− پارتيا 19 - قۇرىلتايى بايانداماسىنىڭ دايىندالۋ بارىسى تۋرالى
شينحۋا اگەنتتىگىنىڭ تىلشىلەرى ۋ جيڭ، حۋ حاۋ، شى يۇيسىن
2017 - جىلى 18 - قازان كۇنى تۇستەن بۇرىن بەيجيڭدەگى حالىق سارايى. جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى وسى ارادا سالتاناتپەن وتكىزىلدى.
شي جينپيڭ جولداس ارشىندى قاداممەن بايانداما جاساۋ مىنبەرىنە كەلىپ، پارتيا 18 - كەزەكتى ورتالىق كوميتەتى اتىنان قۇرىلتايعا «جاپپاي دوڭگەلەك داۋلەتتى قوعام قۇرىپ شىعۋدىڭ جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزەيىك» دەگەن تاقىرىپتا بايانداما جاسادى.
30 مىڭنان استام ارىپتىك بايانداما 3 جارىم ساعاتقا تاياۋ وقىلدى، 2300دەن استام ۋاكىل مەن ۇسىنىس ەتىلگەن ۋاكىل 70 نەشە رەت شاپالاق سوقتى. وسى سوعىلعان شاپالاق ۇنىندە پارتيا تىلەگى مەن حالىق قالاۋى شوعىرلانعان، وسى شاپالاق ءۇنى سەنىم مەن كۇشتى تاسقىنداتتى.
بۇل − جۇڭگو كوممۋنيستەرىنىڭ بولاشاققا باعىتتالعان ايبىندى سەرتى −
اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ.
بۇل − بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋىنىڭ ارەكەت قىبلاناماسى −
شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن، عىلمي دامۋ كوزقاراسىمەن بىرگە پارتيامىزدىڭ ارەكەت قىبلاناماسى ەتىپ تۇراقتاندىرىپ، قازىرگى تاڭداعى جۇڭگوداعى ماركسيزمنىڭ جاڭا ءورىسىن اشتى.
بۇل − سوتسياليستىك وسىزامانداندىرۋ جورىعىنىڭ شىت جاڭا باستاماسى −
ءبىز جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرۋىمىز ءارى وسى قولايلى ساتتەن پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىن ورىنداۋعا جورىق جاساۋىمىز كەرەك.
حالىقارالىق جانە ەل ءىشى جاعدايىن عىلمي تۇردە يگەرىپ، جالپى جاعدايعا ساياتىن كەلەلى ماسەلەلەردى ىشكەرىلەي زەرتتەدى
− پارتيا 19 - قۇرىلتايىنىڭ بايانداماسىن دايىنداۋ قىزمەتى باستان - اياق پارتيا ورتالىق كوميتەتى ساياسي بيۋروسى تۇراقتى كوميتەتىنىڭ تىكە باسشىلىعىندا ءجۇرىلدى، باس شۋجي شي جينپيڭ حۇجات دايىنداۋ گرۋپپاسىنىڭ باستىعى مىندەتىن ءوزى ۇستىنە الدى
2016 - جىلى قازاندا پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 19 - قۇرىلتايىن 2017 - جىلدىڭ سوڭعى جارتىسىندا اشۋدى ۇيعاردى.
جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ كەزەڭىندە، جۇڭحۋا ۇلتىنىڭ ۇلى گۇلدەنۋگە بەت الۋىنىڭ شەشۋشى كەزەڭىندە، الدىڭعىلاردىڭ ىزىمەن بولاشاققا جول اشقان، بۇرىنعىعا مۇراگەر، كەيىنگىگە بۇيداگەر بولعان سالتاناتتى جينالىس قانداي ستراتەگيالىق ورنالاستىرۋ جاسايدى؟ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ تاريحي بارىسىن قالاي ىلگەرىلەتۋ كەرەك؟ بۇكىل ەل نازار اۋدارىپ، بۇكىل دۇنيە كوز تىكتى.
پارتيا 19 - قۇرىلتايىنىڭ دايىندىق قىزمەتىنىڭ ماڭىزدى قۇرامداس ءبولىمى رەتىندە، بۇكىل پارتيانىڭ اقىل - پاراساتى شوعىرلانعان، حالىق بۇقاراسىنىڭ ارمان - تىلەگىنە سايكەسەتىن، ەلىمىزدىڭ دامۋىندا جەتەكشى رولعا يە، حالىقارالىق قوعامدا جاپپاي ىقپال تۋدىراتىن باياندامانى دايىنداۋ − قۇرىلتايدىڭ جەڭىسپەن وتكىزىلۋىنىڭ ماڭىزدى بۋىنى سانالدى.
2017 - جىلى 13 - قاڭتار تۇستەن بۇرىن جۇڭنانحايدىڭ حۋايرىنتاڭ زالى.
باس شۋجي شي جينپيڭ پارتيا 19 - قۇرىلتايىنىڭ حۇجاتتارىن دايىنداۋ گرۋپپاسىنىڭ ءبىرىنشى جالپى جيىنىن باسقارىپ اشىپ، ورتالىقتىڭ پارتيا 19 - قۇرىلتايىنىڭ حۇجاتتارىن دايىنداۋ گرۋپپاسىن قۇرۋ جونىندەگى ۇيعارىمىن جاريالادى. باس شۋجي شي جينپيڭ حۇجات دايىنداۋ گرۋپپاسىنىڭ گرۋپپا باستىعى مىندەتىن ۇستىنە الدى، ليۋ يۇنشان، ۋاڭ چيشان، جاڭ گاۋلي جولداستار گرۋپپانىڭ ورىنباسار باستىعى مىندەتىن ۇستىنە الدى.
جيىندا باس شۋجي شي جينپيڭ پارتيا 19 - قۇرىلتايىنىڭ بايانداماسىن دايىنداۋ قىزمەتىن جاقسى ىستەۋدىڭ كەلەلى ماڭىزىن جەتە تانىپ، دۇرىس يدەيالىق ادىستەن جازباي، حالىقارالىق جانە ەل ءىشى جاعدايىنا عىلمي تالداۋ جاساپ جانە ونى يگەرىپ، پارتيا مەن مەملەكەت ىستەرىنىڭ دامۋىنا ساياتىن كەلەلى ماسەلەلەردى ىشكەرىلەي زەرتتەۋدى تالاپ ەتتى.
باس شۋجي شي جينپيڭنىڭ ورنالاستىرۋى مەن تالابىنا ساي، دايىنداۋ گرۋپپاسى ءبىر قىدىرۋ كەلەلى نازاريالىق جانە امالياتتىق ماسەلەلەر توڭىرەگىندە ناقتى تەكسەرۋ - زەرتتەۋ جۇرگىزدى، ارناۋلى تەكسەرۋ - زەرتتەۋ ۇيىمداستىردى.
وسى جولعى جيىندا، باس شۋجي شي جينپيڭ تاعى پارتيا 19 - قۇرىلتايىنىڭ بايانداماسىن دايىنداۋ دا «بەسكە تاباندى بولۋ» جەتەكشى پرينسيبىنە بويسۇنۋدى ايقىن اتاپ كورسەتتى:
− دۇرىس ساياسي بەتالىسقا تاباندى بولۋ. «پارتيا 19 - قۇرىلتايىنىڭ بايانداماسى − ساياسي بايانداما، پارتيا مەن مەملەكەت ىستەرىنىڭ دامۋىنا قاتىستى ءبىر قىدىرۋ كەلەلى ماسەلەلەر جونىندەگى ساياسي تۇرعىنى، ساياسي پوزيتسيانى، ساياسي پرينسيپتى باياندايدى، ماسەلەلەردى ساياسي جاقتا زەرتتەۋ مەن يگەرۋگە تاباندى بولۋ − ءبىرىنشى تالاپ».
− يدەيانى ازات ەتۋگە، داۋىرمەن بىرگە العا باسۋعا تاباندى بولۋ. دەموكراتيالىق تالقى جۇرگىزۋدى، ءوزارا اقىلداسۋدى، اقتارىلا اڭگىمەلەسۋدى، كوپ پاراساتىن ساۋلەلەندىرۋدى دارىپتەپ، ءتۇيىندى، قيىن، قولامتالى ماسەلەلەر جونىندە باتىل ىزدەنىس جاساپ جانە زەرتتەپ، كوپشىلىكتى مي جۇگىرتۋگە، اقىل - پاراساتىن قوسۋعا جىگەرلەندىرۋ.
− ستراتەگيالىق ويلاۋ مەن جۇيەلى ويلاۋعا تاباندى بولۋ. «ءبىزدىڭ العا قويعان يدەيا، نازاريا جانە باعىت - ساياساتتارىمىزدىڭ كورەگەندىگىنىڭ بار - جوقتىعىنا، شىعارعان شەشىم - ورنالاستىرۋلارىمىزدىڭ جەتەكشىلىك سيپاتى مەن باياندىلىعىنىڭ بار - جوقتىعىنا تۇجىرىم جاساۋدا ءبىزدىڭ ەلىمىزدىڭ دامۋى مەن دۇنيە ءجۇزىنىڭ دامۋى جونىندە ستراتەگيالىق، جالپى جاعداي تۇرعىسىنان عىلمي تۇجىرىم جاساعان - جاساماعاندىعىمىزعا قاراۋ كەرەك».
− ماسەلەنى نىشان ەتۋگە، ماسەلە تانىمىن كۇشەيتۋگە تاباندى بولۋ. «ماسەلەنى باعىت - ساياساتتاردى زەرتتەپ بەلگىلەۋدىڭ باستاماسى ەتىپ، ماسەلە ەڭ توپتالعان جەرلەر مەن ەڭ كورنەكتى ماسەلەلەردەن باستاپ كىرىسىپ، ساياساتتىڭ نەگىزگى ءتۇيىنىن ءدال يگەرىپ، كوزەۋلى مەزگىلىن ۇيلەسىمدى بەلگىلەپ، ساياساتتى ەڭ كورنەكتى قايشىلىقتار مەن ماسەلەلەردى شەشۋ، حالىق بۇقاراسىنىڭ ەڭ كوكەي تەستى تىلەگى مەن تالابىن قاناعاتتاندىرۋ ۇستىنە قۇرۋ كەرەك».
− ءىس جۇزىندىك جاعدايدى ارقاۋ ەتۋگە تاباندى بولۋ. «شىندىقتى ءىس جۇزىنەن ىزدەيتىن عىلمي پوزيتسياعا تاباندى بولىپ، شىنايى بولمىستى ارقاۋ ەتۋ مەن ۇزاق بولاشاققا نازار اۋدارۋدىڭ بىرلىگىنە تاباندى بولىپ، نىسانانى العا قويۋ، مىندەت بەلگىلەۋ، ساياسات شىعارۋدا ءىس جۇزىندىك جاعدايدى ارقاۋ ەتۋ كەرەك، استە ءىس جۇزىندىك جاعدايدان الشاقتاۋعا، باسقىشتان اتتاپ وتۋگە بولمايدى».
9 - مامىردا باياندامانىڭ نوباي جوباسى حۇجات دايىنداۋ گرۋپپاسىنىڭ ءۇشىنشى جالپى جيىنىنا ۇسىنىلدى. باس شۋجي شي جينپيڭ مالىمەت پەن تالقىنى تىڭداعان سوڭ بىلاي دەپ اتاپ كورسەتتى: پارتيا 19 - قۇرىلتايىنىڭ بايانداماسى − پارتيامىزدىڭ «قوس 100 جىلدىق» كۇرەس نىساناسىنىڭ تاريحي توعىسۋ تۇيىنىندە تۇرىپ، پارتيانىڭ، مەملەكەتتىڭ، جۇڭحۋا ۇلتىنىڭ دامۋ جونىندە جاساعان ايبىندى جوباسى جانە ساياسي جارناماسى. جاڭا جاعدايدا «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدە، «ءتورتتى جاپپاي ورىنداۋ» ستراتەگياسىن سايكەستى ىلگەرىلەتۋدە، كوپتەگەن كەلەلى نازاريالىق جانە امالياتتىق ماسەلەلەرگە جاۋاپ بەرۋگە تۋرا كەلەدى.
وتكەن 5 جىلداعى قىزمەتتەردى قايتكەندە جاپپاي وبيەكتيۆ قورىتىندىلاۋعا بولادى؟
پارتيانىڭ 18 - قۇرىلتايىنان بەرگى نازاريادا جاڭالىق اشۋ مەن امالياتتا جاڭالىق اشۋدىڭ جاڭا جەتىستىكتەرىن قايتكەندە جيناقتاۋعا جانە سۇرىپتاۋعا بولادى؟
جاڭا جاعدايدا جۇڭگو كوممۋنيستىك پارتياسىنىڭ تاريحي بورىشىن، سونداي - اق تاريحي بورىشتى ورىنداۋدا، ءسوز جوق، تاباندى بولۋعا ءتيىستى كەلەلى پرينسيپتەردى جانە ءسوز جوق شەشۋگە ءتيىستى كەلەلى ماسەلەلەردى قالاي بايىمداۋعا بولادى؟
...
باس شۋجي شي جينپيڭ بىلاي دەپ اتاپ كورسەتتى: وسى كەلەلى نازاريالىق جانە امالياتتىق ماسەلەلەر − باياندامانى دايىنداۋدا، ءسوز جوق، شەشۋگە ءتيىستى تۇيىندەر ءارى نازاريادا جاڭالىق اشۋ مەن امالياتتا جاڭالىق اشۋدى ىلگەرىلەتۋدىڭ تۇيىندەرى. كەلەلى ماسەلەلەردى ايقىنداعاندا عانا، باياندامانىڭ ۇلكەن بەتالىسىن، نەگىزگى جەلىسىن ايقىنداۋعا، وي جەلىسىن ايقىنداۋعا، بۋىنداردى ىركىلىسسىزدەندىرۋگە بولادى.
نازاريادا جاڭالىق اشۋ مەن امالياتتا جاڭالىق اشۋدىڭ شەگى جوق. دۇنيە جۇزىندەگى ەڭ ۇلكەن دامۋ ۇستىندەگى مەملەكەتتىڭ جانە ەڭ ۇلكەن سوتسياليستىك مەملەكەتتىڭ بيلىك باسىنداعى پارتياسى رەتىندە، پارتيامىز شەشۋگە ءتيىستى قيىنشىلىقتار مەن ماسەلەلەر، توتەپ بەرۋگە ءتيىستى حاۋىپ - قاتەرلەر مەن سىن - سايىستار دۇنيە جۇزىندەگى باسقا ەلدەرگە قاراعاندا الدەقايدا كوپ، الدەقايدا قيىن. رەفورمادا جاڭالىق اشۋ جىگەرىن باستان - اياق ساقتاپ، ويلاۋ قالىبىنان باتىل تۇردە شىققاندا عانا، ىستەر دامۋىنىڭ جاڭا جاعدايىن ۇزدىكسىز اشۋعا بولادى.
28 - ماۋسىمدا باس شۋجي شي جينپيڭ حۇجات دايىنداۋ گرۋپپاسىنىڭ ءتورتىنشى جالپى جيىنىن باسقارىپ اشقاندا، جاڭا يدەيالاردى، جاڭا كوزقاراستاردى، جاڭا شارالاردى العا قويۋ جاعىنا ۇزدىكسىز كۇش سالىپ، تاريح پەن رەال، نازاريا مەن اماليات، ەل ءىشى مەن حالىقارا سياقتىلاردى ۇشتاستىرۋ تۇرعىسىنان وي جۇگىرتىپ، عىلمي، دالمە - ءدال تۇجىرىم جاساۋدى باسا دارىپتەدى.
13 - شىلدەدەن 14 - شىلدەگە دەيىن باس شۋجي شي جينپيڭ ىلگەرىندى - كەيىندى 2 رەت ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن جانە ءبىر رەت ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، پارتيا 19 - قۇرىلتايىنىڭ بايانداما جوباسىن قارادى.
− 13 - شىلدەدە ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى بايانداما جوباسىن العاش رەت قارادى، ورتالىق كوميتەت ساياسي بيۋروسىنىڭ تۇراقتى مۇشەلەرى مالىمەتتى تىڭداعاننان كەيىن، بايانداما جوباسىنىڭ جۇلگەلىك وي جەلىسىن، مازمۇندىق قۇرىلىمىن، كەلەلى كوزقاراسىن، باستى ايتىلىمدارىن ءبىر اۋىزدان قۇپتاپ، ماڭىزدى پىكىر بەردى.
− 20 - شىلدەدە ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى بايانداما جوباسىن 2 - رەت قاراپ، ورتالىق كوميتەت ساياسي بيۋروسىنىڭ تۇراقتى مۇشەلەرى ماڭىزدى وزگەرىس ەنگىزۋ پىكىرىن ورتاعا قويدى.
− 24 - شىلدەدە ورتالىق كوميتەت ساياسي بيۋروسىنىڭ ءماجىلىسى بايانداما جوباسىن العاش رەت قاراپ، ورتالىق كوميتەت ساياسي بيۋروسىنىڭ مۇشەلەرى بايانداما جوباسىنىڭ جۇلگەلىك وي جەلىسىن، مازمۇندىق قۇرىلىمىن ءبىر اۋىزدان قۇپتادى، بايانداما جوباسىندا العا قويىلعان تاقىرىپ نەگىزگى جەلىسىن، جەتەكشى يدەيانى، نەگىزگى جالپى جوبانى، كەلەلى تۇجىرىمداردى، شەشىمدەردى، ورنالاستىرۋلاردى قۇپتادى.
26 - شىلدەدە پارتيا 19 - قۇرىلتايىنىڭ اشىلۋ قارساڭىندا باس شۋجي شي جينپيڭ ولكە، مينيستر دارەجەلى نەگىزگى باسشى كادرلاردىڭ ارناۋلى زەرتتەۋ - تالقىلاۋ كلاسىنىڭ اشىلۋ سالتىندا ماڭىزدى ءسوز سويلەپ، «جۇڭگوشا سوتسياليزم − رەفورما جاساپ، ەسىك اشقاننان بەرى پارتيانىڭ بارلىق نازارياسىنىڭ جانە امالياتىنىڭ تاقىرىبى ەكەندىگىن، بۇكىل پارتيانىڭ، ءسوز جوق، جۇڭگوشا سوتسياليزم ۇلى تۋىن بيىك ۇستاپ، جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن بەرىك ورناتىپ، پارتيا مەن مەملەكەت ىستەرىنىڭ باستان - اياق دۇرىس بەتالىسقا قاراي جەڭىسپەن العا باسۋىنا كەپىلدىك ەتۋىن» اتاپ كورسەتتى.
سينگاپۋر «بىرلەسكەن تاڭ گازەتىندە» جاريالانعان ماقالادا: بۇل رەتكى ماڭىزدى ءسوز جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنىڭ ساياسي جانە نازاريالىق جۇلگەسىن نۇسقالادى، - دەپ اتاپ كورسەتىلدى.
«ءبىز ەلىمىز دامۋىنىڭ كەزەڭدىك ەرەكشەلىگىن مىقتى يگەرىپ، حالىق بۇقاراسىنىڭ تاماشا تۇرمىسقا ۇمتىلىسىن مىقتى يگەرىپ، جاڭا وي جەلىسىن، جاڭا ستراتەگيالاردى، جاڭا شارالاردى العا قويىپ، <بەستى ءبىر تۇلعالاندىرۋ> جالپىلىق ورنالاستىرۋىن ۇزدىكسىز ءبىر تۇتاس جوبالاپ، ىلگەرىلەتىپ، <ءتورتتى جاپپاي ورىنداۋ> ستراتەگيالىق ورنالاستىرۋىن سايكەستى ىلگەرىلەتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋگە، جۇڭگوشا سوتسياليزمنىڭ ۇلى جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىنباي قۇلشىنۋىمىز كەرەك».
اۋقىمعا قاراي ىستەپ، جۇمىستىڭ جاعدايىنا قاراي شارا قولدانۋ. باس شۋجي شي جينپيڭنىڭ «26 - شىلدەدەگى» ماڭىزدى سوزىندە پارتيامىزدىڭ الەمدىك جاعداي، ەل جاعدايى، پارتيا جاعدايى جونىندەگى تەرەڭ تەكسەرۋى جانە عىلمي تۇجىرىمى قامتىلىپ، ەلىمىزدىڭ الداعى 5 جىلداعى، اۋەلى، ودان دا ۇزاق مەزگىلدەگى دامۋ جوباسىن جاساۋىنىڭ جالپى ويى ايقىندالدى.
«پارتيا 19 - قۇرىلتايى بايانداماسىنىڭ دايىندالۋى، جارىققا شىعۋى دايىنداۋ گرۋپپاسى قۇرىلعان كۇننەن باستاۋ العان جوق، مۇنىڭ ىشىندەگى كەلەلى نازاريالاردىڭ، كەلەلى تۇجىرىمداردىڭ، كەلەلى شەشىمدەردىڭ بارلىعىن باس شۋجي شي جينپيڭنىڭ ۇزاق ۋاقىتتان بەرگى نازاريالىق وي جۇگىرتۋىنەن جانە امالياتتىق ىزدەنىس جاساۋىنان بولە قاراۋعا كەلمەيدى»، - دەدى حۇجات دايىنداۋ گرۋپپاسىنىڭ مۇشەلەرى.
وتكەن 5 جىلدا، باس شۋجي شي جينپيڭ نەگىزگى ساتىدا 50 رەت، 151 كۇن قىزمەت تەكسەرىپ، تەكسەرۋ - زەرتتەۋ جۇرگىزىپ، كۇدىر تاۋ جولدارىن باسىپ، ەڭ كەدەي وڭىرلەرگە بارىپ، حالىق جاعدايىن، حالىق رايىن دەن قويا تىڭداپ، ىشكەرىلەي تەكسەرىپ - زەرتتەپ، جۇڭگونىڭ بايتاق دالاسىن تۇگەل ارالاپ، حالىقتى بارىنەن جوعارى قويۋ ۋادەسىن امالياتتا ايگىلەدى.
وتكەن 5 جىلدا، ءتوراعا شي جينپيڭ 28 رەت ساپاردا بولىپ، 5 قۇرلىقتى، 56 مەملەكەتتى، سونداي - اق حالىقارالىق، وڭىرلىك باستى ۇيىمداردى ارالاپ، ەلباسى ديپلوماتياسى ارقىلى جۇڭگوشا ءىرى ەل ديپلوماتياسىنىڭ تىڭ ارىنىن ايگىلەۋىنە جەتەكشىلىك ەتتى.
وتكەن 5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ سىندى كەلەلى داۋىرلىك تاقىرىپتى ارقاۋ ەتىپ، ءبىر قىدىرۋ تەرەڭ بايىمداۋ جۇرگىزدى، ءبىر قىدىرۋ كەلەلى ورنالاستىرۋ جاسادى، ءبىر قىدىرۋ ەل باسقارۋدىڭ جاڭا ۇستانىمدارىن، جاڭا يدەيالارىن، جاڭا ستراتەگيالارىن قالىپتاستىردى.
وسىنداي ىزدەنىس جاساۋ، سوڭىنا ءتۇسۋ، وسىنداي جاڭالىق جاراتۋ، ءورىس اشۋ پارتيا 18 - قۇرىلتايىنان بەرگى تالاي رەتكى جالپى ماجىلىستەرگە ساباقتاستىرىلدى، وتكەن 5 جىلداعى جۇڭگوشا سوتسياليستىك قۇرىلىستىڭ جالىندى امالياتىنا توعىستىرىلىپ، پارتيا 19 - قۇرىلتايىنىڭ بايانداماسىن دايىنداۋعا مول نەگىز ازىرلەدى.
جازدا ءسانىن، كۇزدە ءدانىن كورسەتتى، تابىس تولاعاي بولدى.
18 - قازان تۇستەن بۇرىن شي جينپيڭ جولداس ج ك پ 18 - كەزەكتى ورتالىق كوميتەتى اتىنان قۇرىلتايعا بايانداما جاسادى.
ۋاكىلدەر بۇدان جىگەرلەنىپ: «پارتيا 19 - قۇرىلتايىنىڭ بايانداماسى وتكەن 5 جىلداعى قىزمەتتەردى قورىتىندىلاۋ نەگىزىندە ءبىر قىدىرۋ كەلەلى نازاريالىق تۇجىرىم، كەلەلى امالياتتىق قورىتىندى، كەلەلى ستراتەگيالىق ورنالاستىرۋ جاساپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن تەرەڭدەي بايىمداۋ نەگىزىندە نەگىزگى جالپى جوبانى ايقىندادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ العا باسۋ باعدارىن ايقىن كورسەتتى، ول جۇڭگوشا سوتسياليزمنىڭ جاڭا داۋىرگە وتكەندىگىنىڭ بەتاشارى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ نەگىزى»، - دەدى.
بۇكىل پارتيانىڭ ەرىك - جىگەرىن ۇيىستىرىپ، حالىقتىڭ تىلەگىنە سايكەستى
− پارتيا 19 - قۇرىلتايى بايانداماسىن دايىنداۋ پارتيا ىشىندەگى دەموكراتيانى ساۋلەلەندىرۋ، پارتيانىڭ ىشكى اقىل - پاراساتىن توپتاۋ بارىسى، يدەيانى ازات ەتۋ مەن يدەيانى بىرلىككە كەلتىرۋدى ۇشتاستىرۋ بارىسى
پارتيا 19 - قۇرىلتايىنىڭ بايانداماسىن دايىنداۋعا كىرىسكەندە، باس شۋجي شي جينپيڭ: پارتيا 19 - قۇرىلتايىنىڭ بايانداماسىن ويداعىداي دايىنداۋ پارتيا ىشىندەگى دەموكراتيانى ساۋلەلەندىرۋ، پارتيانىڭ ىشكى اقىل - پاراساتىن توپتاۋ بارىسى، يدەيانى ازات ەتۋ مەن يدەيانى بىرلىككە كەلتىرۋدى ۇشتاستىرۋ بارىسى، - دەپ باسا دارىپتەدى.
«جۇڭگوشا سوتسياليزم جاڭا داۋىرگە ءوتتى، ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى». پارتيا 19 - قۇرىلتايىنىڭ بايانداماسىندا ەلىمىز قوعامىنداعى باستى قايشىلىقتىڭ وزگەرگەندىگى تۋرالى شىعارعان كەلەلى تۇجىرىمى جۇرت نازارىن ەرەكشە اۋداردى.
1956 - جىلى پارتيانىڭ 8 - قۇرىلتايىندا: ەلىمىزدىڭ باستى قايشىلىعى حالىقتىڭ ەكونوميكانىڭ، مادەنيەتتىڭ جىلدام دامۋى جونىندەگى قاجەتى مەن كەزەكتەگى ەكونوميكانىڭ، مادەنيەتتىڭ حالىقتىڭ قاجەتىن قاناعاتتاندىرا الماۋ جاعدايى اراسىنداعى قايشىلىق، - دەپ اتاپ كورسەتىلدى.
1981 - جىلى پارتيا 11 - كەزەكتى ورتالىق كوميتەتىنىڭ التىنشى جالپى ماجىلىسىندە: ەلىمىز شەشەتىن باستى قايشىلىق − حالىقتىڭ كۇن سايىن ارتىپ وتىرعان زاتتىق مادەنيەت قاجەتى مەن مەشەۋ قوعامدىق ءوندىرىس اراسىنداعى قايشىلىق، - دەپ اتاپ كورسەتىلدى.
رەفورما جاساپ، ەسىك اشقاننان بەرى، قوعامدىق ءوندىرىس كۇشتەرىنىڭ دامۋى مەن حالىقتىڭ تۇرمىس قاجەتىنىڭ وزگەرىسىنە ساي، ەلىمىز قوعامىنداعى باستى قايشىلىق تا وزگەرىس بولدى. پارتيانىڭ 16 - ، 17 - ، 18 - قۇرىلتايلارىنىڭ باياندامالارىن دايىنداۋ بارىسىندا، كەيبىرەۋلەر ەلىمىز قوعامىنداعى باستى قايشىلىقتىڭ بايىمدالۋىنا وزگەرىس ەنگىزۋ ۇسىنىسىن بەرگەن بولاتىن. وراي ءالى دە پىسىپ - جەتىلمەگەندىكتەن، بۇل ماسەلە جونىندە تۇجىرىم جاسالماعان.
پارتيا 19 - قۇرىلتايىنىڭ بايانداماسىن دايىنداۋدىڭ تەكسەرۋ - زەرتتەۋ بارىسىندا قايتارىلعان بارلىق اڭىستا دەرلىكتەي ەلىمىز قوعامىنداعى باستى قايشىلىققا قايتالاي انىقتاما جاساۋدىڭ ورايى پىسىپ - جەتىلدى دەپ قارالدى، ايتسەدە قالاي انىقتاما بەرۋ جونىندە پىكىر بىركەلكى بولمادى.
باس شۋجي شي جينپيڭ اسىعىپ تۇجىرىم جاساماي، ىشكەرىلەي تەكسەرۋ - زەرتتەۋ جۇرگىزىپ، ەگجەي - تەگجەيلى وي جۇگىرتۋدى تالاپ ەتتى. قاتىستى جاقتار تالاپقا ساي، ىشكەرىلەي تەكسەرۋ - زەرتتەۋ جۇرگىزىپ، ءار جاقتان پىكىر الىپ، كەڭ كولەمدى تالقىلاپ، سوڭىندا قازىرگى كەزدەگى ەلىمىز قوعامىنىڭ نەگىزگى قايشىلىعى جونىندەگى تانىمدى بىرلىككە كەلتىردى. نەشە رەت قابىلدانىپ، نەشە رەت قالعان، عىلمي تۇرعىدا سالماقتىلىقپەن ويلانىپ - تولعانعان تانۋ بارىسى − باياندامانى دايىنداۋ قىزمەتىنىڭ پارتيا ىشىندەگى دەموكراتيانى ساۋلەلەندىرۋدىڭ، پارتيا ءىشى مەن ءار جاقتىڭ اقىل - پاراساتىن شوعىرلاندىرۋدىڭ جاندى بەينەسى بولدى.
ەكونوميكانىڭ باياندى، اقاۋسىز دامۋىن ىلگەرىلەتۋ ءۇشىن، جاڭا دامۋ ۇستانىمىن اماليات بارىسىندا قالاي ايگىلەۋ كەرەك؟
قوعامدىق قۇرىلىسپەن باسقارۋ دەڭگەيىن جوعارىلاتۋ ءۇشىن، قوعامدى جونگە سالۋ تاسىلىندە قايتكەندە جاڭالىق اشۋعا بولادى؟
كورىكتى جۇڭگو قۇرۋدى جەدەلدەتۋدە، ەكولوگيالىق وركەنيەت ءتۇزىلىسى رەفورماسىن قالاي تەرەڭدەتۋ كەرەك؟
ارميانى قۇدىرەتتەندىرۋدىڭ جۇڭگوشا جولىندا تاباندى بولىپ، دۇنيە ءجۇزى بويىنشا ەگەي اسكەري قوسىن قۇرىپ شىعۋدى جەدەلدەتۋ ءۇشىن نەلەردى ىستەۋ كەرەك؟
...
جوعارىداعى ماڭىزدى ماسەلەلەرگە ويداعىداي جاۋاپ قايتارۋ ءۇشىن دە جەتكىلىكتى تەكسەرۋ - زەرتتەۋ جۇرگىزۋ كەرەك. باياندامانى دايىنداۋ قىزمەتى باستالعان كەزدەن باستاپ، تەكسەرۋ - زەرتتەۋ قىزمەتىنە ايرىقشا ءمان بەردى، سونداي - اق بۇل جونىندە ارناۋلى ورنالاستىرۋ جاسادى.
17 - قاڭتاردا ج ك پ ورتالىق كوميتەتى ءارقايسى ولكە، اۆتونوميالى رايون، توتە قاراستى قالالاردىڭ پارتكومدارىنا، ورتالىقتاعى ءارقايسى بولىمدەر مەن كوميتەتتەرگە، مەملەكەت ورگانىنداعى ءارقايسى مينيسترلىكتەر مەن كوميتەتتەردىڭ پارتيا باسشىلىق گرۋپپاسىنا (پارتكوم)، ازاتتىق ارمياداعى ءارقايسى ۇلكەن ورىندارعا، ورتالىق اسكەري ىستەر كوميتەتى ورگانىنداعى ءارقايسى تاراۋلاردىڭ پارتكومدارىنا، ءارقايسى حالىقتىق ۇيىمداردىڭ پارتيا باسشىلىق گرۋپپاسىنا «پارتيا 19 - قۇرىلتايىنىڭ بايانداماسىنداعى كەڭەستىك تاقىرىپتار جونىندە پىكىر الۋ جونىندەگى ۇقتىرۋدى» تاراتىپ، پارتيا 19 - قۇرىلتايىنىڭ بايانداماسىنىڭ كەڭەستىك تاقىرىپتارى جونىندە پارتيا ىشىندە بەلگىلى كولەمدە تالقى ۇيىمداستىرىپ، كەڭ كولەمدى پىكىر الۋدى ۇيعاردى، سونىمەن بىرگە پارتيا سىرتىنداعى قايراتكەرلەردەن بەلگىلى فورمادا ۇسىنىس - پىكىر الدى.
اقپاننىڭ باستاپقى شەنىندە، دايىنداۋ گرۋپپاسىنىڭ قىزمەت ورنالاستىرۋىنا ساي، 9 تەكسەرۋ - زەرتتەۋ گرۋپپاسى 16 ولكە، اۆتونوميالى رايون، قالاعا بارىپ، پارتيا 19 - قۇرىلتايىنىڭ بايانداماسىنداعى كەڭەستىك تاقىرىپتار جونىندە تەكسەرۋ - زەرتتەۋ جۇرگىزىپ، 65 رەت ءار دارەجەلى، ءار ءتۇرلى اڭگىمە ءماجىلىس وتكىزدى.
20 - اقپاننان 31 - ناۋرىزعا دەيىن پارتيا ورتالىق كوميتەتى ورنالاستىرعان 21 ماڭىزدى نازاريالىق جانە امالياتتىق ماسەلەلەر جونىندە، 59 جاۋاپتى تاراۋ مەن ورىن 80 تەكسەرۋ - زەرتتەۋ گرۋپپاسىن ۇيىمداستىرىپ، نەگىزگى ساتىداعى 1817 ورىنعا بارىپ، ناق مايداندا تەكسەرۋ - زەرتتەۋ جۇرگىزىپ، 1501 رەت اڭگىمە ءماجىلىس جانە زەرتتەۋ تالقى جيىنىن وتكىزدى، جيىنعا قاتىناسقان نەمەسە سۇحباتتاسقان ادام سانى 21 مىڭ 532 ادامعا جەتىپ، 80 پارشا ارناۋلى تاقىرىپتىق زەرتتەۋ - تەكسەرۋ بايانداماسى جازىلدى، وسى تابىستار باياندامانى دايىنداۋعا بەرىك نەگىز قالادى.
ءار جەردە وتكىزىلگەن سۇحباتتاردان قالىڭ پارتيا مۇشەلەرىنىڭ پىكىرى مەن ۇسىنىستارى توپتالدى؛ ءار جەردە ورىستەتىلگەن تەكسەرۋ - زەرتتەۋلەر نەگىزگى ساتىداعى حالىق بۇقاراسىنىڭ كوكەي تەستى ءۇمىتىن الا كەلدى.
مامىردىڭ سوڭعى شەنىندە مەملەكەتتىك جوعارى دەڭگەيدەگى اقىل - پاراسات قويماسى قۇرىلىسىنان سىناق جۇرگىزەتىن 25 ورىن پارتيا مەن مەملەكەتتىڭ دامۋى ءدوپ كەلگەن ماڭىزدى نازاريالىق جانە امالياتتىق ماسەلەلەر توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، 65 پارشا بايانداما تاپسىرىپ، دايىنداۋ گرۋپپاسىنىڭ زەرتتەۋ قىزمەتىن پايدالانۋ ماتەريالىمەن قامدادى.
5 - تامىزدا ج ك پ ورتالىق كوميتەتى ءارقايسى ولكە، اۆتونوميالى رايون، توتە قاراستى قالالاردىڭ پارتكومدارىنا، ورتالىقتاعى ءارقايسى بولىمدەر مەن كوميتەتتەرگە، مەملەكەت ورگانىنداعى ءارقايسى مينيسترلىكتەر مەن كوميتەتتەردىڭ پارتيا باسشىلىق گرۋپپاسىنا (پارتكوم)، ازاتتىق ارمياداعى ءارقايسى ۇلكەن ورىندارعا، ورتالىق اسكەري ىستەر كوميتەتى ورگانىنداعى ءارقايسى تاراۋلاردىڭ پارتكومدارىنا، ءارقايسى حالىقتىق ۇيىمداردىڭ پارتيا باسشىلىق گرۋپپاسىنا ۇقتىرۋ تاراتىپ، پارتيا ىشىندە بەلگىلى كولەمدە تالقى ۇيىمداستىرىپ، پارتيا 19 - قۇرىلتايىنىڭ بايانداماسى جونىندە پىكىر الۋدى تالاپ ەتتى.
جاقسى اقىلدى قاعاجۋسىز قابىلداپ، ءتۇرلى ۇسىنىس - پىكىر توپتادى.
كەڭەستىك تاقىرىپتاردى بەلگىلەۋدەن باياندامانىڭ قۇرىلىمىن ونالاستىرۋعا، ودان ناقتى بايانداۋعا دەيىن، تەك يدەيانى ازات ەتىپ، شىندىقتى ءىس جۇزىنەن ىزدەۋدە تاباندى بولعاندا عانا، ەلىمىزدىڭ دامۋىندا جەتەكشىلىك رول اتقاراتىن، حالىقارالىق قوعامدا كەڭ كولەمدى ىقپال تۋدىراتىن باياندامانى جازىپ شىعۋعا بولادى.
25 - تامىزعا دەيىن جەر - جەردەگى ءارقايسى تاراۋلاردىڭ، ءار جاقتىڭ پارتيا 19 - قۇرىلتايىنىڭ بايانداماسى جونىندەگى پىكىر الۋ نۇسقاسى جونىندەگى ۇسىنىس - پىكىرلەر ءوز ۋاعىندا تۇگەل جيناپ الىندى، مۇندا، 4700دەن استام ادامنان پىكىر الىندى، 118 پارشا جازباشا ماتەريال جيىلدى. ورتالىقتاعى باسشى جولداستار مەن پارتيا ىشىندەگى ساقا جولداستاردان 33 پىكىر جينالدى.
21 - تامىزدان 25 - تامىزعا دەيىن باس شۋجي شي جينپيڭ جۇڭنانحايدىڭ حۋايرىنتاڭ زالىندا 5 رەت اڭگىمە ءماجىلىس وتكىزىپ، 31 ولكە، اۆتونوميالى رايون، قالالاردىڭ پارتيا، ۇكىمەت ورىندارىنداعى جاۋاپتى جولداستاردىڭ، ازاتتىق ارميانىڭ ءارقايسى ۇلكەن ورىندارى مەن ورتالىق اسكەري ىستەر كوميتەتىنىڭ قاتىستى تاراۋلارىنداعى جاۋاپتى جولداستاردىڭ بايانداماعا وزگەرىس ەنگىزۋ جونىندەگى ۇسىنىس - پىكىرلەرىن بەتپە - بەت تىڭدادى، بۇل پارتيانىڭ مەملەكەتتىك قۇرىلتايىنىڭ حۇجاتىن دايىنداۋ قىزمەتىنىڭ ۇيرەنشىكتى داعدىسى، سونداي - اق شەشىم جاساۋدا عىلمي، دەموكراتيا باعىتىن ۇستانۋىنداعى امالياتى.
30 - تامىزدا باس شۋجي شي جينپيڭ جۇڭنانحايدىڭ حۋايرىنتاڭ زالىندا اڭگىمە ءماجىلىس باسقارىپ اشىپ، ءارقايسى دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ باسشىلارىمەن جانە پارتيادا، توپتا جوق قايراتكەرلەرمەن بەتپە - بەت اڭگىمەلەسىپ، ولاردىڭ پارتيانىڭ 19 - قۇرىلتايىنىڭ بايانداماسى جونىندەگى پىكىر الۋ نۇسقاسىندا اڭىس ەتكەن ۇسىنىس - پىكىرلەرىن تىڭدادى. ماجىلىسكە قاتىناسقان پارتيا سىرتىنداعى قايراتكەرلەر اعىنان اقتارىلا، بۇكپەسىز سويلەسىپ، كوپتەگەن ۇسىنىس - پىكىرلەردى العا قويدى، سونداي - اق 10 پارشا جازباشا ماتەريال تاپسىردى. باس شۋجي شي جينپيڭ ولاردىڭ ءسوزىن تىڭداعاننان كەيىن، ج ك پ ورتالىق كوميتەتى اتىنان العىس ايتىپ، حۇجات دايىنداۋ گرۋپپاسىنداعىلاردىڭ پارتيا سىرتىنداعى قايراتكەرلەردىڭ ۇسىنىس - پىكىرلەرىن مۇقيات زەرتتەپ قابىلداۋىن تالاپ ەتتى.
تەكسەرۋ، زەرتتەۋ، سىپاتتاۋ، قايتالاي تەكسەرۋ، قايتالاي زەرتتەۋ، قايتالاي سىپاتتاۋ.
باياندامانى دايىنداۋ جونىندە اشىق، قامتىمدى اقىلداسۋ جيىندارى وتكىزىلىپ، ءاربىر ءارىپ، ءاربىر ءسوز - سويلەم جونىندە تەرەڭ ويلانىپ - تولعاندى، وسىلايشا بايانداما بىرتىندەپ كەمەلدەندى.
قورىتىندىلاۋ، رەتتەۋ ارقىلى جەر - جەردەگى ءارقايسى تاراۋلاردان، ءار جاقتان وزگەرىس ەنگىزۋ جونىندە 2027 ۇسىنىس - پىكىر جينالدى، قايتالانعان ۇسىنىس - پىكىرلەردى شىعارىپ تاستاعاندا 1773 بولدى، مۇنىڭ ىشىندە 179ى پرينسيپ سيپاتىنداعى پىكىر، 1594ى ناقتى وزگەرىس ەنگىزۋ جونىندەگى پىكىر؛ ناقتى وزگەرىس ەنگىزۋ جونىندەگى پىكىردىڭ ىشىندە 1208ى ناقتى سيپاتتى، 386سى ءسوز - سويلەمدىك وڭدەۋ سيپاتىنداعى پىكىرگە جاتادى.
باس شۋجي شي جينپيڭنىڭ ماڭىزدى نۇسقاۋىنىڭ رۋحىنا ساي، حۇجات دايىنداۋ گرۋپپاسى ورتالىقتاعى باسشى جولداستاردىڭ، ورتالىقتاعى باسشىلىق مىندەتتەن بوساعان ساقا جولداستاردىڭ پارتيا 19 - قۇرىلتايىنىڭ بايانداماسى جونىندە پىكىر الۋ نۇسقاسىندا اڭىس ەتىلگەن ۇسىنىس - پىكىرلەردى ءتۇيىندى تۇردە زەرتتەپ قابىلدادى.
ج ك پ 18 - كەزەكتى ورتالىق كوميتەتى جەتىنشى جالپى ءماجىلىسىنىڭ اقىلداسۋىنا تاپسىرىپ بەرىلگەنگە دەيىن، حۇجات دايىنداۋ گرۋپپاسىنىڭ پارتيا 19 - قۇرىلتايىنىڭ بايانداماسى جونىندە قوسقان، وزگەرتكەن، ءسوز - سويلەمدەرىن وڭدەگەن جەرلەر 986عا جەتىپ، ءار جاقتان كەلگەن 864 ۇسىنىس - پىكىردى قامتىدى.
11 - قازاندا ج ك پ 18 - كەزەكتى ورتالىق كوميتەتىنىڭ جەتىنشى جالپى ءماجىلىسى اشىلدى. حۇجات دايىنداۋ گرۋپپاسىنداعى جالپى جولداستار جالپى ماجىلىسكە قاتىناسقان ورتالىق كوميتەتتەگى 10 گرۋپپا مەن ورتالىق ءتارتىپ تەكسەرۋ كوميتەتىندەگى 4 گرۋپپانىڭ بايانداما جونىندەگى تالقىسىندا سويلەگەن سوزدەرىن مۇقيات تىڭداپ، تۇندەلەتىپ قىزمەت جيىنىن اشىپ، وزگەرىس ەنگىزۋ جونىندەگى پىكىرلەردى ءبىر - بىرلەپ زەرتتەپ، قابىلداۋ جونىندەگى ۇسىنىستى العا قويدى.
14 - قازاندا ج ك پ 18 - كەزەكتى ورتالىق كوميتەتى جەتىنشى جالپى ءماجىلىسىنىڭ ەكىنشى جالپى جيىنى اشىلىپ، ج ك پ 18 - كەزەكتى ورتالىق كوميتەتىنىڭ پارتيا 19 - قۇرىلتايىنا جاسايتىن بايانداماسىن (جوبا) داۋىسقا سالىپ ماقۇلدادى.
باس شۋجي شي جينپيڭنىڭ باياندامانى دايىنداۋ قىزمەتى جونىندەگى ماڭىزدى نۇسقاۋىنىڭ رۋحىنا ساي، حۇجات دايىنداۋ گرۋپپاسى ءار جاقتىڭ پىكىرىن مۇقيات قابىلداپ، ءبىر - بىرلەپ زەرتتەپ، كوپتەگەن ماڭىزدى ماسەلەلەر جونىندە ىشكەرىلەي زەرتتەۋ جۇرگىزىپ، ءبىر ءبولىم ماڭىزدى بايانداۋلاردى قايتا - قايتا وي ەلەگىنەن وتكىزدى.
ۋاقىت ايالسىز ءوتىپ جاتتى.
باياندامانى دايىنداۋ گرۋپپاسى قاشاندا باس شۋجي شي جينپيڭ باسا دارىپتەگەن «ەڭ ۇلكەن ورتاق تانىمدى قاراستىرۋ» تالابىنا ساي، بايانداما جازۋدا ساياتىن كەلەلى نازاريالىق جانە امالياتتىق ماسەلەلەر جونىندە، ءبىر جاعىنان، اقىلداسىپ، ءبىر جاعىنان، دايىنداپ، قايتا - قايتا وزگەرىس ەنگىزىپ، دەن قويا وڭدەدى.
18 - قازاندا پارتيا 19 - قۇرىلتايىنىڭ اشىلۋ راسىمىندە بۇكىل پارتيانىڭ اقىل - پاراساتى مەن جۇرەك قانى سىڭگەن بۇل بايانداما 2300دەن استام ۋاكىل مەن ۇسىنىس ەتىلگەن ۋاكىلدەردىڭ الدىنا قويىلدى.
پارتيا 19 - قۇرىلتايىنىڭ ۋاكىلدەرىن ءار دارەجەلى پارتيا ۇيىمدارى جانە قالىڭ پارتيا مۇشەلەرى سايلاعان. ولار ءار جاقتان، ءار سالادان كەلگەن، ءىس جۇزىندىك قىزمەتتى جانە بۇقارانىڭ ارمان - تىلەگىن قانىق بىلەدى. قۇرىلتاي اشىلۋدان ىلگەرى ۋاكىلدەر ءتۇرلى تاسىلدەردى قولدانىپ، وزدەرى تۇرعان سايلاۋ ورىندارىنداعى پارتيا مۇشەلەرى مەن بۇقارانىڭ پىكىرىن دەن قويا تىڭدادى ءارى ولاردىڭ ءۇمىتى مەن ارمان - تىلەگىن قۇرىلتايعا الا كەلدى.
شي جينپيڭ جولداس 19 - قازاندا پارتيا 19 - قۇرىلتايىنا قاتىناسقان گۇيجوۋ ولكەسى ۋاكىلدەر ۇيىرمەسىنىڭ تالقىسىنا قاتىناستى. ۋاكىلدەر ءىس جۇزىندىك جاعدايمەن بىرلەستىرىپ، بايانداما جونىندە پىكىر ءبىلدىرىپ، تانىم - تۇسىنىكتەرىن اقتارىلا اڭگىمەلەدى. شي جينپيڭ جولداس لەبىزدەرگە قۇلاق تۇرە وتىرىپ، ەستەلىك الىپ، ۋاكىلدەرمەن ىشكەرىلەي تالقى جۇرگىزدى.
شي جينپيڭ جولداس بىلاي دەدى: پارتيا 19 - قۇرىلتايىنىڭ بايانداماسى پارتيا مەن مەملەكەت ىستەرىنىڭ العا باسۋ بەتالىسىن ونان ارى ايقىندادى. ول پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردە جۇڭگوشا سوتسياليزمگە تاباندى بولاتىن جانە ونى دامىتاتىن ساياسي جارناماسى جانە ارەكەت باعدارناماسى. سوندىقتان جۇڭگوشا سوتسياليزمنىڭ جاڭا داۋىرگە ءوتۋى سىندى جاڭا تۇجىرىمدامانى ىشكەرىلەي ۇيرەنۋ جانە ءتۇسىنۋ، ەلىمىز قوعامىنىڭ باستى قايشىلىعىنىڭ وزگەرۋى سىندى جاڭا ەرەكشەلىكتى ىشكەرىلەي ۇيرەنۋ جانە ءتۇسىنۋ، ەكى باسقىشقا ءبولىپ، جاپپاي سوتسياليستىك وسىزاماندانعان مەملەكەت قۇرۋ سىندى جاڭا نىسانانى ىشكەرىلەي ۇيرەنۋ جانە ءتۇسىنۋ، پارتيا قۇرىلىسىنىڭ جاڭا تالاپتارىن ىشكەرىلەي ۇيرەنۋ جانە ءتۇسىنۋ، بۇكىل پارتيانى، بۇكىل ەلدەگى ءار ۇلت حالقىن ءبىر نيەتكە ۇيىسۋعا ىنتالاندىرىپ، ءورىس اشا العا باسىپ، جاڭا داۋىردەگى جۇڭگوشا سوتسياليزمدى العا ىلگەرىلەتۋ كەرەك.
پارتيا 19 - قۇرىلتايى اشىلعان مەزگىلدە ۋاكىلدەر ۇيىرمەلەرىنىڭ جانە سىرتتاي قاتىناسقانداردىڭ ەكى دۇركىن تالقى جۇرگىزىپ، قويعان پىكىرلەرىنە ساي بايانداما نۇسقاسىنا تاعى دا وزگەرىس ەنگىزىلدى.
پارتيا 19 - قۇرىلتايى بايانداماسى پارتيا ءىشى - سىرتىندا، ەل ءىشى - سىرتىندا كۇشتى اڭىس قوزعادى. باياندامانى دايىنداۋ بارىسىنان جانە اڭىسىنان پارتيا 19 - قۇرىلتايى بايانداماسىنىڭ دەموكراتيانى تولىق ساۋلەلەندىرگەن، بۇكىل پارتيانىڭ اقىل - پاراساتىن شوعىرلاندىرعان تۋىندى، بۇكىل پارتيانىڭ ەركىن ايگىلەگەن، حالىقتىڭ ءۇمىت - تىلەگىن ايگىلەگەن بايانداما ەكەنىن كورۋگە بولادى.
اۋەلگى ماقساتتى ۇمىتپاي، بورىشتى ەستە بەرىك ساقتادى
− پارتيا 19 - قۇرىلتايى بايانداماسى شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ۇلى تۋىن بيىك ۇستاپ، ميلليارد حالىقتى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تالىقپاي كۇرەس جۇرگىزۋگە جەتەلەدى
24 - قازان تۇستەن بۇرىن بەيجيڭدەگى حالىق سارايى. جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنىڭ جابىلۋ جينالىسى وسى ارادا وتكىزىلدى. ۇزاققا سوزىلعان قول شاپالاق ءۇنى ىشىندە پارتيا 19 - قۇرىلتايى بايانداماسى ماقۇلداندى.
دۇنيە جۇزىندەگى 2 - ءىرى ەكونوميكالىق تۇلعاعا باسشىلىق ەتكەن، 89 ميلليوننان استام پارتيا مۇشەسى بار دۇنيە جۇزىندەگى ەڭ ۇلكەن ساياسي پارتيا بارعان سايىن كەمەلدەنە ءتۇسۋ، بارعان سايىن قۇدىرەتتەنە ءتۇسۋ سەنىمى مەن كۇش - قۋاتىن دۇنيە جۇزىنە ايگىلەدى. تاياۋ زاماننان بەرى تالاي ازاپ - توزاپتى باستان كەشىرگەن وسى ۇلت ءتىپتى دە مىزعىماس ەرىكپەن، ءتىپتى دە اسقاق جىگەرمەن سوتسياليستىك وسىزامانداندىرۋدىڭ جاڭا ساپارىنا قادام تاستادى.
بۇگىن «قوس 100 جىلدىق» كۇرەس نىساناسىنىڭ تاريحي توعىسۋ مەزگىلىن بەتكە العان ساتتە، پارتيا 19 - قۇرىلتايى بايانداماسى پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا ساپارعا قادام تاستاۋى جونىنەن توتەنشە ماڭىزدى.
− بۇل اۋەلگى ماقساتتى ۇمىتپاي، بورىشتى باتىلدىقپەن ارقالايتىن ساياسي جارناما.
«جۇڭگو كوممۋنيستەرىنىڭ اۋەلگى ماقساتى مەن بورىشى − جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ ۇلى گۇلدەنۋىن كوزدەۋ».
جۇڭگو كوممۋنيستىك پارتياسى دۇنيەگە كەلگەن كۇننەن باستاپ ادىلەت جولىندا ەشتەڭەدەن تايىنباي وسى تاريحي بورىشتى ارقالادى. 96 جىلدىق ايبىندى توڭكەرىس، قۇرىلىس، رەفورما بارىسىندا قاجىماس قايسارلىق كورسەتىپ، كونەنى جاڭالاپ، جىگەرىن مۇقالتپاي، العان بەتىنەن قايتپادى. جۇڭگو كوممۋنيستىك پارتياسىنىڭ باسشىلىعىندا جۇڭحۋا ۇلتى ۇلى گۇلدەنۋدى جۇزەگە اسىرۋدىڭ جارقىن بولاشاعىن قارسى الدى.
وسى اۋەلگى ماقسات 96 جىلدىڭ الدىندا نانحۋ كولىندەگى قىزىل قايىقتا تۇتانعان توڭكەرىس ۇشقىنىنان باستاۋ العان؛ وسى ۋادەنى ورىنداۋ جولىندا ۇرپاقتان - ۇرپاققا جالعاسقان جۇڭگو كوممۋنيستەرى امالياتىن جالعاستىردى، ۋادەدە ەشقاشان وزگەرىس بولمادى.
5 جىلدان بەرگى قىزمەتتەرگە جانە تاريحي وزگەرىستەرگە جان - جاقتى زەر سالىپ، «ۇلى كۇرەستىڭ، ۇلى ينجەنەريانىڭ، ۇلى ءىستىڭ، ۇلى ارماننىڭ» لوگيكالىق بايلانىسىن تەرەڭ بايىمداپ، سوتسياليستىك وسىزاماندانعان قۇدىرەتتى ەلدىڭ نوبايىن جاندى كەستەلەپ، ۇلتتىڭ گۇلدەنۋىنىڭ ۋاقىت كەستەسىن، جول كارتاسىن عىلمي جاسادى... پارتيانىڭ تاريحي بورىشى پارتيا 19 - قۇرىلتايى بايانداماسىنىڭ ءون بويىنا سىڭىرىلگەن، مەملەكەت پەن ۇلتتىڭ وتكەنىمەن، قازىرگىسىمەن، بولاشاعىمەن ساباقتاسقان.
«جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە وڭاي - وسپاق عانا، قۇر ايعاي - سۇرەنمەن بىتە سالاتىن شارۋا ەمەس. بۇكىل پارتيا اناعۇرلىم ماشاحاتتى، اناعۇرلىم قاجىرلى قۇلشىنىس جاساۋعا ساقاداي ساي تۇرۋى قاجەت».
جۇڭگو كوممۋنيستەرىنىڭ تاريحي بورىشتى سانالى تۇردە ارقالاۋىن سانسىز ادام جۇرەكتەر ايعايىمەن قۇپتادى.
جاڭا ءداۋىر شارت - جاعدايىندا تاريح جۇكتەگەن بورىشتى قايتكەندە ويداعىداي ارقالاۋعا بولادى؟
باياندامادا «ۇلى كۇرەس، ۇلى ينجەنەريا، ۇلى ءىس، ۇلى ارمان ءبىر - بىرىمەن تىعىز بايلانىسىپ، ءبىر - بىرىمەن ساباقتاسىپ، ءبىر - بىرىنە اسەر ەتەدى. بۇلاردىڭ ىشىندە شەشۋشى رول اتقاراتىنى پارتيا قۇرىلىسىنداعى جاڭا ۇلى ينجەنەريا» دەپ ايقىن جاۋاپ بەرىلدى.
باياندامادا پارتيا قۇرىلىسىنداعى جاڭا ۇلى ينجەنەريانى ىلگەرىلەتۋ جونىندە جان - جاقتى، جۇيەلى ورنالاستىرۋلار جاسالىپ، پارتيامىزدىڭ تاريحي بورىشتى اناعۇرلىم جاقسى ارقالاۋىنا مىناداي «توڭكەرىستىك شىڭدالۋ» تالابى قويىلدى: «تەمىر سوقساڭ قۇرىش بول»، «پارتيانى جاپپاي قاتاڭ جونگە سالۋ ماڭگى جالعاسادى»، «پارتيانىڭ ساياسي قۇرىلىسىن ماڭداي الدى ورىنعا قويۋ»، «جەمقورلىققا قارسى تۇرۋ كۇرەسىنىڭ تۇبەگەيلى جەڭىسىنە جەتۋ»، «بيلىك جۇرگىزۋ قابىلەتىن جاپپاي كۇشەيتۋ»...
مەيلى ءداۋىر قالاي جاڭارسا دا، سىن - سايىس قانشا اۋىر بولسا دا، جۇڭگو كوممۋنيستىك پارتياسىنىڭ تاريحي بورىشى ەشقاشان وزگەرمەدى، بورىشتى بۇرىنعىداي ارقالادى.
ءبىر شەتەلدىك وقىمىستى كەزىندە «جۇڭگو كوممۋنيستىك پارتياسى بيلىك باسىنداعى پارتيا بولۋمەن بىرگە، بورىشىن ارقالاي بىلەتىن پارتيا» دەپ باعا بەرگەن بولاتىن.
وسى تاريحي بورىش ءوز ەلىنە، حالقىنا، ۇلتىنا دەگەن ادال جاۋابى بولۋمەن بىرگە، كۇللى دۇنيە ءجۇزىنىڭ، كۇللى ادامزاتتىڭ تاعدىرىنا دەگەن قامقورلىق.
جاڭا جۇڭگو قۇرىلعان العاشقى كەزدە ماۋ زىدۇڭ جولداس «جۇڭگو ادامزاتقا ءبىرشاما زور ۇلەس قوسۋى كەرەك» دەپ اتاپ كورسەتكەن بولاتىن.
بۇگىن پارتيا 19 - قۇرىلتايى بايانداماسىندا ايبىندى تۇردە «جۇڭگو كوممۋنيستىك پارتياسى جۇڭگو حالقىنىڭ باقىتىن كوزدەيتىن ساياسي پارتيا ءارى ادامزاتتىڭ العا باسۋ ىستەرى ءۇشىن كۇرەس جۇرگىزەتىن ساياسي پارتيا، جۇڭگو كوممۋنيستىك پارتياسى ادامزاتقا تىڭ دا كەسەك ۇلەس قوسۋدى قاشاندا ءوزىنىڭ بورىشى ساناپ كەلدى» دەپ جاريالاندى.
− بۇل ەل بيلەۋدە حالىقتى بارىنەن جوعارى ورىنعا قويعان دارقاندىق.
ساناققا نەگىزدەلگەندە، 30 مىڭنان استام حانزۋ ارىپىنەن تۇراتىن پارتيا 19 - قۇرىلتاي بايانداماسىندا «حالىق» ءسوزى 200دەن استام رەت اۋىزعا الىنعان.
پارتيا 19 - قۇرىلتايى بايانداماسىنىڭ حالىقتىڭ باقىتىنا دەگەن ىستىق ىقىلاستى پەيىلى باياندامانىڭ ءاربىر ءسوز - سويلەمىنەن مەن مۇندالاپ تۇردى:
«قالا مەن اۋىلداردا مىندەتتى وقۋ - اعارتۋدىڭ ءبىر تۇلعالانىپ دامۋىن ىلگەرىلەتۋ» ورتاعا قويىلىپ، وقۋ - اعارتۋداعى ادىلدىكتى كۇش سالا جەبەپ، اۋىل - قىستاق وقۋ - اعارتۋىنىڭ ولقىلىقتارىن جەدەل تولىقتادى؛
«وقۋ الدىنداعى تاربيەدەن، ءبىلىم الۋدان، ەڭبەكاقىدان، ەمدەلۋدەن، كۇتىمدەلۋدەن، تۇرعىن ۇيدەن، كومەكتەن يگىلىكتەنۋ» ورتاعا قويىلىپ، بۇرىنعى ورتاعا قويىلعان مازمۇندار نەگىزىندە «وقۋ الدىنداعىلار» مەن «السىزدەرگە» كوڭىل ءبولۋ قوسىلىپ، حالىق تۇرمىسىن قامتاماسىزداندىرۋ ءاربىر ادامنىڭ تۇتاس ءومىرىن قامتۋىنا مۇمكىندىك جاسالدى؛
«حالىقتىڭ كىسىلىك ۇقىعىن، مال - مۇلىك ۇقىعىن، ار - نامىس ۇقىعىن قورعاۋ» جازىلىپ، مەملەكەتتىڭ حالىقتىڭ زاڭدى ۇقىق - مۇددەسىن جاپپاي قورعاۋ كۇشەيتىلدى...
پارتيا 19 - قۇرىلتايى بايانداماسىندا ايتىلعان حالىقتىڭ ۇقىعىنا دەگەن قۇرمەتى پارتيامىزدىڭ ەجەلدەن بەرگى حالقتىق پەيىلىن ايگىلەدى: «حالىقتى وزەك ەتۋگە تاباندى بولۋ»، «پارتيانىڭ بۇقارالىق لۋشيانىن ەل باسقارىپ، بيلىك جۇرگىزۋدىڭ تۇتاس بارىسىنا ءسىڭىرۋ»، «حالىقتىڭ قوجا بولۋىنا تاباندى بولۋ»، «حالىقتىڭ قوجا بولۋىن مەملەكەتتىڭ ساياسي ءومىرى مەن قوعامدىق ومىرىندە تياناقتاندىرۋعا كەپىلدىك ەتۋ»، «دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولۋ»، «تۇتاس حالقىتىڭ دامۋ جولىندا بىرگە قۇلشىنىپ، دامۋدان تەڭ يگىلىكتەنۋ بارىسىندا نەعۇرلىم كوپ يگىلىككە كەنەلۋىنە كەپىلدىك ەتۋ»...
«حالىقتى قاشاندا ءبىرىنشى ورىنعا قويۋ. حالىق مەملەكەتتىڭ قوجاسى، جۇڭگو كوممۋنيستىك پارتياسىنىڭ ءومىر ءسۇرۋىنىڭ ءمانى حالىق ءۇشىن قىزمەت كورسەتۋ، بۇل ءتۇيىن باياندامادا ايقىن كورنەكتىلەندى». پارتيا 19 - قۇرىلتايى بايانداماسىن پورتۋگال تىلىندە اۋدارعان اۋدارماشى رافايەلدىڭ بۇل جونىندە تۇسىنىگى تەرەڭ ەكەن.
5 جىلدىڭ الدىندا ەندى عانا ج ك پ ورتالىق كوميتەتىنىڭ باس شۋجيى بولىپ سايلانعان شي جينپيڭ ەل ءىشى - سىرتىنداعى اقپارات قۇرالدارىنا بىلاي دەپ جاريالادى: حالىقتىڭ تاماشا ومىرگە دەگەن تالپىنىسى ءبىزدىڭ كۇرەس نىسانامىز.
پارتيانىڭ 19 - قۇرىلتايى بايانداماسىنداعى «حالىقتىڭ» ورنى ءباز - باياعىسىنداي مىزعىمادى، ءتىپتى ونان ارى ارلەنە ءتۇستى − «حالىقپەن ماڭگى تىنىستاس، تاعدىرلاس، تىلەكتەس بولىپ، حالىقتىڭ تاماشا ومىرگە دەگەن تالپىنىسىن ماڭگى كۇرەس نىساناسى ەتۋ».
− بۇل ۇزاققا كوز جىبەرىپ، الىستى بولجاعان ارەكەت قىبلاناماسى.
پارتيا 19 - قۇرىلتايى بايانداماسىندا جۇڭگوشا سوتسياليزمنىڭ جاڭا داۋىرگە وتكەندىگى سىندى كەلەلى ساياسي تۇجىرىم جاسالىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى سىندى كەلەلى نازاريا جەتىستىكتەرى ورتاعا قويىلدى.
مىنە بۇل 30 مىڭنان ارتىق حانزۋ ارىپىنەن قۇرالعان باياندامانىڭ جانى، سونداي - اق جاڭا ءداۋىردى بەتكەن العان پارتيانىڭ ساياسي جارناماسى مەن ارەكەت باعدارناماسىن ءتۇسىندىرۋدىڭ تەتىگى.
وسىنداي ءبىر قىدىرۋ ماڭىزدى تۇجىرىمداردا دۇنيە ءجۇزى جاعدايىنا بولعان ىشكەرىلەي رەتتەۋلەر، جۇڭگونىڭ دامۋىنداعى تەرەڭ وزگەرىستەر، پارتيامىزدىڭ مەملەكەتتىڭ دامۋ تاريحي ورنىنا دەگەن ايقىن تانىمى ءارى پارتيامىزدىڭ ءداۋىر العا قويعان قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ دەگەن كەلەلى سۇراعىنا بەرگەن انىق جاۋابى قامتىلدى.
باياندامادا ايتىلعان شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنداعى «8 ايقىنداۋ» مەن جاڭا داۋىردە جۇڭگوشا سوتسياليزمنىڭ نەگىزگى باس جوباسىنا تاباندى بولۋداعى جانە ونى دامىتۋداعى «14 تاباندى بولۋدىڭ» ورگانيكالىق بىرلىگى، ءوزارا ۇشتاسۋى، وتكەن 5 جىلداعى ەڭ تەرەڭ مانگە يە يدەيالىق نازاريا جەتىستىگى ءارى پارتيا 19 - قۇرىلتايى بايانداماسىنىڭ ەڭ جارقىن ءتۇيىنى سانالادى.
«ا ق ش ۋالل ستريت گازەتىنىڭ» سايتى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىندا جۇڭگونىڭ ۇزدىكسىز دامۋىنداعى ءدوپ كەلگەن بارلىق شەشىمدەرى مەن سىن - سىناقتارى تۇگەلدەي قامتىلعان سياقتى دەپ جازادى.
«امالياتتا شەك جوق، نازاريادا جاڭالىق اشۋدا شەك جوق».
ۋاكىلدەر حالىق سارايىنىڭ ءىشى مەن سىرتىندا باياندامانى قىزۋ تالقىلاپ، ايرىقشا قۇپتادى. بايانداما شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن پارتيانىڭ، ءسوز جوق، ۇزاق ۋاقىت تاباندى بولاتىن ءارى ۇزدىكسىز دامۋداعى جەتەكشى يدەياسى ەتىپ تۇراقتاندىرىپ، ماركسيزمنىڭ جۇڭگوشالانۋىنداعى تاعى ءبىر رەتكى سەكىرۋدى ىسكە اسىردى. بۇل پارتيامىزدىڭ تاريحتاعى تىڭ دا زور ۇلەسى ءارى جۇڭگو كوممۋنيستەرىنىڭ جاڭا داۋىردەگى رۋحاني تىرەگى جانە كۇش قاينارى.
− بۇل اسقاق سەزىممەن ادامدى جەلپىندىرەتىن، ىنتا - جىگەرگە دەم بەرەتىن ستراتەگيالىق ورنالاستىرۋ.
پارتيا 19 - قۇرىلتايىنان پارتيا 20 - قۇرىلتايىنا دەيىنگى كەزەڭ «قوس 100 جىلدىق» كۇرەس نىساناسىنىڭ تاريحي توعىسۋ كەزەڭى.
حالىقارالىق جانە ەل ىشىندەگى جاعدايعا، ەلىمىزدىڭ دامۋ شارت - جاعدايىنا جان - جاقتى تالداۋ جاساي كەلىپ، پارتيا 19 - قۇرىلتايى بايانداماسىندا 2020 - جىلدان وسى عاسىردىڭ ورتا شەنىنە دەيىنگى كەزەڭدى 2 باسقىشقا ءبولىپ ورنالاستىرۋ ورتاعا قويىلدى.
ءبىرىنشى باسقىش، 2020 - جىلدان 2035 - جىلعا دەيىنگى مەزگىل. بۇل باسقىشتا جاپپاي دوڭگەلەك داۋلەتتى قوعام قۇرىپ شىعۋ نەگىزىندە تاعى دا 15 جىل كۇرەس جاساۋ ارقىلى سوتسياليستىك وسىزاماندانۋدى ىسكە اسىرۋ؛
ەكىنشى باسقىش، 2035 - جىلدان وسى عاسىردىڭ ورتا شەنىنە دەيىنگى مەزگىل. بۇل باسقىشتا وسىزاماندانۋدى نەگىزىنەن جۇزەگە اسىرۋ نەگىزىندە، تاعى 15 جىل كۇرەس جاساۋ ارقىلى ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ.
قازىر دىڭ شياۋپيڭ جولداستىڭ وسىزاماندانۋدى «3 قادامعا ءبولىپ جۇرگىزۋ» ستراتەگياسىن ىسكە اسىرۋدى ورتاعا قويعانىنا تۇپ - تۋرا 30 جىل بولدى.
ۇرپاقتان - ۇرپاققا جالعاسقان تىنىمسىز كۇرەستەر نەگىزىندە، قازىرگى تاڭداعى جۇڭگو كوممۋنيستەرى عىلمي تۇجىرىمدارى جانە تولىق سەنىمى ارقىلى ەكىنشى 100 جىلدىق كۇرەس نىساناسىن ىسكە اسىرۋ ۋاقىت كەستەسىن 15 جىل شەگەردى ءارى ءتىپتى اسقاق نىسانالار، اسقاق تالپىنىستار بەلگىلەپ، جۇڭگوشا سوتسياليزمنىڭ دامۋىن ىلگەرىلەتتى.
ءبىرسىپىرا تىڭ شارالار ىنتا - جىگەرگە دەم بەردى؛ ءبىرسىپىرا ورنالاستىرۋلار ادامدى شابىتتاندىردى.
96 جىلدان بەرى، جۇڭگو كوممۋنيستىك پارتياسى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى تاريحي بورىشتى ارقالاپ، اۋەلگى ماقساتتان جازباي، العان بەتىنەن قايتپاي، حالىقتى ىنتماقتاستىرىپ جانە باستاپ، قاجىماي - تالماي كۇرەس جۇرگىزىپ، ايبىندى دا شۇعىلالى تاريحي داستان جازدى.
«بۇگىن ءبىز ءارقانداي تاريحي كەزەڭمەن سالىستىرعاندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا اناعۇرلىم جاقىنداي تۇستىك، وسى نىسانانى جۇزەگە اسىرۋعا سەنىمىمىز كامىل، قابىلەتىمىز جەتەدى».
جاڭا داۋىردە جاڭا جورىقتى باستاپ، ارمان ءۇشىن كۇرەسكە شاقىرعان ۇندەۋ اسقاقتادى: بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، قايراتتانا العا ۇمتىلىپ، قاجىرلىلىقپەن بەرىلە ىستەپ، وسىزاماندانۋ قۇرىلىسىن ىلگەرىلەتۋ، وتاننىڭ بىرلىككە كەلۋىن ورىنداۋ، دۇنيە ءجۇزىنىڭ بەيبىتشىلىگىن قورعاۋ جانە قاتار دامۋدى جەبەۋ سىندى 3 ۇلكەن تاريحي مىندەتتى ورىنداۋ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تالپىنىسىن ورىنداۋ جولىندا قاجىماي - تالماي كۇرەس جۇرگىزۋ كەرەك.
