اۆتونوميالى رايوندىق وقۋشىلارعا اقشالاي كومەك بەرۋدى باسقارۋ ورتالىعىنان ۇعىسۋىمىزشا، 5 جىلدا اۆتونوميالى رايونىمىز وقۋشىلارعا بەرىلەتىن ءار دارەجەلى، ءتۇرلى كومەك قاراجاتتان جيىنى 36 ميلليارد 235 ميلليون يۋاندى تياناقتاندىرىپ، وتباسىندا ەكونوميكالىق قيىنشىلىعى بار وقۋشىلاردىڭ مەملەكەت پەن اۆتونوميالى رايوننىڭ وقۋشىلارعا اقشالاي كومەك بەرۋ ساياساتىنىڭ كومەگىندە وقۋىن تابىستى تامامداۋىنا، ارماندارىنىڭ ورىندالۋىنا مۇمكىندىك جاساعان.
ۇعىسۋىمىزشا، پارتيا 18 - قۇرىلتايىنان بەرى اۆتونوميالى رايونىمىزدىڭ اقشالاي كومەك بەرۋ ساياساتى ءارقايسى وقۋ ساتىسىن جانە تۇرلىشە سيپاتتاعى مەكتەپتەردى تۇگەل قامتىعان. قازىر ۇكىمەت جەتەكشى، مەكتەپ پەن قوعام تولىقتاۋشى بولعان «3 ءبىر تۇلعالانعان» اقشالاي كومەك بەرۋ جۇيەسى قۇرىلىپ، جالپىلىق اقشالاي كومەك، قيىنشىلىعى بارلارعا اقشالاي كومەك، سيلىق سيپاتتى اقشالاي كومەك جانە تولىقتاما اقشالاي كومەك تىعىز ۇشتاسقان كوپ نەگىزدى اقشالاي كومەك بەرۋ ۇلگىسى قالىپتاسىپ، اۆتونوميالى رايونىمىزدىڭ وقۋشىلارعا اقشالاي كومەك بەرۋ ساياسات جۇيەسى ورناعان جانە كەمەلدەنە تۇسكەن.
تولىقسىز ساناققا قاراعاندا، 5 جىلدان بەرى، اۆتونوميالى رايونىمىزدا وقۋشىلارعا بەرىلگەن اقشالاي كومەك شامامەن جىلىنا ورتاشا ەسەپپەن %10 ارتىپ، جىلدىق اقشالاي كومەك سوماسى 2012 - جىلعى 5 ميلليارد 523 ميلليون يۋاننان 2016 - جىلى 8 ميلليارد 582 ميلليون يۋانعا مولايعان. مەملەكەت پەن اۆتونوميالى رايون وتباسىندا ەكونوميكالىق قيىنشىلىعى بار وقۋشىلاردى ەكونوميكالىق جاقتان قامتاماسىزداندىرۋ ورەسىن جەدەل جوعارىلاتىپ، ەكونوميكالىق قيىنشىلىعى بار وتباسىلارىنىڭ ەكونوميكالىق اۋىرتپالىعىن جەڭىلدەتىپ، قيىنشىلىعى بار بۇقارانىڭ يگىلىككە كەنەلۋ سەزىمىن شىنايى كۇشەيتكەن.
5 جىلدا اۆتونوميالى رايونىمىز وقۋشىلارعا جيىنى 36 ميلليارد 235 ميلليون يۋان اقشالاي كومەك بەردى
رەداكتور:
سايراش تۇرارجان قىزى
|
كەلۋ قاينارى :
شينجياڭ گازەتى سايتى
2017-10-22 15:37
ەسكەرتۋ:
تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.
