(2017 - جىلى 1 - قاراشا)
پارتيانىڭ 19 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ يدەياسىن پارتيانىڭ 19 - قۇرىلتايىنىڭ رۋحىمەن بىرلىككە كەلتىرۋ، كۇش - قۋاتتى پارتيانىڭ 19 - قۇرىلتايىندا بەلگىلەنگەن مىندەتتەرگە ۇيىستىرۋ ءۇشىن، تومەندەگىدەي قارار شىعارىلدى.
ءبىرىنشى، پارتيانىڭ 19 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ كەلەلى ءمانىن جىعا تانۋ
جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى 18 - قازاننان 24 - قازانعا دەيىن بەيجيڭدە وتكىزىلدى. بۇل جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ كەزەڭىندە، جۇڭگوشا سوتسياليزم جاڭا داۋىرگە وتكەن شەشۋشى كەزدە اشىلعان توتەنشە ماڭىزدى قۇرىلتاي. قۇرىلتاي جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، حالىقارالىق، ەل ءىشى جاعدايىنىڭ دامۋىنا، وزگەرىسىنە تالداۋ جاساپ، وتكەن 5 جىلداعى قىزمەت پەن تاريحي سيپاتتى وزگەرىستەرگە قايىرىلا قاراپ جانە ونى قورىتىندىلاپ، جۇڭگوشا سوتسياليزم جاڭا داۋىرگە ءوتتى، ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىر - كەلكى، تولىق بولماۋى اراسىنداعى قايشىلىققا وزگەردى دەگەن سياقتى ماڭىزدى كەلەلى ساياسي تۇجىرىمداردى جاساپ، جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشىن ىشكەرىلەي بايىمدادى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ تاريحي ورنىن تۇراقتاندىردى، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن العا قويدى، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ، سوتسياليستىك وسىزاماندانعان مەملەكەتتى جاپپاي قۇرۋدىڭ تىڭ جورىعىن باستاۋ نىساناسىن بەلگىلەپ، جاڭا داۋىردە جۇڭگوشا سوتسياليزمنىڭ ۇلى ىستەرى مەن پارتيا قۇرىلىسىنىڭ تىڭ دا ۇلى ينجەنەرياسىن العا ىلگەرىلەتۋ جونىنەن جان - جاقتى ورنالاستىرۋ جاسادى. قۇرىلتاي شي جينپيڭ جولداستىڭ پارتيا 18 - كەزەكتى ورتالىق كوميتەتى اتىنان جاساعان «جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزەيىك» دەگەن بايانداماسىن بەكىتتى، ورتالىق ءتارتىپ تەكسەرۋ كوميتەتىنىڭ قىزمەت بايانداماسىن بەكىتتى، «جۇڭگو كوممۋنيستىك پارتياسىنىڭ ۋستاۆىن (وزگەرىس ەنگىزىلگەن نۇسقاسى)» قاراپ ماقۇلدادى، جاڭا كەزەكتى ورتالىق كوميتەتتى جانە ورتالىق ءتارتىپ تەكسەرۋ كوميتەتىن سايلاپ شىقتى.
شي جينپيڭ جولداستىڭ بايانداماسى جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جونىندەگى ءبىرسىپىرا كەلەلى نازاريالىق جانە امالياتتىق ماسەلەلەرگە ەگجەي - تەگجەيلى جاۋاپ بەرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدىڭ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ ۇلى جوباسىن تۇلعالاپ، پارتيا مەن مەملەكەت ىستەرىنىڭ العا باسۋ بەتالىسىن ونان ارى ايقىن كورسەتىپ بەردى، ول − بۇكىل پارتيانىڭ، بۇكىل ەلدەگى ءار ۇلت حالقىنىڭ اقىل - پاراساتىنىڭ جاۋھارى، پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردە جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى جانە ارەكەت باعدارلاماسى، ماركسيزمدىك باعدارلامالىق حۇجات. «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن نۇسقاسى)» شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن پارتيا ۋستاۆىنا ەنگىزىپ، پارتيامىز، ءسوز جوق، ۇزاق ۋاقىت تاباندى بولاتىن جەتەكشى يدەيا ەتىپ تۇراقتاندىردى. وزگەرىس ەنگىزىلگەننەن كەيىنگى پارتيا ۋستاۆى پارتيانىڭ 18 - قۇرىلتايىنان بەرگى پارتيانىڭ نازاريالىق جاسامپازدىعىنىڭ، امالياتتىق جاسامپازدىعىنىڭ، تۇزىمدىك جاسامپازدىعىنىڭ تابىستارىن تولىق بەينەلەدى، پارتيانىڭ 19 - قۇرىلتايىندا تۇراقتاندىرىلعان كەلەلى نازاريالىق كوزقاراستار مەن كەلەلى ستراتەگيالىق يدەيالاردى تولىق بەينەلەدى، ول پارتيانىڭ ىستەرى مەن پارتيانىڭ قۇرىلىسىن العا ىلگەرىلەتۋدە ارناعا ءتۇسىرۋ جانە جەتەكشىلىك ەتۋ رولىن، ءسوز جوق، بارىنشا جاقسى ساۋلەلەندىرەدى.
پارتيا 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە، شي جينپيڭ جولداستى ۇيتقى ەتكەن جاڭا كەزەكتى ورتالىق كوميتەت باسشىلىق كوللەكتيۆى سايلاندى، تاجىريبەسى مول، ءمورالدى دا قابىلەتتى، ەرلىكپەن العا ۇمتىلىپ جۇمىس تىندىراتىن جولداستار ورتالىق باسشىلىق قۇرىلىمعا كىردى، بۇل جۇڭگوشا سوتسياليزم ىستەرىنىڭ قارىشتاي دامۋىن، گۇلدەنىپ - كوركەيۋىن، باي ومىرشەڭدىك كۇشىن تولىق ايگىلەدى.
پارتيانىڭ 19 - قۇرىلتايىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋ پارتيا مەن مەملەكەت قىزمەتىنىڭ جالپى جاعدايىنا سايادى، جۇڭگوشا سوتسياليزم ىستەرىنىڭ ۇزاق بولاشاقتىق دامۋىنا سايادى، ەڭ كەڭ حالىقتىڭ ءتۇبىرلى مۇددەسىنە سايادى، بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە بارىنشا ىنتىماقتاسا توپتاسۋعا جۇمىلدىرۋدا، جۇڭگوشا سوتسياليزم ۇلى تۋىن بيىك ۇستاپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، وسىزامانداندىرۋ قۇرىلىسىن العا ىلگەرىلەتۋ، وتاننىڭ بىرلىككە كەلۋىن ورىنداۋ، دۇنيە ءجۇزىنىڭ بەيبىتشىلىگىن قورعاۋ جانە بىرگە دامۋدى جەبەۋ سىندى 3 ۇلكەن تاريحي مىندەتتى جۇزەگە اسىرۋ جولىندا، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ باقىتتى تۇرمىسقا دەگەن تالپىنىسىن جۇزەگە اسىرۋ جولىندا ۇزدىكسىز كۇرەس جۇرگىزۋدە كەلەلى رەال مانگە جانە تەرەڭ تاريحي مانگە يە.
ەكىنشى، پارتيانىڭ 19 - قۇرىلتايىنىڭ رۋحىن جاپپاي، دۇرىس ۇيرەنۋ، ءتۇسىنۋ
پارتيانىڭ 19 - قۇرىلتايىنىڭ رۋحىن ۇيرەنۋ، ءتۇسىنۋ ءۇشىن، ءسوز جوق، جاپپاي، دۇرىس بولۋدان جازباۋ، ءتۇپ نۇسقانى وقۋعا، ءتۇپ نۇسقانى ۇيرەنۋگە، قاعيدانى تۇسىنۋگە تاباندى بولۋ، جەتە ۇيرەنۋ، شىنايى ءتۇسىنۋ كەرەك. پارتيانىڭ 19 - قۇرىلتايىنىڭ بايانداماسى مەن پارتيا ۋستاۆىن مۇقيات زەر سالا وقىپ، باس شۋجي شي جينپيڭنىڭ پارتيا 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنىپ، تومەندەگى بىرنەشە جاقتى كۇش سالا مىقتى يگەرۋ كەرەك.
1. پارتيانىڭ 19 - قۇرىلتايىنىڭ باستى تاقىرىبىن تەرەڭ ءتۇسىنۋ. اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ. بۇل پارتيانىڭ 19 - قۇرىلتايىنىڭ باستى تاقىرىبى، ول پارتيامىز جاڭا داۋىردە قانداي تۋ ۇستاۋى، قانداي جولمەن ءجۇرۋى، قانداي رۋحاني كۇيمەن، قانداي تاريحي بورىشتى ارقالاۋى، قانداي كۇرەس نىساناسىن جۇزەگە اسىرۋى كەرەك دەگەن كەلەلى ماسەلەگە ايقىن جاۋاپ بەردى. جۇڭگو كوممۋنيستەرىنىڭ اۋەلگى ماقساتى مەن بورىشى − جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ. وسى اۋەلگى ماقسات پەن بورىش − جۇڭگو كوممۋنيستەرىن تىنباي العا ىلگەرىلەۋگە ىنتالاندىراتىن ءتۇبىرلى قوزعاۋشى كۇش. جۇڭگوشا سوتسياليزم رەفورما جاساۋ، ەسىك اشۋدان بەرگى پارتيانىڭ بارلىق نازاريالىق جانە امالياتتىق باستى تاقىرىبى سانالادى، بولاشاقتاعى جورىقتا جۇڭگوشا سوتسياليزم ۇلى تۋىن بيىك ۇستاۋ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن ەرەكشە سانالىلىقپەن كۇشەيتىپ، پارتيا مەن مەملەكەت ىستەرىنىڭ دۇرىس بەتالىستى بويلاپ جەڭىسپەن العا ىلگەرىلەۋىنە شىنايى كەپىلدىك ەتۋ كەرەك. جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ − 2020 - جىلى، ءسوز جوق، ورىنداۋعا ءتيىستى كۇرەس نىساناسى، بۇكىل پارتيانىڭ، بۇكىل ەلدىڭ كۇشىن جۇمىلدىرىپ، ءبىرىنشى 100 جىلدىق كۇرەس نىساناسىن جۇزەگە اسىرۋ جولىندا كۇرەس جۇرگىزۋ كەرەك. جاپپاي دوڭگەلەك داۋلەتتى قوعام قۇرۋ − پارتيا مەن مەملەكەت ىستەرى دامۋىنىڭ كەزەڭدىك سيپاتتى نىساناسى، وسى نىسانا جۇزەگە اسقاننان كەيىن، ءبىز تىڭ تاريحي باستامادا جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋىمىز كەرەك.
2. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ تاريحي ورنى مەن مايەكتى ءمانىن تەرەڭ ءتۇسىنۋ. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن جارىسا العا ىلگەرىلەۋگە، شىندىققا جۇگىنىپ، ناقتى ىستەر ىستەۋگە تاباندى بولىپ، ديالەكتيكالىق ماتەرياليزم مەن تاريحي ماتەرياليزمنەن جازباي، جاڭا داۋىرلىك شارت - جاعدايمەن جانە امالياتتىق تالاپپەن تىعىز ۇشتاستىرىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمىن شىت جاڭا تۇرعىدان تەرەڭدەتىپ، قاجىرلىلىقپەن نازاريالىق ىزدەنىس جاساپ، كەلەلى نازاريالىق جەتىستىكتەرگە جەتىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جاراتتى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، «ۇشكە ۋاكىلدىك ەتۋ» ماڭىزدى يدەياسىنىڭ، عىلمي دامۋ كوزقاراسىنىڭ جالعاستىرىلۋى جانە دامىتىلۋى، ماركسيزمدى جۇڭگوشالاندىرۋدىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى، جۇڭگوشا سوتسياليزم نازاريالىق جۇيەسىنىڭ ماڭىزدى قۇرامداس بولىگى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىنداعى كۇرەسىنىڭ ارەكەت قىبلاناماسى، وعان ۇزاق ۋاقىت تاباندى بولۋ جانە ونى ۇزدىكسىز دامىتۋ قاجەت. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى قالاي دامىتۋ سىندى كەلەلى داۋىرلىك تاقىرىپقا نازاريا مەن امالياتتى ۇشتاستىرۋ نەگىزىندە جۇيەلى تۇردە جاۋاپ بەردى، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ باس نىساناسى، باس مىندەتى، تۇلعالىق ورنالاستىرۋى، ستراتەگيالىق ورنالاستىرۋى جانە دامۋ بەتالىسى، دامۋ ءتاسىلى، دامۋ قوزعاۋشى كۇشى، ستراتەگيالىق شاراسى، سىرتقى شارت - جاعداي، ساياسي كەپىلدىك سياقتى نەگىزدىك ماسەلەلەرگە جاۋاپ بەرىپ، جاڭا امالياتقا سايكەس ەكونوميكا، ساياسي، زاڭمەن جونگە سالۋ، عىلىم - تەحنيكا، مادەنيەت، وقۋ - اعارتۋ، حالىق تۇرمىسى، ۇلت، ءدىن، قوعام، ەكولوگيالىق وركەنيەت، مەملەكەت حاۋىپسىزدىگى، مەملەكەت قورعانىسى مەن ارميا، «ءبىر ەل، ەكى ءتۇزىم» مەن وتاننىڭ بىرلىككە كەلۋى، بىرلىكساپ، ديپلوماتيا، پارتيا قۇرىلىسى سياقتى جاقتارعا مەڭزەس نازاريالىق تالداۋ جاسادى جانە ساياساتتىق جەتەكشىلىك ەتتى. پارتيانىڭ 19 - قۇرىلتايىنىڭ بايانداماسى وسى يدەيانىڭ باستى مازمۇنىن «8 ايقىنداۋمەن» تۇجىرىمدادى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن دايەكتىلەندىرۋ، تياناقتاندىرۋ ءۇشىن، پارتيانىڭ 19 - قۇرىلتايىنىڭ بايانداماسى جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن العا قويىپ، ونى «14 تاباندى بولۋعا» جيناقتادى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى جەتەكشى يدەيا دەڭگەيىندەگى بايىمداۋ، ارەكەت باعدارلاماسى دەڭگەيىندەگى جۇڭگوشا سوتسياليزمنىڭ نەگىزگى جالپى جوباسى دەپ اتالدى. ول پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرۋ ءۇشىن، پارتيا مەن حالىق ىستەرىنىڭ دامۋىنا اناعۇرلىم جاقسى جەتەكشىلىك ەتەدى.
3. پارتيا 18 - قۇرىلتايىنان بەرگى پارتيا مەن مەملەكەت ىستەرىندە تۋىلعان تاريحي وزگەرىستەردى تەرەڭ ءتۇسىنۋ. پارتيا 18 - قۇرىلتايىنان بەرگى 5 جىل پارتيا مەن مەملەكەتتىڭ دامۋ ۇردىسىندەگى ەرەكشە وزگەشە 5 جىل بولدى. 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى قازىرگى الەمنىڭ جانە قازىرگى زامانعى جۇڭگونىڭ دامۋ بەتالىسىن عىلمي تۇردە يگەرىپ، امالياتتىڭ تالابى مەن حالىقتىڭ تىلەگىنە ۇيلەسىپ، تۋ كوتەرىپ، بەتالىس بەلگىلەپ، ستراتەگيا جاساپ، ۇلى كۇرەستى، ۇلى ينجەنەريانى، ۇلى ىستەردى، ۇلى ارماندى جاپپاي جوسپارلاپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، اسقان ساياسي ەرلىكپەن، كۇشتى جاۋاپكەرلىك بورىشپەن، ءبىر قىدىرۋ جاڭا ۇستانىمدار، جاڭا يدەيالار، جاڭا ستراتەگيالار العا قويدى، ءبىر قىدىرۋ ءىرى باعىت - ساياساتتاردى بەلگىلەدى، ءبىر قىدىرۋ كەلەلى شارالاردى شىعاردى، ءبىر قىدىرۋ كەلەلى قىزمەتتەردى جۇرگىزدى، ۇزاق ۋاقىتتان بەرى شەشۋدى ويلاساق تا، شەشە الماعان ءبىرتالاي قيىن ماسەلەلەردى شەشىپ، ىلگەرى ىستەۋدى ويلاساق تا، ىستەي الماعان ءبىرتالاي ۇلكەن ىستەردى ىستەپ، پارتيا مەن مەملەكەت ىستەرىندە تاريحي سيپاتتى بۇرىلىس جاساۋدى ىلگەرىلەتتى. 5 جىلدان بەرگى جەتىستىكتەر جان - جاقتى، جاسامپازدىققا تولى بولدى، 5 جىلدان بەرگى وزگەرىستەر تەرەڭ قاتپارلى، ءتۇبىرلى سيپاتتى بولدى. بۇل تاريحي وزگەرىستەر پارتيا مەن مەملەكەت ىستەرىنىڭ دامۋىندا ماڭىزدى مانگە جانە تەرەڭ ىقپالعا يە.
ۇزاق ۋاقىت قۇلشىنۋ ارقىلى، جۇڭگوشا سوتسياليزم جاڭا داۋىرگە ءوتتى، بۇل − ەلىمىز دامۋىنىڭ جاڭا تاريحي بەلەسى. بۇل جاڭا ءداۋىر − الدىڭعىلارعا مۇراگەر، كەيىنگىلەرگە بۇيداگەر بولىپ، بولاشاققا جول اشاتىن، جاڭا تاريحي شارت - جاعدايدا جۇڭگوشا سوتسياليزمنىڭ ۇلى جەڭىسىنە ۇزدىكسىز قول جەتكىزەتىن ءداۋىر، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتەتىن، جاپپاي سوتسياليستىك وسىزاماندانعان قۇدىرەتتى ەل قۇراتىن ءداۋىر، بۇكىل ەلدەگى ءار ۇلت حالقى ىنتىماقتاسا كۇرەس جۇرگىزەتىن، ۇزدىكسىز تاماشا تۇرمىس جاراتاتىن، جالپى حالىقتىڭ بىرگە اۋقاتتانۋىن بىرتىندەپ جۇزەگە اسىراتىن ءداۋىر، بارلىق جۇڭحۋا پەرزەنتتەرى ءبىر جاعادان باس، ءبىر جەڭنەن قول شىعارىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن قۇلشىنا جۇزەگە اسىراتىن ءداۋىر، ەلىمىز دۇنيە ساحناسىنىڭ تورىنە جاقىنداي تۇسەتىن، ادامزات ءۇشىن ۇزدىكسىز اناعۇرلىم زور ۇلەستەر قوساتىن ءداۋىر. جۇڭگوشا سوتسياليزمنىڭ جاڭا داۋىرگە ءوتۋى جۇڭحۋا حالىق رەسپۋبليكاسىنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا كەلەلى مانگە يە، دۇنيە ءجۇزى سوتسياليزمىنىڭ دامۋ تاريحىندا، ادامزات قوعامىنىڭ دامۋ تاريحىندا دا كەلەلى مانگە يە. بۇل تاياۋ زاماننان بەرگى تار جول، تايعاق كەشۋلەردى باسىنان وتكەرگەن جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى العاندىعىنان، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى نۇرلى بولاشاقتى قارسى العاندىعىنان دەرەك بەرەدى؛ عىلمي سوتسياليزمنىڭ 21 - عاسىرداعى جۇڭگودا قۇدىرەتتى ومىرشەڭدىك قۋاتىن ايگىلەپ، دۇنيە جۇزىندە جۇڭگوشا سوتسياليزم ۇلى تۋىن بيىك ۇستاعاندىعىنان دەرەك بەرەدى؛ جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ ۇزدىكسىز دامىپ، دامۋ ۇستىندەگى ەلدەردىڭ وسىزاماندانۋعا بەت الۋ ارناسىن كەڭەيتىپ، دۇنيە جۇزىندەگى جەدەل دامۋدى كوكسەيتىن ءارى ءوزىنىڭ دارالىعىن ساقتاۋدى ارماندايتىن ەلدەر مەن ۇلتتار ءۇشىن شىت جاڭا تالعام ازىرلەپ، ادامزات ءدوپ كەلىپ وتىرعان ماسەلەلەردى شەشۋگە جۇڭگونىڭ اقىل - پاراساتى مەن جۇڭگونىڭ جوباسىن ارناعاندىعىنان دەرەك بەرەدى.
5. ەلىمىز قوعامىنىڭ باستى قايشىلىعىنىڭ وزگەرىسىن تەرەڭ ءتۇسىنۋ. جۇڭگوشا سوتسياليزم جاڭا داۋىرگە ءوتىپ، ەلىمىز قوعامىنىڭ باستى قايشىلىعى حالىقتىڭ كۇن سايىن ارتقان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى. ەلىمىز ءبىر ميللياردتان استام ادامنىڭ ىشەر اس، كيەر كيىم ماسەلەسىن ورنىقتى شەشىپ، دوڭگەلەك داۋلەتتى جالپى تۇلعالىق جاقتان جۇزەگە اسىردى، كوپ ۇزاماي جاپپاي دوڭگەلەك داۋلەتتى قوعام قۇرىپ شىعادى، حالىقتىڭ تاماشا تۇرمىس قاجەتى كۇن سايىن ارتا تۇسۋدە، بۇل ماتەريالدىق مادەني تۇرمىسقا اناعۇرلىم جوعارى تالاپ قويىپ قانا قالماستان، ونىڭ ۇستىنە دەموكراتيا، زاڭمەن باسقارۋ، ادىلدىك، ادىلەتتىلىك، حاۋىپسىزدىك، قورشاعان ورتا سياقتى جاقتارداعى تالاپ تا كۇن ساناپ ارتىپ كەلەدى. سونىمەن قاتار، ەلىمىزدىڭ قوعامدىق وندىرگىش كۇش دەڭگەيى جالپى تۇلعالىق جاقتان كورنەكتى جوعارىلاپ، قوعامدىق ءوندىرىس قۋاتى كوپتەگەن جاقتاردا دۇنيە ءجۇزىنىڭ الدىڭعى قاتارىنا ءوتتى، دامۋدىڭ بىركەلكى، تولىق بولماۋى ماسەلەسى بۇرىنعىدان دا كورنەكتىلەنىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋعا تۇساۋ بولاتىن باستى فاكتورعا اينالدى. ەلىمىز قوعامىنىڭ باستى قايشىلىعىنىڭ وزگەرۋى جالپى جاعدايعا ساياتىن تاريحي وزگەرىس، ول پارتيا مەن مەملەكەت قىزمەتىنە كوپتەگەن جاڭا تالاپتار قويدى. دامۋدى ۇزدىكسىز جەبەۋ نەگىزىندە دامۋدىڭ بىركەلكى، تولىق بولماۋى ماسەلەسىن كۇش سالا ويداعىداي شەشىپ، دامۋدىڭ ساپاسى مەن ونىمدىلىگىن بارىنشا جوعارىلاتىپ، حالىقتىڭ ەكونوميكا، ساياسي، مادەنيەت، قوعام، ەكولوگيا سياقتى جاقتاردا كۇن سايىن ارتىپ وتىرعان قاجەتىن اناعۇرلىم ويداعىداي قاناعاتتاندىرىپ، ادامنىڭ جان - جاقتى جەتىلۋىن، قوعامنىڭ جاپپاي العا باسۋىن اناعۇرلىم ويداعىداي جەبەۋ كەرەك. ەلىمىز قوعامىنىڭ باستى قايشىلىعىنىڭ وزگەرىسى ەلىمىزدىڭ سوتسياليزمنىڭ العاشقى ساتىسىندا تۇرعانى جونىندەگى تۇجىرىمدى وزگەرتكەن جوق، ەلىمىز ءالى دە سوتسياليزمنىڭ العاشقى ساتىسىندا تۇرعاندىعى ءارى ۇزاق ۋاقىت تۇراتىندىعى سىندى نەگىزگى مەملەكەت جاعدايىن وزگەرتكەن جوق، ەلىمىزدىڭ دۇنيە جۇزىندەگى ەڭ ءىرى دامۋ ۇستىندەگى مەملەكەت سىندى حالىقارالىق ورنىن وزگەرتكەن جوق. ءبىز سوتسياليزمنىڭ العاشقى ساتىسى سىندى نەگىزگى مەملەكەت جاعدايىن بەرىك يگەرىپ، سوتسياليزمنىڭ العاشقى ساتىسى سىندى ەڭ ۇلكەن ءىس جۇزىندىكتى بەرىك تياناق ەتىپ، پارتيا مەن مەملەكەتتىڭ جان تامىرى، حالىقتىڭ باقىت ارقاۋى بولعان پارتيانىڭ نەگىزگى لۋشيانىنا بەرىك تاباندى بولۋىمىز كەرەك.
6. جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشىن تەرەڭ ءتۇسىنۋ. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − تاياۋ زاماننان بەرگى جۇڭحۋا ۇلتىنىڭ ەڭ ۇلى ارمانى. جۇڭگو كوممۋنيستىك پارتياسى قۇرىلا سالىسىمەن، كوممۋنيزمدى جۇزەگە اسىرۋدى پارتيانىڭ ەڭ جوعارى مۇرا تى جانە تۇپكى نىساناسى ەتىپ، جۇڭحۋا ۇلتىنىڭ ۇلى گۇلدەنۋى سىندى تاريحي جاۋاپكەرشىلىكتى ءارى - ءسارى بولماستان ارقالاپ، حالىقتى ىنتىماقتاستىرىپ جانە باستاپ، اسا ماشاقاتتى كۇرەس جۇرگىزىپ، ايبىندى دا شۇعىلالى تاريحي داستان جازدى. بۇگىن، ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن جاقىنداي تۇستىك، وسى نىسانانى جۇزەگە اسىرۋعا سەنىمىمىز كامىل، قابىلەت - قۋاتىمىز دا قاپتال جەتەدى. «100 شاقىرىمدىق جولدىڭ 90 شاقىرىمىن باسساڭ دا، ءالى جولدامىن دەپ ءبىل» دەگەن. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە وڭاي - وسپاق، قۇر ايعاي - سۇرەنمەن بىتە سالاتىن شارۋا ەمەس، وعان، ءسوز جوق، ءتىپتى دە ماشاقاتتى، ءتىپتى دە جاپالى قۇلشىنىس جاساۋعا دايىندالۋ كەرەك. ۇلى ارماندى جۇزەگە اسىرۋ ءۇشىن، ءسوز جوق، ۇلى كۇرەستەر جۇرگىزۋ كەرەك. بۇل ۇلى كۇرەس − كوپتەگەن جاڭا تاريحي ەرەكشەلىكتەرگە يە ۇلى كۇرەس. وسى ۇلى كۇرەستىڭ ۇزاق ۋاقىتتىلىعىن، كۇردەلىلىگىن، جاپالىلىعىن جەتە تانىپ، كۇرەسكەرلىك رۋحتى ساۋلەلەندىرىپ، كۇرەس جۇرگىزۋ قابىلەتىن جوعارىلاتىپ، ۇلى كۇرەستىڭ تىڭ جەڭىسىنە ۇزدىكسىز قول جەتكىزۋ كەرەك. ۇلى ارماندى جۇزەگە اسىرۋ ءۇشىن، ۇلى ينجەنەريا جۇرگىزۋ قاجەت. بۇل ۇلى ينجەنەريا − پارتيامىز ىشكەرىلەي جۇرگىزىپ وتىرعان پارتيا قۇرىلىسى سىندى جاڭا دا ۇلى ينجەنەريا. پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز كۇشەيتىپ، پارتيامىزدىڭ تاسقىنداعان ومىرشەڭدىگى مەن قۇدىرەتتى جاۋىنگەرلىك قۋاتىن ماڭگى ساقتاۋىنا شىن مانىندە كەپىلدىك ەتۋ كەرەك. ۇلى ارماندى جۇزەگە اسىرۋ ءۇشىن، ۇلى ىستەردى تىندىرۋ قاجەت. بۇل ۇلى ءىس − جۇڭگوشا سوتسياليزم ۇلى ءىسى. «4 سەنىمدى» ءتىپتى دە سانالىلىقپەن كۇشەيتىپ، تۇيىققا تىرەيتىن كونە سۇردەكپەن دە جۇرمەۋ، باعداردان اداستىراتىن تەرىس جولعا دا تۇسپەۋ، جۇڭگوشا سوتسياليزمگە باستان - اياق تاباندى بولۋ جانە ونى دامىتۋ كەرەك. ۇلى كۇرەس، ۇلى ينجەنەريا، ۇلى ءىس، ۇلى ارمان ءبىر - بىرىمەن تىعىز بايلانىسىپ، ءبىر - بىرىمەن ساباقتاسىپ، ءبىر - بىرىنە اسەر ەتەدى، بۇلاردىڭ ىشىندە شەشۋشى رول اتقاراتىنى − پارتيا قۇرىلىسى سىندى جاڭا دا ۇلى ينجەنەريا. ۇلى ينجەنەريا جۇرگىزۋدە، ونى ۇلى كۇرەستىڭ، ۇلى ءىستىڭ، ۇلى ارماننىڭ امالياتىمەن ۇشتاستىرا وتىرىپ جۇرگىزۋ، پارتيانىڭ قاشاندا زامانانىڭ الدىڭعى لەگىندە بولۋىنا، قاشاندا بۇكىل ەل حالقىنىڭ تىرەگى بولۋىنا، قاشاندا قۇدىرەتتى باسشىلىق ۇيتقى بولۋىنا شىن مانىندە كەپىلدىك ەتۋ كەرەك.
7. ءبىرىنشى 100 جىلدىق كۇرەس نىساناسىن جۇزەگە اسىرۋدى جانە ەكىنشى 100 جىلدىق كۇرەس نىساناسىنا قاراي جورىق جاساۋدى تەرەڭ ءتۇسىنۋ. رەفورما جاساپ، ەسىك اشقاننان كەيىن، پارتيامىز ەلىمىزدىڭ سوتسياليستىك وسىزاماندانۋ قۇرىلىسى جونىندە ستراتەگيالىق ورنالاستىرۋ جاساپ، «3 قادامعا ءبولىپ جۇرگىزۋ» ستراتەگيالىق نىساناسى مەن «قوس 100 جىلدىق» كۇرەس نىساناسىن العا قويدى. قازىردەن باستاپ 2020 - جىلعا دەيىن − جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ كەزەڭى. جاپپاي دوڭگەلەك داۋلەتتى قوعام قۇرىپ شىعۋدىڭ تالاپتارىنا ساي، ەلىمىز قوعامىنداعى باستى قايشىلىقتىڭ وزگەرىسىن مىقتاپ تياناق ەتىپ، تۇيىندەردى مىقتى يگەرۋدى، ولقىلىقتاردى تولىقتاۋدى، ءالسىز بۋىنداردى كۇشەيتۋدى كورنەكتىلەندىرۋ، اسىرەسە، ۇلكەن حاۋىپ - قاتەردەن ساقتانۋدان جانە ونى جويۋدان، كەدەيلىكتەن دالمە - ءدال قۇتىلدىرۋدان، لاستانۋدان ساقتانۋدان جانە ونى وڭاۋدان قامال الۋ شايقاسىن باتىلدىقپەن ويداعىداي جۇرگىزىپ، جاپپاي دوڭگەلەك داۋلەتتى قوعام قۇرىپ شىعۋدىڭ حالىقتىڭ قۇپتاۋىنا يە بولۋىنا، تاريحتىڭ سىنىنان سۇرىنبەي وتۋىنە مۇمكىندىك جاساۋ كەرەك. پارتيا 19 - قۇرىلتايى ەكىنشى 100 جىلدىق كۇرەس نىساناسى جونىندە ستراتەگيالىق جوبا جاساپ، جاپپاي سوتسياليستىك وسىزاماندانعان مەملەكەت قۇرىپ شىعۋدىڭ جاڭا ساپارىن 2 باسقىشقا ءبولىپ ورنالاستىردى. ءبىرىنشى باسقىش، 2020 - جىلدان 2035 - جىلعا دەيىنگى مەزگىل، بۇل باسقىشتا جاپپاي دوڭگەلەك داۋلەتتى قوعام قۇرىلعان نەگىزدە، تاعى 15 جىل كۇرەس جاساۋ ارقىلى سوتسياليستىك وسىزاماندانۋدى نەگىزىنەن جۇزەگە اسىرامىز. ەكىنشى باسقىش، 2035 - جىلدان وسى عاسىردىڭ ورتاسىنا دەيىنگى مەزگىل، بۇل باسقىشتا وسىزامانداندىرۋ نەگىزىنەن جۇزەگە اسقان نەگىزدە، تاعى 15 جىل كۇرەس جاساۋ ارقىلى ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعامىز. جاپپاي دوڭگەلەك داۋلەتتى قوعام قۇرىپ شىعۋدان وسىزاماندانۋدى نەگىزىنەن جۇزەگە اسىرۋ، ودان جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ − جاڭا داۋىردەگى جۇڭگوشا سوتسياليزمدى دامىتۋدىڭ ستراتەگيالىق ورنالاستىرۋى.
8. سوتسياليستىك ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى سياقتى جاقتارداعى كەلەلى ورنالاستىرۋلاردى تەرەڭ ءتۇسىنۋ. ەكونوميكالىق قۇرىلىس جاعىندا، جاڭا دامۋ ۇستانىمدارىن دايەكتىلەندىرىپ، وسىزاماندانعان ەكونوميكالىق جۇيە قۇرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ەكونوميكالىق دامۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ، ەلىمىز ەكونوميكاسىنىڭ جاسامپازدىق قۋاتى مەن باسەكەلىك قۋاتىن ۇزدىكسىز كۇشەيتۋ كەرەك. ساياسي قۇرىلىس جاعىندا، پارتيانىڭ باسشىلىعىنىڭ، حالىقتىڭ قوجا بولۋىنىڭ، مەملەكەتتى زاڭمەن جونگە سالۋدىڭ ورگانيكالىق بىرلىگىنە تاباندى بولىپ، حالىق قوجا بولاتىن تۇزىمدىك جۇيەنى كەمەلدەندىرىپ، سوتسياليستىك دەموكراتيالىق ساياسيدى دامىتىپ، سوتسياليستىك دەموكراتيالىق ساياسيدىڭ تۇزىمدەنۋىن، ولشەمدەنۋىن، جۇيەلىلەنۋىن جەبەۋ كەرەك. مادەنيەت قۇرىلىسى جاعىندا، مادەنيەتكە دەگەن سەنىمدى بەكەمدەپ، سوتسياليستىك مادەنيەتتىڭ گۇلدەنىپ - كوركەيۋىن ىلگەرىلەتىپ، يدەولوگيالىق قىزمەتكە باسشىلىق بيلىكتى مىقتى ۇستاپ، سوتسياليستىك وزەكتى قۇن كوزقاراسىن جەتىلدىرىپ جانە جۇزەگە اسىرىپ، يدەيا - ءمورال قۇرىلىسىن كۇشەيتىپ، سوتسياليستىك ادەبيەت - كوركەمونەردى كوركەيتىپ جانە دامىتىپ، مادەنيەت ىستەرى مەن مادەنيەت كاسىبىنىڭ دامۋىن ىلگەرىلەتۋ كەرەك. قوعامدىق قۇرىلىس جاعىندا، حالىق تۇرمىسىن قامتاماسىز ەتۋ جانە ونى جاقسارتۋ دەڭگەيىن جوعارىلاتىپ، قوعامدىق جونگە سالۋدى كۇشەيتىپ جانە وعان جاڭالىق ەنگىزىپ، حالىقتىڭ كۇن سايىن ارتقان تاماشا تۇرمىس قاجەتىن ۇزدىكسىز قاناعاتتاندىرىپ، رەفورمانىڭ، دامۋدىڭ تابىستارىمەن بارشا حالىققا ءتىپتى دە كوپ، ءتىپتى دە ءادىل پايدا جەتكىزۋ كەرەك. ەكولوگيالىق وركەنيەت قۇرىلىسى جاعىندا، تۇنىق سۋ، جاسىل تاۋدىڭ ءوزى بايلىق دەيتىن ۇستانىمدى جۇزەگە اسىرىپ، ەكولوگيالىق وركەنيەت ءتۇزىلىسى رەفورماسىن جەدەلدەتىپ، بايلىقتى ۇنەمدەيتىن جانە قورشاعان ورتانى قورعايتىن كەڭىستىكتىك جاعدايدى، كاسىپ سالاسىندىق قۇرىلىمدى، ءوندىرىس ءتاسىلىن، تۇرمىس ءتاسىلىن قالىپتاستىرىپ، كورىكتى جۇڭگو قۇرۋ كەرەك.
9. مەملەكەت قورعانىسىنىڭ، ارميا قۇرىلىسىنىڭ، شياڭگاڭ، اۋمىن، تايۋان قىزمەتىنىڭ جانە سىرتقى ىستەر قىزمەتىنىڭ كەلەلى ورنالاستىرۋىن تەرەڭ ءتۇسىنۋ. مەملەكەتتىڭ حاۋىپسىزدىك ورتاسىنىڭ تەرەڭ وزگەرىستەرىنە، مەملەكەتتى، ارميانى قۇدىرەتتەندىرۋدەگى ءداۋىر تالابىنا مەڭزەس، ءسوز جوق، ارميانى قۇدىرەتتەندىرۋدىڭ جۇڭگوشا جولىنان اۋىتقىماي، شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، جاڭا جاعدايداعى اسكەري ىستەر ستراتەگيالىق باعىتىن دايەكتىلەندىرىپ، وسىزاماندانعان مىعىم قۇرلىق كۇشتەرىن، تەڭىز كۇشتەرىن، اۋە كۇشتەرىن، زىمىران كۇشتەرىن جانە ستراتەگيالىق كومەك قوسىندارىن قۇرىپ، سوعىس مايدانىندا بىرلەسىپ شايقاس جۇرگىزە الاتىن قايسار، جوعارى ءونىمدى قولباسشىلىق قۇرىلىمىن قالىپتاستىرىپ، جۇڭگوشا وسى زامانعى سوعىس جۇرگىزۋ جۇيەسىن ورناتىپ، مەملەكەت قورعانىسى مەن ارميانىڭ وسىزاماندانۋىن جاپپاي ىلگەرىلەتىپ، حالىق ارمياسىن دۇنيە جۇزىندەگى الدىڭعى قاتارداعى ارميا ەتىپ قۇرىپ شىعۋ. شياڭگاڭ مەن اۋمىننىڭ ۇزاق ۋاقىت گۇلدەنىپ - كوركەيۋى مەن ورنىقتىلىعىن ساقتاۋدا «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن، ءسوز جوق، جان - جاقتى دۇرىس دايەكتىلەندىرىپ، جۇمىستى نەگىزگى زاڭ مەن ءتۇبىرلى زاڭعا ساي قاتاڭ جۇرگىزىپ، شياڭگاڭدىق، اۋمىندىق باۋىرلاستاردىڭ وتان حالقىمەن بىرگە ۇلتتى گۇلدەندىرۋ تاريحي جاۋاپكەرشىلىگىن تەڭ ارقالاپ، وتاننىڭ گۇلدەنىپ - كوركەيۋى، باي - قۇدىرەتتى بولۋداعى ۇلى داڭقتان بىردەي كەنەلۋىنە مۇمكىندىك تۋدىرۋ كەرەك. «بەيبىت جولمەن بىرلىككە كەلۋ، ءبىر ەل، ەكى ءتۇزىم» باعىتىنا، ءسوز جوق، ۇزدىكسىز تاباندى بولىپ، ەكى جاعالاۋدىڭ ەكونوميكا، مادەنيەت جاعىنداعى اۋىس - كۇيىسى مەن سەلبەستىگىن كەڭەيتىپ، ەكى جاعالاۋداعى باۋىرلاستاردىڭ جۇڭحۋا مادەنيەتىن بىرگە ساۋلەلەندىرۋىن ىلگەرىلەتىپ، ەكى جاعالاۋ قاتىناسىنىڭ بەيبىت دامۋىن ىلگەرىلەتىپ، وتاندى بەيبىت جولمەن بىرلىككە كەلتىرۋ اياق الىسىن ىلگەرىلەتىپ، ءارقانداي ادامنىڭ، ءارقانداي ۇيىمنىڭ، ءارقانداي ساياسي پارتيانىڭ ءارقانداي كەزدە ءارقانداي فورمامەن جۇڭگو تەرريتورياسىنىڭ ءارقانداي ءبىر بولىگىن جۇڭگودان ءبولىپ اكەتۋىنە مۇلدە جول بەرمەۋ كەرەك، جۇڭگو بەيبىت دامۋ جولىنان اۋىتقىمايدى، بەيبىتشىلىك، دامۋ، سەلبەستىك، تەڭ يگىلىكتەنۋ تۋىن بيىك ۇستاپ، دۇنيە ءجۇزىنىڭ بەيبىتشىلىگىن قورعاۋ، قاتار دامۋدى دەمەۋ ديپلوماتيالىق ساياساتىنىڭ تۇپكى ماقساتىنا بويسۇنىپ، بەيبىت قاتار تۇرۋدىڭ 5 پرينسيبىنەن اۋىتقىماۋ نەگىزىندە، ءار ەلمەن دوستىق سەلبەستىكتى دامىتىپ، «ءبىر بەلدەۋ، ءبىر جول» حالىقارالىق سەلبەستىگىن بەلسەنە جەبەپ، الەمدىك جونگە سالۋ جۇيەسى رەفورماسى مەن قۇرىلىسىنا ۇزبەي بەلسەنە ات سالىسىپ، ءبىرىن - ءبىرى قۇرمەتتەيتىن، ءادىل دە ادىلەتتى سەلبەستىك جاساپ، تەڭ يگىلىكتەنەتىن جاڭاشا حالىقارالىق قاتىناس ورناتۋدى جەبەپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتىپ، دۇنيە جۇزىندەگى ءار ەل حالقىمەن بىرگە باياندى بەيبىتشىلىك ورناعان، جالپى بەتتىك حاۋىپسىز، بىرگە كوركەيىپ - گۇلدەنەتىن، اشىق ۇستالاتىن، كەشىرىمشىل، تازا، كوركەم دۇنيە قۇرادى.
10. پارتيانى جاپپاي قاتاڭ جونگە سالۋدان اۋىتقىماۋ كەلەلى ورنالاستىرۋىن تەرەڭ ءتۇسىنۋ. پارتيامىز حالىقتى ىنتىماقتاستىرىپ جانە باستاپ، ۇلى كۇرەستەر جۇرگىزۋ، ۇلى ىستەر تىندىرۋ، ۇلى ارماندى ورىنداۋ ءۇشىن، پارتيانىڭ باسشىلىعىنان جازباۋعا جانە ونى جاقسارتۋعا، پارتيانى اناعۇرلىم قۇدىرەتتى دە قۋاتتى ەتىپ قۇرىپ شىعۋعا تيتتەي دە اۋىتقىماي تاباندى بولۋ قاجەت. پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، پارتيا ءوزىن باسقارۋعا، ءوزىن جاپپاي قاتاڭ باسقارۋعا تاباندى بولۋ، پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن، العاباسارلىعى مەن پاكتىك قۇرىلىسىن كۇشەيتۋدى نەگىزگى جەلى، پارتيانىڭ ساياسي قۇرىلىسىن ءبىر تۇتاس جەتەكشى، مىزعىماس مۇراتىن، سەنىمىن، تۇپكى ماقساتىن ارقاۋ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋدى كۇش سالۋ ءتۇيىنى ەتىپ، پارتيانىڭ ساياسي قۇرىلىسىن، يدەيا قۇرىلىسىن، ۇيىم قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن وسىلاردىڭ جالپى بارىسىنا ءسىڭىرۋ، جەمقورلىققا قارسى كۇرەستى ىشكەرىلەي ىلگەرىلەتىپ، پارتيا قۇرىلىسىنىڭ ساپاسىن تىنباي جوعارىلاتۋ، پارتيانى ءارقاشاندا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، ءوزىن تۇلەتۋگە باتىل، ءتۇرلى داۋىلدار مەن تولقىنداردىڭ سىنىنان وتە الاتىن، كۇش - قايراتى تاسقىنداعان ماركستىك بيلىك باسىنداعى پارتيا ەتىپ قۇرىپ شىعۋ كەرەك.
ءۇشىنشى، پارتيا 19 - قۇرىلتايىنىڭ رۋحىن مۇقيات ۇيرەنىپ، ويداعىداي ۇگىتتەۋ
پارتيا 19 - قۇرىلتايىنىڭ رۋحىن ۇيرەنۋدە، ۇگىتتەۋدە تۇلعالىق جاقتان يگەرۋ، جان - جاقتى، جۇيەلى ورىستەتۋمەن بىرگە، ءتۇيىندى كورنەكتىلەندىرىپ، تەتىكتى يگەرۋ، كۇش سالۋ ءتۇيىنىن شي جينپيڭنىڭ جاڭا داۋىردەگى جۇڭگوشا سوتسياليزم يدەياسى پارتيانىڭ، ءسوز جوق، ۇزاق ۋاقىت تاباندى بولاتىن جەتەكشى يدەياسى دەگەنگە شوعىرلاندىرۋ، 5 جىلدان بەرگى پارتيا مەن مەملەكەت ىستەرىندە قول جەتكىزگەن تاريحي تابىستار مەن تاريحي وزگەرىستەرگە شوعىرلاندىرۋ، جۇڭگوشا سوتسياليزم جاڭا داۋىرگە ءوتتى، ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى دەگەن سياقتى كەلەلى ساياسي تۇجىرىمدارىنىڭ تەرەڭ ىقپالىنا شوعىرلاندىرۋ، پارتيا 19 - قۇرىلتايىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋگە، تياناقتاندىرۋعا شوعىرلاندىرۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا كەزەكتى باسشىلىق كوللەكتيۆى بۇكىل پارتيانىڭ، بۇكىل ەلدەگى ءار ۇلت حالقىنىڭ قولداۋى مەن سەنىمىنە يە بولعان باسشىلىق كوللەكتيۆ دەگەنگە شوعىرلاندىرۋ، باس شۋجي شي جينپيڭ بۇكىل پارتيا قولدايتىن، حالىق قادىرلەيتىن، اتى زاتىنا ساي پارتيانىڭ كوسەمى دەگەنگە شوعىرلاندىرۋ كەرەك.
1. ۇيرەنۋدى، تاربيەلەۋدى شىنايى جاقسى ىستەۋ. پارتيا ورتالىق كوميتەتى ورىستەتەتىن «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىمەن تىعىز ۇشتاستىرىپ، بارلىق پارتيا مۇشەلەرىنە الۋان فورمالى، ساتىلارعا بولىنگەن، جاپپاي قامتىعان جالپىلىق تاربيە ورىستەتىپ، قالىڭ پارتيا مۇشەلەرى مەن كادرلاردى پارتيا 19 - قۇرىلتايىنىڭ رۋحىن مۇقيات ۇيرەنۋگە ۇيىمداستىرۋ. پارتيا ورتالىق كوميتەتى ورتالىق كوميتەتكە جاڭادان مۇشە، كانديدات مۇشە بولعاندارعا پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە زەرتتەۋ - تالقىلاۋ كۋرسىن اشادى. ءار دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى پارتيا 19 - قۇرىلتايىنىڭ رۋحىن ۇيرەنۋدى ماڭىزدى مازمۇن ەتۋ كەرەك. جەر - جەر، تاراۋلار تاربيەلەۋ كۋرسىن، ۇيرەنۋ كۋرسىن اشىپ، بۇكىل ەلدەگى اۋدان، باسقارما دارەجەلىدەن جوعارى پارتيالى باسشى كادرلاردى ءبىر مەزگىل شوعىرلاندىرىپ، ءتۇيىندى تۇردە كەزەكپەن تاربيەلەۋ، پارتيالى كادرلاردى مەرزىمگە، توپقا ءبولىپ جۇيەلى تاربيەلەۋ كەرەك. «شي جينپيڭ ەل باسقارۋ جونىندەگىنىڭ» 2 - تومىن قۇراستىرىپ، باسپادان شىعارىپ، «شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ۇيرەنۋ پروگرامماسىن» جازۋعا ۇيىمداستىرىپ، قالىڭ كادرلار مەن بۇقارانىڭ شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنۋىن، ءتۇسىنۋىن بەدەلدى وقۋلىقپەن قامداۋ كەرەك. پارتيا 19 - قۇرىلتايىنىڭ رۋحىن ۇيرەنۋدى پارتيا مەكتەپتەرىنىڭ، كادرلار ينستيتۋتتارىنىڭ، اكىمشىلىك ينستيتۋتتارىنىڭ وقىتۋداعى، تاربيەلەۋدەگى مىندەتتى ساباعى، مەكتەپتەردىڭ يدەيا - ساياسي تاربيەسى مەن ساباقحاناداعى وقىتۋىنىڭ ماڭىزدى مازمۇنى ەتىپ، قاتىستى وقىتۋ ماتەريالدارىن وزگەرىس ەنگىزىپ قۇراستىرۋ قىزمەتىن ورىستەتۋگە ۇيىمداستىرىپ، پارتيا 19 - قۇرىلتاي رۋحىن وقىتۋ ماتەريالدارىنا، ساباقحاناعا ءسىڭىرىپ، وي - ساناعا ۇيالاتۋدى ىلگەرىلەتۋ كەرەك. ۇيرەنۋ، تاربيەلەۋ بارىسىندا «پارتيا 19 - قۇرىلتاي بايانداماسىن پىسىقتاۋ وقۋلىعى» جانە «پارتيا 19 - قۇرىلتاي بايانداماسىن ۇيرەنۋ، پىسىقتاۋ جونىندە 100 سۇراۋ» سياقتى پىسىقتاۋ ماتەريالدارىنان ويداعىداي پايدالانۋ، «رەفورمانى سوڭىنا دەيىن جۇرگىزۋ»، «زاڭمەن جونگە سالىناتىن جۇڭگو»، «ءىرى ەل ديپلوماتياسى»، «شارلاۋ سەمسەرى»، «شۇعىلالى جۇڭگو»، «ارميانى قۇدىرەتتەندىرۋ»، «اۋەلگى ماقساتتى ۇمتىپاي، ۇدەرە العا تارتۋ» سياقتى ارناۋلى تەلە فيلمدەرىنەن ويداعىداي پايدالانۋ كەرەك.
2. ۇگىت لەكسيا قيمىلىن شوعىرلى ورىستەتۋ. قازىردەن باستاپ كەلەسى جىلدىڭ باسىنا دەيىن، بۇكىل مەملەكەت كولەمىندە پارتيا 19 - قۇرىلتايىنىڭ رۋحى جونىندەگى ۇگىت لەكسيا قيمىلدارىن شوعىرلى ورىستەتۋ. قاراشا ايىنىڭ باسىندا، ورتاسىندا، پارتيا ورتالىق كوميتەتى پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ ۇگىت لەكسيا ۇيىرمەلەرىن ۇيىمداستىرىپ، ءارقايسى ولكە، رايوندارعا، قالالارعا ۇگىت لەكسيا ورىستەتۋگە جىبەرەدى. جەر - جەر وسى ءادىس بويىنشا، تىرەكتى كادرلار كۇشىن تاڭداپ ۇگىت لەكسيا ۇيىرمەسىن ۇيىمداستىرىپ، كاسىپورىندارعا، اۋىل - قىستاقتارعا، ورگاندارعا، مەكتەپتەرگە، الەۋمەتتىك اۋماقتارعا بارىپ ۇگىت لەكسيا جۇرگىزۋ كەرەك. باسشىلار باستاماشى بولۋدان جازباي، ورتالىق كوميتەت ساياسي بيۋروسىنداعى جولداستار جانە ولكەلەردىڭ، رايونداردىڭ، قالالاردىڭ، ورتالىقتاعى تاراۋلاردىڭ جاۋاپتى جولداستارى وزدەرى جاۋاپتى بولىپ باسقاراتىن سالالاردا ۇگىت لەكسيا جاساۋ، ءار دارەجەلى پارتيا، ۇكىمەت ورىندارىنىڭ، ارميانىڭ، بۇقارالىق ۇيىمداردىڭ جاۋاپتى جولداستارى باس بولىپ ۇگىت لەكسيا جاساۋ، قالىڭ كادرلار مەن بۇقارانىڭ ۇيرەنۋىنە ءىس جۇزىندىك ارەكەتتەرى ارقىلى باستاماشىلدىق ەتۋ كەرەك. پارتيا سىرتىنداعى قايراتكەرلەرگە ۇگىت لەكسيا جاساۋ قىزمەتىن ورىستەتىپ، پارتيا سىرتىنداعى قايراتكەرلەردىڭ پارتيا 19 - قۇرىلتايىنىڭ رۋحىنا دەگەن تانىمىن، مويىنداۋىن كۇشەيتۋ كەرەك. ينتەرنەت تاسىلىنەن تولىق پايدالانىپ، ينتەرنەتتە تىكە تاراتۋ، ينتەرنەت بەينە كەسكىندەرىن جاساۋ، ينتەرنەتتە پىكىر اۋىستىرۋ سياقتى فورمالار ارقىلى تۇتاس ينتەرنەتتىڭ تىعىز سايكەسۋىن جۇزەگە اسىرىپ، قالىڭ ينتەرنەت قولدانۋشىلاردىڭ نازار اۋدارۋىنا بەلسەنە اڭىس قايتارۋ كەرەك. ۇگىت لەكسيانىڭ باعىتتامالىلىعىن، جاندىلىعىن، يدەيالىلىعىن قۇلشىنا كۇشەيتىپ، ماركسيزمنىڭ جۇڭگوشالانۋىنىڭ تاريحي بارىسىمەن، پارتيا 18 - قۇرىلتايىنان بەرگى پارتيا مەن مەملەكەت ىستەرىنىڭ تاريحي تابىستارىمەن جانە تاريحي وزگەرىستەرىمەن، قالىڭ كادرلار مەن بۇقارانىڭ يدەيا جانە قىزمەت ءىس جۇزىندىگىمەن بايلانىستىرىپ، پارتيا 19 - قۇرىلتايىنىڭ رۋحىن انىق ءتۇسىندىرىپ، تولىق ۇعىندىرىپ، بۇقارانىڭ تۇسىنە الۋىنا، يگەرە الۋىنا، تياناقتاندىرا الۋىنا مۇمكىندىك جاساۋ كەرەك.
3. اقپارات ۇگىتىن زەر سالا ۇيىمداستىرۋ. ءار دارەجەلى پارتيا گازەتتەرى، پارتيا جۋرنالدارى، تەلەۆيزيالار، راديولار دەن قويا جوبا جاساپ، شوعىرلى حابارلاپ، پارتيا 19 - قۇرىلتايىنىڭ كەلەلى ءمانىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن پارتيامىز، ءسوزسىز، ۇزاق ۋاقىت تاباندى بولاتىن جەتەكشى يدەيا ەتىپ تۇراقتاندىرۋدىڭ كەلەلى ءمانىن، 5 جىلدان بەرگى پارتيا مەن مەملەكەت ىستەرىندە تۋىلعان تاريحي وزگەرىستەردى، پارتيا 19 - قۇرىلتايى العا قويعان ءبىر قىدىرۋ جاڭا دا ماڭىزدى يدەيالاردى، ماڭىزدى كوزقاراستاردى، ماڭىزدى تۇجىرىمداردى، ماڭىزدى شارالاردى، تۇتاس پارتيانىڭ، تۇتاس قوعامنىڭ پارتيا 19 - قۇرىلتايى جونىندەگى قىزۋ اڭىسى مەن بەلسەندى باعاسىن، وڭىرلەردىڭ، تاراۋلاردىڭ ۇيرەنۋدەگى، دايەكتىلەندىرۋدەگى ناقتى شارالارى مەن ءىس جۇزىندىك ارەكەتتەرىن زور كۇشپەن ۇگىتتەپ، نەگىزگى ساتىلارداعى كادرلار مەن بۇقارانىڭ ۇيرەنۋدەگى، دايەكتىلەندىرۋدەگى تيپتىك ىزگى ىستەرى مەن تاماشا بەينەسىن بەينەلەۋ كەرەك. الۋان ءتۇرلى ۇگىت فورمالارىنان جانە تاسىلدەرىنەن ۇتىمدى پايدالانىپ، حالىق بۇقاراسى ۇناتاتىن فورمالار ارقىلى پارتيا 19 - قۇرىلتايىنىڭ رۋحىن كاسىپورىندارعا، اۋىل - قىستاقتارعا، ورگاندارعا، مەكتەپتەرگە، الەۋمەتتىك اۋماقتارعا، اسكەري كازارمالارعا، ينتەرنەتكە جەتكىزۋدى ىلگەرىلەتىپ، كادرلار مەن بۇقارانىڭ ارىنداي العا ىلگەرىلەۋ، شوگەلدىكپەن قىزمەت ىستەۋ رۋحىن ۇشتاپ، كۇش - قايراتتى ونان ارى تاسقىنداتىپ، ەرلىكپەن العا ىلگەرىلەۋ كەرەك. ورتالىقتاعى نەگىزگى مەديالار ىقپالدى سۇحبات جاساۋ، ارناۋلى ستون اشۋ، كولەمدى تاقىرىپتىق تىلشىلىك قيمىلىن ورىستەتۋ سياقتى فورمالار ارقىلى جەلىلەس شولۋلاردى، بايىمداۋلاردى جانە نازاريالىق ماقالالاردى جاريالاۋ، تاراتۋ كەرەك. ينتەرنەت ۇگىتىن بەلسەنە ورىستەتىپ، «ءۇنحات، ميكروبلوگ، كلەنت» سياقتى جاڭا تەحنيكا، جاڭا قولدانىلمالى تاسىلدەردەن تىڭعىلىقتى پايدالانىپ، ينتەرنەت قولدانۋشىلاردىڭ ات سالىسۋ بەلسەندىلىگىن تولىق جۇمىلدىرىپ، ينتەرنەت ۇگىتىنىڭ ناقتى ونىمدىلىگى مەن ىقپالىن كۇشەيتۋ كەرەك. سىرتقا باعىتتالعان ۇگىتتى زەر سالا ۇيىمداستىرىپ، ىرىقتى تۇردە پارتيا 19 - قۇرىلتايىنىڭ رۋحىن ۇگىتتەپ، تانىستىرىپ، ەلىمىزدىڭ ەكونوميكالىق، قوعامدىق دامۋدى ىلگەرىلەتۋدەگى ماڭىزدى شارالارىن ۇگىتتەپ، تانىستىرىپ، حالىقارالىق قوعامنىڭ بەلسەندى باعاسىن تولىق بەينەلەپ، پارتيامىز بەن مەملەكەتىمىزدىڭ تاماشا وبرازىن جاندى تۇردە ايگىلەۋ كەرەك.
4. زەرتتەۋگە، تۇسىندىرۋگە مۇقيات ۇيىمداستىرۋ. پارتيا 19 - قۇرىلتايىنىڭ رۋحىن ارقاۋ ەتىپ، ءبىر توپ ماڭىزدى زەرتتەۋ تاقىرىپتارىن تۇراقتاندىرىپ، قالىڭ مامان، وقىمىستىلاردى ىشكەرىلەي زەرتتەۋ جۇرگىزۋگە ۇيىمداستىرىپ، ۇيرەنۋدىڭ، ۇگىتتەۋدىڭ نازاريالىق تەرەڭدىگىن، امالياتتىق سەرپىنىن، ىقىلاس - ىنتاسىن ارتتىرىپ، جۇرتتىڭ ساياسيدا مويىنداۋىن، يدەيادا مويىنداۋىن، سانا - سەزىمدە مويىنداۋىن كۇشەيتۋ كەرەك. جەلىلەس نازاريالىق زەرتتەۋ - تالقىلاۋ ماجىلىستەرىن اشۋعا ۇيىمداستىرىپ، زەرتتەۋ جەتىستىكتەرى جونىندە اۋىس - كۇيىس جاساپ، تانىمدى ۇزدىكسىز تەرەڭدەتۋ كەرەك. پارتيا 19 - قۇرىلتايىنىڭ رۋحىن ۇگىتتەۋ، تۇسىندىرۋدە، ونىڭ ىشكى ءمانىن تەرەڭدەي اشالاپ ءتۇسىندىرۋ، كولەمىن ءدال يگەرۋ، سىڭارجاقتىلىقتان، قاراپايىمداستىرۋدان ساقتانۋ كەرەك. قاتە كوزقاراستار مەن بۇرمالانعان تۇسىنىكتەرگە قاراتا، بەلسەندىلىكپەن جەتەكشىلىك ەتۋ، دەر كەزىندە تالداۋ جاساۋ، كۇدىك - كۇماندى ارىلتۋ، اق پەن قارانى ايقىنداۋ كەرەك.
ءتورتىنشى، نازاريانى امالياتپەن ۇشتاستىرۋداعى ۇيرەنۋ ستيلىن ساۋلەلەندىرىپ، ماسەلەنى شەشۋ، دامۋدى جەبەۋ قابىلەتىن شىن مانىندە كۇشەيتۋ
پارتيا 19 - قۇرىلتايىنىڭ رۋحىن ۇيرەنۋدە، ۇگىتتەۋدە، دايەكتىلەندىرۋدە، ەلىمىزدىڭ رەفورما جاساپ دامۋىنىڭ، پارتيا قۇرىلىسىنىڭ ءىس جۇزىندىگىن تياناق ەتىپ، ماركسيزمدىك ۇيرەنۋ ستيلىن بار كۇشپەن ساۋلەلەندىرىپ، پارتيا 19 - قۇرىلتايىنىڭ رۋحىن ەكونوميكالىق، قوعامدىق دامۋدىڭ بارلىق جاقتارىندا تياناقتاندىرىپ، بيىلعى قىزمەتتەردى تىڭعىلىقتى ىستەۋدە جانە كەلەر جىلعى قىزمەتتەردى تىڭعىلىقتى ورنالاستىرۋدا ايگىلەۋ كەرەك.
1. پارتيانىڭ باسشىلىعىن جاپپاي كۇشەيتۋ. پارتيا، ۇكىمەت، ارميا، مادەنيەت، وقۋ - اعارتۋ قاتارلى بارلىق سالاعا جانە بارلىق جەرگە پارتيا باسشىلىق ەتەدى. پارتيا 19 - قۇرىلتايىنىڭ رۋحىن ۇيرەنۋدە، ۇگىتتەۋدە، دايەكتىلەندىرۋدە، بۇكىل پارتيادا ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتۋدى ىلگەرىلەتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ساياسي تۇرعىدا، ساياسي باعىتتا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن سانالىلىقپەن قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دا سانالى تۇردە ناقتاپ تياناقتاندىرۋ كەرەك. پارتيانىڭ جالپى جاعدايدى تۇتاس مەڭگەرەتىن، ءار جاقتى سايكەستىرەتىن رولىن تولىق ساۋلەلەندىرىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋ كەرەك.
2. رەفورمانى، دامۋدى شىن مانىندە ىلگەرىلەتۋ. پارتيا 19 - قۇرىلتايىنىڭ رۋحىن رەفورمانى تەرەڭدەتۋدىڭ، دامۋدى جەبەۋدىڭ قۇدىرەتتى قوزعاۋشى كۇشىنە اينالدىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋدەي قىزمەت جالپى ريتىمىنەن جازباي، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردىڭ الدىن الۋ قىزمەتتەرىن جان - جاقتى تىڭعىلىقتى ىستەپ، ەكونوميكانىڭ، قوعامنىڭ ءۇرتىس اقاۋسىز دامۋىن ىلگەرىلەتۋ كەرەك. حالىق تۇرمىسىن قامتاماسىزداندىرۋ جانە جاقسارتۋ قىزمەتتەرىن كۇش سالا جاقسى ىستەپ، قوعام ورنىقتىلىعى مەن باياندى تىنىشتىق قىزمەتىن زەيىن قويا تىڭعىلىقتى ىستەپ، بۇقارانىڭ ۇيلەسىمدى مۇددە تالاپتارىن دەر كەزىندە شەشىپ، قوعامدىق قايشىلىقتى ۇيلەسىمدى شەشىپ، قوعامنىڭ ورنىقتىلىعىنا ىقپال جەتكىزەتىن ۇلكەن كومەسكى قاتەرلەردى دەر كەزىندە الاستاۋ كەرەك.
3. پارتيانى جاپپاي قاتاڭ جونگە سالۋعا تاباندى بولۋ. پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتىپ، ستراتەگيالىق تاباندىلىقتى ساقتاۋدا، قاتاڭ جونگە سالۋ مەن مىقتى يگەرۋ سىندى وسى ارقاۋدى مىقتاپ شيراتىپ، پارتيانىڭ ساياسي قۇرىلىسىن ماڭداي الدى ورىنعا قويىپ، پارتيانى باسقارۋ مەن پارتيانى جونگە سالۋ جاۋاپكەرلىگىن ويداعىداي تياناقتاندىرىپ، پارتيانىڭ ىشكى جاعىندا ساقتالعان كورنەكتى قايشىلىقتار مەن تەرەڭ قاتپارداعى ماسەلەلەردى ۇزدىكسىز شەشۋ كەرەك. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن تۇتاس پارتيانى قارۋلاندىرۋعا تاباندى بولىپ، بۇكىل پارتيادا «اۋەلگى ماقساتتى ۇمىتپاي، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن ورىستەتىپ، بۇكىل پارتيانىڭ شي جينپيڭنىڭ جاڭا داۋىردەگى سوتسياليزم يدەياسىنىڭ عىلمي جۇيەسىن، رۋحاني ءمانىن، امالياتتىق تالابىن ىشكەرىلەي ءتۇسىنىپ جانە يگەرىپ، پارتيانىڭ تاريحي بورىشىن اناعۇرلىم سانالىلىقپەن جۇزەگە اسىرۋ جولىندا قاجىماي - تالماي كۇرەس جۇرگىزۋىن ىلگەرىلەتۋ كەرەك. بيلىك جۇرگىزۋ قابىلەتىن جاپپاي كۇشەيتىپ، ۇيرەنۋ قابىلەتىن، ساياسي باسشىلىق قابىلەتىن، رەفورمادا جاڭالىق اشۋ قابىلەتىن، عىلمي دامۋ قابىلەتىن، زاڭ بويىنشا بيلىك جۇرگىزۋ قابىلەتىن، بۇقارالىق قىزمەت قابىلەتىن، تياناقتاندىرۋدى مىقتى يگەرۋ قابىلەتىن، حاۋىپ - قاتەردى مەڭگەرۋ قابىلەتىن كۇشەيتۋگە قۇلشىنىپ، العا باسۋ جولىنداعى ءتۇرلى قيىنشىلىقتار مەن كەدەرگىلەردى باتىلدىقپەن جەڭىپ، قىزمەتتىڭ ىرىقتىلىق ۇقىعىن مىقتاپ مەڭگەرۋ كەرەك.
بەسىنشى، ۇيىمدىق باسشىلىقتى شىن مانىندە كۇشەيتۋ
پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − بۇكىل پارتيانىڭ، بۇكىل ەلىمىزدىڭ كەزەكتەگى جانە مۇنان كەيىنگى ءبىر مەزگىلدەگى ماڭداي الدى ساياسي مىندەتى. ءار دارەجەلى پارتكومدار (پارتيا باسشىلىق گرۋپپاسى) پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى ماڭىزدى كەڭەستىك كۇن تارتىپكە ەنگىزىپ، ۇيىمدىق باسشىلىقتى شىن مانىندە كۇشەيتۋ كەرەك.
1. باسشىلىق جاۋاپكەرلىكتى شىن مانىندە ۇستىنە الۋ. ءار دارەجەلى پارتكومدار (پارتيا باسشىلىق گرۋپپاسى) پارتيا ورتالىق كوميتەتىنىڭ ورنالاستىرۋى بويىنشا، ءوز وڭىرلەرىنىڭ، ءوز تاراۋلارىنىڭ ءىس جۇزىندىك جاعدايىنا بىرلەستىرىپ، ارناۋلى ورنالاستىرۋلار جاساپ، ناقتى تالاپتار ورتاعا قويىپ، تياناقتاندىرۋدى مىقتى يگەرۋگە كۇش سالىپ، پارتيا 19 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن جەدەل كوتەرۋ كەرەك. ءار دارەجەلى ۇيىمداستىرۋ، ۇگىت تاراۋلارى جانە باسقا دا قاتىستى تاراۋلار پارتكومداردىڭ (پارتيا باسشىلىق گرۋپپاسىنىڭ) ءبىر تۇتاس باسشىلىعىندا، تىعىز سايكەسۋ كەرەك. ۇيىمداستىرۋ تاراۋلارى پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى كادرلاردى تاربيەلەۋ، باۋلۋ قىزمەتىمەن، باسشىلىق القاسى قۇرىلىسىن جانە نەگىزگى ساتى پارتيا ۇيىمدارى قۇرىلىسىن كۇشەيتۋمەن ۇشتاستىرۋ قاجەت. ۇگىت تاراۋلارى پارتيا 19 - قۇرىلتايىنىڭ رۋحىن ۇگىتتەۋ قىزمەتىن تىڭعىلىقتى ىستەپ، پارتيا 19 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ تاماشا جاعدايىن قالىپتاستىرۋ ءتيىس. جۇمىسشى ۇيىمدارى، كوممۋنيستىك جاستار وداعى، ايەلدەر بىرلەستىگى سياقتى حالىقتىق ۇيىمدار وزدەرىنىڭ باسىمدىعىن تولىق ساۋلەلەندىرىپ، ءار ءتۇرلى ەرەكشەلىكتەگى ۇيرەنۋ، تاربيە قيمىلىن ەتەك الدىرۋى كەرەك. قىزمەتكە جەتەكشىلىك ەتۋدى، باقىلاۋ مەن تەكسەرۋدى كۇشەيتىپ، ناقتى ونىمدىلىككە قول جەتكىزۋگە ۇمتىلۋ، فورماشىلدىقتى جويۋ كەرەك.
2. دۇرىس بەتالىستى مىقتى يگەرۋ. ىنتىماقتى، ورنىقتى بولۋعا كۇش شىعارۋ، ۇنامدى جاقتان ۇگىتتەۋدى نەگىز ەتۋ، نەگىزگى اۋەندى اسقاقتاتىپ، وڭ ەنەرگيا تاراتىپ، پارتيا 19 - قۇرىلتايىنىڭ رۋحى ارقىلى يدەيانى بىرلىككە كەلتىرۋگە، كۇش - قۋاتتى ۇيىستىرۋعا كۇش سالۋ قاجەت. كەڭەستىك تاقىرىپتاردى ىرىقتىلىقپەن بەلگىلەپ، جەتەكشىلىك ەتۋ تەبىنىن كۇشەيتىپ، قوعام جاپپاي نازار اۋدارىپ وتىرعان قولامتالى، قيىن ماسەلەلەردى ارقاۋ ەتە وتىرىپ، كوبىرەك تۇسىنىك جاساۋ، كوڭىل كۇيگە جەتەكشىلىك ەتۋ قىزمەتىن ويداعىداي ىستەپ، ورتاق تانىمدى كۇشەيتۋ، ۇلتتار ىنتىماعىن نىعايتۋ قىزمەتىن كوپتەپ ىستەۋ كەرەك. يدەولوگيا قىزمەتىندەگى جاۋاپكەرلىك ءتۇزىمدى تياناقتاندىرىپ، ۇگىت - يدەيا، مادەنيەت شەبىن باسقارۋدى كۇشەيتىپ، قاتە يدەيالار مەن سوزدەردىڭ تارالۋىنا استە مۇمكىندىك قالدىرماۋ كەرەك.
3. باۋراۋ كۇشى مەن ىقپال كۇشىن نىعايتۋعا كۇش سالۋ. تۇرلىشە قاۋىمعا مەڭزەس، ۇگىت جۇرگىزىپ، ءادىس - شارالار مەن تۇعىر دانەكەرلەرىندە تىنباي جاڭالىق اشىپ، ۇتىمدى ءادىس - شارالاردى قاراستىرىپ، پارتيا 19 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ باعىتتامالىلىعى مەن ونىمدىلىگىن كۇشەيتۋگە قۇلشىنۋ كەرەك. تىڭعىلىقتى دا جاندى بولۋعا تاباندى بولىپ، بۇقارا قۋانا ات سالىساتىن، ات سالىسۋىنا قولايلى بولاتىن تاسىلدەردەن شەبەرلىكپەن پايدالانىپ، ءداۋىر ەرەكشەلىگىنە باي، امالياتتىق تالاپتى ايگىلەيتىن ادىستەردى قولدانىپ، ۇيرەنۋدىڭ كەڭ كولەمدى ىشكەرىلەي ورىستەتىلۋىنە كۇش شىعارۋ كەرەك. جاڭا تەحنيكا، جاڭا قولدانىلمالى تاسىلدەردەن تولىق پايدالانىپ، اقپارات قۇرالدارىنىڭ تاراتۋ تاسىلىندە جاڭالىق اشىپ، ۇگىتتىڭ ناقتى ونىمدىلىگىن تىنباي كۇشەيتۋ قاجەت.
جەر - جەر، تاراۋلار پارتيا 19 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ ناقتى جاعدايىن پارتيا ورتالىق كوميتەتىنە مالىمدەپ وتىرۋ كەرەك.
(شينحۋا اگەنتتىگىنىڭ 2 - قاراشادا بەيجيڭنەن بەرگەن حابارى)
