ءتاڭىرتاۋ تورابى   ›   بىلگەنگە مارجان   ›   دەنساۋلىق

دىمداعىشتى (ىلعالداعىش) ورىنسىز پايدالانۋ «ىلعالدىق سيپاتتى وكپە قابىنۋعا» شالدىقتىرادى

كۇز، قىس ماۋسىمىندا اۋا ءبىرشاما قۇرعاق بولعاندىقتان دىمداعىشتى پايدالانۋشىلار كوبەيەدى. ءار جىلى وسى مەزگىلدە حۋبەي ولكەسىنىڭ ۋحان قالاسىنداعى ۇلكەن شيپاحانالاردىڭ بارلىعى دىمداعىشتى ورىنسىز پايدالانۋدان تىنىس جولى قابىنعان كوپتەگەن ناۋقاستاردى داۋالايدى. مامانداردىڭ ايتۋىنشا، دىمداعىشتى ورىنسىز پايدالانۋدان كەلىپ شىققان وسى تۇردەگى اۋرۋدى «ىلعالدىق سيپاتتى وكپە قابىنۋى» دەپ اتايدى ەكەن، سوندىقتان تۇرعىندار دىمداعىشتى جۇيەلى قولدانىپ، وسى تۇردەگى تىنىس جولى قابىنۋ اۋرۋىنان ساقتانۋى كەرەك.

كۇزدەن بەرى، ۋحاندىق لين حانىم ءار كۇنى قىزمەتتەن ءتۇسىپ ۇيگە ورالىسىمەن دىمداعىشتى اشىپ، ەسىك – تەرەزەلەردى جاۋىپ الادى. ءبىر اپتانىڭ الدىندا، لين حانىمدا جوتەلۋ، كەۋدەسى قىسۋ سياقتى اۋرۋ بەلگىلەرى كورىلىپ، كەيىن تاعى قىزۋى ورلەپ، جۇتقىنشاعى ىسىنەدى.

تاياۋدا، ۋحان قالالىق ورتالىق شيپاحاناسى حوۋحۋ بولىمشە ەمحاناسى لين حانىمعا «گريبوك سيپاتتى وكپە قابىنۋىنا» شالدىققان دەپ دياگنوز قويعان ياعني «دىمقىلداندىرۋ سيپاتتى وكپە قابىنۋدىڭ» ءبىر ءتۇرى. ۋحان قالالىق ورتالىق شيپاحاناسى حوۋحۋ بولىمشە ەمحاناسىنىڭ تىنىس جولى ىشكى اۋرۋلار ءبولىمىنىڭ مەڭگەرۋشىسى حۋ ي «دىمقىلداندىرۋ سيپاتتى وكپە قابىنۋى» دىمداعىشتى ورىنسىز پايدالانۋدان كەلىپ شىعاتىن جوعارعى تىنىس جولى ينفەكسيالانۋ، كەڭىردەك تارامىنىڭ قابىنۋى، دەمىكپە سياقتى تىنىس جولى جۇيەسىنە قاتىستى اۋرۋلاردى قامتيتىندىعىن، كۇز، قىس ماۋسىمىندا ادام دەنەسىنىڭ جوعارى تىنىس جولى باكتەريا توبى جاز مەزگىلىنە قاراعاندا كوپ بولاتىندىعىن، بۇل باكتەريا توبىنان وكپە وڭاي قابىناتىنىن ايتتى.

حۋ ي شيپاگەر مىنانى ەسكەرتتى: باكتەريانىڭ وربۋىنەن ساقتانۋ ءۇشىن، دىمداعىشتىڭ سۋىن كۇنىنە الماستىرىپ، اپتاسىنا جۋىپ تۇرۋى. ەڭ جاقسىسى سۋىعان قايناق سۋ نەمەسە تازارتىلعان سۋدى ىستەتۋى كەرەك، ويتكەنى قۇبىر سۋىنىڭ قۇرامىندا مينەرال زاتتار كوپ، دىمقىلداتقىش ارقىلى تۇمانداندىرعاننان كەيىن كىشكەنتاي مينەرال تۇيىرشىكتەرى وكپەگە وڭاي ءسىمىرىلىپ، وكپەنى قابىندىرادى. دىمداعىشتى ۇنەمى ىستەتۋگە بولمايدى، «دىمقىلدىق» ارتىپ كەتپەۋى ءۇشىن، ەڭ جاقسىسى تاڭەرتەڭ، كەش جارتى ساعات عانا اشىپ قويۋ كەرەك.

 حانزۋشادان اۋدارعان: پەريزا مۇقان قىزى (پراكتيكانت)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى