جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى اشىلعان كەزدە جانە شي جينپيڭ جولداس ج ك پ ورتالىق كوميتەتىنىڭ باس شۋجيى بولىپ سايلانعاننان كەيىن، ءبىرسىپىرا ەلدەردىڭ ساياسي پارتيالارى، ۇكىمەتتەرى، حالىقارالىق ۇيىمدار، حالىقتىق ۇجىمدار جانە ولاردىڭ باسشىلارى، جۇڭگودا تۇراتىن ەلشىلەر، دوس قايراتكەرلەر، سونداي - اق شەتەلدەردە قونىستانعان جۇڭگولىق مۇھاجىرلار، جۇڭگولىقتار، شياڭگاڭ ەرەكشە اكىمشىلىك رايونىنداعى باۋىرلاستار، اۋمىن ەرەكشە اكىمشىلىك رايونىنداعى باۋىرلاستار جانە تايۋاندىق باۋىرلاستار، ت. ب قۇرىلتايعا، ج ك پ ورتالىق كوميتەتىنە، جاڭادان سايلانعان باسشىلارعا قۇتتىقتاۋ تەلەگراممالارىن، قۇتتىقتاۋ حاتتارىن جولداپ، قىزۋ قۇتتىقتايتىندارىن جانە ىزگى تىلەكتەرىن ءبىلدىردى. ج ك پ ورتالىق كوميتەتىنىڭ كەڭسەسى، ج ك پ ورتالىق كوميتەتىنىڭ سىرتقى قارىم - قاتىناس ءبولىمى ج ك پ ورتالىق كوميتەتىنىڭ جانە باس شۋجي شي جينپيڭنىڭ تاپسىرۋىمەن ولارعا شىنايى راقىمەت ايتادى.
2017 - جىلى 3 - قاراشا
(شينحۋا اگەنتتىگىنىڭ 3 - قاراشادا بەيجيڭنەن بەرگەن حابارى)