كورشىمنىڭ قىزى دا ۋنيۆەرسيتەتتە وقيتىن. جازدىق دەمالىسقا تاراپ ۇيىنە قايتىپ كەلدى. ول بۇرىنعىدان كوپ بويجەتىپ قالىپتى، ەكى قىزىممەن قاتار ونى دا وتە جاقسى كورەتىنمىن. ول جازدىق دەمالىسىندا ۇساق – تۇيەك جۇمىس ىستەيتىن. مىسالى، ءۇي اقتاۋ، سەميا كوشىرۋ قاتارلى جاي جۇمىستاردى ىستەپ كەلەر ماۋسىمدىق وقۋ قاراجاتىن تاۋىپ الاتىن جانە بوس ۋاقىتى شىعا قالسا بولدى پورتۋگال ءتىلىن ۇيرەنىپ جۇرگەنىن بارلىعىمىز كورىپ جۇرەتىنبىز. ەكى قىزىم ونىڭ وتە باۋىرمالدىلىعىن، سۇمبىلداي توگىلىپ تۇراتىن قارا شاشتارىن قاتتى ۇناتاتىن. مەن دە ەكى قىزىمنىڭ كەلەشەكتە كورشىمنىڭ قىزى مارگىنگە ۇقساس، جان – جاقتى ۇزدىك بولىپ ەرجەتۋىن بارىنشا ءۇمىت ەتىپ ارماندايتىنمىن.
ءبىر كۇنى مەن مارگىننىڭ شەشەسىنە جولىعىپ، ودان بالا تاربيەلەۋ جاعىنداعى قۇندى تاجىريبەسىن سۇراعانىمدا، ول وتە قاراپايىم تۇردە: «اتا – انا بولعان ادام بالاسىنا قىزمەتكە مامىلە جاساعانداي مامىلەدە بولۋ ءارى ءوز بالاسىنىڭ ەڭ جاقسى، ەڭ ۇزدىك بالا ەكەنىنە سەنىم ارتۋى كەرەك»،- دەپ تۇجىرىمدادى. ول جانە دە اتا – انانىڭ جاۋاپكەرلىگى بالانىڭ ونان ارى ۇزدىك بولۋىنا كومەكتەسۋ نە بولماسا بالانىڭ جاسىرىن قابىلەتىن شەبەرلىكپەن بايقاۋ كەرەك ەكەنىن ءتۇسىندىردى. بالانىڭ جاسىرىن قابىلەتىن بايقاعاننان كەيىن، امالدىڭ بارىنشا ولاردىڭ بويىنداعى جاسىرىن قابىلەتتى ساۋلەلەندىرۋگە كومەكتەسۋ اتا – انانىڭ بورىشى ەكەنىن ۇعىندىردى.
مەن وسى اقىلدى اتا – انانىڭ ءسوزى بويىنشا ىستەپ، وسى ءادىستىڭ وتە ۇنامدى ەكەنىن اقىرىن – اقىرىن سەزىپ جەتتىم. بۇل بالا تاربيەلەۋ جاعىنداعى ۇنامدى پوزيتسيا بولىپ قانا قالماستان ءتىپتى بالانى باعىپ - قاعۋدا تەك ولاردى ەرجەتكىزۋ عانا ەمەس ەكەنىن، ءبىزدىڭ مىندەتىمىز بالانى ءبىلىم ارقىلى دۇنيەگە دەگەن كوزقاراسىن وزگەرتۋ ەكەنىن ۇعىندىم.
مەن بالاعا سەنىم ارتىپ، ونى ەڭ ۇزدىك بالا دەپ ساناۋ ونشالىقتى قيىن ەمەس ەكەنىن، ولاردىڭ بويىنداعى كوپتەگەن جاسىرىن قابىلەتتى قالاي ساۋلەلەندىرۋ كەرەك ەكەنىن تانىپ جەتتىم. اتا – انالار كەيدە ءوز بالاسىمەن باسقا بالالاردى ۇنەمى سالىستىرىپ، بالاسىنىڭ وسال ەكەنىن سەزگەندە ءتىلىن بەزەپ، ونىڭ جانىن جەگىدەي جەيدى. بۇلاي ىستەۋ بالانىڭ قالىپتى ءوسىپ - جەتىلۋىنە تيىمسىزدىك اكەلەدى. ءارقانداي بالانىڭ بارلىعىن دا ۇزدىك دەپ قاراۋىمىز، دۇنيەدەگى مۋزيكالاردىڭ ءبىر – بىرىنە ۇقسامايتىندىعى سىقىلدى، ولاردىڭ ەرەكشەلىگى دە بىردەي ەمەس دەپ ويلاپ جەتۋىمىز ءتيىس. ولاردىڭ دارالىق ەرەكشەلىكتەرىنىڭ ۇقساماۋى سەبەبىنەن سىرعا تولى دۇنيە بارلىققا كەلەتىنىن سەزىنۋ كەرەك ەكەنىن ۇعىندىم. مەن وسىدان باستاپ بارىنشا كوكەيگە قونىمدى نەمەسە اسەرلى سوزدەرمەن بالالارىمدى شىنايى شابىتتاندىرىپ وتىرۋدى ۇيرەندىم، مەنشە قىزدارىم دا مارگىنگە ۇقساس ۇزدىك، جاقسى بالا بولادى.
2016– جىلعى «سەميا جانە سەميا تاربيەسى» جۋرنالىنىڭ 1 – سانىنان اۋدارىلدى.
حانزۋشادان اۋدارعان: نۇرلان قاناش ۇلى
اۆتوردىڭ قىزمەت ورنى: قۇتىبي اۋدانى تورعايتى قالاشىق باستاۋىش مەكتەبى
