اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتى:
بۇقارانىڭ «سالاماتتىق» قاجەتىن قاناعاتتاندىردى
اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتىنىڭ پارتيا باسشىلىق گرۋپپاسى جۋىقتان بەرى «قاتاڭدىق» تالابىن جەتكىزۋ، «شىنايىلىق» شاراسىن كۇشەيتۋ، «ىستەۋ» ناقتى ونىمدىلىگىن ايگىلەۋ ارقىلى ءار دارەجەلى پارتيا ۇيىمدارىنىڭ، بۇكىل پارتيا مۇشەلەرىنىڭ، كادرلاردىڭ، جۇمىسشى - قىزمەتكەرلەردىڭ پارتيا 19 - قۇرىلتايىنىڭ رۋحىن ۇيرەنۋىن، دايەكتىلەندىرۋىن، تياناقتاندىرۋىن مىقتى ۇستادى.
اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتى مىنالاردى تالاپ ەتتى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن مۇقيات ۇيرەنۋ، ءتۇسىنۋ، ءدال يگەرۋ كەرەك، ءار دارەجەلى پارتيا ۇيىمدارى پارتيا 19 - قۇرىلتايىنىڭ رۋحىن وزەكتى ۇيرەنۋ گرۋپپاسىنىڭ ۇيرەنۋدەگى ماڭىزدى مازمۇنى ەتىپ، جوسپار جاساپ، ارناۋلى تاقىرىپ بەلگىلەپ، ىشكەرىلەي ۇيرەنۋ، توعىستىرۋ، ساباقتاستىرۋ كەرەك؛ بۇكىل پارتيا مۇشەلەرى شىنايى ۇيرەنىپ، ناقتى تۇسىنۋگە، شىنايى سەنىپ، ناقتى قولدانۋعا شىنايى كەپىلدىك ەتۋ كەرەك. ءار دارەجەلى پارتيا ۇيىمدارى ارناۋلى ۇيرەنۋ، ارناۋلى لەكسيا جاساۋ، ارناۋلى تاربيەلەۋ سياقتى تاسىلدەر ارقىلى جالپى پارتيا مۇشەلەرىن كەزەككە، توپقا ءبولىپ تاربيەلەۋ كەرەك. سونىمەن بىرگە «ۇعىسۋ، تيىمدىلىك جاساۋ، توعىستىرۋ» قىزمەتىمەن جانە «ۇلتتار ىنتىماعىنىڭ بەرەكەلى شاڭىراعى» قيمىلىمەن تىعىز بىرلەستىرىپ، ءار دارەجەلى پارتيالى باسشى كادرلار باستاماشىلدىقپەن نەگىزگى ساتىعا، بۇقارانىڭ اراسىنا بارىپ، بەتپە - بەت ۇگىت لەكسيا جاساپ، پارتيا 19 - قۇرىلتايىنىڭ رۋحىن ايقىن دارىپتەپ، انىق ۇعىندىرىپ، ءار ۇلت بۇقاراسىنىڭ تۇسىنۋىنە، بىلۋىنە، تياناقتاندىرۋىنا مۇمكىندىك جاساۋ كەرەك.
اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتىنىڭ مەڭگەرۋشىسى باھارگۇل سامەت بىلاي دەدى: پارتيا 19 - قۇرىلتايىنىڭ بايانداماسى «سالاماتتى جۇڭگو» ستراتەگياسىنا العا باسۋ بەتالىسىن كورسەتتى، ءبىز پارتيا 19 - قۇرىلتايىنىڭ رۋحىن، اسىرەسە، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ۇيرەنۋمەن، دايەكتىلەندىرۋمەن ۇشتاستىرىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋمەن، سالاماتتى جۇڭگو قۇرىلىسىن تىڭعىلىقتى ىلگەرىلەتۋمەن ۇشتاستىرىپ، پارتيا 19 - قۇرىلتايىنىڭ رۋحىن كوكەيگە ۇيالاتىپ، ارەكەتتە ايگىلەپ، ءاربىر قىزمەت ورنىندا تياناقتاندىرىپ، ناقتى ارەكەتتە ايگىلەپ، حالىق بۇقاراسىنىڭ تاماشا ومىرگە ۇمتىلعان «سالاماتتىق» قاجەتىن قاناعاتتاندىرۋىمىز كەرەك.
