تيانشان تورى
تيانشان تورى   ›   ۇيرەنۋ   ›   شولۋ

تيتتەي دە اۋىتقىماستان پارتيانى اناعۇرلىم قۇدىرەتتى، قۋاتتى ەتىپ قۇرىپ شىعايىق

− پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە (9)

  جۇڭگوشا سوتسياليزم جاڭا داۋىرگە ءوتتى. جاڭا داۋىردە جاڭا بەينە بولۋى، ونان دا ماڭىزدىسى، تىڭ جۇمىستار تىندىرىلۋى كەرەك، مۇنىڭ تەتىگى پارتيامىزدىڭ ساياسي باسشىلىق قابىلەتىن، يدەيالىق جەتەكتەۋ قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن جاپپاي كۇشەيتىپ، جالىنداعان ومىرشەڭدىك كۇشى مەن قۇدىرەتتى جاۋىنگەرلىك قۋاتىن ماڭگى ساقتاۋىندا.

  «پارتيامىز حالىقتى ىنتىماقتاستىرىپ جانە باستاپ، ۇلى كۇرەستەر جۇرگىزۋ، ۇلى ىستەر تىندىرۋ، ۇلى ارماندى ورىنداۋ ءۇشىن، ءسوزسىز، پارتيانىڭ باسشىلىعىنا تاباندى بولۋدان جانە ونى جاقسارتۋدان، پارتيانى اناعۇرلىم قۇدىرەتتى، قۋاتتى ەتىپ قۇرىپ شىعۋدان تيتتەي دە اۋىتقىماۋى قاجەت». پارتيانىڭ 19 - قۇرىلتايى جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوكسەۋ سىندى اۋەلگى ماقسات پەن بورىشتان جازباي، «قاشاندا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، ءوزىن تۇلەتۋگە باتىل، ءتۇرلى داۋىلدار مەن تولقىنداردىڭ سىنىنان وتە الاتىن، كۇش - قايراتى تاسقىنداعان ماركستىك بيلىك باسىنداعى پارتيا» قۇرۋ نىساناسىن كوزدە ۇستاپ، جاڭا داۋىردەگى پارتيا قۇرىلىسىنىڭ جالپى تالابىن العا قويىپ، جاڭا ۇلى ينجەنەريانى ىلگەرىلەتۋدىڭ ستراتەگيالىق ورنالاستىرۋىن جاسادى، بۇل − پارتيانىڭ بيلىك جۇرگىزۋ قابىلەتى مەن باسشىلىق ورەسىن جوعارىلاتۋداعى جوعارى دەڭگەيلى جوبا، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتەتىن نەگىزگى ۇستانىم.

  96 جىلدان بەرى، پارتيامىز حالىقتى ىنتىماقتاستىرىپ جانە باستاپ، بىلاي قاراعاندا الۋ مۇمكىن ەمەستەي كورىنگەن قيىن قامالداردى بىرىنەن سوڭ ءبىرىن الىپ، تاريح پاراعىنا جازىلار كەرەمەتتەردى جارىققا شىعاردى، وتە - موتە، پارتيانىڭ 18 - قۇرىلتايىنان بەرى، ۇزاق ۋاقىتتان بەرى شەشۋدى ويلاعانمەن شەشە الماعان ءبىرتالاي ماسەلەلەردى شەشىپ، ىستەۋدى ويلاعانمەن ىستەي الماعان ءبىرتالاي ۇلكەن ىستەردى ىستەدى، مۇنىڭ تەتىگى پارتيامىزدىڭ ءوز قۇرىلىسىن كۇشەيتۋگە قاشاندا باسا ءمان بەرىپ، پارتيا مەن مەملەكەت ىستەرىنىڭ دامۋىنا ساياسي جاقتان پارمەندى كەپىلدىك ەتە العاندىعىندا. جاڭا داۋىرگە قادام تاستاپ، جاڭا بورىشتى اناعۇرلىم ويداعىداي ۇستىنە الۋ، جاڭا جورىققا جاقسى اتتانۋ، «4 ۇلكەن سىنعا»، «4 ءتۇرلى قاتەرگە» اناعۇرلىم جاقسى توتەپ بەرۋ ءۇشىن، پارتيامىز، ءسوز جوق، ءوزىن باستان - اياق شىڭداپ، ءوزىن اناعۇرلىم قۋاتتى، پارمەندى ەتۋى كەرەك.

  تيتتەي دە اۋىتقىماستان پارتيانى اناعۇرلىم قۇدىرەتتى، قۋاتتى ەتىپ قۇرىپ شىعۋ ءۇشىن، ەڭ الدىمەن، پارتيا قۇرىلىسىنىڭ جاڭا تالاپتارىن جەتە يگەرۋ كەرەك. ۇلى كۇرەس، ۇلى ينجەنەريا، ۇلى ءىس جۇرگىزۋ، ۇلى ارماندى جۇزەگە اسىرۋ بارىسىندا نە ءۇشىن پارتيا قۇرىلىسىنىڭ جاڭا ۇلى ينجەنەرياسى شەشۋشى رول اتقاراتىندىعىن جەتە ءتۇسىنىپ، ۇلى ينجەنەريانى ىلگەرىلەتۋدى ۇلى كۇرەس، ۇلى ءىس، ۇلى ارمان امالياتىمەن ۇشتاستىرۋ ارقىلى جۇرگىزۋ كەرەك؛ «14 تاباندى بولۋ» نەگىزگى جالپى جوباسىن، اسىرەسە، «بارلىق قىزمەتتە پارتيانىڭ باسشىلىعىنا تاباندى بولۋ»، «پارتيانى جاپپاي قاتاڭ باسقارۋعا تاباندى بولۋ» سىندى ەكەۋىنىڭ كەلەلى ءمانىن تەرەڭ ۇعىنىپ، «پارتيا، ۇكىمەت، ارميا، مادەنيەت، وقۋ - اعارتۋ قاتارلى بارلىق سالاعا جانە بارلىق جەرگە پارتيا باسشىلىق ەتەدى» دەگەن وسى كەلەلى ساياسي پرينسيپتىڭ داۋىرلىك ءمانىن جانە «وزىنە - ءوزى باتىلدىقپەن توڭكەرىس جاساپ، پارتيانى قاتاڭ باسقارۋ، جونگە سالۋ» سىندى پارتيانىڭ وسى ەڭ ايقىن قاسيەتىن يگەرۋ كەرەك؛ جاڭا داۋىردەگى پارتيا قۇرىلىسىنىڭ جالپى تالابى مەن باي مازمۇنىن ىشكەرىلەي ءتۇسىنىپ، پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن، العاباسارلىق جانە كىرشىكسىزدىك قۇرىلىسىن كۇشەيتۋ سىندى وسى نەگىزگى جەلىنى، پارتيانىڭ ساياسي قۇرىلىسى سىندى وسى ءبىر تۇتاس باسشىلىقتى يگەرىپ، مۇرات - سەنىم باستى ماقساتىن بەكەمدەۋ سىندى وسى ارقاۋدى يگەرىپ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋ سىندى وسى كۇش سالۋ ءتۇيىنىن مىقتى يگەرۋ كەرەك. ءتۇرلى جاڭا تالاپتاردى اناعۇرلىم جەتە ءتۇسىنىپ، تەرەڭدەي ۇعىنعاندا عانا، سولعۇرلىم تاباندىلىقپەن، سانالىلىقپەن دايەكتىلەندىرە الامىز، سوندا عانا پارتيامىز، قاي - قاشان دا ءداۋىردىڭ اۆانگاردى، ۇلتتىڭ تىرەگى بولا الادى.

  تيتتەي دە اۋىتقىماستان پارتيانى اناعۇرلىم قۇدىرەتتى، قۋاتتى ەتىپ قۇرىپ شىعۋ ءۇشىن، 8 جاقتاعى ماڭىزدى مىندەتتى مۇقيات تياناقتاندىرۋ كەرەك. پارتيا 19 - قۇرىلتايىنىڭ بايانداماسىندا بۇل تۋرالى ناقتى ورنالاستىرۋ جاسالدى، ايقىن تالاپ قويىلدى. ءبىز ءىس جۇزىندىكپەن بىرلەستىرىپ، جاپپاي دايەكتىلەندىرۋىمىز كەرەك، اسىرەسە، ساياسي قۇرىلىس پەن يدەيالىق قۇرىلىس سىندى وسى ەكى جاققا باسا ءمان بەرۋىمىز كەرەك. ساياسي قۇرىلىستىڭ پارتيا قۇرىلىسىنداعى ماڭىزدى ورنىن كورنەكتىلەندىرۋ شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ ماڭىزدى مازمۇنى. پارتيا 19 - قۇرىلتايىنىڭ بايانداماسىندا پارتيانىڭ ساياسي قۇرىلىسى الدىڭعى ورىنعا قويىلىپ، ءبىرىنشى ماڭىزدى مىندەت رەتىندە ورنالاستىرىلدى، ويتكەنى پارتيانىڭ ساياسي قۇرىلىسى − پارتيانىڭ ءتۇبىرلى قۇرىلىسى، ول پارتيا قۇرىلىسىنىڭ بەتالىسى مەن ونىمدىلىگىن بەلگىلەيدى. يدەيالىق قۇرىلىس پارتيانىڭ نەگىزدىك قۇرىلىسى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − پارتيا 19 - قۇرىلتايىنىڭ جان جۇيەسى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيامىزدىڭ، ءسوز جوق، ۇزاق ۋاقىت تاباندى بولاتىن جەتەكشى يدەياسى. وي - سانانى تەك پارتيانىڭ جاسامپاز نازارياسىمەن قارۋلاندىراتىن بولساق، بۇكىل پارتيانىڭ جاڭا داۋىردەگى پارتيانىڭ تاريحي بورىشىن اناعۇرلىم سانالى تۇردە جۇزەگە اسىرۋ جولىندا تىنباي قۇلشىنىس جاساۋىن ىلگەرىلەتە الامىز.
 ۇلى ىستەرگە، ءسوز جوق، قۇدىرەتتى پارتيا باسشىلىق ەتۋى كەرەك. پارتيا 19 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، ءوز قۇرىلىسىمىزدى شىن مانىندە جاقسى جۇرگىزىپ، ويداعىداي كۇشەيتەتىن، پارتيانىڭ قاشاندا حالىقپەن بىرگە ويلاۋىنا، بىرگە ىستەۋىنە باستان - اياق شىنايى كەپىلدىك ەتەتىن بولساق، ءبىز، ءسوز جوق، جۇڭگو حالقىنىڭ ۇلى ارمانى تيەلگەن الىپ كەمەنى تولقىن جارا العا تارتىپ، شۇعىلالى بولاشاققا جەڭىسپەن جول الۋعا جەتەكتەي الامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.