تيانشان تورى   ›   جاڭالىقتار   ›   عىلىم جالپىلاستىرۋ

جەم - شوپكە ءدارى - دارمەك قوسۋدا بەس ىسكە كوڭىل ءبولۋ كەرەك

باعىتتامالى تۇردە ءدارى قوسۋ كەرەك.  باعىپ وتىرعان مال مەن قۇستىڭ ءناسىل سورتىنا، جاس شاماسىنا، ءوسۋ ساتىسىنا قاراي، جەم - شوپكە سايكەستى تۇردە ءدارى قوسۋ كەرەك. جاس، كارى جانە ءالسىز مال مەن قۇسقا، سونداي- اق ۇرعاشى مالعا بەرەتىن جەم - شوپكە سەزىمتالدىعى، زارلىلىگى ءالسىز، ىستەتىلۋ مولشەرى از دارىلەردى قوسۋ كەرەك. جەم - شوپكە قوسىلعان دارىگە سايكەستىرىلگەن نەگىزدە، اسقازان - ىشەك وڭاي سىمىرەتىن، ميكروپقا قارسى، قۇرتقا قارسى دارىلەردى تاڭداپ قوسۋ، ال اس قورىتۋ سۇيىقتىعىن وڭاي بۇلدىرەتىن پەنتسللين سىقىلدى دارىلەردى قوسپاۋ كەرەك.

ءدارىنىڭ شىن - جالعانىن ايقىن ايىرۋ كەرەك. ءدارى ساتىپ العان كەزدە، شىن - جالعان ءدارىنى ايقىن ايىرۋ، تاۋار ماركاسى جوق، ءدارىنى جاساعان زاۆودتىڭ اتى جوق، ءوندىرۋدى بەكىتكەن قۇجات ءنومىرى جوق، ۋاقىتى ءوتىپ كەتكەن دارىلەردى ساتىپ الماۋ كەرەك، ءشىرىپ بۇزىلعان، ساپاسى وزگەرگەن، يىستەنگەن دارىلەردى ىستەتپەۋ كەرەك. ءدارىنى ءبىر رەتتە وتە كوپ ساتىپ الماۋ كەرەك، ۋاعىندا ساتىپ الىپ ىستەتۋ كەرەك .

ءدارى قوسۋدا قاتىستى ىستەرگە كوڭىل ءبولۋ كەرەك. ادەتتە، ءبىر ءتۇرلى ءدارىنى قوسسا قانا بولاتىن بولسا، وعان ەكىنشى ءبىر ءدارىنى قوسپاۋ كەرەك. ەكى ءتۇرلى ءدارى نەمەسە ونان دا كوپ ءدارىنى قوسۋعا تۋرا كەلسە، قوسۋ بارىسىندا كوڭىل بولۋگە ءتيىستى ىستەرگە كوڭىل ءبولۋ ءتيىس، ماسەلەن، پەپسيندى سىلتىلىك دارىلەرگە قوسىپ ىستەتپەۋ كەرەك. ميكروپتاردا دارىگە قارسى قۋاتتىڭ قالىپتاسۋىنان ساقتانۋ ٷشىن انتيبيوتيۆتىك دارىلەردى اۋىستىرىپ ىستەتۋ كەرەك.

مولشەرى دۇرىس بولۋ كەرەك. اۋەلى قوساتىن ءدارىنىڭ اۋرۋدىڭ الدىن الۋعا نەمەسە اۋرۋدى ەمدەۋگە ىستەتەتىن ءدارى ەكەنىن ايقىنداپ الۋ، ءارى مال مەن قۇستىڭ دارالىق پارقىنا قاراي ىستەتەتىن ءدارى مولشەرىن بەلگىلەۋ كەرەك. ادەتتە اۋرۋدىڭ الدىن الۋعا ىستەتەتىن ءدارى مولشەرى اۋرۋدى ەمدەۋگە ىستەتەتىن ءدارى مولشەرىنىڭ جارىمىنداي بولۋ، ءتىپتى تورتتەن بىرىندەي بولۋ كەرەك. سونىمەن بىرگە، كەيىنگى زاردابىنان ساقتانۋ ٷشىن، ءدارى جۇعىندىسى كوبىرەك قالاتىن دارىلەردى، ماسەلەن، كچيۋفىن سىقىلدى دارىلەردى ىستەتپەۋ كەرەك.

ءدارىنى تەگىس ارالاستىرۋ كەرەك. ءدارىنىڭ جەم - شوپتەگى قۇرامىنىڭ ازىراق بولۋى ٷشىن، الدىمەن ءدارىنى ازىراق قوسىپ، تەگىس ارالاستىرۋ، مال مەن قۇستىڭ كوپ جەپ ۋلانۋىنا ساقتانۋ كەرەك، ءدارى قوسقان جەم -ءشوپتى ىستەتەتىن كەزدە دايىنداۋ، دايىنداي سالا ىستەتۋ كەرەك. 

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى