامتاماسىز ەتىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرىپ، قوعامدىق ادىلدىك پەن ادىلەتتىلىكتى تىنباي جەبەپ، ءونىمدى قوعامدىق باسقارۋ، تاماشا قوعامدىق ءتارتىپ قالىپتاستىرىپ، حالىقتىڭ تابىسقا كەنەلۋ سەزىمىن مۇنان دا مول، باقىت سەزىمىن مۇنان دا قامسىز، حاۋىپسىزدىك سەزىمىن مۇنان دا باياندى ەتۋ كەرەك.

  1) وقۋ − اعارتۋ ىستەرىن الدىمەن دامىتۋ. پارتيانىڭ وقۋ − اعارتۋ باعىتىن جاپپاي دايەكتىلەندىرىپ، ونەگەلى ادام تاربيەلەۋ سىندى ءتۇبىرلى مىندەتتى تياناقتاندىرىپ، ساپالىق وقۋ − اعارتۋدى دامىتىپ، وقۋ − اعارتۋداعى ادىلدىكتى جەبەپ، سوتسياليزمنىڭ احىلاق، اقىل − وي، دەنە، ەستەتيكا جاعىنان جان − جاقتىلى جەتىلگەن قۇرۋشىلار مەن ءىزباسارلارىن تاربيەلەۋ كەرەك. قالا مەن اۋىلداردا مىندەتتى وقۋ − اعارتۋدىڭ ءبىر تۇلعالانىپ دامۋىن ىلگەرىلەتىپ، اۋىل − قىستاقتارداعى مىندەتتى وقۋ − اعارتۋعا وسكەلەڭ ءمان بەرىپ، مەكتەپكە دەيىنگى تاربيەنى، ەرەكشە وقىتۋ جانە ينتەرنەتتىك وقىتۋدى ويداعىداي جۇرگىزىپ، تولىق ورتا ساتىسىنداعى وقىتۋدى جالپىلاستىرىپ، ءاربىر بالانى ءادىل دە ساپالى ءبىلىم الۋ مۇمكىندىگىنە يە ەتۋگە قۇلشىنۋ. كاسىپتىك وقىتۋ مەن كۋرستان وتكىزۋ جۇيەسىن كەمەلدەندىرىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەستىگىن تەرەڭدەتۋ. الدىڭعى قاتارداعى جوعارى مەكتەپتەر جانە وزىق عىلىم − ءپان قۇرىلىسىن جەدەلدەتىپ، جوعارى دارەجەلى وقۋ − اعارتۋدىڭ مايەكتى دامۋىن جۇزەگە اسىرۋ. وقۋشىلارعا قارجىلىق كومەك كورسەتۋ ءتۇزىمىن كەمەلدەندىرىپ، قالا، اۋىلداعى تىڭنان قوسىلعان باسىم كوپ سانداعى ەڭبەككۇشتەردىڭ تولىق ورتا مەكتەپ ساتىسىنداعى وقۋ − اعارتۋ تاربيەسىن قابىلداۋىنا، جوعارى دارەجەلى وقۋ − اعارتۋ تاربيەسىن اناعۇرلىم كوپ قابىلداۋىنا مۇمكىندىك جاساۋ. قوعامدىق كۇشتەردىڭ وقۋ − اعارتۋمەن شۇعىلدانۋىن قولداۋ جانە جۇيەگە ءتۇسىرۋ. وقىتۋشىلاردىڭ ءمورال − ستيل قۇرىلىسىن كۇشەيتىپ، جوعارى ساپالى وقىتۋشىلار قوسىنىن جەتىلدىرىپ، تۇتاس قوعامدا وقىتۋشىلاردى قۇرمەتتەۋدى، وقىتۋعا ءمان بەرۋدى دارىپتەۋ. جالعاستى ءبىلىم بەرۋ تاربيەسىن ويداعىداي جۇرگىزىپ، ۇيرەنۋگە قۇلىقتى قوعام قۇرۋدى جەدەلدەتىپ، حالىقتىڭ ساپاسىن بارىنشا جوعارىلاتۋ كەرەك.

  2) جۇمىستانۋ ساپاسى مەن حالىقتىڭ كىرىس دەڭگەيىن جوعارىلاتۋ. جۇمىستانۋدى الدىمەن ويلاستىرۋ ستراتەگياسى مەن بەلسەندى جۇمىستانۋ ساياساتىنا تاباندى بولىپ، اناعۇرلىم جوعارى ساپالى جانە اناعۇرلىم تولىق جۇمىستانۋدى جۇزەگە اسىرۋ كەرەك. كاسىپتىك ونەرگە باۋلۋدى كەڭىنەن ەتەك الدىرىپ، جۇمىستانۋداعى قۇرىلىمدىق قايشىلىقتى شەشۋگە ءمان بەرىپ، شارۋاشىلىق قۇرۋ ارقىلى جۇمىستانۋدى جەتەكتەۋگە دەم بەرۋ. الەۋمەتتىك جۇمىستانۋعا جان − جاقتىلى قىزمەت كورسەتىپ، جوعارى مەكتەپ بىتىرگەن وقۋشىلار قاتارلى جاستار قاۋىمىنىڭ، ديقان جۇمىسكەرلەردىڭ كوپ جولدارمەن جۇمىستانىپ، شارۋاشىلىق قۇرۋىن جەبەۋ. ەڭبەككۇشتەردىڭ، دارىندىلاردىڭ قوعامدىق سيپات العان اۋىسۋىنا تۇساۋ بولاتىن ءتۇزىلىس مەحانيزمى كىناراتتارىن الاستاپ، بارلىق ادامنىڭ قاجىرلى ەڭبەگى ارقىلى وزىندىك دامۋدى جۇزەگە اسىرۋلارىنا وراي ازىرلەۋ. ۇكىمەت، جۇمىسشى ۇيىمى، كاسىپورىن بىرگە ات سالىساتىن كەڭەس بەرۋ، سايكەستىرۋ مەحانيزمىن كەمەلدەندىرىپ، جاراسىمدى ەڭبەك قاتىناسىن ورناتۋ. ەڭبەگىنە قاراي ءبولۋ پرينسيبىنە تاباندى بولىپ، نەگىزگى فاكتور بويىنشا بولەتىن ءتۇزىلىس مەحانيزمىن كەمەلدەندىرىپ، كىرىس ءبولىسىنىڭ اناعۇرلىم ۇيلەسىمدى، ءتارتىپتى بولۋىن جەبەۋ. زاڭعا بويسۇنىپ، قاجىرلى ەڭبەگىمەن اۋقاتتانۋعا دەم بەرىپ، ورتاشا كىرىستى قاۋىمنىڭ كولەمىن كەڭەيتىپ، تومەن كىرىستەگىلەردىڭ كىرىسىن مولايتىپ، كىرىسى تىم جوعارىلاردىڭ كىرىسىن تەڭشەپ، زاڭسىز كىرىستى كۇشىنەن قالدىرۋ. ەكونوميكانى ارتتىرۋمەن قاتار، تۇرعىنداردىڭ كىرىسىن دە بىردەي ارتتىرۋعا، ەڭبەك ونىمدىلىگىن جوعارىلاتۋمەن قاتار، جالاقىنى دا بىردەي جوعارىلاتۋدى جۇزەگە اسىرۋعا تاباندى بولۋ. تۇرعىنداردىڭ ەڭبەك كىرىسى مەن مال − مۇلىكتىك كىرىس ارناسىن كەڭەيتۋ. ۇكىمەتتىڭ قايتالاي بولىسكە سالۋ، تەڭشەۋ فۋنكتسياسىن ويداعىداي وتەپ، نەگىزدىك الەۋمەتتىك قىزمەت كورسەتۋدىڭ تەڭگەرىلۋىن جەدەل ىلگەرىلەتىپ، كىرىس بولىسىندەگى پارىقتى ازايتۋ كەرەك.

  3) قوعامدىق قامتاماسىزداندىرۋ جۇيەسى قۇرىلىسىن كۇشەيتۋ. جالپى حالىقتى تۇتاس قامتيتىن، قالا مەن اۋىل ءبىر تۇتاس جوسپارعا الىناتىن، ۇقىق پەن بورىشى ايقىن، ۇيلەسىمدى قامتاماسىز ەتىلەتىن، باياندى، كوپ ساتىلى قوعامدىق قامتاماسىزداندىرۋ جۇيەسىن جاپپاي قۇرۋ. جالپى حالىقتى قوعامدىق ساقتاندىرۋعا قاتىناستىرۋ جوسپارىن جاپپاي اتقارۋ. قالا، قالاشىقتاعى جۇمىسشى − قىزمەتكەرلەردىڭ نەگىزگى زەينەتكەرلىك ساقتاندىرۋى مەن قالا، اۋىل تۇرعىندارىنىڭ نەگىزگى زەينەتكەرلىك قامسىزداندىرۋ ءتۇزىمىن كەمەلدەندىرىپ، زەينەتكەرلىك ساقتاندىرۋىن بۇكىل ەل بويىنشا ءبىر تۇتاس جوسپارلاۋدى تەز ارادا جۇزەگە اسىرۋ. قالا، اۋىل تۇرعىندارىنىڭ بىرلىككە كەلگەن نەگىزگى ەمدەلۋىن ساقتاندىرۋ ءتۇزىمى مەن سالماقتى اۋرۋلارىن ساقتاندىرۋ ءتۇزىمىن كەمەلدەندىرۋ. جۇمىسسىزدىقتى، جۇمىس ۇستىندە جارالانۋدى ساقتاندىرۋ ءتۇزىمىن كەمەلدەندىرۋ. قوعامدىق ساقتاندىرۋدىڭ بۇكىل ەل بويىنشا بىرلىككە كەلگەن الەۋمەتتىك قىزمەت كورسەتۋ تۇعىرىن قۇرۋ. قالا مەن اۋىلداردىڭ قوعامدىق قۇتقارۋ، كومەك بەرۋ جۇيەسىن ءبىر تۇتاس جوسپارلاپ، ەڭ تومەنگى تۇرمىستىق قامتاماسىز ەتۋ ءتۇزىمىن كەمەلدەندىرۋ. مەملەكەتتىڭ ەر − ايەل تەڭدىگى جونىندەگى نەگىزگى ساياساتىنا تاباندى بولىپ، ايەلدەر مەن بالالاردىڭ زاڭدى ۇقىق − مۇددەسىن قامتاماسىز ەتۋ. قوعامدىق قۇتقارۋ، كومەك بەرۋ، قوعامدىق يگىلىك، قايىر − ساحابات ىستەرى، قامقورلىق جاساۋ جولىمەن ورنالاستىرۋ قاتارلى تۇزىمدەردى كەمەلدەندىرىپ، اۋىل − قىستاقتارداعى ۇيدە قالعان بالالار مەن ايەلدەرگە، قارتتارعا قامقورلىق جاساۋ، قىزمەت كورسەتۋ جۇيەسىن اقاۋسىزداندىرۋ. مۇگەدەكتەر ءىسىن دامىتىپ، مۇگەدەكتەردى ساۋىقتىرۋ جونىنەن قىزمەت كورسەتۋدى كۇشەيتۋ. «ءۇي ساۋداعا سالۋعا ەمەس، تۇرۋعا ارنالعان» دەگەن ۇستانىمعا تاباندى بولىپ، كوپ نەگىزدى قامدالاتىن، كوپ ارنامەن قامتاماسىز ەتىلەتىن، جالعا الۋ مەن ساتىپ الۋ تەڭ اتقارىلاتىن تۇرعىن ءۇي ءتۇزىمىن ورناتۋدى تەزدەتىپ، تۇتاس حالىقتىڭ تۇرار جايى بولۋىنا مۇمكىندىك جاساۋ كەرەك.

  4) كەدەيلىكتەن ارىلتۋدان قامال الۋ شايقاسىندا، ءسوزسىز، جەڭىسكە جەتۋ. بۇكىل پارتيانى، بۇكىل ەلدى، جالپى قوعامدىق كۇشتەردى اتتانىسقا كەلتىرىپ، كەدەيلەردى ورنىن ءدال تاۋىپ سۇيەمەلدەۋگە، كەدەيلىكتەن شىن مانىندە ارىلتۋعا تاباندى بولىپ، ورتالىق ءبىر تۇتاس ورنالاستىراتىن، ولكە باستى جاۋاپكەرشىلىكتى ارقالايتىن، قالا، اۋداندار تياناقتاندىرۋعا جاۋاپتى بولاتىن قىزمەت مەحانيزمىنە تاباندى بولىپ، پارتيا مەن ۇكىمەتتىڭ ءبىرىنشى باسشىسى باستى جاۋاپكەرلىك ارقالاۋ ءتۇزىمىن كۇشەيتىپ، كەدەيلەردى جاپپاي سۇيەمەلدەۋ جۇيەسىنەن جازباي، كەدەيلەردى جىگەر − قايرات جاعىنان سۇيەمەلدەۋ مەن اقىل − قابىلەت جاعىنان سۇيەمەلدەۋدى ۇشتاستىرۋعا باسا ءمان بەرىپ، باتىس، شىعىس بولەكتەردىڭ كەدەيلەردى سۇيەمەلدەۋدەگى سەلبەستىگىن ىشكەرىلەي اتقارىپ، ەرەكشە كەدەي وڭىرلەردى كەدەيلىكتەن ارىلتۋ مىندەتىن ورىنداۋدان ءتۇيىندى تۇردە قامال الىپ، 2020 − جىلعا بارعاندا، ەلىمىزدىڭ قازىرگى ولشەمى بويىنشا اۋىل − قىستاقتىڭ كەدەي حالقىن كەدەيلىكتەن ارىلتىپ، كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋعا شىنايى كەپىلدىك ەتىپ، وڭىرلىك ءبىرىڭعاي كەدەيلىك ماسەلەسىن شەشىپ، ناق كەدەيلىكتەن ارىلتۋدى، كەدەيلىكتەن شىنايى ارىلتۋدى جۇزەگە اسىرۋ.

  5) اقاۋسىز جۇڭگو ستراتەگياسىن اتقارۋ. حالىقتىڭ دەنساۋلىعى جونىندەگى ساياساتتى كەمەلدەندىرىپ، حالىق بۇقاراسىنا دەنساۋلىق جاعىندا جان − جاقتى، تولىق دۇركىندى قىزمەت كورسەتۋ كەرەك. ەمدەۋ، ءدارى − دارمەك − دەنساۋلىق ساقتاۋ ءتۇزىلىسى رەفورماسىن تەرەڭدەتىپ، جۇڭگوشا نەگىزگى ەمدەۋ − دەنساۋلىق ساقتاۋ ءتۇزىمىن، ەمدەلۋدى قامتاماسىز ەتۋ ءتۇزىمىن جانە ەمدەۋ − دەنساۋلىق ساقتاۋ جونىنەن ساپالى، ءونىمدى قىزمەت كورسەتۋ جۇيەسىن جاپپاي ورناتىپ، وسى زامانعى شيپاحانا باسقارۋ ءتۇزىمىن اقاۋسىزداندىرۋ. نەگىزگى ساتىنىڭ ەمدەۋ، دەنساۋلىق ساقتاۋعا قىزمەت كورسەتۋ جۇيەسى مەن تولىق ءپاندى شيپاگەرلەر قوسىنى قۇرىلىسىن كۇشەيتۋ. شيپاحانالاردى ءدارى − دارمەك اقىسىمەن اسىراۋدى بۇكىلدەي كۇشىنەن قالدىرىپ، ءدارى − دارمەكپەن قامداۋدى قامتاماسىز ەتۋ ءتۇزىمىن اقاۋسىزداندىرۋ. الدىن الۋدى نەگىز ەتۋگە تاباندى بولىپ، وتانشىلدىق دەنساۋلىق ساقتاۋ قيمىلىن ىشكەرىلەي ورىستەتىپ، اقاۋسىز، وركەنيەتتى تۇرمىس ءتاسىلىن دارىپتەپ، سالماقتى اۋرۋلاردىڭ الدىن الۋ، تىزگىندەۋ. ازىق − تۇلىك حاۋىپسىزدىگى ستراتەگياسىن اتقارىپ، حالىقتى تاماقتانۋ جاعىنان الاڭسىز ەتۋ. جۇڭگوشا شيپاگەرلىك پەن باتىسشا شيپاگەرلىككە تەڭ ءمان بەرۋگە تاباندى بولىپ، جۇڭگوشا ەمدەۋ، ءدارى − دارمەك ىستەرىن دامىتۋ جانە وعان مۇراگەرلىك ەتۋ. قوعامنىڭ شيپاحانا قۇرۋىن قولداپ، دەن سالاماتتىعى كاسىبىن دامىتۋ كەرەك. تۋىت ساياساتى مەن قاتىستى ەكونوميكالىق، قوعامدىق ساياساتتاردىڭ سايكەسۋىن، توعىسۋىن جەبەپ، حالىق سانىنىڭ دامۋ ستراتەگياسى جونىندەگى زەرتتەۋدى كۇشەيتۋ. حالىقتىڭ قارتتانۋىنا بەلسەنە سايكەسىپ، قارتتاردى كۇتىمدەيتىن، قارتتارعا كۇيىنەتىن، قارتتاردى قۇرمەتتەيتىن ساياساتتىق جۇيە جانە قوعامدىق ورتا قالىپتاستىرىپ، ەمدەۋ مەن كۇتىمدەۋدىڭ ۇشتاسۋىن ىلگەرىلەتىپ، قارتتار ءىسىنىڭ جانە قارتتار كاسىبىنىڭ دامۋىن جەدەلدەتۋ.

  6) قوعامدىق باسقارۋدىڭ بىرگە قۇرىپ، بىرگە باسقارىپ، تەڭ يگىلىكتەنەتىن قۇرىلىمىن قالىپتاستىرۋ. قوعامدىق باسقارۋ ءتۇزىلىسىن كەمەلدەندىرىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، جالپاق جۇرت ات سالىساتىن، زاڭ - ءتۇزىم قامتاماسىز ەتىلەتىن قوعامدىق باسقارۋ جۇيەسىن كەمەلدەندىرىپ،  قوعامدىق باسقارۋدىڭ قوعامدانۋ، زاڭمەن باسقارىلۋ، زەردەلىلەنۋ، ماماندانۋ دەڭگەيىن جوعارىلاتۋ. قوعامدىق قايشىلىقتاردان ساقتانۋ جانە ونى جويۋ مەحانيزمى قۇرىلىسىن كۇشەيتىپ، حالىقتىڭ ىشكى بولەگىندەگى قايشىلىقتاردى دۇرىس ءبىر جاقتى ەتۋ. حاۋىپسىز دامۋ تانىمىن ورناتىپ، «ءومىر بارىنەن قىمبات، حاۋىپسىزدىك ءبىرىنشى» يدەياسىن ساۋلەلەندىرىپ، الەۋمەتتىك حاۋىپسىزدىك جۇيەسىن كەمەلدەندىرىپ، حاۋىپسىز ءوندىرىس جاۋاپكەرشىلىگى ءتۇزىمىن كەمەلدەندىرىپ، ەرەكشە اۋىر حاۋىپسىزدىك شىرعالاڭدارىن باتىل تەجەپ، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قۋاتىن جوعارىلاتۋ. قوعام اماندىعى جاعىنداعى الدىن الۋ − تىزگىندەۋ جۇيەسى قۇرىلىسىن جەدەلدەتىپ، سارى الاپات، قۇمار ويناۋ، ەسىرتكى تۇتىنۋ، قارا قوعام، الداپ ساتۋ، الدامكوستىك ىستەۋ سياقتى زاڭعا قايشى قىلمىستىق ارەكەتتەرگە زاڭ بويىنشا سوققى بەرىپ جانە ونى جازالاپ، حالىقتىڭ كىسىلىك ۇقىعىن، مال − مۇلىك ۇقىعىن، ار − نامىس ۇقىعىن قورعاۋ. قوعامدىق پسيحولوگيالىق قىزمەت كورسەتۋ جۇيەسى قۇرىلىسىن كۇشەيتىپ، ءوزىن قۇرمەتتەيتىن، وزىنە سەنەتىن، اقىلدى دا بايسالدى، بەلسەندى، العاباسار قوعامدىق پيعىل قالىپتاستىرۋ. الەۋمەتتىك اۋماقتى باسقارۋ جۇيەسى قۇرىلىسىن كۇشەيتىپ، قوعامدىق باسقارۋدىڭ ءتۇيىنىن نەگىزگى ساتىعا ويىستىرۋدى ىلگەرىلەتىپ، قوعامدىق ۇيىمداردىڭ رولىن ساۋلەلەندىرىپ، ۇكىمەتتىڭ باسقارۋى مەن قوعامنىڭ رەتتەۋىنىڭ، تۇرعىنداردىڭ ءوزىن − ءوزى باسقارۋىنىڭ ءوزارا ءتيىمدى ىقپالداستىعىن جۇزەگە اسىرۋ كەرەك.

  7) مەملەكەت حاۋىپسىزدىگىن ۇتىمدى قورعاۋ. مەملەكەت حاۋىپسىزدىگى ستراتەگياسى مەن مەملەكەت حاۋىپسىزدىگى ساياساتىن كەمەلدەندىرىپ، مەملەكەتتىڭ ساياسي حاۋىپسىزدىگىن باتىل قورعاپ، ءتۇرلى حاۋىپسىزدىك قىزمەتتەردى ءبىر تۇتاس جوسپارلاپ ىلگەرىلەتۋ كەرەك. مەملەكەت حاۋىپسىزدىگى جۇيەسىن كەمەلدەندىرىپ، مەملەكەت حاۋىپسىزدىگىن زاڭمەن باسقارۋ جاعىندا قامتاماسىز ەتۋدى كۇشەيتىپ، حاۋىپسىزدىك حاۋىپ − قاتەرلەرىنىڭ الدىن الۋ جانە ودان ساقتانۋ قۋاتىن جوعارىلاتۋ. ءتۇرلى ءسىڭىپ كىرۋ، اۋدارۋ، ءبۇلدىرۋ ارەكەتتەرىنەن، زورلىقتى كۇش، لاڭكەستىك ارەكەتىنەن، ۇلتتىق بولشەكتەۋشىلىك ارەكەتىنەن، ءدىني ۇشقارى ارەكەتتەردەن قاتاڭ ساقتانۋ جانە وعان باتىل سوققى بەرۋ، مەملەكەت حاۋىپسىزدىگى تاربيەسىن كۇشەيتىپ، بۇكىل پارتيانىڭ، بۇكىل ەل حالقىنىڭ مەملەكەت حاۋىپسىزدىگى تانىمىن كۇشەيتىپ، تۇتاس قوعامدا مەملەكەت حاۋىپسىزدىگىن قورعايتىن قۇدىرەتتى كۇش بىرلىگىنىڭ قالىپتاسۋىن ىلگەرىلەتۋ كەرەك.
 شي جينپيڭ مىنالاردى باسا دارىپتەدى: پارتيانىڭ بارلىق ىسىندە قالىڭ حالىقتىڭ ءتۇبىرلى مۇددەسىن ەڭ جوعارى ولشەم ەتۋ قاجەت. ءبىز حالىق جۇرتشىلىعىنىڭ كىشى − گىرىم ىستەرىن ءوزىمىزدىڭ ۇلكەن ىسىمىزگە بالاۋعا تاباندى بولىپ، حالىق بۇقاراسى كوڭىل بولەتىن، حالىق بۇقاراسى رازى بولاتىن ىستەردەن باستاپ كىرىسىپ، حالىقتى تىنباي تاماشا تۇرمىسقا باستاۋىمىز قاجەت.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى