شي جينپيڭ ارميانىڭ باسشى كادرلار جينالىسىنا قاتىناستى ءارى ماڭىزدى ءسوز سويلەپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن ورىنداپ، حالىق ارمياسىن دۇنيە جۇزىندەگى الدىڭعى قاتارلى ارميا ەتىپ جاپپاي قۇرىپ شىعۋ جولىندا كۇرەس جۇرگىزۋدى باسا دارىپتەدى

　　ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 26 - قازاندا بەيجيڭدە اشىلعان ارميانىڭ باسشى كادرلار جينالىسىنا قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

　　شينحۋا اگەنتتىگىنىڭ 26 - قازاندا بەيجيڭنەن بەرگەن حابارى (ءتىلشى لي شۋانلياڭ). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 26 - قازان تۇستەن كەيىن بەيجيڭدە اشىلعان ارميانىڭ باسشى كادرلار جينالىسىنا قاتىناستى ءارى ماڭىزدى ءسوز سويلەدى. شي جينپيڭ مىنالاردى باسا دارىپتەدى: جۇڭگوشا سوتسياليزم جاڭا داۋىرگە ءوتتى، مەملەكەت قورعانىسى مەن ارميا قۇرىلىسى دا جاڭا داۋىرگە ءوتتى. حالىق ارمياسى اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا 19 - قۇرىلتايىنىڭ رۋحىن مۇقيات ۇيرەنىپ جانە دايەكتىلەندىرىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن تەرەڭدەي ۇيرەنىپ جانە دايەكتىلەندىرىپ، ارميانى قۇدىرەتتەندىرۋدىڭ جۇڭگوشا جولىمەن اۋىتقىماي ءجۇرىپ، مەملەكەت قورعانىسى مەن ارميانىڭ وسىزاماندانۋىن جاپپاي ىلگەرىلەتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن ورىنداۋ، وسى عاسىردىڭ ورتاسىندا حالىق ارمياسىن دۇنيە جۇزىندەگى الدىڭعى قاتارلى ارميا ەتىپ جاپپاي قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ جولىندا قۇلشىنا كۇرەس جۇرگىزۋ قاجەت.

　　ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا جانە فان چاڭلۇڭ جولداس جينالىسقا قاتىناستى ءارى ءسوز سويلەدى.
　شي جينپيڭ مىنالاردى اتاپ كورسەتتى: پارتيانىڭ 18 - قۇرىلتايىنان بەرگى 5 جىل − پارتيا مەن مەملەكەتتىڭ دامۋ ۇدەرىسىندەگى وتە وزگەشە 5 جىل، سونداي - اق ارميامىزدىڭ دامۋ ۇدەرىسىندەگى وتە وزگەشە 5 جىل بولدى. ورتالىق اسكەري ىستەر كوميتەتى پارتيا ورتالىق كوميتەتىنىڭ شەشىم - ورنالاستىرۋىن باتىل دايەكتىلەندىرىپ، حالىقارالىق جانە ىشكى جاعدايدى تولىق باعامداپ، پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، ارميانىڭ قولباسشىلىعىنا بويسۇناتىن، جەڭىستى سوعىس جۇرگىزەتىن، ستيلدە ىسىلعان حالىق ارمياسىن قۇرۋدى تۇتقا ەتىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، ءبىر قىدىرۋ كەلەلى باعىت - پرينسيپتى ورتاعا قويىپ، ءبىر قىدىرۋ كەلەلى شەشىم - ورنالاستىرۋ جاساپ، ءبىر قىدىرۋ ماڭىزدى قىزمەتتى ىلگەرىلەتتى، اسىرەسە، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ جانە تياناقتاندىرىپ، بۇكىل ارميانى باستاپ، ارميانى قۇدىرەتتەندىرۋدىڭ جۇڭگوشا جولىندا نىق قادام تاستاپ، ارميانى قۇدىرەتتەندىرۋ ىسىندە جاڭا جاعداي اشتى.

　　شي جينپيڭ الدىڭعى كەزەكتى ورتالىق اسكەري ىستەر كوميتەتىنىڭ نەگىزگى قىزمەتتەرىن قورىتىندىلادى. ول بىلاي دەدى: 5 جىلدان بەرى ورتالىق اسكەري ىستەر كوميتەتى ماسەلەگە تۋرا قاراپ، جۇرەكتىلىكپەن وزگەرىس جاساپ، قيىندىقتاردى جەڭىپ، پارتيانىڭ ارمياعا شارتسىز باسشىلىعىنا تاباندى بولىپ، اسكەري ستراتەگيالىق جەتەكشىلىكتە جاڭالىق اشىپ، مەملەكەت قورعانىسى مەن ارميا رەفورماسىن تەرەڭدەتىپ، اسكەري كۇرەس دايىندىعىن كۇشەيتىپ، اسكەر جاتتىقتىرۋ مەن سوعىسقا دايىندالۋدىڭ جاۋىنگەرلىك ناقتىلانۋىن قاتاڭ يگەرىپ، ارميانى وسىزامانداندىرۋ قۇرىلىسىن تىڭعىلىقتى ىلگەرىلەتىپ، عىلىم - تەحنيكادا جاڭالىق اشۋدان جاۋىنگەرلىك قۋات الۋعا تاباندى بولىپ، ارميانى زاڭمەن جونگە سالۋ دەڭگەيىن جوعارىلاتىپ، اسكەري تەحنيكا مەن حالىقتىق تەحنيكانىڭ توعىسۋىنىڭ ىشكەرىلەي دامۋىن ىلگەرىلەتىپ، ستيلدى تۇزەتۋگە، ءتارتىپتى قاتايتۋعا، جەمقورلىقپەن كۇرەسۋگە بۇلجىماستان تاباندى بولىپ، كەيبىر ءتۇبىرلى سيپاتتى نارسەلەردى قالپىنا كەلتىرىپ، تەرەڭ قاتپاردا جاتقان كەيبىر قايشىلىقتاردى شەشىپ، ءبىرسىپىرا جاسامپاز جەتىستىكتەرگە جەتىپ، مەملەكەت قورعانىسى مەن ارميا قۇرىلىسىنىڭ تاعى ءبىر بەلەسكە كوتەرىلۋىن ىلگەرىلەتتى.

　　شي جينپيڭ مىنالاردى اتاپ كورسەتتى: جاڭا عانا جابىلعان پارتيانىڭ 19 - قۇرىلتايى وتە ءساتتى بولدى، بۇل جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدا توتەنشە ماڭىزدى مانگە يە، مەملەكەت قورعانىسى مەن ارميانى وسىزامانداندىرۋ قۇرىلىسىن جاڭا تاريحي باستامادان ىلگەرىلەتۋدە دە توتەنشە ماڭىزدى مانگە يە. پارتيانىڭ 19 - قۇرىلتايى مەملەكەت حاۋىپسىزدىگى مەن دامۋ ستراتەگياسىنىڭ جالپى جاعدايى تۇرعىسىنان، مەملەكەت قورعانىسى مەن ارميانىڭ وسىزاماندانۋى جونىندە ستراتەگيالىق ورنالاستىرۋ جاساپ، 2020 - جىلعا دەيىن ماشينالاندىرۋدى نەگىزىنەن ىسكە اسىرىپ، ينفورماتسيالاندىرۋ قۇرىلىسىندا ماڭىزدى ىلگەرىلەۋشىلىكتەرگە جەتىپ، ستراتەگيالىق قابىلەتتى ايتارلىقتاي كوتەرۋگە كەپىلدىك ەتۋدى، 2035 - جىلعا دەيىن مەملەكەت قورعانىسى مەن ارميانىڭ وسىزاماندانۋىن نەگىزىنەن ىسكە اسىرىپ، وسى عاسىردىڭ ورتاسىندا حالىق ارمياسىن دۇنيە جۇزىندەگى الدىڭعى قاتارلى ارميا ەتىپ جاپپاي قۇرىپ شىعۋعا كۇش سالۋدى باسا دارىپتەدى. بۇكىل پارتيانىڭ، بۇكىل ەلدىڭ، بۇكىل ارميانىڭ كەزەكتەگى جانە الداعى ءبىر مەزگىلدەگى باستى ساياسي مىندەتى − پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ.

　　شي جينپيڭ مىنالاردى باسا دارىپتەدى: بۇكىل ارميا پارتيا ورتالىق كوميتەتى مەن ورتالىق اسكەري ىستەر كوميتەتىنىڭ ورنالاستىرۋ - تالاپتارىن مۇقيات تياناقتاندىرىپ، پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ ورلەۋىن جەدەلدەتە كوتەرىپ، الدىڭعى لەكتە جۇرۋگە قۇلشىنۋى كەرەك. پارتيا 19 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ تەتىگى ناقتىلىقتا. نازاريانى امالياتپەن ۇشتاستىرۋعا، ۇيرەنگەندى قولدانا بىلۋگە، باسشىلار باستاماشى بولۋعا تاباندى بولىپ، وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە كۇش سالىپ، ناقپا - ناق ونىمدىلىككە جەتۋگە ۇمتىلۋ كەرەك.

　　شي جينپيڭ مىنالاردى باسا دارىپتەدى: يدەيانى بىرلىككە كەلتىرىپ، كۇشتەردى جۇمىلدىرۋدان ناقتى ناتيجەگە جەتۋ كەرەك. پارتيا 19 - قۇرىلتايىنىڭ بايانداماسى مەن پارتيا ۋستاۆى سياقتى ماڭىزدى حۇجاتتاردى جۇيەلى تۇردە ۇيرەنىپ، جاڭا داۋىردەگى جۇڭگوشا سوتسياليزم يدەياسى مەن نەگىزگى جالپى جوبانى ىشكەرىلەي ۇيرەنىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن باسا ۇيرەنىپ، كوماندير - جاۋىنگەرلەردى «4 تانىمدى» كۇشەيتۋگە، «4 سەنىمدى» نىعايتۋعا جەتەكتەپ، يدەيا مەن ارەكەتتى پارتيا 19 - قۇرىلتايىنىڭ رۋحىمەن بىرلىككە كەلتىرۋ كەرەك. بورىشتى جىعا تانىپ، جاۋاپكەرشىلىكتى قاتايتۋدان ناقتى ناتيجەگە جەتۋ كەرەك. پارتيا ورتالىق كوميتەتىنىڭ ستراتەگيالىق تولعامىن تەرەڭ ءتۇسىنىپ، ارميانى قۇدىرەتتەندىرۋدىڭ جارقىن بولاشاعىنا تولىق كوز جەتكىزىپ، ارقاعا اۋىر جۇك ارتىلعانىن تولىق تانىپ، اتقان تاڭ، باتقان كۇنمەن تالاسىپ، مىقتى يگەرىپ، شاپشاڭ ىستەپ، پارتيا مەن حالىق جۇكتەگەن جاڭا داۋىرلىك بورىش پەن مىندەتتىڭ ورىندالۋىنا كەپىلدىك ەتۋ كەرەك. قىزمەتتى ىلگەرىلەتىپ، ءىس جۇزىندە كورسەتۋدەن ناقتى ناتيجەگە جەتۋ كەرەك. پارتيا 19 - قۇرىلتايىنىڭ ستراتەگيالىق ورنالاستىرۋىن قىزمەتتىڭ وي جۇلگەسىنە، قىزمەت شارالارىنا جانە ناقتى ارەكەتكە اينالدىرىپ، تياناقتاندىرۋ تانىمىن كۇشەيتىپ، ماسەلەنى نىشان ەتۋدەن جازباي، قىزمەتتەردى شەگە قاعۋ رۋحىمەن ناقتى، جان - جاقتى جانە جاقسى ىستەپ، مەملەكەت قورعانىسى مەن ارميا قۇرىلىسىنىڭ ءتۇرلى مىندەتىن بۇلجىتپاستان تىڭعىلىقتى تياناقتاندىرۋ كەرەك.

　　شي جينپيڭ مىنالاردى اتاپ كورسەتتى: پارتيا 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە جاڭا كەزەكتى ورتالىق اسكەري ىستەر كوميتەتىنىڭ قۇرامى ۇيعارىلدى، بۇل پارتيامىزدىڭ جالپى جاعداي تۇرعىسىنان جاساعان ماڭىزدى ساياسي ورنالاستىرۋى. جاڭا كەزەكتى ورتالىق اسكەري ىستەر كوميتەتىنىڭ باسشىلىق القاسى پارتيا مەن حالىقتىڭ تاپسىرماسىن ەستە بەرىك ساقتاپ، بۇكىل ارمياداعى كوماندير - جاۋىنگەرلەردىڭ ءۇمىت - تىلەگىن ەستە بەرىك ساقتاپ، اسكەري ىستەر كوميتەتىنىڭ قىزمەتىن بار كۇشپەن ويداعىداي ىستەۋى كەرەك. ارميامىزدىڭ جوعارى دارەجەلى كادرلارى ارميانى قۇدىرەتتەندىرۋ ىسىندەگى شەشۋشى كۇش، ولاردىڭ بويىندا مىڭ باتپان اۋىر جۇك، ارتىندا مىڭ سان قول جاۋىنگەر تۇر، ولار، ءسوز جوق، پارتياعا ادال بولىپ، پارتيانىڭ قولباسشىلىعىنا بويسۇنۋى، ءسوز جوق، سوعىس ونەرىنە جۇيرىك بولىپ، جەڭىستى سوعىس جۇرگىزۋى، ءسوز جوق، جۇرەكتىلىكپەن رەفورما جۇرگىزىپ، باتىلدىقپەن جاڭالىق اشۋى، ءسوز جوق، عىلمي جولمەن ءبىر تۇتاس جوبالاپ، عىلمي جولمەن باسقارۋى، ءسوز جوق، زاڭمەن جونگە سالۋدى بۇلجىتپاي اتقارىپ، ارميانى قاتاڭ جونگە سالۋى، ءسوز جوق، ستيلدە ىسىلىپ، ۇلگى - ونەگە كورسەتۋى، كوتەرىڭكى رۋحاني كۇيمەن جانە كۇرەسكەرلىك بەينەمەن پارتياعا قىزمەت ەتىپ، جاۋاپكەرشىلىگىن ادالدىقپەن ويداعىداي اتقارۋى كەرەك.

　　شي جينپيڭ مىنالاردى باسا دارىپتەدى: ورتالىق اسكەري ىستەر كوميتەتىنىڭ ورنالاستىرۋى مەن تالاپتارى بويىنشا، ارميانىڭ جىل اياعىنا دەيىنگى ءتۇرلى جاقتاعى قىزمەتتەرىن ۇزدىكسىز تۇردە جاقسى ىستەپ، جىلدىق ءتۇرلى مىندەتتىڭ جوعارى ولشەممەن ورىندالۋىنا كەپىلدىك ەتۋ كەرەك. يدەيالىق - ساياسي قۇرىلىستى كۇشەيتىپ، پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى ارقاۋ ەتىپ، گۋتياندا وتكەن بۇكىل ارميانىڭ ساياسي قىزمەت ءماجىلىسىنىڭ رۋحىن ىشكەرىلەي دايەكتىلەندىرىپ، ارمياداعى پارتيا قۇرىلىسىن قاتاڭ، ءجىتى كۇشەيتىپ، ساياسي رەتتەۋ - دايارلاۋدىڭ ارىنى مەن تەبىنىن ساقتاۋ كەرەك. اسكەر جاتتىقتىرۋ، سوعىسقا دايىندالۋ قىزمەتىن ەشقانداي بوساڭسىماستان مىقتى يگەرىپ، ءتۇرلى قىزمەتتى وتە تەرەڭدەي، وتە جىنتىكتەي يگەرىپ، مەملەكەت ستراتەگياسىنىڭ جالپى جاعدايىنىڭ تۇراقتىلىعىن باتىل قورعاۋ كەرەك. ارميامىز قۇرىلىسى دامۋىنىڭ «13 - بەسجىلدىق» جوباسىنداعى مىندەتتەردىڭ تياناقتانۋىن جەدەل ىلگەرىلەتىپ، ءتۇرلى مىندەتتىڭ ءساتتى ورىندالۋىنا كەپىلدىك ەتۋ كەرەك. مەملەكەت قورعانىسىن جانە ارميانى رەفورمالاۋدى ۇزدىكسىز ىلگەرىلەتىپ، ءتۇرلى رەفورما مىندەتىن جوسپار بويىنشا ويداعىداي تياناقتاندىرۋ كەرەك. پارتيانى جاپپاي قاتاڭ جونگە سالۋدى بۇلجىتپاي يگەرىپ، بارلىعىندا قاتاڭ بولۋدان، اقىرىنا دەيىن قاتاڭ بولۋدان جازباي، ارميانى جاپپاي قاتاڭ جونگە سالۋدى ارميامىز قۇرىلىسىنىڭ ءتۇرلى سالاسىمەن، جالپى بارىسىمەن ساباقتاستىرۋ كەرەك. پارتيا 19 - قۇرىلتايىنىڭ رۋحى بويىنشا كەلەر جىلعى جانە الداعى ءبىر مەزگىلدەگى قىزمەتتەردى ويداعىداي جوسپارلاپ، ارميامىزدىڭ قۇرىلىس، دامۋ ىستەرىندەگى ماڭىزدى ستراتەگيالىق ماسەلەلەردى تەرەڭدەي وي ەلەگىنەن وتكىزىپ، كەلەر جىلعى قىزمەتتىڭ باستالۋىنا ويداعىداي دايىندالۋ كەرەك.

　　جينالىس اشىلاردىڭ الدىندا، شي جينپيڭ ازاتتىق ارميا مەن قارۋلى ساقشى بولىمدەرىنەن پارتيانىڭ 19 - قۇرىلتايىنا قاتىناسقان بارلىق ۋاكىلمەن، ۇسىنىس ەتىلگەن ۋاكىلدەرمەن جانە سىرتتاي قاتىناسقان ادامدارمەن ىستىق ىقىلاسپەن كەزدەستى ءارى ولارمەن ەستەلىك سۋرەتكە ءتۇستى.
　مەملەكەتتىك كەڭەستىڭ مۇشەسى، قوسىمشا قورعانىس مينسترى چاڭ ۋانچۋان جانە ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين، سونداي - اق جاۋ كىشى، ۋ شىڭلي، ما شياۋتيان جولداستار جينالىسقا قاتىناستى. ازاتتىق ارميانىڭ سوعىس رايوندارىنىڭ، اسكەر تۇرلەرىنىڭ، اسكەري ىستەر كوميتەتى ورگانىنداعى تاراۋلاردىڭ، اسكەري عىلىمدار اكادەمياسىنىڭ، مەملەكەت قورعانىسى ۋنيۆەرسيتەتىنىڭ، مەملەكەت قورعانىسى عىلىم - تەحنيكا ۋنيۆەرسيتەتىنىڭ جانە قارۋلى ساقشى بولىمدەرىنىڭ نەگىزگى باسشىلارى جينالىسقا قاتىناستى.

　　ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 26 - قازاندا بەيجيڭدە اشىلعان ارميانىڭ باسشى كادرلار جينالىسىنا قاتىناستى ءارى ماڭىزدى ءسوز سويلەدى. سۋرەتتە: جينالىس اشىلاردىڭ الدىندا، شي جينپيڭ ازاتتىق ارميا مەن قارۋلى ساقشى بولىمدەرىنەن پارتيانىڭ 19 - قۇرىلتايىنا قاتىناسقان بارلىق ۋاكىلمەن، ۇسىنىس ەتىلگەن ۋاكىلدەرمەن جانە سىرتتاي قاتىناسقان ادامدارمەن ىستىق ىقىلاسپەن كەزدەستى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن