رايونىمىزداعى ءار ۇلت جۇرتشىلىعى پارتيانىڭ 19 - قۇرىلتايىنىڭ جەڭىسپەن جابىلعاندىعىن قىزۋ قۇتتىقتادى
24 - قازاندا پارتيانىڭ 19 - قۇرىلتايىنىڭ جەڭىسپەن جابىلعاندىعى جونىندەگى قۋانىشتى حابار تيانشاننىڭ تۇستىگى مەن تەرىستىگىنە جەتىپ، رايونىمىزداعى ءار ۇلت كادرلارى مەن جۇرتشىلىق قۋانىشقا كەنەلىپ، جىگەرلەرى تاسقىنداي ءتۇستى. جۇرتشىلىق ءبىر اۋىزدان بىلاي دەپ قارادى: وسى رەتكى قۇرىلتاي جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ كەزەڭىندە، جۇڭگوشا سوتسياليزم جاڭا داۋىرگە وتكەن شەشۋشى مەزگىلدە اشىلعان ءبىر رەتكى اسا ماڭىزدى قۇرىلتاي، تۋدى بيىك ۇستاپ، بۇرىنعىعا مۇراگەر، كەيىنگىگە بۇيداگەر بولىپ، بولاشاققا جول تارتقان قۇرىلتاي بولدى. پارتيانىڭ 19 - قۇرىلتايىنىڭ رۋحىن دەن قويا ۇيرەنىپ، ءتۇسىنىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، جاڭا بورىشتى ارقالاپ، جاڭا ساپارعا اتتانىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگو ارمانىن ءبىر نيەت، ءبىر تىلەكتە بولا وتىرىپ ورىندايتىن مىعىم كۇش قالىپتاستىرايىق.
جاڭا ءداۋىردى قۇشاق جايا قارسى الايىق
«ۇزاق ۋاقىت قۇلشىنۋ ارقىلى، جۇڭگوشا سوتسياليزم جاڭا داۋىرگە ءوتتى، بۇل − ەلىمىز دامۋىنىڭ جاڭا تاريحي بەلەسى». پارتيانىڭ 19 - قۇرىلتايىنىڭ بايانداماسىنداعى جۇڭگوشا سوتسياليزمنىڭ جاڭا داۋىرگە وتكەنى جونىندەگى وسى كەلەلى تۇجىرىم ءار ۇلت جۇرتشىلىعىنىڭ رۋحىن سەرپىلتتى، ولار پارتيانىڭ 19 - قۇرىلتايىنىڭ بايانداماسىندا كەسكىندەلگەن ۇلى جوباعا زور سەنىم ارتتى.
«وسى رەتكى قۇرىلتاي ەرەكشە ءساتتى اشىلدى، پارتيا مەن مەملەكەت ىستەرىنىڭ دامۋى جونىنەن كەلەلى دە تەرەڭ مانگە يە». پارتيانىڭ 19 - قۇرىلتايىنىڭ جابىلۋ ءراسىمىن كورگەننەن كەيىن، قاشقار ۋنيۆەرسيتەتى زاڭ - ساياسي ينستيتۋتىنىڭ باستىعى ءجۇرات راحمەت جۇرەگىندەگى تەبىرەنىسىن جاسىرا الماي بىلاي دەدى: پارتيانىڭ 19 - قۇرىلتايى جۇڭگوشا سوتسياليزمنىڭ جاڭا داۋىرگە وتكەندىگىنىڭ دامۋ جوباسىن ايقىن كەسكىندەدى، بۇل كورەگەن دە ادامدى شابىتتاندىراتىن، ءىس جۇزىندىك جاعدايعا جاناساتىن، جۇرت كوڭىلىنە تەرەڭ ۇيالاعان قۇرىلتاي بولدى. جۇڭگو كوممۋنيستىك پارتياسىنىڭ باسشىلىعىندا، ءبىر ميلليارد 300 ميلليوننان استام جۇڭگو حالقى شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ۇلى تۋىن بيىك ۇستاپ، جۇڭگوشا سوتسياليزم جولىمەن جۇرۋدەن جازباي، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى نىساناسىنا قاراي تاباندىلىقپەن ۇدەرە العا تارتۋدا، بۇل ادامدى ايرىقشا جەلپىندىرەدى، شابىتتاندىرادى.
پارتيانىڭ 19 - قۇرىلتايىنىڭ جابىلعاندىعىن تەلەۆيزورداعى تىكە تاراتۋدان كورگەننەن كەيىن، اۆتونوميالى رايوندىق مادەني مۇرالار مەكەمەسىنىڭ ورىنباسار باستىعى، اۆتونوميالى رايوندىق مادەنيەت مەڭگەرمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا اۋات اۋدانى جاڭا ارىق اۋىلىنىڭ يەكلى قىستاعىندا تۇراتىن قىزمەت اترەتىنىڭ باستىعى وبۇل ءمامتىلي جاڭا داۋىردەگى نۇرلى بولاشاققا زور ۇمىتپەن قارادى. ول بىلاي دەدى: وتكەن 5 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتى ەلىمىزدەگى ءار ۇلت حالقىنا باسشىلىق ەتىپ، بۇرىن - سوڭدى بولماعان قۇلشىنىستار ارقىلى، حالىق جۇرتشىلىعىنىڭ ەڭ رەال، ەڭ كوكەي تەستى ءبىر قىدىرۋ ماسەلەلەرىن شەشتى. پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ دۇرىس جەتەكشىلىگىندە، شينجياڭنىڭ دامۋ وزگەرىستەرى كۇن سايىن جاڭالانىپ، ءار ۇلت جۇرتشىلىعى قۋانىشقا بولەندى. جاڭا ءداۋىر تاعى ءبىر جاڭا ساپاردى باستادى، شينجياڭداعى ءار ۇلت حالقى، ءسوزسىز، ءتىپتى دە كوركەم بولاشاقتى قارسى الاتىن بولادى.
جاڭا ءداۋىردىڭ العا ىلگەرىلەۋىنە، ءسوزسىز، جاڭا يدەيا جەتەكشىلىك ەتۋ كەرەك. جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن نۇسقا)» تۋرالى قاۋلىنى ماقۇلدادى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى پارتيا ۋستاۆىنا ەنگىزىلىپ، پارتيانىڭ جەتەكشى يدەياسىنىڭ تاعى ءبىر رەتكى داۋىرمەن قوسا ىلگەرىلەۋىن ىسكە اسىردى. اۆتونوميالى رايوندىق پارتكوم پارتيا مەكتەبى پارتيا قۇرىلىسىن وقىتۋ، زەرتتەۋ كەڭسەسىنىڭ مەڭگەرۋشىسى، دوتسەنت جۋ شيانچىن بىلاي دەدى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى پارتيامىزدىڭ يدەيالىق نازاريالىق دامۋ تاريحىنداعى تىڭ ءورىستى اشتى، بۇل 21 - عاسىرداعى ماركسيزمنىڭ جۇڭگوشالانۋىنىڭ ەڭ جاڭا جەتىستىگى، جۇڭگو كوممۋنيستەرىنىڭ جاڭا داۋىردەگى رۋحاني تىرەگى جانە كۇش قاينارى، جاڭا تاريحي باستامادا تۇرىپ ۇلى كۇرەس جۇرگىزۋىمىزگە، ۇلى ينجەنەريالاردى جۇرگىزۋىمىزگە، ۇلى ىستەردى جەبەۋىمىزگە، ۇلى ارماندى جۇزەگە اسىرۋىمىزعا جەتەكشىلىك ەتۋ جونىنەن تەرەڭ تاريحي مانگە جانە كەلەلى رەال ماڭىزعا يە. ول بىلاي دەدى: «4 تانىمدى» بەرىك ورناتىپ، پارتيانىڭ 19 - قۇرىلتايىنىڭ رۋحىن دەن قويا ۇيرەنىپ، ءتۇسىنىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ساپارىمىزعا جەتەكشى ەتۋدەن جازباي، شينجياڭنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن اشۋىمىز كەرەك.
جاڭا بورىش ارقالايىق
«جۇڭگو كوممۋنيستەرىنىڭ اۋەلگى ماقساتى مەن بورىشى جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ ۇلى گۇلدەنۋىن كوزدەۋ». پارتيانىڭ 19 - قۇرىلتايىنىڭ بايانداماسىندا باس شۋجي شي جينپيڭ، ەڭ الدىمەن، نەگىزگى ويدى اڭعارتىپ، كوممۋنيستەردىڭ اۋەلگى ماقساتى مەن بورىشىن باسا دارىپتەدى، بۇل جاڭا داۋىردەگى جۇڭگو كوممۋنيستەرىنىڭ حالىققا بەرگەن ۋادەسى، سونداي - اق جۇڭگو كوممۋنيستەرىن ۇزدىكسىز العا باسۋعا جىگەرلەندىرەتىن ءتۇبىرلى قوزعاۋشى كۇش.
اۋەلگى ماقسات بەكىمدى قاتايتادى، بورىش العا جەتەلەيدى. رايونىمىزداعى پارتيا مۇشەلەرى مەن كادرلار وسكەلەڭ جاۋاپكەرلىك سەزىممەن داڭقتى تاريحي بورىشتى ارقالاپ، جاڭا داۋىردەگى جۇڭگوشا سوتسياليزمنىڭ ۇلى امالياتى بارىسىندا، جاڭا بورىشتى مىقتاپ يگەرىپ، ناقتاپ ىستەپ، الدىڭعى لەكتە ءجۇرىپ، باتىلدىقپەن جاۋاپكەرلىك ارقالاپ، ءىس تىندىرىپ، شارۋاشىلىق قۇرۋعا كۇشتى تىرەك بولاتىندىقتارىن ايتتى.
ەڭسە كوتەرۋدەن اۋقاتتانۋعا، ودان قۇدىرەتتەنۋگە دەيىن، جۇڭگونىڭ دامۋ تاريحىنداعى سانسىزداعان فاكتىلەر جۇڭگو كوممۋنيستىك پارتياسىنىڭ باسشىلىعىنىڭ دانىشپان ءارى دۇرىس ەكەندىگىن سان رەت سىپاتتادى. بيڭتۋان پارتكومى ۇيىمداستىرۋ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى لي شۇي بىلاي دەدى: ءبىز پارتيانىڭ 19 - قۇرىلتايىنىڭ رۋحىن جەتەكشى ەتىپ، پارتيانىڭ ساياسي قۇرىلىسىن شىن مانىندە ماڭداي الدى ورىنعا قويىپ، ءار دارەجەلى پارتيا ۇيىمدارىن، قالىڭ پارتيا مۇشەلەرى مەن كادرلاردى شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ارقىلى وي - سانانى قارۋلاندىرۋعا، پارتياعا ادال بولۋدى، پارتيانىڭ قامىن جەۋدى، پارتيا ءۇشىن جاۋاپكەرلىكتى ادا ەتۋدى، حالىققا باقىت جاراتۋدى ءتۇبىرلى ساياسي جاۋاپكەرلىك رەتىندە ساناۋعا، سانالى تۇردە كوممۋنيزمنىڭ ۇلى مۇراتى مەن جۇڭگوشا سوتسياليزمنىڭ ورتاق مۇراتىنىڭ مىزعىماس سەنۋشىلەرى جانە ادالدىقپەن امالياتتا ايگىلەۋشىلەرى بولۋعا ۇيىمداستىرىپ، اتتانىسقا كەلتىرىپ، بيڭتۋاننىڭ جاۋاپكەرلىگى مەن بورىشىن ادا ەتەمىز، شينجياڭ قىزمەتىنىڭ باس نىساناسىنا قىزمەت ەتۋ جولىندا تالىقپاي كۇرەسەمىز.
«بارلىق قىزمەتتە پارتيانىڭ باسشىلىعىنا تاباندى بولۋدا نەگىزگى ساتى پارتيا ۇيىمى قۇرىلىسىن جاپپاي العا باستىرۋدى، جاپپاي شىڭاۋدى كۇش سالا ىلگەرىلەتۋگە تۋرا كەلەدى». ءۇرىمجى قالاسى سايباق رايونى پيڭديڭشان باسقارۋ كوميتەتى پيڭديڭشان الەۋمەتتىك اۋماعى پارتيا ياچەيكاسىنىڭ شۋجيى باي لي بىلاي دەدى: نەگىزگى ساتى − پارتيانىڭ بيلىك جۇرگىزۋ نەگىزى، كۇش - قۋات قاينارى. جاڭا داۋىردە پارتيا قۇرىلىسىنىڭ جالپى تالابىن ىشكەرىلەي دايەكتىلەندىرۋدە پارتيانى جاپپاي قاتاڭ جونگە سالۋدى ءاربىر پارتيا ياچەيكاسىنا، ءاربىر پارتيا مۇشەسىنە دەيىن تياناقتاندىرۋ، نەگىزگى ساتىنىڭ جاۋىنگەر قورعاندىق رولىن شىن مانىندە كۇشەيتۋ، پارتيانىڭ بەدەلى مەن وبرازىن ويداعىداي قورعاۋ، كوممۋنيستەردىڭ تاماشا رۋحاني بەت - بەينەسىن ايگىلەۋ كەرەك.
«جاستار كوركەيسە، ەل كوركەيەدى، جاستار قۇدىرەتتەنسە، ەل قۇدىرەتتەنەدى، جاستار اسقاق مۇراتقا يە، قابىلەتتى بولعاندا، جاۋاپكەرلىكتى ارقالاي العاندا عانا مەملەكەتتىڭ بولاشاعى جارقىن، ۇلتتىڭ كەلەشەگىنەن ءۇمىت كۇتۋگە بولادى». پارتيانىڭ 19 - قۇرىلتايىنىڭ بايانداماسى جاڭا ۇرپاق جاستارعا زور ءۇمىت ارتىپ، جاس پارتيا مۇشەلەرىنىڭ جىگەرىن ۇشتادى. اۆتونوميالى رايوندىق جوعارى حالىق سوتى مەكەمەسى تەرگەۋ 3 - كوللەگياسىنداعى پارتيا مۇشەسى حۋاڭ رۇي زور شابىت العاندىعىن ايتا كەلىپ، بىلاي دەدى: ساياسي - زاڭ كادر - ساقشىسى رەتىندە مۇرات - سەنىمدى بەكەمدەۋىمىز، قىزمەتتە قاجىرلىلىقپەن ۇيرەنىپ، وي جۇگىرتۋگە شەبەر بولۋىمىز، قىزمەتتى تىڭعىلىقتى ىستەۋىمىز، ءاربىر ءادىليا دەلوسى ارقىلى حالىق بۇقاراسىنا ادىلدىك پەن ادىلەتتىلىكتى سەزىندىرۋىمىز كەرەك. جاستىق ورالىمىزعا شىركەۋ كەلتىرمەيتىن، ءداۋىر ءۇمىتىن اقتايتىن جاس پارتيا مۇشەسى بولىپ، جۇڭگو ارمانىن جۇزەگە اسىرۋدىڭ تىڭ ساپارىندا جاستىق ورالىمىزعا قانات ءبىتىرىپ، حالىقتىڭ مۇددەسى جولىندا تالىقپاي كۇرەس جاساۋدىڭ ايبىندى داستانىن جازۋىمىز كەرەك.
جاڭا ساپارعا قادام تاستايىق
ورايدى مىقتى يگەرىپ، جەلكەندى كەڭگە جايىپ، تىڭ ساپارعا اتتانايىق.
پارتيانىڭ 19 - قۇرىلتايىنىڭ جابىلعاندىعىن تىكە تاراتۋدان كورگەن اتۇش قالاسى ازاق اۋىلى قۇلانچى قىستاعى پارتيا ياچەيكاسىنىڭ ورىنباسار شۋجيى روزى احۇن تەبىرەنە بىلاي دەدى: پارتيا 19 - قۇرىلتايى بىزگە جارقىن بولاشاقتىڭ سارا جولىن كورسەتتى، تالىقپاي تالپىناتىن دامۋ قوزعاۋشى كۇشىن باعىشتادى. پارتيانىڭ 19 - قۇرىلتايى بايانداماسىندا اۋىل - قىستاقتاردى كوركەيتۋ ستراتەگياسىن اتقارۋ كەرەكتىگى ورتاعا قويىلىپ، بولاشاقتا «اۋىل شارۋاشىلىعى، اۋىل - قىستاق، شارۋالار» ىستەرىن دامىتۋدىڭ ايقىن نىساناسى جانە باعىت - بەتالىسى ايقىندالدى. وسى بىرنەشە جىلدا مەن اۋىلىمدا تۋىلعان وراسان زور وزگەرىستەردى كوزىممەن كوردىم، جىگەر - قايراتىم تاسقىندادى، مەن ءىس جۇزىندىك ارەكەتىم ارقىلى پارتيانىڭ 19 - قۇرىلتايىنىڭ رۋحىن ناقتاپ تياناقتاندىرامىن، نەگىزگى ساتىداعى حالىق بۇقاراسىن بەرىك، بەكەم تۇردە پارتياعا ىلەسۋگە بەلسەنە جەتەكتەيمىن.
«وتباسىلاردىڭ بارلىعى جاڭا ۇيگە كوشىپ كىردى، قورا - قوپسىلارىن سالىپ الدى، قىستاق تۇرعىندارىنىڭ كىرىستەرى بارعان سايىن ارتىپ، تۇرمىستارى اناعۇرلىم جاقساردى...» قىستاقتا تۋىلعان وسى وزگەرىستەردى تىلگە تيەك ەتكەن حىجىڭ اۋدانى كىرعۇت اۋىلى حارحات قىستاعى پارتيا ياچەيكاسىنىڭ شۋجيى بادۋمالا بىلاي دەدى: وسىنىڭ بارلىعى پارتيانىڭ باسشىلىعىنىڭ ارقاسى، كوممۋنيستىك پارتيانىڭ مۇشەسى رەتىندە ءبىز حالىققا باقىت جاراتۋداي اۋەلگى ماقساتتى ۇمىتپاۋىمىز، كوممۋنيستەردىڭ بورىشىن ەستە بەرىك ساقتاۋىمىز، پارتيالى كادرلاردىڭ اۆانگارد، ونەگەلىلىك رولىن جەتە ساۋلەلەندىرۋىمىز، كوشباسشى، اتويشى جاۋىنگەر بولۋىمىز، ءار ۇلت بۇقاراسىن تىزە قوسا بىرگە ىستەۋگە ىنتىماقتاستىرا باستاپ، جاپپاي دوڭگەلەك داۋلەتتى قوعام قۇرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ۇلەس قوسۋىمىز كەرەك.
(تىلشىلەرىمىز لي چۇنشيا، جاۋ چۇنحۋا، گاۋا، جاۋ شييا، جاڭ شياۋيان، شى شين، ياڭ شۋحان، فان حۇڭي، جيڭ بو، شيا چيڭ، ياۋ گاڭ، ەرىكتى ءتىلشى نيۋ جۇنجىڭ)
