شينجياڭ كوركەمونەر ينستيتۋتىنىڭ پروفەسسورى
ءزورام ياسىن
پارتيا 19 - قۇرىلتايىنىڭ بايانداماسى بىزگە العا باسۋ بەتالىسىمىزدى كورسەتىپ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ايبىندى كارتينانى سالدى، اسىرەسە، باس شۋجي شي جينپيڭ باياندامادا ورتاعا قويعان جاڭا يدەيالار، جاڭا تۇجىرىمدار، جاڭا تالاپتار داۋىرلىك، كەزەڭدىك ءمان الادى. مەن وسىنداي ۇلى وتان قۇشاعىندا دۇنيە ەسىگىن اشقانىمدى، ۇلى داۋىردە جاساپ جاتقانىمدى ماقتانىش سەزىنەمىن.
پارتيانىڭ باۋلۋىندا، تاربيەلەۋىندە، قامقورلىعىندا تولىسىپ، جەتىلدىم. وتان سۇيەنىشىمىز عانا ەمەس، ونان دا ماڭىزدىسى ءبىزدىڭ بەرىك سەنىمىمىز. مەن قاي - قاشان دا پارتيانىڭ شاپاعاتىن ەسىمدە بەرىك ساقتاپ، بويىمداعى بارىمدى پارتيا مەن مەملەكەتتىڭ تاعدىرىمەن تىعىز بايلانىستىرىپ، وتانمەن تىنىستاس، تاعدىرلاس بولامىن، «شىنايى يگەرگەندە عانا، قيىنشىلىقتان قامال الۋعا، ناقتى ىستەگەندە عانا، ارماندى جۇزەگە اسىرۋعا بولادى» دەگەندى ءار ۋاقىت ەسىمدە بەرىك ساقتاپ، «ءبىلىم بەرۋ، ونەر ۇيرەتۋ، ءتۇسىندىرۋ» جاۋاپكەرلىگىمدى شىن مانىندە اتقارامىن.
باس شۋجي شي جينپيڭ پارتيا 19 - قۇرىلتايىنىڭ بايانداماسىندا «مادەنيەت جونىندەگى سەنىمدى بەكەمدەپ، سوتسياليستىك مادەنيەتتىڭ گۇلدەنىپ - كوركەيۋىن جەبەۋ» جونىندە كەڭ كولەمدە ارناۋلى تاقىرىپتا ەگجەي - تەگجەيلى بايىمداۋ جاسادى. ءبىز باس شۋجي شي جينپيڭنىڭ «ادەبيەت - كوركەمونەر جاسامپازدىعى حالىقتان كەلەدى» دەگەن ماڭىزدى نۇسقاۋى نەگىزىندە، «ءۇشتى دارىپتەۋ، ءۇشتى تەجەۋ» (ساپاعا، اۋەنگە، جاۋاپكەرشىلىككە ءمان بەرۋدى دارىپتەپ، پاسىق، ورەسكەل، كەرەناۋلارىن تەجەۋ) سىندى جاسامپازدىق جونىندەگى تالاپتى دايەكتىلەندىرىپ، «تۇرمىسقا ىشكەرىلەي ارالاسىپ، حالىق اراسىنا تامىر تارتۋدى» نەگىزگى تاقىرىپ ەتكەن امالياتتىق قيمىلدارعا بەلسەنە قاتىناسىپ، حالىقپەن جاناساتىن، حالىق ءۇشىن قىزمەت كورسەتەتىن ءتىپتى دە مول تاڭداۋلى تۋىندىلاردى جاراتۋعا قۇلشىنامىز.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل ءبولۋى مەن قولداۋىندا شينجياڭنىڭ ەكونوميكالىق، قوعامدىق دامۋىن قامتىعان سان سالالى ىستەردە زور تابىستارعا قول جەتتى، مۇنداي تاماشا جاعداي وڭاي - وسپاق قولعا كەلمەگەن، اسا قاستەرلەۋىمىز كەرەك. «ءۇش ءتۇرلى كۇش» ورنىقتى تۇرمىسىمىزدى قاساقانا بۇلدىرۋگە ۇرىندى، پارتيا مۇشەسى ساناتىندا، مەن ۇلتتىق بولشەكتەۋشىلىكپەن، زورلىقتى كۇش، لاڭكەستىك ارەكەتتەرىمەن قاي - قاشان دا تۋىم ايقىن تۇردە باتىل كۇرەسەمىن، استە شەگىنشەكتەمەيمىن. قىزمەتتە اۆتونوميالى رايوندىق پارتكومنىڭ ورنىقتىلىقتى قورعاۋ قىزمەتىندەگى ورنالاستىرۋلارىن، تالاپتارىن ناقتاپ تياناقتاندىرامىن، ساياسي تۇرعىمدى بەكەمدەپ، ۇلتتار ىنتىماعى مەن وتان تۇتاستىعىن قورعاۋدىڭ ونەگەسى بولۋعا قۇلشىنامىن. ءبىلىم بەرىپ، ادام تاربيەلەۋدە ءمورال ارقىلى تاربيەلەۋگە تاباندى بولىپ، ءار ۇلت وقۋشىلارىنىڭ يدەيالىق تاربيەسى مەن كوركەمونەر جاعىنداعى كاسىپتىك تاربيەسىن بىردەي ويداعىداي مىقتى يگەرەمىن. ءوز باسىمنان ونەگە كورسەتىپ، وتان تۇتاستىعىن قورعاۋدى، ۇلتتار ىنتىماعىن قورعاۋدى ءىس جۇزىندىك قىزمەت بارىسىنا ءسىڭىرىپ، قاي - قاشان دا وي - سانامدى سەرگەك ۇستايمىن، پارتيا مۇشەسىنىڭ لاڭكەستىككە قارسى تۇرىپ، ورنىقتىلىقتى قورعاۋ قىزمەتىندەگى جاۋاپكەرلىگىن ارقالاپ، باستاماشىلدىقپەن باتىل ءۇن قاتىپ، ايقىن پوزيتسيا بىلدىرەمىن، ۇلتتار ىنتىماعىنداعى ۇلى سۇيىسپەنشىلىكتى ۇگىتتەيمىن.
مەن پارتيا 19 - قۇرىلتايىنىڭ رۋحىن مۇقيات ۇيرەنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، حالىقتى وزەك ەتۋدەي جاسامپازدىق بەتالىسىنا تاباندى بولامىن. تۇرمىسقا ىشكەرىلەي ارالاسۋعا، حالىق اراسىنا تامىر تارتۋعا، قاي - قاشان دا حالىقپەن ءبىر شەپتە تۇرۋعا تاباندى بولامىن. كوركەمونەر جاسامپازدىعىندا جاسامپازدىق سيپاتتى بۇرىلىس جاساۋعا، جاڭالىق اشا دامۋعا تاباندى بولىپ، ەرەكشەلىككە يە كوركەمونەر فورمالارىمەن شينجياڭ حيكاياسىن ويداعىداي بايانداپ، ءار ۇلت حالقىنىڭ بىرگە ىنتىماقتاسا كۇرەس جاساپ، بىرگە كوركەيىپ، دامىعاندىعىن بەينەلەيتىن كوركەمونەر تۋىندىلارىن تىنباي جارىققا شىعارىپ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ۇلەس قوسامىن.
