بۇراتالا موڭعۇل اۆتونوميالى وبلىستىق پارتكومىنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى
پارھات توحتى
پارتيا 19 - قۇرىلتايى جۇڭگوشا سوتسياليزمنىڭ جاڭا داۋىرگە قادام قويعاندىعى جونىندە ماڭىزدى ساياسي تۇجىرىمداردى جاساپ، جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشىن تەرەڭ بايانداپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋدىڭ، جاپپاي سوتسياليستىك وسىزاماندانعان ەل قۇرۋدىڭ تىڭ جورىعىن اشۋدىڭ نىساناسىن تۇراقتاندىردى. پارتيالى كادر رەتىندە، مەن پارتيا 19 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، پارتيا 19 - قۇرىلتايىنىڭ رۋحىن جەتەكشى ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، شىت - جاڭا بەينەمەن جاڭا داۋىرگە قادام تاستاپ، تىڭ جۇمىستار تىندىرامىن.
پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى ۇيتقىعا ابسوليۋتتى ادال بولۋدا ايگىلەيمىن. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىندا، وتان ۇلى شاڭىراعىنىڭ مەيىرىمدى قۇشاعىندا شينجياڭنىڭ ەكونوميكالىق، قوعامدىق دامۋى تىڭ تاريحي كەزەڭگە ءوتىپ، شينجياڭداعى ءار ۇلت بۇقاراسىنىڭ وندىرىسىندە، تۇرمىسىندا وراسان زور وزگەرىستەر تۋىلدى. كوممۋنيستىك پارتيا بولماسا جاڭا جۇڭگو بولماس ەدى، شينجياڭداعى ءار ۇلت بۇقاراسىنىڭ بۇگىنگىدەي باقىتتى تۇرمىسى ءتىپتى بولماس ەدى، ۇلى جۇڭگو كوممۋنيستىك پارتياسى عانا جۇڭحۋا ۇلتىن باستاپ، ەڭسە كوتەرۋدەن، اۋقاتتانۋدان قۇدىرەتتەنۋگە دەيىنگى ۇلى قارىشتاۋدى ىسكە اسىرىپ، جۇڭحۋا ۇلتىنىڭ ۇلى گۇلدەنۋىن ورىنداۋدىڭ جارقىن بولاشاعىنا قادام تاستادى. پارتيالى كادر رەتىندە، مەن جۇرەك تۇكپىرىمدەگى كۇشتى ماقتانىش سەزىمىم مەن العىس ايتۋ سەزىمىمدى اناعۇرلىم بەرىك سەنىم مەن بەكىمگە اينالدىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ۇيتقىنى باتىلدىقپەن قورعاپ، ۇيتقىعا ابسوليۋتتى ادال بولىپ، كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنىڭ كامىل سەنۋشىسى جانە ادالدىقپەن امالياتتا ايگىلەۋشىسى بولامىن.
پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى باس نىسانانى باتىل دايەكتىلەندىرۋدە، تياناقتاندىرۋدا ايگىلەيمىن. شي جينپيڭنىڭ جاڭا ءداۋىر جۇڭگوشا سوتسياليزم يدەياسى − تۇتاس پارتيانىڭ، بۇكىل ەلدەگى ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋىن ىسكە اسىرۋداعى ارەكەت قىبلاناماسى، مەن مۇقياتتىلىقپەن ىشكەرىلەي ۇيرەنىپ، ءتۇسىنىپ، يگەرىپ، جاڭا جاعدايداعى شينجياڭ قىزمەتىن ويداعىداي ىستەپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرىپ، يدەيامدى، تانىمىمدى، قادامىمدى، ارەكەتىمدى بىرلىككە كەلتىرىپ، شينجياڭ قىزمەتىنىڭ باس نىساناسىن قاي - قاشان دا كوكەيىمدە ساقتاپ، ارقالاپ، مىقتاپ يگەرەمىن.
پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى قىزمەتتى تىڭعىلىقتى ىستەۋدە ايگىلەيمىن. شينجياڭدا قىزمەت ىستەيتىن از ۇلت پارتيالى كادر رەتىندە، مەن پارتيا 19 - قۇرىلتايىنىڭ رۋحىمەن وي - سانامدى شىنايى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، پارتيا 19 - قۇرىلتايى سۇلبالاعان ۇلى جوباعا ساي، شىنايى قىزمەت پوزيتسياسىمەن، تىڭعىلىقتى قىزمەت ستيلىمەن، ناقتى قىزمەت ناتيجەسىمەن اۆتونوميالى رايوندىق پارتكومنىڭ ءتۇرلى ورنالاستىرۋىن، تالابىن تۇبەگەيلى تياناقتاندىرىپ، قىزمەتتەردە تىڭ جاعداي اشۋعا قۇلشىنامىن.
پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى بۇقاراعا جەتەكشىلىك ەتۋدە ايگىلەيمىن. كەزەكتەگى جانە مۇنان بىلايعى قىزمەتتە الدىمەن ۇيرەنۋ، تەرەڭ ۇيرەنۋ نەگىزىندە ۇلگىلىك، باستاماشىلدىق رولىمدى تولىق ساۋلەلەندىرىپ، پارتيا 19 - قۇرىلتايىنىڭ رۋحى جونىندە ۇگىت - لەكسيا جاساۋدى باستاماشىلدىقپەن ورىستەتىپ، باتىل ءۇن قاتىپ، ايقىن پوزيتسيا ءبىلدىرۋدى باستاماشىلدىقپەن ىشكەرىلەي جالعاستىرىپ، ءار ۇلت بۇقاراسىنا شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باي مازمۇنىن انىق، ەگجەي - تەگجەيلى بايانداپ، پارتيا مەن مەملەكەت ىستەرىندە جارىققا شىققان تاريحي وزگەرىستەردى، جۇڭگوشا سوتسياليزمنىڭ جاڭا داۋىرگە قادام قويۋىنىڭ كەلەلى ءمانىن، «قوس 100 جىلدىق» كۇرەس نىساناسىن، جۇڭگو كوممۋنيستىك پارتياسىنىڭ جۇڭگو حالقىنا باقىت سيلايتىن، جۇڭحۋا ۇلتىنىڭ گۇلدەنۋىن كوزدەيتىن ۇلت تىرەگى ەكەنىن ايقىن تۇسىندىرەمىن. سونىمەن بىرگە «ءۇش ءتۇرلى كۇش» پەن «ەكىبەتكەيلەردى» ۇزبەي اشكەرەلەپ، «ءۇش ءتۇرلى كۇشتىڭ» ادامزاتقا، قوعامعا، وركەنيەتكە جات سۇرقيا ءمانىن ايقىن ءتۇسىندىرىپ، سۋدى باسىنان تۇنىتىپ، دۇرىستىقتى جاقتاپ، سۇرقيالىقتى الاستاپ، ءار ۇلت كادرلارى مەن بۇقاراسىن دۇرىس مەملەكەت كوزقاراسىن، دۇرىس ۇلت كوزقاراسىن، دۇرىس تاريح كوزقاراسىن، دۇرىس مادەنيەت كوزقاراسىن، دۇرىس ءدىن كوزقاراسىن مىقتاپ ورناتۋعا جەتەكشىلىك ەتىپ، «5 ورتاق تانىمدى»، جۇڭحۋا ۇلتى ورتاق تۇلعا تانىمىن ونان ارى كۇشەيتىپ، ماڭىمداعى ءار ۇلت بۇقاراسىن پارتيانىڭ شاپاعاتىنا ماڭگى العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستايمىن.
