ۇلى ىستەر ۇرپاقتان ۇرپاققا - جالعاسادى، ۇلى ساياسي پارتيانىڭ جالىنى ماڭگى سونبەيدى. جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءبىرىنشى جالپى ءماجىلىسى جاڭا ورتالىق باسشىلىق قۇرىلىمدى سايلادى، شي جينپيڭ جولداس ورتالىق كوميتەتتىڭ باس شۋجيى، ورتالىق اسكەري ىستەر كوميتەتىنىڭ ءتوراعاسى بولىپ تاعى ءبىر مارتە سايلاندى، پارتيا مەن مەملەكەت ىستەرىنە ەلەۋلى ۇلەس قوسقان ءبىر توپ جولداس پارتيا ورتالىق كوميتەتىنىڭ باسشىلىق قىزمەتىنەن بوسادى، ءمورالدى دا قابىلەتتى، جاس تا قايراتتى باسشى كادرلار جاڭا كەزەكتى ورتالىق كوميتەت پەن ورتالىق باسشىلىق قۇرىلىمعا ەندى. بۇل ساياسيدا تاباندى، بەرەكە - بىرلىگى مىعىم، باتىل دا پارمەندى، رۋحتى دا ىسكەر ورتالىق باسشىلىق كوللەكتيۆى، حالىق ءۇمىت كۇتۋگە تۇرارلىق، پارتيا مەن مەملەكەت ىستەرىنىڭ دامۋ قاجەتىنە سايكەسكەن ورتالىق باسشىلىق كوللەكتيۆى. سايلاۋدىڭ ناتيجەسى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن تولىق بەينەلەدى، پارتيامىزدىڭ جىگەرى تاسقىنداپ، تولىسىپ، كوركەيە تۇسكەندىگىن تولىق ايگىلەدى. بۇكىل پارتياداعى جولداستار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە كۇش سالا قول جەتكىزەتىندىگىنە كامىل سەنەدى.
پارتيانىڭ 19 - قۇرىلتايى جۇڭگوشا سوتسياليزمنىڭ ۇلى تۋىن بيىك ۇستاپ، جۇڭگوشا سوتسياليزم جاڭا داۋىرگە ءوتتى، جۇڭگو قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى دەگەن سياقتى ماڭىزدى ساياسي تۇجىرىمدامالار جاساپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن پارتيا، ءسوز جوق، ۇزاق مەزگىل تاباندى بولۋعا ءتيىستى جەتەكشى يدەيا ەتىپ بەلگىلەپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جونىندەگى ءبىر قىدىرۋ كەلەلى نازاريالىق جانە امالياتتىق ماسەلەلەرگە تەرەڭ جاۋاپ قايتارىپ، جاپپاي دوڭگەلەك داۋلەتتى قوعام قۇرىپ شىعۋ، سوتسياليستىك وسىزاماندانعان قۇدىرەتتى مەملەكەت قۇرۋدىڭ جاڭا ساپارىن باستاۋ تۋراسىندا جان - جاقتى ورنالاستىرۋ جاسادى. پارتيانىڭ 19 - قۇرىلتايى مەن پارتيا 19 - كەزەكتى ورتالىق كوميتەتى ءبىرىنشى جالپى ءماجىلىسىنىڭ جەڭىسپەن اشىلۋى پارتيا مەن مەملەكەت ىستەرىنىڭ دامۋى مەن العا باسۋىنا ىلگەرىلەۋ باعىتىن كورسەتىپ، پارتيامىزدىڭ بۇكىل ەلدەگى ءار ۇلت حالقىن ىنتىماقتاسا كۇرەس جۇرگىزۋگە ۇزدىكسىز باستاي بەرۋىنە ماڭىزدى يدەيالىق، ساياسي نەگىز قالاپ، پارتيا 19 - قۇرىلتايىنىڭ رۋحىن جاپپاي دايەكتىلەندىرۋگە، تياناقتاندىرۋعا، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرۋگە پارمەندى ساياسي كەپىل جانە ۇيىمدىق كەپىل ازىرلەدى. بۇل پارتيامىزدىڭ اۋەلگى ماقساتىن ۇمىتپاعان، بورىشىن ەستە بەرىك ساقتاعان، باتىل، ىسىلعان، ماڭگى العاباسار ماركسيزمدىك بيلىك باسىنداعى پارتيا ەكەندىگىن تولىق ايعاقتايدى.
ۇلى ىستەرگە، ءسوز جوق، پارمەندى پارتيا باسشىلىق ەتۋى كەرەك. ءبىز سياقتى الىپ ەلدە، ءىرى ساياسي پارتيادا، باس شۋجي شي جينپيڭ «ۇلكەننىڭ ۇلكەنگە ءتان بەينەسى بولۋ كەرەك» دەپ باسا دارىپتەگەندەي، جاڭا داۋىردە بۇكىل پارتيانى جۇمىلدىرىپ، حالىقتى ىنتىماقتاستىرىپ، سىن - سىناقتاردى جەڭىپ، تولقىن جارا العا ىلگەرىلەپ، پارتيامىزدىڭ قاشاندا جۇڭگوشا سوتسياليزمنىڭ پارمەندى باسشىلىق كۇشى بولا بەرۋىنە كەپىلدىك ەتۋ ءۇشىن، ءسوز جوق، پارمەندى باسشىلىق ۇيتقى بولۋعا ءتيىس. بۇگىنگى كۇندە جاڭا داۋىردەگى تاريحي بورىشتى ارقالاپ، ۇلى كۇرەستەردى ويداعىداي جۇرگىزىپ، ۇلى ينجەنەريالاردى ويداعىداي اتقارىپ، ۇلى ىستەردى ويداعىداي ىلگەرىلەتىپ، ۇلى ارمانداردى ويداعىداي ىسكە اسىرۋ ءۇشىن، پارتيامىزعا پارمەندى باسشىلىق ۇيتقى مەن ورتالىق باسشىلىق كوللەكتيۆى اناعۇرلىم قاجەت بولىپ وتىر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندەگى مارتەبەسىن باتىل قورعاعاندا عانا، ورتالىق كوميتەت مۇشەلەرىنىڭ، ورتالىق كوميتەت ساياسي بيۋروسىنىڭ مۇشەلەرىنىڭ اقىل - پاراساتىن جۇمىلدىرىپ، ءار دارەجەلى باسشى كادرلاردىڭ اقىل - پاراساتىن جۇمىلدىرىپ، بۇكىل پارتياداعى 89 ميلليوننان اسا پارتيا مۇشەسىنىڭ اقىل - پاراساتىن جۇمىلدىرىپ، جۇڭگو ارمانىن جۇمىلا ورىنداۋ جولىنداعى تەلەگەي كۇشتى جۇمىلدىرۋعا بولادى.
اۋەلگى ماقساتتى ۇمىتپاعاندا عانا، اقىرعى نىساناعا جەڭىسپەن جەتۋگە بولادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى تىعىز ىنتىماقتاسىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردە پارتيانىڭ جاڭا بەينەسى مەن جاڭا ناتيجەسىن ايگىلەپ، جاڭا ساپاردا جاڭا داستان جازىپ، جاڭا جەڭىسكە جەتىپ، جۇڭحۋا ۇلتىنىڭ ۇلى گۇلدەنۋىنىڭ ءتىپتى جارقىن بولاشاعىن جاساي بەرەيىك.
