ءماجىلىستى چىن چۋانگو باسقاردى
اۆتونوميالى رايوندىق پارتكوم 16 - قاراشادا تۇراقتى كوميتەتتىڭ ءماجىلىسىن اشىپ، پارتيا 19 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، ىشكەرىلەي دايەكتىلەندىرۋ، تياناقتاندىرۋ قىزمەتىنە زەرتتەۋ جۇرگىزىپ، ورنالاستىرۋ جاسادى. ءماجىلىستى اۆتونوميالى رايوندىق پارتكومنىڭ شۋجيى چىن چۋانگو باسقاردى.
اۆتونوميالى رايوندىق پارتكومنىڭ تۇراقتى مۇشەلەرى وزدەرىنىڭ يدەياسىمەن، قىزمەت امالياتىمەن ۇشتاستىرىپ، پارتيانىڭ 19 - قۇرىلتايىنىڭ رۋحىن ۇيرەنۋدەن العان اسەرى مەن جاۋاپتى سالاسىنداعى دايەكتىلەندىرۋ پىكىرى جونىندە ءسوز تيەگىن اعىتتى. كوپشىلىك: پارتيا 19 - قۇرىلتايىنىڭ بايانداماسى پارتيا مەن مەملەكەت ىستەرىنىڭ العا باسۋ بەتالىسىن ونان سايىن ايقىنداپ بەردى، ول پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جونىندەگى ساياسي جارناماسى جانە ارەكەت باعدارناماسى، ماركسيزمدىك باعدارنامالىق حۇجات. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «4 تانىمدى» كۇشەيتىپ، «4 سەنىمدى» بەكەمدەپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ 19 - قۇرىلتايىندا العا قويىلعان ءتۇرلى نىسانالاردى، مىندەتتەردى تاماشا ستيلمەن دايەكتى تياناقتاندىرامىز، - دەستى.
چىن چۋانگو ءماجىلىستى باسقارعاندا بىلاي دەپ اتاپ كورسەتتى: پارتيانىڭ 19 - قۇرىلتايىنىڭ رۋحىن ۇيرەنۋ، دايەكتىلەندىرۋ − قازىرگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت. ءبىز باس شۋجي شي جينپيڭنىڭ ماڭىزدى نۇسقاۋىنا، تالابىنا ساي، اۆتونوميالى رايوندىق پارتكومنىڭ تۇراقتى كوميتەتىنىڭ باستاماشىلدىقپەن ۇيرەنۋىنە، باستاماشىلدىقپەن تۇسىندىرۋىنە، باستاماشىلدىقپەن ىستەۋىنە تاباندى بولىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا مىقتاپ كۇش سالىپ، ناقتى ونىمدىلىككە قول جەتكىزىپ، پارتيانىڭ 19 - قۇرىلتايىنىڭ رۋحىن ۇيرەنۋدە، دايەكتىلەندىرۋدە، تياناقتاندىرۋدا جەتەكشىلىك، ونەگەلىك رول اتقارۋىمىز كەرەك.
ءبىرىنشى، ساياسيدا بەرىك، ۇيتقىعا باستان - اياق ادال بولۋدىڭ ۇلگىسى بولۋ كەرەك. «4 تانىمدى» بەرىك ورناتىپ، ساياسي قابىلەتتى جوعارىلاتىپ، ساياسي دەڭگەيدى ءداپ باسىپ تاۋىپ، ساياسي تانىمدى تەرەڭدەتىپ، ساياسي جاۋاپكەرشىلىكتى كۇشەيتىپ، باس شۋجي شي جينپيڭ سىندى ۇيتقىنى قورعاۋدى ەڭ ۇلكەن ساياسي، ەڭ ماڭىزدى ساياسي ءتارتىپ جانە ساياسي قاعيدا ەتىپ، ساياسي تۇرعى، ساياسي بەتالىس، ساياسي پرينسيپ، ساياسي جول جاعىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ شەشىمىن، ورنالاستىرۋىن ءارى - ءسارى بولماي، قايىسپاس قايسارلىقپەن، بۇلجىماي تياناقتاندىرۋ كەرەك.
ەكىنشى، سەنىمدى بەرىكتەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ، دايەكتىلەندىرۋدىڭ ۇلگىسى بولۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى كالتسيدى تولىقتاپ، سۇيەكتى سومداۋدىڭ، نەگىزدى بەكەمدەپ، قايناردى جەتىلدىرۋدىڭ نەگىزدىك ينجەنەرياسى ەتىپ، ءتۇپ نۇسقانى وقۋعا، ءتۇپ نۇسقانى ۇيرەنۋگە، قاعيدانى تۇسىنۋگە تاباندى بولىپ، ءوز قالپىندا ۇيرەنىپ، جەتە ۇيرەنىپ، شىنايى ۇيرەنىپ، شىنايى ءتۇسىنىپ، شىنايى سەنىپ، شىنايى قولدانىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋ، جۇڭگوشا سوتسياليزمگە تاباندى بولۋ جانە ونى دامىتۋ، كوممۋنيزم اسقاق مۇراتىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك.
ءۇشىنشى، جاۋاپكەرشىلىكتى باتىلدىقپەن ارقالاپ، ورتالىقتىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ، تياناقتاندىرۋدىڭ ۇلگىسى بولۋ كەرەك. شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ بورىشىن باستان - اياق كوكەيگە بەرىك ءتۇيىپ، جاۋاپكەرشىلىكتى شىنايى ارقالاپ، مىندەتتى مىقتى يگەرىپ، ءوزىن پارتياعا، وتانعا ارناۋ، پارتيانىڭ، وتاننىڭ ءۇمىتىن اقتاۋ قاسيەتى مەن رۋحىن ايگىلەپ، ىرىقتىلىقپەن قيىن شارۋانى ءبىتىرىپ، اۋىر جۇك ارقالاپ، ماڭىزدى جاۋاپكەرشىلىكتى ۇستىگە الىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
ءتورتىنشى، اۋەلگى ماقساتتى ۇمىتپاي، حالىقتى باقىتقا بولەۋدىڭ ۇلگىسى بولۋ كەرەك. بۇكىل ىنتا - پەيىلمەن حالىق ءۇشىن قىزمەت ىستەۋ سىندى ءتۇبىرلى ماقساتتى باستاماشىلدىقپەن امالياتتا ايگىلەپ، حالىقتى وزەك ەتكەن دامۋ يدەياسىن بەرىك ورناتىپ، دەنساۋلىقتى تەگىن تەكسەرۋ، مەكتەپكە دەيىنگى 3 جىلدىق تەگىن قوس ءتىل اعارتۋى، ءتۇرلى جولدارمەن جۇمىسقا ورنالاستىرۋ، شارۋاشىلىق قۇرۋ، كەدەيلىكتەن قۇتىلدىرۋدان قامال الۋ سياقتىلاردى ءتۇيىن ەتكەن حالىققا تيىمدىلىك جاساۋ ينجەنەرياسىن تىڭعىلىقتى قانات جايدىرىپ، مەكتەپكە دەيىنگى تاربيەدەن، ءبىلىم الۋدان، ەڭبەكاقىدان،
ەمدەلۋدەن، كۇتىمدەلۋدەن، تۇرعىن ۇيدەن، كومەكتەن يگىلىكتەنۋ سياقتى جاقتاردا تىڭ ىلگەرىلەۋشىلىكتەرگە قول جەتكىزۋگە قۇلشىنۋ، بۇكىل اۆتونوميالى رايونداعى ءار ۇلت حالقىنىڭ كۇن سايىن ارتىپ وتىرعان تاماشا تۇرمىس قاجەتىن تىنباي قاناعاتتاندىرۋ كەرەك.
بەسىنشى، شىندىققا جۇگىنىپ، ناقتى ىستەر ىستەپ، شىنايى يگەرىپ، ناقتى ىستەۋدىڭ ۇلگىسى بولۋ كەرەك. پارتيانىڭ 19 - قۇرىلتايىندا ءبىرسىپىرا كەلەلى قىزمەت ورنالاستىرۋلارى جاسالىپ، ءبىرسىپىرا كەلەلى شارالار العا قويىلدى، ماڭىزدىسى، دايەكتىلەندىرۋدى، تياناقتاندىرۋدى مىقتى يگەرۋ كەرەك. ءبىز ناقتى ىستەۋ ىنتاسىن باستاماشىلدىقپەن ساۋلەلەندىرۋىمىز، تياناقتاندىرۋدى مىقتى يگەرۋىمىز، جاۋاپتى بولعان سالانىڭ قىزمەتتەرىن تىڭعىلىقتى يگەرۋمەن بىرگە، ءبىر جاعادان باس، ءبىر جەڭنەن قول شىعارا سايكەسىپ، قوعام ورنىقتىلىعى مەن باياندى تىنىشتىقتى تىزە قوسا العا ىلگەرىلەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شينجياڭدا تۇبەگەيلى تياناقتانۋىنا، ناقتى ونىمدىلىككە قول جەتكىزۋىنە مۇمكىندىك جاساۋىمىز كەرەك.
التىنشى، قاتاڭ تالاپ قويىپ، ۇكىمەت ىسىندە ەلگەزەك، پاك بولۋدىڭ ۇلگىسى بولۋ كەرەك. زاڭ - ەرەجەنىڭ، ءتۇزىمنىڭ قاتاڭدىعىن جانە بەدەلىن سانالىلىقپەن قورعاۋ، شينجياڭ بولشەكتەۋشىلىككە قارسى تۇرۋ كۇرەسىنىڭ الدىڭعى شەبى جانە نەگىزگى شايقاس شەبى بولسا دا، لاڭكەستىككە قارسى تۇرىپ، ورنىقتىلىقتى قورعاۋ مىندەتى اۋىر بولسا دا، ءبىراق پارتيا ستيلى، پاكتىك قۇرىلىسىندا جانە جەمقورلىققا قارسى تۇرۋ كۇرەسىندە ەشقانداي ەرەكشەلەنبەيدى دەيتىن يدەيانى باستاماشىلدىقپەن بەرىك ورناتىپ، پارتيا ۋستاۆىنا، پارتيا ەرەجەسىنە باستاماشىلدىقپەن قاتاڭ بويسۇنىپ، ورتالىقتىڭ «8 ءتۇرلى بەلگىلەمەسى» مەن اۆتونوميالى رايوندىق پارتكومنىڭ قاتىستى تالاپتارىنا قاتاڭ بويسۇنىپ، باستاماشىلدىقپەن ءوزىن قاستەرلەپ، ءوزىن باعامداپ، ءوزىن ساقتاندىرىپ، ءوزىن ىنتالاندىرىپ، قاي - قاشان دا بايسالدى، توتەنشە ساق، تەجەمدى بولىپ، الدى - ارتىن ويلاستىرىپ، ەرەكشە ۇقىق يدەياسىمەن جانە ەرەكشە ۇقىق جايتىمەن سانالىلىقپەن كۇرەس جۇرگىزىپ، قىزمەتتى تالىقپاي ىستەپ، ۇقىقتى دۇرىس، بايىپتىلىقپەن، كىرشىكسىز جۇرگىزىپ، كوممۋنيستەردىڭ ساياسي قاسيەتى مەن پاكتىك مىنەز - قۇلقىن باستان - اياق ساقتاۋ كەرەك.
اۆتونوميالى رايون باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، شاۋكەت يمىن، شۇي حايرۇڭ، لي شۋەجۇن، ەركىن تۇنياز، تيان ۋىن، لو دۇڭچۋان، سارقىت اقان ۇلى ماجىلىسكە قاتىناستى.
