جۇڭگو گومينداڭ توڭكەرىستىك كوميتەتى ورتالىق كوميتەتى
جۇڭگو دەموكراتيالىق وداعى ورتالىق كوميتەتى
جۇڭگو دەموكراتيالىق مەملەكەت قۇرۋ قوعامى ورتالىق كوميتەتى
جۇڭگو دەموكراتيانى ىلگەرىلەتۋ قوعامى ورتالىق كوميتەتى
جۇڭگو شارۋا - جۇمىسشى دەموكراتيالىق پارتياسى ورتالىق كوميتەتى
جۇڭگو ادىلەت پارتياسى ورتالىق كوميتەتى
«3 - قىركۇيەك» ءىلمي قوعامى ورتالىق كوميتەتى
تايۋان دەموكراتيالىق اۆتونوميا وداعى ورتالىق كوميتەتى
جۇڭحۋا مەملەكەتتىك ساۋدا - ونەركاسىپشىلەر بىرلەستىگى:
جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى سالتاناتپەن اشىلعان تۇستا قۇرىلتاي سىزدەردىڭ ىستىق ىقىلاسقا تولى قۇتتىقتاۋ حاتتارىڭىزدى تاپسىرىپ الدى. جۇڭگو كوممۋنيستىك پارتياسى ورتالىق كوميتەتى سىزدەرگە شىن جۇرەكتەن العىس ايتادى جانە شىنايى سالەم جولدايدى.
جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى كەزەڭىندە، جۇڭگوشا سوتسياليزم جاڭا داۋىرگە وتكەن شەشۋشى مەزگىلدە اشىلعان ءبىر رەتكى توتەنشە ماڭىزدى قۇرىلتاي. قۇرىلتاي جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيا مەن مەملەكەت ىستەرىن ىلگەرىلەتۋدە قول جەتكەن تاريحي ناتيجەلەردى جانە جارىققا شىققان تاريحي وزگەرىستەردى جان - جاقتى قورىتىندىلادى، بۇگىنگى دۇنيە ءجۇزىنىڭ جانە قازىرگى زامانعى جۇڭگونىڭ دامۋ جالپى اۋقىمىنا تەرەڭ ءۇڭىلىپ، ەلىمىزدىڭ دامۋداعى جاڭا تالابىن جانە حالىق بۇقاراسىنىڭ تىڭ ارمان - تىلەگىن دالمە - ءدال يگەرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن، عىلمي دامۋ كوزقاراسىمەن بىرگە پارتيامىزدىڭ، ءسوز جوق، ۇزاق ۋاقىت تاباندى بولاتىن جەتەكشى يدەياسى ەتىپ تۇراقتاندىرىپ، ءداۋىردىڭ تالابىنا ۇيلەسەتىن ارەكەت باعدارناماسىن جانە كەلەلى باعىت - ساياساتتاردى جاسادى، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ جونىندە ستراتەگيالىق ورنالاستىرۋ جاساپ، بۇكىل پارتيانى، بۇكىل ەلدەگى ءار ۇلت حالقىن ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن بەكەمدەپ، «بەستى ءبىر تۇلعالاندىرۋ» جالپىلىق ورنالاستىرۋىن ۇزدىكسىز ءبىر تۇتاس جوسپارلاپ، ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ىنتىماقتاسا كۇرەس جاساۋعا ونان ارمان جۇمىلدىردى. قۇرىلتاي ءتۇرلى كەڭەستىك تارتىپتەردى تابىسپەن ورىندادى، وتە تابىستى اشىلدى، اۋەلگى ماقساتتى ۇمىتپاعان، بورىشتى ەستە بەرىك ساقتاعان، تۋدى بيىك ۇستاعان، ىنتىماقتاسا ەكپىندەي ىلگەرىلەگەن قۇرىلتاي بولدى. بۇل رەتكى قۇرىلتاي جۇڭگو كوممۋنيستىك پارتياسىنىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا ساپارىن باستادى، ول كەلەلى رەال مانگە جانە تەرەڭ تاريحي مانگە يە.
بىرلىكساپ − توڭكەرىس، قۇرىلىس، رەفورما ىستەرىنىڭ جەڭىسىنە قول جەتكىزۋدەگى ماڭىزدى اسىل، پارتيانىڭ تاپتىق نەگىزىن كۇشەيتۋدەگى، پارتيانىڭ بۇقارالىق نەگىزىن كەڭەيتۋدەگى، پارتيانىڭ بيلىك جۇرگىزۋ ورنىن بەكەمدەۋدەگى ماڭىزدى اسىل، جاپپاي دوڭگەلەك داۋلەتتى قوعام قۇرىپ شىعۋداعى، سوتسياليستىك وسىزامانداندىرۋدى جەدەل ىلگەرىلەتۋدەگى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى ماڭىزدى اسىل. ەڭ كەڭ وتانشىلدىق بىرلىكساپتى بەكەمدەپ جانە دامىتىپ، ءارقايسى دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن ءبىر جاعادان باس، ءبىر جەڭنەن قول شىعارۋعا، تىزە قوسا كۇرەس جاساۋعا ىنتىماقتاستىرىپ، جۇڭگوشا سوتسياليزم ۇلى ىستەرىنە بىرگە كۇش سالۋ − جۇڭگو كوممۋنيستىك پارتياسىنىڭ باستان - اياق بۇلجىمايتىن ستراتەگيالىق باعىتى. جاڭا داۋىردە ءبىز بىرلىكساپتىڭ ماڭىزدى اسىل رولىن ساۋلەلەندىرۋگە اناعۇرلىم ءمان بەرىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەسۋ تۇزىمىنە بۇلجىماي تاباندى بولىپ جانە ونى كەمەلدەندىرىپ، ۇزاق ۋاقىت بىرگە ءومىر ءسۇرۋ، ءوزارا باقىلاۋ، ءبىر - بىرىنە شىن ادال بولۋ، جاقسى مەن جاماندى بىرگە كورۋ باعىتىن بۇلجىماي دايەكتىلەندىرىپ، ءارقايسى دەموكراتيالىق پارتيا - توپتاردىڭ فۋنكتسيالىق رولىن ساۋلەلەندىرۋىن بۇلجىماي قولداپ، كوپ پارتيا سەلبەستىگى ىستەرىن ۇزدىكسىز العا ىلگەرىلەتىپ، ساۋدا - ونەركاسىپشىلەر بىرلەستىگىنىڭ فۋنكتسيالىق رولىن اناعۇرلىم ويداعىداي ساۋلەلەندىرىپ، ەڭ ۇلكەن ورتاق بولگىشتى تاۋىپ، ەڭ ۇلكەن تىلەكتەس شەڭبەردى سىزىپ، جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى تۇراقتاندىرعان ايبىندى نىسانالاردى جۇزەگە اسىرۋعا ورتاق تانىمدى، جۇرت تىلەگىن، اقىل - پاراساتتى، كۇش - قۋاتتى ەڭ كەڭ كولەمدە ۇيىستىرامىز.
ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءبىر نيەتپەن كۇرەس جاساپ، ۇدەرە العا تارتىپ، بىرلىكساپ پەن كوپ پارتيا سەلبەستىگى ىستەرىن دامىتۋدىڭ جاڭا تاراۋىن بىرگە جازىپ، «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جاسايىق!
قۇرمەتپەن:
جۇڭگو كوممۋنيستىك پارتياسى ورتالىق كوميتەتى
2017 - جىلى 26 - قازان
(شينحۋا اگەنتتىگىنىڭ 26 - قازاندا بەيجيڭنەن بەرگەن حابارى)
