رەداكتور ەسكەرتپەسى
«ۇزاق ۋاقىت قۇلشىنۋ ارقىلى جۇڭگوشا سوتسياليزم جاڭا داۋىرگە ءوتتى، بۇل ەلىمىز دامۋىنىڭ جاڭا تاريحي بەلەسى»، پارتيا 19 - قۇرىلتايىنىڭ بايانداماسىندا جاسالعان وسى كەلەلى ساياسي تۇجىرىم پارتيامىزدىڭ ديالەكتيكالىق ماتەرياليزم مەن تاريحي ماتەرياليزمنىڭ ادىستەمەسىنە تاباندى بولىپ، پارتيا مەن مەملەكەت ىستەرى دامۋىنىڭ جالپى جاعدايىن شىعار ءتۇيىن ەتىپ، تاريح پەن رەالدىقتى، نازاريا مەن امالياتتى، ەل ءىشى مەن حالىقارانى بىرلەستىرە ويلاستىرۋ نەگىزىندە جاساعان دۇرىس قورىتىندىسى. بۇل تۇجىرىم پارتيا مەن مەملەكەت ىستەرىنىڭ ءداۋىر كوورديناتاسىن انىق كورسەتىپ، كەلەسى ساتىداعى تاريحي مىندەتتەردى ايقىنداۋعا، جۇڭگوشا سوتسياليزمگە تاباندى بولۋ جانە ونى دامىتۋعا ايقىن باعىت نۇسقادى. پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ماقساتىندا ورتالىق تەلەۆيزيا ستانسياسى جاساعان «سىزبەن ءبىزدىڭ جاڭا ءداۋىر» اتتى بەينەجازبانى نازارلارىڭىزعا ۇسىنامىز.
ۇزاق ۋاقىت قۇلشىنۋ ارقىلى جۇڭگوشا سوتسياليزم جاڭا داۋىرگە ءوتتى. جاڭا داۋىردە جاڭا ارىن بولۋ، ونان دا ماڭىزدىسى، جاڭا ءىس تىندىرۋ كەرەك. جۇڭگو كوممۋنيستىك پارتياسىنىڭ 19 - قۇرىلتايىنان 20 - قۇرىلتايىنا دەيىنگى 5 جىل «قوس 100 جىلدىق» كۇرەس نىساناسىن جۇزەگە اسىرۋداعى تاريحي توعىسۋ كەزەڭىنە تۋرا كەلەدى، ءبىرىنشى 100 جىلدىق كۇرەس نىساناسىن جۇزەگە اسىرىپ، ەكىنشى 100 جىلدىق كۇرەس نىساناسىن جۇزەگە اسىرۋدى باستايمىز. مۇنداعى ءىشىنارا ماڭىزدى ۋاقىت تۇيىندەرى ءبىزدىڭ قىزمەتىمىزدىڭ كوورديناتاسى سانالادى.
2018 - جىلى ءبىز رەفورما جاساۋ، ەسىك اشۋدىڭ 40 جىلدىعىن قارسى الامىز. رەفورما جاساۋ، ەسىك اشۋ زامانىمىزداعى جۇڭگونىڭ تاعدىرىن بەلگىلەگەن كەلەلى شارا، 40 جىلدىق رەفورما جاساۋ، ەسىك اشۋ ارقىلى جۇڭگو حالقى تۇرمىسىن دوڭگەلەك داۋلەتتى ورەگە جەتكىزىپ، بىرتىندەپ اۋقاتتاندى. ءبىز تاجىريبەلەردى قورىتىندىلاپ، ۇتىمدى ورايدان پايدالانىپ العا ۇمتىلىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتىپ، ءارقايسى جاقتارداعى رەفورمانى بۇلجىماي تەرەڭدەتىپ، ەسىكتى باتىلدىقپەن ايقارا اشىپ، رەفورما مەن ەسىك اشۋدىڭ ءبىرىن - ءبىرى جەبەۋىنە، بىرىنە - ءبىرى ساي كەلۋىنە مۇمكىندىك جاسايمىز. مەن جۇڭحۋا ۇلتىنىڭ ۇلى گۇلدەنۋىنىڭ رەفورما جاساۋ، ەسىك اشۋ بارىسىندا، ءسوز جوق، جۇزەگە اساتىنىنا كامىل سەنەمىن.
2019 - جىلى ءبىز جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الامىز. ءبىز جاڭا دامۋ ۇستانىمىن دايەكتىلەندىرىپ، جۇڭگو ەكونوميكاسىنىڭ باياندى، اقاۋسىز دامۋىن ىلگەرىلەتىپ، جۇڭگو حالقى مەن ءار ەل حالقىنا تيىمدىلىك جەتكىزەمىز. ءبىز «13 - بەسجىلدىق» جوبادا تۇراقتاندىرىلعان مىندەتتەردى ۇزدىكسىز تىڭعىلىقتى تياناقتاندىرامىز ءارى بولاشاقتاعى دامۋ جونىنەن تىڭ جوبالار جاساپ، ءتۇرلى ىستەردىڭ جاپپاي دامۋىن العا ىلگەرىلەتىپ، حالىق رەسپۋبليكامىزدى بارىنشا گۇلدەندىرىپ - كوركەيتەمىز، قۇدىرەتتەندىرەمىز.
2020 - جىلى ءبىز جاپپاي دوڭگەلەك داۋلەتتى قوعام قۇرىپ شىعامىز. جاپپاي دوڭگەلەك داۋلەتتى قوعام قۇرىپ شىعۋدا بىردە - ءبىر ادامنىڭ قاعىس قالۋىنا بولمايدى؛ بىرگە اۋقاتتانۋ جولىندا بىردە - ءبىر ادامنىڭ قاتاردان قالۋىنا بولمايدى. ءبىز بۇكىل پارتيانىڭ، بۇكىل ەلدىڭ كۇش - قۋاتىن ۇيىستىرىپ، كەدەيلىكتەن قۇتىلدىرۋدان قامال الۋ مىندەتىن باتىل ورىنداپ، ۋادەمىزدى ورىنداۋعا شىنايى كەپىلدىك ەتەمىز. ءبىز «حالىقتىڭ باقىتتى تۇرمىسقا دەگەن تالپىنىسى − ءبىزدىڭ كۇرەس نىسانامىز» دەگەندى ەستە بەرىك ساقتاپ، حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن قامتاماسىزداندىرۋدىڭ جانە جاقسارتۋدىڭ ءتۇرلى قىزمەتتەرىن قۇلشىنا مىقتى يگەرىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن تىنباي كۇشەيتىپ، جالپى حالىقتىڭ بىرگە اۋقاتتانۋىن تىنباي العا ىلگەرىلەتەمىز. مەن جۇڭگو حالقىنىڭ تۇرمىسىنىڭ، ءسوز جوق، جىلدان - جىلعا جاقسارا بەرەتىنىنە كامىل سەنەمىن.
2021 - جىلى ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الامىز. جۇڭگو كوممۋنيستىك پارتياسى جۇڭحۋا ۇلتىنىڭ بولاشاقتىق ۇلى ءىسىن مۇرات تۇتقان، 100 جىل ءدال قىلشىلداپ تۇرعان كەز! جۇڭگو كوممۋنيستىك پارتياسى دۇنيە جۇزىندەگى ەڭ ۇلكەن ساياسي پارتيا. ۇلكەننىڭ ۇلكەنگە ءتان بەينەسى بولۋى كەرەك. اماليات جۇڭگو كوممۋنيستىك پارتياسىنىڭ حالىققا باسشىلىق ەتىپ، ۇلى قوعامدىق توڭكەرىس جۇرگىزە الاتىنىن، سونداي - اق وزىنە دە ۇلى توڭكەرىس جۇرگىزە الاتىنىن تولىق سىپاتتادى. ءبىز جالىندى دا جىگەرلى كۇيدى ماڭگى ساقتاپ، ماڭگى حالىقتىڭ كومپىس قىزمەتكەرى، ءداۋىردىڭ اۆانگاردى، ۇلتتىڭ ارىسى بولۋىمىز كەرەك. پارتيانى جاپپاي قاتاڭ جونگە سالۋ ماڭگى جالعاسادى، بىزدە «تىنىستاپ، دەمالىپ الايىن» دەيتىن ەشقانداي وي بولماۋى كەرەك. ءبىز پارتيانىڭ اقاۋسىز تۇلعاسىن بۇلدىرەتىن ءارقانداي ۆيرۋستى ۇزدىكسىز الاستاپ، ستيلى پاك، سالتى دۇرىس ساياسي ەكولوگيانى زور كۇشپەن تۇلعالاپ، بۇكىل پارتيانىڭ قۇدىرەتتى وڭ ەنەرگياسى ارقىلى بۇكىل قوعامدا جۇڭگونىڭ دامىپ العا باسۋىن ىلگەرىلەتەتىن قۇدىرەتتى كۇش - قۋات ۇيىستىرامىز.
جۇڭگو كوممۋنيستىك پارتياسى مەن جۇڭگو حالقى ازاپ - بەينەتتى باستان وتكەرگەن، بەيبىتشىلىكتىڭ قادىر - قاسيەتىن، دامۋدىڭ قۇنىن ابدەن بىلەدى. جۇڭگو حالقى وزىنە ءوزى سەنەدى، ءوزىن قادىرلەيدى، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايدى، سونىمەن بىرگە ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى بەلسەنە العا ىلگەرىلەتىپ، ادامزاتتىڭ بەيبىتشىلىگى مەن دامۋىنىڭ ۇلى ىستەرىنە تىنباي تىڭ دا اناعۇرلىم زور ۇلەستەر قوسادى.
تاريحتى حالىق جازادى، بارلىق تابىس حالىققا ءتان. ءبىز تەك حالىققا تەرەڭ تامىر تارتىپ، حالىققا بەرىك ارقا سۇيەسەك بولعانى، سارقىلماس كۇشكە يە بولىپ، بوران - شاشىندا توسىلماي، ەرلىكپەن العا تارتا بەرەمىز.
مىڭ ەستىگەننەن ءبىر كورگەن ارتىق. ءبىز ءتىلشى دوستاردىڭ جۇڭگونى كوبىرەك ارالاپ، جۇڭگومەن كوبىرەك تانىسۋىن، جۇڭگو كوممۋنيستىك پارتياسىنىڭ 19 - قۇرىلتايىنان كەيىن جۇڭگونىڭ دامۋىنا، وزگەرىسىنە ۇزدىكسىز نازار اۋدارىپ، جۇڭگونى بارىنشا جان - جاقتى ءتۇسىنۋىن جانە حابارلاۋىن قارسى الامىز. «بىرەۋ مەنىڭ اجارىمدى ماقتاسىن دەپ كۇتپەيمىن، حوش ءيىسىم ماڭىما تارالۋىن دىتتەيمىن» دەگەندەيىن، بىزگە سۇلۋ سوزبەن اسىرا ماقتاۋدىڭ قاجەتى جوق، ءبىز وبيەكتيۆتىك تانىستىرۋ مەن پايدالى ۇسىنىستاردى قاشاندا قارسى الامىز.
