ءماجىلىستى چىن چۋانگو باسقاردى، شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين لەبىز ءبىلدىرىپ، پىكىر اۋىستى
5 - قاراشا تۇستەن بۇرىن، اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى پارتيا 19 - قۇرىلتايىنىڭ رۋحىن ارناۋلى ۇيرەنۋ ءماجىلىسىن وتكىزىپ، باس شۋجي شي جينپيڭنىڭ پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى ماڭىزدى نۇسقاۋىنىڭ رۋحىن جەتكىزىپ، «ج ك پ ورتالىق كوميتەتىنىڭ پارتيا 19 - قۇرىلتايىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋ جونىندەگى ۇيعارىمىنىڭ» جانە پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە ورتالىق ۇگىت - لەكسيا ۇيىرمەسىن اتتانىسقا كەلتىرۋ ءماجىلىسىنىڭ رۋحىن جەتكىزىپ، ۇيرەنىپ، پارتيا 19 - قۇرىلتايىنىڭ رۋحىن ۇيرەنۋدەن العان اسەرلەرىمەن ءبولىسىپ، پارتيا 19 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ تەرەڭدىك پەن كەڭدىككە قانات جازۋىن ونان سايىن ىلگەرىلەتتى.
ءماجىلىستى اۆتونوميالى رايوندىق پارتكومنىڭ شۋجيى چىن چۋانگو باسقاردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، شينجياڭ ءوندىرىس - قۇرىلىس بيڭتۋانىنىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن، اۆتونوميالى رايوندىق پارتكومنىڭ ورىنباسار شۋجيى لي پىڭشين جەكە - جەكە ءوز - ءوزىنىڭ قىزمەت جانە يدەيالىق امالياتىنا ۇشتاستىرىپ، پارتيا 19 - قۇرىلتايىنىڭ رۋحىن ۇيرەنۋدەن العان اسەرلەرىن ءبولىستى. اۆتونوميالى رايوندىق پارتكوم تۇراقتى كوميتەتىنىڭ باسقا مۇشەلەرى مەن باسقا ولكە دارەجەلى باسشى جولداستار جازباشا لەبىز تاپسىردى. اۆتونوميالى رايون باسشىلارىنان شاۋكەت يمين، شۇي حايرۇڭ، لي شۋەجۇن، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، پىڭ جيارۇي قاتارلىلار ۇيرەنۋ ماجىلىسىنە قاتىناستى.
ماجىلىسكە قاتىناسقان جولداستار ءبىر اۋىزدان بىلاي دەپ قارادى: پارتيا 19 - قۇرىلتايىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋ بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى تىعىز ىنتىماقتاسۋعا جۇمىلدىرىپ، جۇڭگوشا سوتسياليزم ۇلى تۋىن بيىك ۇستاپ، سوتسياليزم جولىنا، نازارياسىنا، تۇزىمىنە، مادەنيەتىنە بولعان سەنىمدى بەكەمدەپ، وسىزاماندانۋ قۇرىلىسىن ىلگەرىلەتۋ، وتاننىڭ بىرلىككە كەلۋىن ورىنداۋ، دۇنيە ءجۇزىنىڭ بەيبىتشىلىگىن قورعاپ، بىرگە دامۋىن جەبەۋ دەگەن 3 ءىرى تاريحي مىندەتتى ىسكە اسىرۋدا، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ، حالىقتىڭ كوركەم ومىرگە دەگەن تالپىنىسىن ىسكە اسىرۋ جولىندا ۇزدىكسىز كۇرەس جۇرگىزۋدە كەلەلى ناقتى مانگە جانە تەرەڭ تاريحي مانگە يە. ماجىلىسكە قاتىناسقان جولداستار ءبىر اۋىزدان بىلاي دەدى: ونەگەلىك رول اتقارىپ، باستاماشىلدىقپەن ۇيرەنىپ، باستاماشىلدىقپەن دارىپتەپ، باستاماشىلدىقپەن ىستەپ، «4 تانىمدى» بەرىك ورناتىپ، «4 سەنىمدى» شىنايى نىعايتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ساياسي تۇرعىدا، ساياسي باعىتتا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مارتەبەسى مەن ورتالىقتانعان ءبىر تۇتاس باسشىلىعىن سانالى تۇردە قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماستان، سانالى تۇردە تىڭعىلىقتى تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىندا جاڭا جاعداي اشامىز.
چىن چۋانگو ۇيرەنۋ ءماجىلىسىن باسقارعاندا مىنالاردى اتاپ كورسەتتى: ءار دارەجەلى پارتكومدار (پارتيا باسشىلىق گرۋپپالارى) پارتيا 19 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى باستى ساياسي مىندەت ەتىپ، ماڭىزدى كەڭەستىك تارتىپكە ەنگىزىپ، ۇيىمدىق باسشىلىقتى كۇشەيتىپ، ۇيرەنۋ كۋرستارىن اشۋدى مىقتى يگەرىپ، ۇگىت - ءناسيحاتتى شوعىرلى تۇردە ورىستەتىپ، ۇگىتتى ۇقىپتىلىقپەن ۇيىمداستىرىپ، جاپپاي دايەكتىلەندىرىپ جانە تياناقتاندىرىپ، پارتيا 19 - قۇرىلتايى رۋحىنىڭ تيانشاننىڭ تۇستىگى مەن تەرىستىگىنە تارالىپ، تياناقتانىپ، تامىر تارتۋىنا مۇمكىندىك جاساۋ كەرەك.
ءبىرىنشى، ءتۇپ نۇسقانى وقىپ، جەتە ۇيرەنۋ جاعىنا كۇش سالۋ كەرەك. پارتيا 19 - قۇرىلتايىنىڭ رۋحىن، اسىرەسە، باس شۋجي شي جينپيڭنىڭ جاساعان بايانداماسى مەن ءسوزىنىڭ رۋحىن عىلمي جەتەكشى، ءتۇبىرلى ولشەم، ارەكەت قىبلاناماسى ەتىپ، ءتۇپ نۇسقانى قاز - قالپىندا ءسوز - سويلەم بويىنشا، جاپپاي جۇيەلى ۇيرەنىپ، پارتيا 19 - قۇرىلتايىندا العا قويىلعان جاڭا يدەيالاردى، جاڭا تۇجىرىمداردى، جاڭا تالاپتاردى ءدال يگەرىپ، پارتيا 19 - قۇرىلتايى رۋحىنىڭ ساياسي ءمانىن، تاريحي ءمانىن، نازاريالىق ءمانىن، امالياتتىق ءمانىن قۇلشىنا يگەرىپ، جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن شىنايى كۇشەيتۋ كەرەك.
ەكىنشى، قاعيدانى ءتۇسىنىپ، جەتە يگەرۋ جاعىنا كۇش سالۋ كەرەك. پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى ماركسيزمنىڭ نەگىزگى قاعيداسىن ۇيرەنۋمەن ساباقتاستىرىپ، پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى پارتيا 18 - قۇرىلتايىنان بەرى ءبىزدىڭ ۇلى كۇرەس جۇرگىزۋ، ۇلى ينجەنەريالاردى قۇرۋ، ۇلى ىستەردى ىلگەرىلەتۋ، ۇلى ارماندى جۇزەگە اسىرۋ امالياتىمىزبەن ساباقتاستىرىپ، پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى پارتيا 19 - قۇرىلتايىندا شىعارىلعان ءتۇرلى ستراتەگيالاردى، ورنالاستىرۋلاردى يگەرۋمەن ساباقتاستىرىپ، كۇش سالۋ ءتۇيىنىن شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − پارتيانىڭ، ءسوز جوق، ۇزاق ۋاقىت تاباندى بولاتىن جەتەكشى يدەياسى ەكەندىگىنە شوعىرلاندىرۋ، 5 جىلدان بەرى پارتيا مەن مەملەكەت ىستەرىندە قول جەتكەن تاريحي ناتيجەلەر مەن تۋىلعان تاريحي وزگەرىستەرگە شوعىرلاندىرۋ، جۇڭگوشا سوتسياليزمنىڭ جاڭا داۋىرگە وتكەندىگى، ەلىمىز قوعامىنداعى باستى قايشىلىقتىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەرگەندىگى سياقتى كەلەلى ساياسي تۇجىرىمنىڭ تەرەڭ ىقپالىنا شوعىرلاندىرۋ، پارتيا 19 - قۇرىلتايىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋگە، تياناقتاندىرۋعا شوعىرلاندىرۋ، شي جينپيڭ جولداستى ۇيتقى ەتكەن ورتالىق كوميتەتتىڭ جاڭا كەزەكتى باسشىلىق كوللەكتيۆى بۇكىل پارتيانىڭ، بۇكىل ەلدەگى ءار ۇلت حالقىنىڭ قولداۋى مەن سەنىمىنە يە بولعان باسشىلىق كوللەكتيۆى ەكەندىگىنە، باس شۋجي شي جينپيڭنىڭ بۇكىل پارتيا قولدايتىن، حالىق قادىرلەيتىن، اتى زاتىنا ساي پارتيانىڭ كوسەمى ەكەندىگىنە شوعىرلاندىرۋ كەرەك.
ءۇشىنشى، ۇشتاستىرۋدى يگەرىپ، شىنايى تياناقتاندىرۋ جاعىنا كۇش سالۋ كەرەك. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن ۇيرەنۋدەن، دايەكتىلەندىرۋدەن جازباي، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋمەن، تياناقتاندىرۋمەن ۇشتاستىرىپ، كەزەكتەگى قىزمەتتەردى جاقسى ىستەۋمەن، تۇتاس جىلدىق نىسانا مەن مىندەتتەردى ورىنداۋمەن، كەلەر جىلعى قىزمەتتەردى ويداعىداي جوسپارلاۋمەن ۇشتاستىرىپ، ناقتى شارالاردى الىپ شىعىپ، بۋىن - بۋىن بويىنشا العا قاراي ىلگەرىلەتىپ، تياناقتاندىرۋدى شەگە قاعۋ رۋحىمەن جاپپاي، ويداعىداي يگەرىپ، شينجياڭنىڭ قوعام ورنىقتىلىعى مەن باياندى تىنىشتىعىن كۇش سالا ىلگەرىلەتىپ، جاڭا داۋىردەگى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋ كەرەك.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلارى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتىلارى، اۆتونوميالى رايونعا (ورتالىققا) توتە قاراستى ورىنداردىڭ جاۋاپتىلارى ارناۋلى تاقىرىپتىق ۇيرەنۋ ماجىلىسىنە قاتىناستى.
