تۇرپان قالاسى «ۇعىسۋ، تيىمدىلىك جاساۋ، توعىستىرۋ» قيمىلى كەڭسەسىنە تاڭداپ جىبەرىلگەن كادر
سۋبينۇر باكىر
باس شۋجي شي جينپيڭ پارتيا 19 - قۇرىلتايى بايانداماسىندا بىلاي دەگەن ەدى: «اۋەلگى ماقساتتى ۇمىتپاعاندا عانا، ءىستىڭ سوڭى باياندى بولادى. جۇڭگو كوممۋنيستەرىنىڭ اۋەلگى ماقساتى مەن بورىشى − جۇڭگو حالقىنىڭ باقىتىن كوزدەپ، جۇڭحۋا ۇلتىنىڭ گۇلدەنۋىن كوكسەۋ». وسى ءسوز بەينە جول كورسەتەتىن شام ىسپەتتى ەندى عانا قىزمەتكە قاتىناسقان مەنىڭ سەنىمىمدى ارتتىرىپ، وسى اۋەلگى ماقسات پەن بورىش ءۇشىن قۇلشىنا كۇرەسۋىمە شابىت بەرىپ كەلەدى.
نەگىزگى ساتىعا تۇڭعىش رەت تەكسەرۋ - زەرتتەۋ جۇرگىزە بارعانىم ءالى ەسىمدە، اتىز باسىنا بارىپ، ءار ۇلت قىستاق تۇرعىندارىمەن، نەگىزگى ساتى كادرلارىمەن بۇكپەسىز اڭگىمەلەسىپ، نەگىزگى ساتىداعى بۇقارانىڭ ءوندىرىس، تۇرمىسىن جانە نەگىزگى ساتىداعى كادرلاردىڭ قىزمەتىن شىنايى ۇعىسۋمەن قاتار، شىنايى، ەگجەي - تەگجەيلى ىستەۋگە ءتيىستى ءىسىمىزدىڭ كوپ ەكەنىن سەزىندىم، وزىمە جۇكتەلگەن بورىشتى دا تەرەڭ ءتۇيسىندىم. بۇقارالىق قىزمەت پەن نەگىزگى ساتى قىزمەتىن قۇلشىنا ىستەگەنىمىزدە عانا، ءار ۇلت بۇقاراسىنىڭ تاماشا بولاشاققا دەگەن ىقىلاستى تىلەگىن اقتاي الامىز، قوعام ورنىقتىلىعى مەن باياندى تىنىشتىق باس نىساناسىن شينجياڭنىڭ بايتاق دالاسىندا تۇبەگەيلى تياناقتاندىرا الامىز.
«ءۇش ءتۇرلى كۇش» ۇلتتى جەلەۋ ەتىپ، ءدىندى سىلتاۋراتىپ، ءبىر جاعىنان، وسەك - اياڭ تاراتىپ، جۇرتتى ازعىرسا، ەندى ءبىر جاعىنان، زورلىقتى كۇش، لاڭكەستىك ارەكەتتەرىن قۇتىرىنا جۇرگىزىپ، بۇرىنعى تىنىش تا جاراسىمدى قوعامدىق ورتامىزدى ءبۇلدىردى، بۇكىل شينجياڭداعى ءار ۇلت كادرلارى مەن بۇقاراسى، ءسوز جوق، اناردىڭ دانىندەي تىعىز ۇيىسىپ، جاۋعا بىرگە كەكتەنىپ، «ءۇش ءتۇرلى كۇشپەن» باتىل كۇرەسۋى كەرەك. مەيلى قازىر، الدە بولاشاقتا بولسىن، ءبىز جات نيەتتى ادامداردىڭ ۇلتتاردىڭ ءبىر ءۇيلى جانداي ەتەنە جاراسىمدى جاعدايىن بۇلدىرۋىنە استە جول بەرمەيمىز، «ءۇش ءتۇرلى كۇشكە» مۇلدە وراي تۋدىرمايمىز.
پارتيا 19 - قۇرىلتايىنىڭ بايانداماسىندا باس شۋجي شي جينپيڭ: «جاستار كوركەيسە، ەل كوركەيەدى، جاستار قۇدىرەتتەنسە، ەل قۇدىرەتتەنەدى. جاس بۋىن مۇراتتى، قابىلەتتى بولسا، جاۋاپكەرلىك ارقالاسا، مەملەكەتتە جارقىن كەلەشەك، ۇلتتا ءۇمىت بولادى» دەپ العا قويعان. مەملەكەتتىڭ ءتيىمدى ساياساتىنان يگىلىكتەنە وتىرىپ، وقۋىمدى تاۋىسىپ، مەملەكەت قىزمەتكەرى قوسىنىنىڭ ءبىر مۇشەسى بولعانىما العىسىم شەكسىز. پارتيانىڭ كادرى رەتىندە، مەن ءوز قىزمەتىمدى جاقسى ىستەپ، بار كۇشىمدى سارقا جۇمساپ، باس نىسانانى ىسكە اسىرۋعا كەرپىش بولىپ قالانامىن. جاستاردىڭ ءۇنى مەن ارەكەتى قوعامعا ىقپال جاسايدى، جاستار «ءۇش ءتۇرلى كۇشپەن» كۇرەسۋدە باستاماشىلدىق ەتىپ، قوعام ورنىقتىلىعىن قورعاۋدا اتويشى بولۋى كەرەك. ءدىني ۇشقارى يدەيانى باستاماشىلدىقپەن اشكەرەلەپ، دۇرىس پەن بۇرىستى ايقىنداپ، عىلىم مەن شىندىق ارقىلى بولشەكتەۋشىلەردىڭ سۇرقيا بەت - بەينەسىن اشكەرەلەپ، ءوزىمنىڭ وڭ ەنەرگيام ارقىلى ماڭايىمداعىلاردى اسەرلەندىرىپ، ولارعا ىقپال جاساپ، جەتەكشىلىك ەتەمىن، قىراعىلىقتى ارتتىرىپ، ءوزىمدى سەرگەك ۇستاپ، «ءۇش ءتۇرلى كۇشپەن» جانە «ەكىبەتكەيلەرمەن» سوڭىنا دەيىن كۇرەسەمىن. اقيقات مىنانى دالەلدەدى: ءارقانداي زورلىقتى كۇش ارەكەتى تۇبىندە سوراقى جەڭىلىسپەن تىنادى. ءبىز تەك ءبىر جەڭنەن قول، ءبىر جاعادان باس شىعارىپ، باس نىساناعا قاراي تاباندىلىقپەن العا تارتقاندا عانا، وسى ءبىر حالىقتىق سوعىستى، ءسوز جوق، جەڭىستى جۇرگىزە الامىز.
قازىر قوعامىمىزدا «سابيلەرگە بالاباقشا بولۋ، وقيتىن مەكتەپ بولۋ، ەڭبەكتىڭ قارىمجىسى بولۋ، ناۋقاس كورسەتۋگە شيپاحانا بولۋ، قارتايعاندا كۇتىلەتىن ورىن بولۋ، باسپانا بولۋ، السىزدەرگە سۇيەمەل بولۋ» جاعدايى جارىققا شىقتى، مۇنىڭ ءبارى ءار ۇلت بۇقاراسىن ناقتى تابىس سەزىمى مەن باقىت سەزىمىنە بولەدى، سونداي - اق بۇل پارتيامىزدىڭ باستان - اياق بۇلجىمايتىن كۇرەس نىساناسى. بورىش سەزىمى جۇڭگو كوممۋنيستەرىنىڭ كوكەيىنەن ماڭگى كەتپەيدى، كوپشىلىكتى تىڭ جورىققا قادام قويۋعا شابىتتاندىرىپ، ءار ۇلت بۇقاراسىن باقىتتى بولاشاققا ۇمتىلۋعا جەتەكشىلىك ەتەدى. بورىشتى ەستە بەرىك ساقتاپ، نەگىزگى ساتىدا تامىر تارتىپ، پارتيا مەن حالىقتىڭ ىستەرىنە اقىل - پاراساتىمىز بەن كۇش - قۋاتىمىزدى قاجىرلىلىقپەن ارناپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا قۇلشىنايىق.
