− شينجياڭ ۋاكىلدەر ۇيىرمەسىنىڭ پارتيا 19 - قۇرىلتايىنىڭ جابىلۋ جينالىسىنا قاتىناسقاندىعى جونىندە
لي ياڭ، يۋان لەي، ياۋ تۇڭ، دۇڭ شاۋحۋا
24 - قازان كۇنى جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى بەيجيڭدەگى حالىق سارايىندا جابىلۋ جينالىسىن وتكىزدى. سۋرەتتە: قۇرىلتاي ۋاكىلدەرى اسقاق كوڭىل كۇيمەن حالىق سارايىنان شىعىپ كەلەدى. سۋرەتتى ءتىلشىمىز سۇي جىجيان تۇسىرگەن
شاپالاق ءۇنى جاڭعىرىپ، سەنىم كۇشەيدى. بۇل كۇنى جۇڭحۋا ۇلتى جاڭا باستامادا تاعى دا تىڭ ساپارعا اتتاندى.
24 - قازاندا جالپى الەم كوز تىككەن جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى جەڭىسپەن جابىلدى.
سول كۇنى تۇستە پارتيا 19 - قۇرىلتايىنا قاتىناسقان شينجياڭ ۋاكىلدەر ۇيىرمەسىندەگى 43 ۋاكىل قۇرىلتايدىڭ ءتۇرلى مىندەتتەرىن تابىسپەن تامامداعاننان كەيىن، بۇكىل ەلدىڭ جەر - جەرىنەن كەلگەن پارتيا قۇرىلتايى ۋاكىلدەرىمەن بىرگە كۇلىمدەگەن كۇن نۇرىن بەتكە الا حالىق سارايىنان شىقتى.
تيان - انمىن الاڭىندا تۇرىپ، حالىق سارايىنىڭ ماڭدايشالىعىنداعى ساۋلە شاشىپ جارقىراپ تۇرعان مەملەكەت گەربىنە قاراپ ۋاكىلدەر ەرەكشە اسەرلەندى؛ قاۋمالاپ كەلگەن تىلشىلەرگە شۇعىلالى تابىستاردى اڭگىمەلەپ، كوركەم بولاشاققا كوز جىبەردى.
قۇرىلتايدىڭ اشىلۋ راسىمىندە ۋاكىلدەردىڭ كوڭىل كۇيىن قۋانىش كەرنەپ، جان دۇنيەسى ۇمىتكە تولدى، ال ءدال قازىر ولاردىڭ جان دۇنيەسىن وسكەلەڭ جاۋاپكەرلىك سەزىمى مەن ماقتانىش كەرنەدى.
كوپشىلىك اسقاقتاعان جىگەرمەن جاڭا داۋىرمەن قاۋىشتى −
ۋاكىل لي گاڭ بىلاي دەدى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ماركسيزمنىڭ جۇڭگودا دامۋىنا جاڭا ءورىس اشتى، 21 - عاسىردا جۇڭگوداعى ماركسيزمنىڭ شۇعىلالى امالياتى دا، ءسوز جوق، اقيقاتتىڭ ءتىپتى دە قۇدىرەتتى كۇشىن ايگىلەيدى.
ۋاكىل جاڭ يان بىلاي دەدى: ءبىز جۇڭگوشا سوتسياليزمنىڭ جاڭا داۋىرگە ەنگەندىگى جونىندەگى جاڭا تۇجىرىمدى ىشكەرىلەي ۇيرەنۋىمىز، يگەرۋىمىز، ەلىمىز قوعامىنىڭ باستى قايشىلىعىنداعى وزگەرىستىڭ جاڭا ەرەكشەلىگىن ىشكەرىلەي ۇيرەنۋىمىز، يگەرۋىمىز، جاپپاي سوتسياليستىك وسىزاماندانعان مەملەكەت قۇرۋدىڭ 2 ساتىعا ءبولىپ جۇرۋدەي تىڭ نىساناسىن ىشكەرىلەي ۇيرەنۋىمىز، يگەرۋىمىز، پارتيا قۇرىلىسىنىڭ جاڭا تالاپتارىن ىشكەرىلەي ۇيرەنۋىمىز، يگەرۋىمىز، قايراتتانا العا ۇمتىلىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋىمىز كەرەك.
تىڭ نىسانا ايقىندالىپ، كوپشىلىكتىڭ سەنىمى ارتا ءتۇستى −
پارتيا 19 - قۇرىلتايى جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە قول جەتكىزۋدىڭ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ دابىلىن قاقتى.
حالىققا باسشىلىق ەتىپ، تاماشا تۇرمىسقا قول جەتكىزۋ − پارتيامىزدىڭ بۇلجىماس كۇرەس نىساناسى. «تاياۋ جىلداردان بەرى، قىستاعىمىزدا وراسان زور وزگەرىستەر تۋىلدى، قورشاعان ورتا جاقسارىپ، قۋاتىمىز نىعايىپ، بۇقارانىڭ قالتاسى قامپايىپ، قوعامنىڭ جاراسىمدىلىعى بارىنشا كۇشەيدى. الايدا مەن تۇرمىس ورەمىزدى بۇدان دا جوعارى دەڭگەيگە جەتكىزۋگە بولادى دەپ ويلايمىن، سوندىقتان ۇزدىكسىز قۇلشىنا ءتۇسۋىمىز كەرەك». بۇل ۋاكىل حاي جۇيدىڭ بەكىمى.
جاڭا ساپارعا اتتانۋ كوپشىلىكتى ماقتانىش سەزىمىنە بولەدى −
پارتيانىڭ 19 - قۇرىلتايى جاڭا داۋىردەگى دامۋدىڭ ايبىندى جوباسىن انىق كەسكىندەپ، جاڭا ءداۋىردىڭ العا باسۋ بەتالىسىن بەلگىلەدى. ۋاكىلدەر ءبىر اۋىزدان: ءبىز سەنىمدى بەكەمدەپ، قايراتتانا العا ۇمتىلىپ، جۇڭحۋا ۇلتىنىڭ ۇلى گۇلدەنۋى سىندى ايبىندى نىسانانى ىسكە اسىرۋ ءۇشىن جىگەرلەنە العا تارتۋىمىز كەرەك، - دەستى.
ۋاكىل دوۋ ۋانگۇي بىلاي دەدى: ءبىز پارتيا 19 - قۇرىلتايىنىڭ رۋحىن مۇقيات ۇيرەنۋدى، ويداعىداي ۇگىتتەۋدى، دايەكتىلەندىرۋدى، تياناقتاندىرۋدى ەڭ ماڭىزدى ساياسي مىندەت ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مىقتاپ ارقاۋ ەتىپ، نازاردى باس نىساناعا شوعىرلاندىرىپ، باس نىسانادان كوز جازباي، باس نىسانانى تياناقتاندىرىپ، ءتۇرلى قىزمەتتەر مەن ىستەردى تىڭ ورەگە كوتەرۋىمىز كەرەك.
شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، 23 ميلليوننان استام ەڭبەكشىل دە پاراساتتى تيانشان ۇلاندارى ۇزدىكسىز تولقىن جارا ىلگەرىلەپ، قايراتتانا العا ۇمتىلىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تاباندىلىقپەن باتىل دايەكتىلەندىرىپ، جۇڭگوشا سوتسياليستىك شينجياڭ قۇرۋ ءۇشىن قاجىماي - تالماي كۇرەس جاسايدى.
