ورەن جۇبايقان ۇلى حابارلايدى. پارتيا 19-قۇرىلتايىنان بەرى، قابا اۋداندىق پارتكوم ۇيىمداستىرۋ ءبولىمىنىڭ كادرلارى جايىلما اۋىلى باتىس مايساحۋ قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى، قىستاق «ەكى كوميتەت» باسشىلىق القاسى قىستاقتاعى پارتيا مۇشەلەرى مەن قىستاق تۇرعىندارىن ۇيىمداستىرىپ، دۇيسەنبى كۇنگى مەملەكەت تۋىن شىعارۋ سالتى، ۇگىت - لەكسيا جاساۋ، ەگىنشى - مالشىلاردىڭ كەشكى مەكتەبى، ءۇش جيىن ءبىر ساباق، ارناۋلى تالقى جانە وتباسىلارىن ارالاۋ قاتارلى فورمالارمەن قالىڭ قاۋىمعا پارتيا 19-قۇرىلتايىنىڭ رۋحىن ىشكەرىلەي ۇگىتتەپ جەتكىزدى.
پارتيالى كادرلار ءبىر اۋىزدان: «بۇقارانىڭ ارمان - تىلەگىن، قاجەتىن ءتۇسىنىپ، قىزمەت ستيلىندە بۇرىلىس جاساپ، حالىقتى وزەك ەتۋ سىندى دامۋ تانىمىن بەرىك ورناتىپ، پارتيا 19 - قۇرىلتايىنىڭ رۋحىن مۇقيات ۇيرەنىپ جانە دايەكتىلەندىرىپ، ورتالىق پەن اۆتونوميالى رايوننىڭ ءتۇرلى شەشىم ورنالاستىرۋلارىمەن ۇشتاستىرۋ كەرەك»،-دەستى.
قابا اۋدانى جايىلما اۋىلى باتىس مايساحۋ قىستاعىنداعى قارت پاتيا مۇشەسى ءمۇسىرات جاپار ۇلى بىلاي دەدى: «پارتيانىڭ 19-قۇرىلتايى ءساتتى اشىلدى، قىستاعىمىزداعى قىزمەت اترەتىندەگىلەر، قىستاق ياچەيكا شۋجيلارى، پارتيا مۇشەلەرى جانە بۇقارا بولىپ قۇرىلتاي رۋحىن جالپى بەتتىك شوعىرلى ۇيرەندىك، بۇگىن اۋداندىق ۇيىمداستىرۋ بولىمىندەگى كادرلار قۇرىلتاي بايامانداسىنىڭ تولىق نۇسقاسىن اكەلىپ بەرىپ، ءبىزدىڭ ىشكەرىلەي ۇيرەنۋىمىزگە تاماشا شارت - جاعداي جاراتتى».
ءتىلشىنىڭ قىزمەت ورنى: قابا اۋداندىق پارتكوم ۇيىمداستىرۋ ءبولىمى الىس ارالىقتان تاربيەلەۋ كەڭسەسى