ءتاڭىرتاۋ تورابى   ›   جاڭالىقتار   ›   اۋىل تىنىسى

قۇلىستايدا قۇرىلتاي رۋحىن ۇيرەنۋ، ۇگىتتەۋ، دايەكتىلەندىرۋدىڭ ءورىسى كەڭەيدى

تاۋلە قۇماش ۇلى حابارلايدى: پارتيا 19- قۇرىلتايى جەڭىسپەن جابىلعان سوڭ، شاعانتوعاي اۋدانىنداعى ءارقايسى اۋىل، قالاشىق، فەرما قىستاقتارداعى باسشى كادرلار مەن ەگىنشى - مالشىلار قۇرىلتاي رۋحىن ۇيرەنۋدى تىڭ ورەگە كوتەردى.

ۇيرەنۋ بارىسىندا، باسشى كادرلار باستاماشى بولىپ، ەگىنشى - مالشىلاردى نەگىز ەتىپ كەشكى مەكتەپ اشىپ قۇرىلتاي رۋحىن ۇيرەنۋگە ۇيىمداستىردى، كادرلار قىزمەت ورىندارىندا حاۋىپسىزدىككە ەرەكشە كوڭىل بولە وتىرىپ، قۇرىلتاي العا قويعان جاڭا يدەيانى جەتەكشى ەتىپ، ۇلى دا جاڭا ساپارعا قادام تاستاۋ، مەملەكەتتى قۇدىرەتتەندىرىپ، حالىق تۇرمىسىن جاقسارتۋ جاقتارداعى ءتۇيىندى جاڭا وي، ءتيىمدى ساياساتتاردى بەرىلە ۇيرەندى ءارى ۇگىتتەدى. وسىمەن بىرگە ەگىنشى - مالشىلار دا ءوز وتباستارىندا راديو - تەلەۆيزور، گازەت، جۋرنالدان قۇرىلتاي رۋحىن ۇيرەندى.

جيەك قالاشىعىنىڭ قۋساق سولتۇستىك قىستاعىندا، ايماقتىق پارتكوم ۇيىمداستىرۋ بولىمىنەن قىستاققا تۇسكەن قىزمەت اترەتى قىستاق تۇرعىندارىنا كەشكى كۋرس اشىپ، پارتيا 19- قۇرىلتايىن ۇگىتتەدى. قۇرىلتاي رۋحىنان اسەر العان قىستاق تۇرعىنى ۋاڭ دىرىن: «پارتيا 19 - قۇرىلتايىنىڭ بايانداماسى حالىقتى جىگەرلەندىردى ءارى حالىق بۇقاراسىنا كوپتەگەن ءتيىمدى ساياساتتاردى العا قويدى، بۇندا، جەردى 30 جىلعا كوتەرەگە بەرۋ بەكىتىلدى، بۇل بارلىق ەگىنشى - مالشىلاردى الاڭنان ارىلتتى، الدا جالعاستى قۇلشىنىپ، ەگىمشىلىكپەن شۇعىلدانىپ، پارتيانىڭ نۇر شۇعىلاسىندا بايۋ جولىنا تۇسەمىز»،- دەدى.

جاڭاجەر اۋىلىنىڭ اقتوبە مال شارۋاشىلىق قىستاعىندا، قىستاق كادرلارى ورنىقتىلىقتى قورعاۋ، كەدەيلەردى سۇيەمەلدەۋدەن قامال الۋدىڭ قاۋىرت جۇمىستارىمەن بىرگە قۇرىلتاي رۋحىن ۇيرەندى. قىستاق پارتيا ياچەيكا شۋجيى، ەركىنباق بىلاي دەدى: «قىستاعىمىزدىڭ مالشىلارى وتىرىقتانۋ ءتۇيىنى جانە 300 شاقىرىم شالعاي مايلى، بارلىق قىستاۋىنا دەيىن بىتىراندى ورنالاسقان، مالشىلارعا قۇرىلتاي رۋحىن ۇگىتتەۋ ءۇشىن قۇرىلتاي رۋحىن ەڭ الدىمەن قىستاقتىڭ باسشى كادرلارى تولىق ءبىلۋى كەرەك، قۇرىلتايدىڭ بايانداماسى العا قويعان مەملەكەتتىڭ كەلەلى ساياسات، زاڭ - ەرەجەلەرىن ءوزىمىز بىلمەي تۇرىپ، حالىققا ۇگىتتەۋ قيىن، سوندىقتان قىزمەتپەن بىرلەستىرىپ ۇيرەنىپ، ەستەلىك الىپ، الدا پارتيا 19 - قۇرىلتاي رۋحىن ەگىنشى - مالشىلارعا ۇگىتتەۋ ءۇشىن ارناۋلى ۇگىت گرۋپپاسىن قۇرىپ، ءونىمدى ۇگىت جۇرگىزۋدىڭ دايىندىق جۇمىسىن ىستەپ جاتىرمىز»،- دەدى.

التىن ەمىل اۋىلى جاڭابۇلاق قىستاعىنىڭ بورنەكەي قىستاۋىنداعى مالشى نەكەن قارتتىڭ وتباسىندا گازەت ارقىلى قۇرىلتاي رۋحىن ۇيرەنىپ جاتقاندىعىن كورىپ، سوزگە تارتقانىمىزدا، نەكەن: «مەن قارت پارتيا مۇشەسىمىن، قۇرىلتاي رۋحىن راديودان قاعىس قالدىرماي تىڭدادىم، ءبىر ۇلدى اپتاسىنا ەكى رەت اۋىل نەمەسە اۋدانعا جىبەرىپ گازەت الدىرىپ، گازەتتە جازىلعان حالىق بۇقاراسىنا ءتيىمدى ساياساتتاردى ۇيرەنىپ جاتىرمىز. كەلەر ايدا وتىرىقتانۋ تۇيىنىنە كوشەمىن، ۇكىمەت قۇلىستاي جايلىمىن شۇرايلاندىرامىز دەپ مالدى قولدا باعۋعا وتىرىقتانۋ تۇيىنىنەن ءۇي جانە مال قورا سالىپ، توك تارتىپ، قۇبىر سۋىن جەتكىزىپ، جىلۋمەن قامداۋ قۇرىلعىسىن ورناتىپ بەردى، 40 جىلدىڭ الدىندا ات، وگىزگە ءمىنىپ، تۇيەمەن كوشىپ جۇرەتىن مالشى اۋىلداستارىم قازىر وتىرىقتانىپ، اۆتوموبيلمەن جۇرەتىن بولدى. اسىرەسە، باس شۋجي شي جينپيڭ ۇيتقى بولعان جۇڭگو كوممۋنيستىك پارتياسى 5 جىلدا جەمەڭگەرلەردى جەلكەلەپ، حالىقتى قانداي كەرەمەت اۋقاتتاندىردى، اۋىل - قىستاق دەمەسەڭ ءتۇرلى شارت - جاعدايى تولىسقان، اۋداننان ەشقانداي پارقى جوق، اۋدان مەن اۋىل، اۋىل مەن قىستاق ءتىپتى قىستاۋعا دەيىن جارقىراعان اسفاليت جول سالىندى پارتياعا العىستان باسقا ايتارىمىز جوق»،- دەدى.

  ءتىلشىنىڭ قىزمەت ورنى: تارباعاتاي ايماعى شاعانتوعاي اۋداندىق مادەنيەت - دەنەتاربيە، راديو ـ كينو - تەلەۆيزيا مەكەمەسى

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى