اۆتونوميالى رايوندىق وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى
مۇقپۇل اسەن
مەن وڭتۇستىك شينجياڭداعى اۋىل - قىستاقتا تۋدىم، وتانىمىزدىڭ رەفورما جاساپ، ەسىك اشۋى بارىسىندا تولىسىپ - جەتىلدىم، ۇلى وتانىمىزدىڭ تىنباي دامىپ، قۇدىرەتتەنگەنىن، ۇلتتاردىڭ ۇلى ىتنىماعىنىڭ قۇدىرەتتى كۇشىن، بارىنەن دە جۇڭگوشا سوتسياليزمنىڭ باسىمدىعى مەن جۇڭحۋا ۇلتى ۇلى شاڭىراعىنىڭ مەيىر - شاپاعاتىن شىنايى سەزىندىم. اكە - شەشەم بىردەي پارتيا مۇشەسى بولاتىن، بالا كەزىمنەن باستاپ مەنى پارتيانى، وتاندى، سوتسياليزمدى قىزۋ سۇيۋگە تاربيەلەدى، ءارقانداي ۋاقىتتا تەكتى ۇمىتپاۋىمىز كەرەكتىگىن قاداعالادى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭعا بارىنشا قامقورلىق جاساپ، قولداۋ كورسەتتى، شينجياڭنىڭ بايابان جەرىندە جۇرتتى جالت قاراتارلىقتاي زور وزگەرىستەردىڭ تۋىلۋىنا مۇمكىندىك تۋدىردى، ءاربىر شينجياڭدىققا پارتيا ورتالىق كوميتەتىنىڭ مەيىر - شاپاعاتىن سەزىندىردى. اۆتونوميالى رايوندىق پارتكوم حالىققا تيىمدىلىك جاساۋ، جۇرت كوڭىلىن ورنىقتىرۋ، حالىقتى اۋقاتتاندىرۋ جونىندە ءبىر قىدىرۋ شارالاردى اتقاردى. «حالىققا تيىمدىلىك جاساۋداعى 9 ءتۇرلى ينجەنەريا» تەرەڭگە تامىر تارتىپ، قاۋاشاق اشتى، جۇرت جۇرەگىنەن تەرەڭ ورىن الدى، ءار ۇلت بۇقاراسىنىڭ جۇمىسقا ورنالاسۋ، وقۋ - اعارتۋ، دەنساۋلىق ساقتاۋ جاعىنداعى قيىنشىلىقتارىن كۇش سالا شەشتى، ءار ۇلت بۇقاراسىنىڭ تابىس سەزىمى مەن باقىت سەزىمى كۇننەن - كۇنگە كۇشەيدى. وقۋ - اعارتۋ قىزمەتكەرى رەتىندە مەن پارتيانىڭ وقۋ - اعارتۋ ارقىلى حالىققا تيىمدىلىك جاساۋ ساياساتىنىڭ ءار ۇلت بۇقاراسىنا الا كەلگەن يگىلىكتەرىن جەتە سەزىندىم، اتاپ ايتار بولساق، 5 جىلدان بەرى، تۇتاس رايونىمىزدا قازىنادان وقۋ - اعارتۋعا جالپى 287 ميلليارد 50 ميلليون يۋان قارجى قوسىلدى، تەك 2016 - جىلدىڭ وزىندە قوسىلعان قارجى 67 ميلليارد 380 ميلليون يۋان بولىپ، مەكتەپ قۇرۋ شارت - جاعدايى بارىنشا جاقساردى، وقۋ - اعارتۋدىڭ بەت - بەينەسىندە وراسان زور وزگەرىستەر تۋىلدى؛ 2017 - جىلدان بەرى، اۋىل - قىستاقتاعى 4408 «قوس ءتىل» بالاباقشاسىن جاڭادان سالۋ نەمەسە كەڭەيتىپ سالۋ قۇرىلىسى اياقتالىپ، پايدالانۋعا بەرىلدى. تۇتاس رايونىمىزداعى اۋىل - قىستاق بالاباقشاسىنداعى بالدىرعاندار سانى ءبىر ميلليون 176 مىڭ 200گە جەتىپ، تۇتاس رايونىمىزدا اۋىل - قىستاقتاعى مەكتەپكە دەيىنگى 3 جىلدىق تەگىن «قوس ءتىل» وقۋ - اعارتۋى بۇكىلدەي جالپىلاستى. اۆتونوميالى رايونىمىزدا ورتا جانە جوعارى دارەجەلى كاسىپتىك تەحنيكۋمنان وقۋ تاۋىسقانداردىڭ جۇمىسقا ورنالاسۋ سالىستىرماسى جەكە - جەكە %80 جانە %90تەن جوعارى بولىپ، جىلىنا 300 مىڭنان استام ادام - رەت باۋلىپ - تاربيەلەندى. وڭتۇستىك شينجياڭدى ءتۇيىن ەتە وتىرىپ، سوڭعى 5 جىلدا اۋىل - قىستاق مىندەتتى وقۋ - اعارتۋى بويىنشا ءالسىز مەكتەپتەردى جاڭالاۋ جوسپارىنا 5 ميلليارد 976 ميلليون يۋان ارناۋلى قارجى، اۋىل - قىستاق مىندەتتى وقۋ - اعارتۋ قاراجاتىن قامتاماسىز ەتۋ مەحانيزمى بويىنشا مەكتەپ عيماراتتارىن جوندەۋ ارناۋلى قارجىسىنان 4 ميلليارد 637 ميلليون يۋان، ادەتتەگى ورتا مەكتەپتەردىڭ مەكتەپ قۇرۋ شارت - جاعدايىن جاقسارتۋ ارناۋلى قارجىسىنان 418 ميلليون يۋان بوساتىلدى، قالا، اۋىلداعى مىندەتتى وقۋ - اعارتۋ قاراجاتىن قامتاماسىز ەتۋ تەبىنىن كۇشەيتۋدى تياناقتاندىرۋ ماقساتىندا، 18 ميلليارد 30 ميلليون يۋان قارجى قوسىلدى، سونداي - اق وقىتۋشىلار قوسىنى قۇرىلىسى كۇشەيتىلىپ، وڭتۇستىك شينجياڭ ءوڭىرى وقۋ - اعارتۋ ىستەرىنىڭ دامۋ اياق الىسىن جەدەلدەتۋگە بەرىك نەگىز قالاندى.
مەن پارتيانىڭ وقۋ - اعارتۋ ارقىلى حالىققا تيىمدىلىك جاساۋ ساياساتىنىڭ تىكە يگىلىگىنە كەنەلۋشىمىن. بالا كەزىمدە وڭتۇستىك شينجياڭداعى اۋىل - قىستاقتا ەسەيىپ - ەرجەتتىم، وقۋعا تۇسكەننەن كەيىن، مەملەكەتىمىزدە ورتاق قولدانىلاتىن ءتىل - جازۋدى ۇيرەندىم، ءدال سول ساتتەن باستاپ مەنىڭ ومىرىمدە تىڭ وزگەرىستەر تۋىلدى. مەن: ءار ۇلت جاستارى مەن جاس وسپىرىمدەرى قۇلشىنا ءبىلىم ۇيرەنگەندە عانا، دارىندى بولۋ جولىنىڭ بارعان سايىن داڭعىلدانا تۇسەتىندىگىن ايقىن اڭعاردىم. نەشە جىلدان بەرى، نەگىزگى ساتىدا جانە ەگىن، مال شارۋاشىلىق وڭىرىندەگى مەكتەپتەردە ۇنەمى تەكسەرىپ - زەرتتەۋدە بولدىم. سوندا مەكتەپ جانە بالاباقشانىڭ قىستاقتاعى ەڭ ادەمى قۇرىلىس ەكەندىگىن، مەكتەپ فورىمىن كيگەن وقۋشىلاردىڭ اۋىل - قىستاق كورىنىسىنە ءسان بەرىپ تۇرعاندىعىن، ءار ۇلت اتا - انالاردىڭ بالالارىن مەملەكەتتە ورتاق قولدانىلاتىن ءتىل - جازۋدى ۇيرەنۋگە قاتىناستىرۋ ىنتاسىنىڭ جوعارى ەكەندىگىن بايقادىم. مەكتەپكە بارا قالساڭىز كوپتەگەن از ۇلت بالالارى سىزگە جاتتىق مەملەكەت تىلىندە امانداسىپ جاتادى، ولاردىڭ جۇزدەرىنەن بەرىك سەنىمدى بايقاي الاسىز، ءون بويلارىنان ءار ۇلت بۇقاراسىنىڭ ىنتىماقتاسا العا باساتىن، وتان ارمانىن بىرگە جۇزەگە اسىرۋداي جارقىن بولاشاعى مەن مۇندالايدى. قازىر تيانشاننىڭ تۇستىگى مەن تەرىستىگىندە «<قوس ءتىل> ۇيرەنۋ، <قوس ءتىل> ۇيرەنۋدە باسەكەگە ءتۇسۋ، <قوس تىلدەن> پايدالانۋ» جانە «ىنتىماقتى دارىپتەۋ، ىنتىماققا ماراپات جاۋدىرۋ، ىنتىماقتى جەبەۋ» تانىمى بالالاردىڭ جانە ءار ۇلت بۇقاراسىنىڭ جۇرەگىنە تەرەڭ ۇيالاعان. پارتيانىڭ وقۋ - اعارتۋ ارقىلى حالىققا تيىمدىلىك جاساۋ ساياساتى ءار ۇلت بۇقاراسىنىڭ جۇرەگىنەن تەرەڭ ورىن الىپ، حالىق قالاۋىنان شىعىپ، شينجياڭنىڭ ەكونوميكالىق، قوعامدىق دامۋى مەن ۇلتتار ىنتىماعىن جەبەۋدەگى نەگىزدى بەكەمدەۋ ينجەنەرياسىنا اينالعان.
وقۋ - اعارتۋ سالاسىنداعى پارتيالى كادر رەتىندە مەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل قولدايمىن، اۆتونوميالى رايوننىڭ وقۋ - اعارتۋ ارقىلى حالىققا تيىمدىلىك جاساۋداعى ءتۇرلى ساياساتتارىنىڭ تامىر تارتىپ، وركەن جايۋىن قاز - قالپىندا جەبەيمىن، مەملەكەتتە ورتاق قولدانىلاتىن ءتىل - جازۋدى باستاماشىلدىقپەن ويداعىداي ۇيرەنەمىن، ويداعىداي پايدالانامىن، قالىڭ وقىتۋشى - وقۋشىلاردى جانە ءار ۇلت بۇقاراسىن پارتيانىڭ شاپاعاتىنا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستايمىن، نازاردى باس نىساناعا شوعىرلاندىرىپ، باس نىساناعا قىزمەت ەتىپ، باس نىسانانى تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كۇش قوسامىن.
